በአዲስ አበባ ከተማ የተደረገ የዳሰሳ ጥናት!

በአዲስ አበባ ከተማ አስተዳደር በአስሩም ክፍለ ከተሞች በተደረገ ከቤት ውጭ የአፍና አፍንጫ መሸፈኛ የመጠቀም የዳሰሳ ጥናት በጥናቱ ከተካተቱት 14,836 ሰዎች ውስጥ 11,119 ሰዎች ይኸውም 74.9% የሚሆኑት ብቻ በአግባቡ የአፍና አፍንጫ መሸፈኛ ጭንብል የተጠቀሙ ናቸው።

በማህበረሰቡ ውስጥ በተለይ አፍ እና አፍንጫን በአግባቡ ከመሸፈን ፣ ርቀትን ከመጠበቅ እንዲሁም እጅን በአግባቡ እና በየጊዜው ከመታጠብ አንፃር ከፍተኛ የሆነ ጥንቃቄ የሚያስፈልግበት ወቅት ላይ መደረሱን የአዲስ አበባ ከተማ አስተዳደር ጤና ቢሮ አሳውቋል።

@tikvahethiopiaBot @tikvahethiopia

በአሥራት ጋዜጠኞች ላይ የቀረበው ይግባኝ ውድቅ ተደረገ!

የልደታ ከፍተኛ ፍርድ ቤት አንደኛ ይግባኝ የወንጀል ችሎት ፖሊስ በአሥራት ጋዜጠኞች ላይ ያቀረበውን የይግባኝ ጥያቄ ውድቅ አድርጎታል።

ፖሊስ የአሥራት ጋዜጠኞች በዋስትና ከእስር ቢፈቱ መረጃ ያጠፉብኛል ቢልም ፍርድ ቤቱ ይግባኙን አልተቀበለውም።

ፖሊስ ከአራቱ የአሥራት ጋዜጠኞች መካከል በበላይ ማናዬ፣ ሙሉጌታ አንበርብርና ምስጋናው ከፈለኝ ላይ ይግባኝ ጠይቆ የነበር ሲሆን በዋነኛነት ከኢመድኤ / INSA ፣ ከሆስፒታል እና ከብሮድካስት ባለስልጣን መረጃ እንደሚያመጣ ጠቅሶ ከእስር ከወጡ ተፅዕኖ ፈጣሪ ስለሆኑ መረጃ ያጠፉብኛል ብሏል።

ይሁንና ፍርድ ቤቱ መረጃ ይመጣባቸዋል ከሚባሉት ተቋማት መረጃ ማጥፋት ሆነ ማዛባት እንደማይቻል ገልፆ የእስር ፍርድ ቤቱ በተደጋጋሚ ፖሊስ መረጃ እንዲያቀርብ ቀጠሮ ከሰጠ በኋላ ጋዜጠኞቹ በዋስትና እንዲለቀቁ ማድረጉ ትክክለኛ ውሳኔ ነው ብሎታል።

ምንጭ፦ አስራት ቴሌቪዥን
@tikvahethiopiaBot @tikvahethiopia

ኮሮና ቫይረስ ዳግም እያንሰራራባቸው ያሉ ሀገራት!

- በስፔን ኮሮና ቫይረስ የተገኘባቸው ሰዎች ቁጥር ከ525 ሺ በልጧል። ይህም የሆነው ትምህርት ቤቶች እንደገና ከመከፈታቸው ጋር በተያያዘ ቫይረሱ ለ2ተኛ ጊዜ በማገርሸት ላይ በመሆኑ ነው፡፡

- ፈረንሳይ ውስጥ በየቀኑ የተጠቂዎች ቁጥር 'አሳሳቢ' በሆነ ደረጃ እየጨመረ መሆኑን ሀገሪቱ አሳውቃለች። ከቅርብ ጊዜያት ወዲህ በየዕለቱ በበሽታው የሚያዙ ሰዎች ቁጥር በአማካይ ከ5,000 በላይ ደርሷል።

- ዩናይትድ ኪንግደም በተመሳሳይ የኮሮና ቫይረስ ስርጭት እየጨመረ ነው። ትላንት ብቻ 2,948 ሰዎች በቫይረሱ መያዛቸው ተረጋግጧል። የአገር ውስጥ የቫይረሱ ስርጭት በአብዛኛው ከወጣቶች ጋር የተያያዘ ስለመሆኑ ዘ ናሽናልን ዋቢ በማድረግ አል ዓይን (Al Ain) ዘግቧል።

@tikvahethiopiaBot @tikvahethiopia

የአሥራት ጋዜጠኞች ወደእስር ቤት እንዲመለሱ ተደረጉ!

የአሥራት ጋዜጠኞች ዛሬ ከአዲስ አበባ ፖሊስ ኮሚሽን (3ኛ) እስር ቤት ከተፈቱ በኋላ 7 ሲቪል የለበሱ ግለሰቦች "ለጥያቄ ትፈለጋላችሁ" በሚል ወደ እስር ቤት እንዲመለሱ መደረጉን ቴሌቪዥን ጣቢያው አሳውቋል።

በትናንትናው ዕለት የአራዳ መጀመርያ ፍርድ ቤት የዋስትና መብት የጠበቀላቸው ሲሆን ፖሊስ ከእስር እንዳይፈቱ አድርጎ ይግባኝ እንደጠየቀባቸው ይታወቃል።

ይሁንና የፈደራል ከፍተኛ ፍርድ ቤት አንደኛ ይግባኝ ወንጀል ችሎት የፖሊስን ይግባኝ ውድቅ አድርጎ የዋስትና መብታቸው መከበሩ ትክክል መሆኑ ውሳኔ ሰጥቷል።

የአሥራት ጋዜጠኞች በእያንዳንዳቸው በ10 ሺህ ብር ዋስ እንዲፈቱ በተጠየቀው መሰረት አሥራትን በሕዳር ወር 2012 ዓ/ም የለቀቀው ዮናታን ሙሉጌታ ተፈትቷል።

ይሁንና ሙሉጌታ አንበርብር ፣ በላይ ማናዬ ፣ እና ምስጋናው ከፈለኝ ከእስር ቤት ሲወጡ ሲቪል የለበሱ ግለሰቦች በር ላይ ጠብቀው ወደ እስር ቤት እንዲመለሱ ተደርገዋል።

ምንጭ፦ አስራት ቴሌቪዥን
@tikvahethiopiaBot @tikvahethiopia

#DrLiaTadesse

በነሐሴ ወር በተደረገ የምርመራና የንቅናቄ ዘመቻ ከ37 ሺህ በላይ ዜጎች የኮሮናቫይረስ እንደተገኘባቸው የጤና ሚኒስትሯ ዶክተር ሊያ ታደሰ ገለጹ።

ዶ/ር ሊያ ታደሰ በዛሬው መግለጫቸው ያነሷቸው #ENA ፦

- በነሐሴ ወር የማኅበረሰብ ንቅናቄ እና የምርመራ ዘመቻው በሁሉም የአገሪቱ ክልሎች ተካሂዷል። 1 ሺህ 95 ወረዳዎችን በማዳረስ አንድ ሚሊዮን የሚጠጉ ለቫይረሱ ተጋላጭ የሆኑ የማኅበረሰበ ክፍሎችን ለማግኘት ተችሏል።

- ዘመቻው ከተጀመረ ጀምሮ በድምሩ 575 ሺህ ሰዎችን መመርመር እንደተቻለና በቀን የመመርመር አማካይ አቅም 19 ሺህ ደርሷል።

- በነሐሴ ወር ብቻ 37,748 ሰዎች ቫይረሱ እንዳለባቸው በምርመራ ተረጋግጧል። ይህ እስካሁን በአገሪቱ በአጠቃላይ ከተያዙት ሰዎች ቁጥር 64 በመቶውን ይሸፍናል።

- በኮሮና ቫይረስ በጠና የታመሙ ሰዎች ቁጥር በማሻቀቡ በፊት ከነበረበት 1 በመቶ በአሁኑ ወቅት 4 ነጥብ 5 በመቶ ደርሷል።

- ከንቅናቄው በፊት በኮሮና ቫይረስ ምክንያት 368 ሰዎች ህይወታቸው ያለፈ ሲሆን ከንቅናቄው በኋላ ይህ አሀዝ ወደ 550 ከፍ ብሏል። እስከ ነሐሴ መጨረሻ ድረስ በአጠቃላይ ከወረርሽኙ ያገገሙ ሰዎች ቁጥር 21 ሺህ ደርሷል።

@tikvahethiopia @tikvahethiopiaBot

ጳጉሜ 3/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 119 የላብራቶሪ ምርመራ ተደርጎ 18 ሰዎች በኮቪድ-19 መያቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 417 የላብራቶሪ ምርመራ ተደርጎ 66 ሰዎች በኮሮና ቫይረስ መያዛቸው ተረጋግጧል።

በቫይረሱ ከተያዙት መካከል፦
- 2 ከመንጌ ወረዳ
- 41 ከጉባ ወረዳ
- 4 ከማንዱራ ወረዳ
- 1 ከፓዌ ወረዳ
- 8 ከአሶሳ ወረዳ
- 7 ከብልዲግሉ ወረዳ ይገኙበታል።

#Harari

በሀረሪ ክልል ባለፉት 24 ሰዓት 384 የላብራቶሪ ምርመራ ተደርጎ 13 ሰዎች በኮቪድ-19 መያዛቸው ተረጋግጧል።

በቫይረሱ የተያዙት፦
- 6 ከአቦከር ወረዳ
- 2 ከሀኪም ወረዳ
- 1 ሽንኮር ወረዳ፣ 1 ሶፊ ወረዳ፣ 1 ኤረር ወረዳ እንዲሁም 1 ከሌላ ክልል የመጣ ነው።

#DireDawa

ድሬዳዋ ከተማ ባለፉት 24 ሰዓት 72 የላብራቶሪ ምርመራ ተደርጎ 8 ሰዎች በኮቪድ-19 መያዛቸው ተረጋግጧል። ሁሉም ግለሰቦች ናሙናቸው ከማህበረሰቡ የተሰበሰበ ነው።

#Tigray

በትግራይ ክልል ባለፉት 24 ሰዓት ውስጥ 1,473 የላብራቶሪ ምርመራ ተደርጎ 208 ሰዎች በኮሮና ቫይረስ መያዛቸው ተረጋግጧል። የአንድ ሰው ህይወት አልፏል። በቫይረሱ ከተያዙት 208 ሰዎች መካከል 153 ከማህበረሰቡ የተገኙ ናቸው።

@tikvahethiopiaBOT

በኢትዮጵያ በኮቪድ-19 የተያዙ ሰዎች ከ60 ሺህ አለፉ!

ባለፉት 24 ሰዓት በተደረገው 14,815 የላብራቶሪ ምርመራ 1,136 ሰዎች በቫይረሱ መያዛቸው ሲረጋገጥ የ16 ሰዎች ህይወት አልፏል። በተጨማሪ በትላንትናው ዕለት 888 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 60,784 የደረሱ ሲሆን የሟቾች ቁጥር 949 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 22,677 ደርሷል።

@tikvahethiopiaBot @tikvahethiopia

ጳጉሜ 3/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 1,528 የላብራቶሪ ምርመራ ስልሳ አንድ (61) ሰዎች በቫይረሱ መያዛቸው ተረጋግጧል፤ የአንድ ሰው ህይወት አልፏል (ከቤንች ሸኮ ዞን - የ32 ዓመት ወንድ)

በቫይረሱ የተያዙት፡-
- ከከምባታ ጠምባሮ ዞን 17 (9 ከሺንሺቾ፣ 3 ከዱራሜ ከተማ፣ 2 ከደምቦያ፣ 1 ከቃጫቢራ፣ 1 ከጠምባሮ እና 1 ከዶዮ ገና)
- ከጌዴኦ ዞን 12 ( 8 ከዲላ ከተማ፣ 2 ከረጲ፣ 1 ከዲላ ዙሪያ እና 1 ከይርጋጨፌ)፣
- ከወላይታ ዞን 8 (4 ከአባላ አባያ፣ 2 ከቦዲቲ ከተማ፣ 1 ከሶዶ ከተማ እና 1 ከኪንዶ ኮይሻ፣ )፣
- ከደቡብ ኦሞ ዞን 5 ( 3 ከማሌ እና 2 ከሰሜን አሪ)፣
- ከሃዲያ ዞን 5 (3 ከሾኔ ከተማ እና 2 ከሆሳዕና ከተማ)፣
- ከቤንች ሸኮ ዞን 4 (2 ከሚዛን ከተማ እና 2 ከጉራፈርዳ)፣
- ከካፋ ዞን 3 (3ቱም ከዴቻ)፣
- ከጉራጌ ዞን 2 (2ቱም ከሶዶ)፣
- ከስልጤ ዞን 2 (2ቱም ከአሊቾ ወሪሮ)፣
- ከባስኬቶ ልዩ ወረዳ 1፣
- ከኮንሶ ዞን 1 (ኬና)፣ እንዲሁም 1 ከኦሮሚያ ክልል የመጣ።

#Sidama

በሲዳማ ክልል ባለፉት 24 ሰዓት ውስጥ 244 የላብራቶሪ ምርመራ የተደረገ ሲሆን 49 ሰዎች በኮቪድ-19 መያዛቸው ተረጋግጧል።

በቫይረሱ ከተያዙት መካከል፦
- 23 ከሀዋሳ ከተማ
- 4 ከሀዌላ
- 3 ከሸበዲኖ
- 3 ከወንዶ ገነት
- 2 ከአርቤጎና ይገኙበታል።

አጠቃላይ በሲዳማ ክልል ውስጥ በኮሮና ቫይረስ መያዛቸው የተረጋገጠ ሰዎች ቁጥር 1,703 የደረሰ ሲሆን ከነዚህ መካከል የ20 ሰዎች ህይወት አልፏል ፤ 1008 ሰዎች ደግሞ አገግመዋል።

@tikvahethiopiaBOT