"ሀገር መቼም አትረሳችሁም" - መከላከያ ሰራዊት

መከላከያ ሰራዊት በተለያየ አቅጣጫዎች ኢትዮጵያን ለማተራመስ በየጫካው ፣ በየቀበሌው ፣ በየመንደሩ ተወትፈው የንፁሃንን ደም በማፍሰስ እና ህዝብን በማሸበር ስራ ላይ ተጠምደው ያሉ አጥፊ ሀይሎችን ለመደምሰስና የህዝቦችን ሰላምና አንድነት እንዲሁም ሀገሪቱን ለማዳን ህይወታቸው እየገበሩ ላሉ መላ የመከላከያ ሰራዊት አባላትና ሌሎች የፀጥታ ሀይሎች ምስጋና አቅርቧል።

መከላከያ ሰራዊት ፥ "በግዳጅ ያላችሁ ፈጣሪ ብርታት እና ፅናት ይስጣችሁ። ለተሰዋችሁ ደግሞ በቀኙ ያስቀምጣችሁ። ኢትዮጵያ በናንተና በመልካም ህዝቦቿ ታፍራ እና ተከብራ ትቀጥላለች! ድል ለጀግኖች" ሲል በይፋዊ የፌስቡክ ገፁ መልዕክቱን አስተላልፏል።

#FDREDefenseForce

@tikvahethiopiaBOT @tikvahethiopia

#DrAbiyAhmed

ዛሬ ጠ/ሚ ዶ/ር አብይ አህመድ አንበጣ ያደረሰውን ጉዳት እና እየተወሰደ የሚገኘውን የመከላከል ርምጃ ፣ ደቡብ ወሎ ዞን ወረባቦ ወረዳ ተገኝተው መመልከታቸውን አሳውቀዋል።

ዶክተር አብይ ፥ አርሶ አደሮቹ ያለባቸውን ወቅታዊ ችግር ማዳመጣቸውን ፣ መንግሥት ድጋፍ ማድረጉን እንደሚቀጥል ቃል መግባታቸውን ገልፀዋል።

ከዚህ በተጨማሪ ፦

ጠቅላይ ሚኒስትር ዶ/ር አብይ "ጫሊ" በተገኙበት ሰአት የሸህ ሰይድ ኢብራሂም ጫሊ መስጅድን በመጎብኘት በጫሊ ሀሪማ በአሁኑ ሰአት ያሉትን ሸህ ሀጂ መሀመድ ነጅብን መዘየራቸውን የወረባቦ ወረዳ ኮሚኒኬሽን አሳውቋል።

@tikvahethiopiaBOT @tikvahethiopia

ዛሬ በአዲስ አበባ ከተማ የ8ኛ እና የ12 ክፍል የገጽ ለገጽ የማካካሻ ትምህርት ተጀምሯል።

ምክትል ከንቲባ አዳነች አቤቤ በዳግማዊ ሚንሊክ መሰናዶ ትምህርት ቤት በመገኘት ትምህርት በይፋ አስጀምረዋል።

ተማሪዎች ከጤና ባለሙያዎች እንዲሁም መምህራን የሚሰጣቸውን ምክር እና አቅጣጫ በአግባቡ እንዲተገብሩ አሳስበዋል።

ለተማሪዎች የንጽሕና መጠበቂያ ቁሳቁሶች ድጋፍ የተደረገ ሲሆን በትምህርት ቤቱ የተደረገውን የትምህርት ዝግጅት ምክትል ከንቲባዋ ተዘዋውረው ጎብኝተዋል።

ዛሬ ከአ/አ በተጨማሪ በመላ ሀገሪቱ ለሚቀጥሉት 45 ቀናት የ8ኛ እና የ12 ክፍል የማካካሻ ትምህርት ተጀምሯል።

Via Addis Ababa Press Secretary
@tikvahethiopiaBOT @tikvahethiopia

በሀዋሳ አሮጌ ገበያ በተነሳ የእሳት አደጋ በአንድ ሼድ ዉስጥ የነበረ ሸቀጥ ሙሉ በሙሉ መውደሙ ተገለፀ።

የእሳት አደጋው ምሽት 7፡00 ሰዓት አካባቢ ባልታወቀ ምክንያት እንደተነሳ ተገልጿል።

ቃጠሎው ከጀመረ ሰዓት አንስቶ በህብረተሰቡ እና በፀጥታ ሀይሉ ሰፊ ርብርብ ቃጠሎውን መቆጣጠር በመቻሉ ወደሌላ ሼድ እንዳይዛመት ሆኗል።

ዛሬ የሀዋሳ ከተማ አስተዳደር ም/ከንቲባ ረዳት ፕ/ር ፀጋዬ ቱኬ በቃጠሎው የደረሰውን አደጋ እና ነጋዴዎቹን በስፍራው በመገኘት ጎብኝተዋል።

ምክትል ከንቲባው ከተማ አስተዳደሩ በቃጠሎው ንብረት የወደመባቸውን ነጋዴዎች በተቻለ አቅም በፍጥነት መልሶ ለማቋቋም እንደሚሰራ ገልፀዋል።

በዚህ አደጋ በሰው ህይወት እና በአካል ላይ ጉዳት አለማድረሱን የተነገር ሲሆን የአደጋው መንስኤና የደረሰው የንብረት ውድመት መጠን ተጣርቶ ይገለፃል መባሉ ከሀዋሳ ከተማ ኮሚኒኬሽን ያገኘነው መረጃ ያሳያል።

@tikvahethiopiaBOT @tikvahethiopia

ክቡር ዶክተር አርቲስት ለማ ጉያ ፦

- ሻምበል ለማ ጉያ ከአባታቸው አቶ ጉያ ገመዳ ከእናታቸው ከወ/ሮ ማሬ ጎበና በ1921 በቢሾፍቱ ደሎ ቀበሌ ተወለዱ፡፡

- በአየር ሃይል ተምረው በከፍተኛ ነጥብ ተመርቀዋል፡፡ በአስመራ ከተማ በአየር ሃይል መምህርት አገልግለዋል፡፡

- በሀገራችን ታሪክ በስዕሉ ዘርፍ የመጀመሪያ የሆነችው ሥዕል ያለስተማሪ መፅሐፍ አዘጋጅተዋል፡፡

- አርቲስት ለማ ጉያ 'አፍሪካ አርት ጋለሪ' አቋቁመዋል፡፡ የጋለሪውን መታሰቢያ በኒልስን ማንዴላ ሃውልት በማጀብ አራት የጋለሪ ቤቶችን በመገንባት ለህዝብ ምንግዜም ክፍት ሆነው ስራዎቻቸውን ወጣቱ ትውልድ እንዲማርበት አድርገዋል፡፡

- በቆዳ ስራ የሚቀርጹት የፖርትሬት ምስል ታዋቂነትን አትርፎላቸዋል፡፡ በተለይ በፍየል ቆዳ ላይ ሙሉ በሙሉ ፀጉሩ ሳይነሳ ተፈጥሮአዊ ወዙንና መልኩን ይዞ የፊትን ገፅ ብቻ በቀለም በመስራት የበርካቶችን አድንቆት አትርፈዋል፡፡

- በህይወት ዘመናቸው ወደ 1ዐ ሺህ የሚጠጉ የስዕል ውጤቶችን ለሀገራቸው አበርክተዋል፡፡

- የአርቲስት ለማ ጉያ ሶስት ሴቶች ልጆቻቸውና ሁለት ወንድ ልጆቻቸው አምስቱም የስነ-ጥበብ ባለሙያዎች ናቸው፡፡

- የባህል እሴቶቻችን ከሃሀር አልፈው እንዲነበቡ፣ አንዲታወቁና እንዲገለፁ ያደረጉ የጥበብ ጀግና ነበሩ፡፡

- በርካታ ትምህርት ቤቶችን በማሰራትም ማህበራዊ ሀላፊነታቸውን ተወጥተዋል፡፡

- የጅማ ዩኒቨርሲቲ ለአርቲስቱ በ2007 ዓ.ም የክብር ዶክትሬት በሥነ-ጥበብ ዘርፍ ሰጥቷቸዋል፡፡

(የክብር ዶክትሬት በተቀበሉበት ወቅት ከተፃፈላቸዉ ግለታሪክ ተቀንጨቦ የተወሰደ)

የለማ ጉያ ድንቅ የቆዳ ላይ ሥዕሎች👇
https://telegra.ph/BBC-10-26-2

@tikvahethiopiaBot @tikvahethiopia

#AddisAbaba

የአዲስ አበባ ከተማ ቀላል ባቡር ኡራኤል አካባቢ ባለው የባቡር ሀዲድ ላይ በደረሰ ቀላል የእሳት አደጋ ምክንያት አገልግሎት መስጠት ማቆሙን ETHIO FM 107.8 ዘግቧል።

በባቡር ሃዱ ላይ ጪስ ነገር መታየቱን ተከትሎ የእሳት አደጋ ሰራተኞች በቦታው ደርሰው የማጥፋት ስራ ላይ ናቸው፡፡

በከተማዋ እሳትና ድንገተኛ አደጋዎች ስራ አመራር ኮሚሽን የህዝብ ግንኙነት ቡድን መሪ አቶ ጉልላት እንዳሉት በአካባቢው የተፈጠረው አደጋ ለማጣራትና በቁጥጥር ስር ለማዋል የእሳት አደጋ መኪናዎችና ሰራተኞች ወደ ስፍራው ማቅናታቸውን ተናግረዋል፡፡

አደጋው በስፍራው ከተዘረጋው የኤሌክትሪክ መስመር ጋር የተገናኘ ሊሆን እንደሚችልም ተገምቷል።

ባቡር ሀዲዱ አካባቢ የተፈጠረው ጢስ መነሻው ምን እንደሆነ እስካሁን ያልታወቀ ሲሆን በስፍራው ከሚገኙ የእሳት አደጋ ሰራተኞች መረጃው ወደ ማዕከል እንደተላከ ለህዝብ ይፋ እናደርጋለንም ብለዋል።

በአሁኑ ሰዓት ግን የእሳት አደጋ መኪኖች ወደ ስፍራው አቅንተው አደጋዉን ለመቆጣጠር በጥረት ላይ ሲሆኑ የባቡር አገልግሎት በዚሁ አደጋ ምክንያት መቋረጡን ተረጋግጧል።

በአካባቢው ለተሳፋሪዎች ቲኬት ይሸጥበት የነበረው የመገናኛ ቲኬት ቢሮ ተዘግቷል።

ምንጭ፦ ኢትዮ ኤፍ ኤም 107.8
@tikvahethiopiaBot @tikvahethiopia