በአዲስ አበባ ከተማ በደረሰው የእሳት አደጋ 12 ሚሊዮን ብር የሚገመት ንብረት ወደመ፤ የእሳት አደጋ መከላከል ሰራተኞች ጉዳት ደርሶባቸዋል!

ዛሬ 6 ሰዓት ከ25 ደቂቃ ላይ በቦሌ ክፍለ ከተማ ወረዳ 8 ሲኤም ሲ በደረሰ የእሳት አደጋ 12 ሚሊዮን 856 ሺ 620 ብር የሚገመት ንብረት መውደሙን የአዲስ አበባ እሳትና አደጋ ሥራ አመራር ኮሚሽን ማስታወቁን አል አይን ዘግቧል።

የኮሚሽኑ የህዝብ ግንኙነት ቡድን መሪ አቶ ጉልላት ጌታነህ አደጋው ከዚህ በላይም ጉዳት ሊያደረስ ይችል እንደነበር ተናግረዋል፡፡ በዚህም ከ 48 ሚሊዮን ብር በላይ የሚገመት ንብረትን ከውድመት መታደግ መቻሉን አስታውቀዋል፡፡

አደጋውን ለመቆጣጠር አራት ሰዓት ከ15 ደቂቃ መፍጀቱን ያነሱት አቶ ጉልላት አምስት የአደጋ ሰራተኞች በሥራ ላይ ሳሉ ቀላል የመቁሰል አደጋ ደርሶባቸዋል ብለዋል፡፡

ከ70 በላይ የአደጋ መከላከል ሰራተኞችና ከ14 በላይ ከባድ ተሽከርካሪዎች ጥቅም ላይ መዋላቸውም የአል ዓይን መረጃ ይጠቁማል።

@tikvahethiopiaBot @tikvahethiopia

ሀዋሳ ዩኒቨርሲቲ የተቋረጠውን ትምህርት ለማስቀጠል ማስታወቂያ አውጥቷል!

በሁሉም ደረጃ ያሉ ተማሪዎች ሳይሆን 'የድህረ ምረቃ ተማሪዎች' ብቻ በ2012 ዓ/ም ያቋረጡትን ትምህርታቸውን ለመቀጠል እንዲመዘገቡ ጥሪ ተደርጎላቸዋል።

1. የመደበኛ ፕሮግራም (Regular) ተማሪዎች መስከረም 4-6/2013 ዓ/ም

2. የእረፍት ቀን ፕሮግራም (Weekend) ተማሪዎች መስከረም 7-8/2013 ዓ/ም

ምዝገባ የሚከናወን ሲሆን የመደበኛ ፕሮግራም ተማሪዎች መስከረም 7 እንዲሁም የእረፍት ቀን ተማሪዎች መስከረም 9/2013 ዓ/ም ትምህርት ይጀምራል።

@tikvahethiopiaBot @tikvahethiopia

ነሃሴ 27/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 585 የላብራቶሪ ምርመራ ተደርጎ 4 ሰዎች በኮቪድ-19 መያቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 3,493 የላብራቶሪ ምርመራ የተደረገ ሲሆን 146 ሰዎች በቫይረሱ መያዛቸው ተረጋግጧል። የአንድ ሰው ህይወት አልፏል።

በቫይረሱ ከተያዙት መካከል ፦
- 17 ከቄለም ወለጋ
- 16 ከሞጆ ከተማ
- 16 ከቢሾፍቱ ከተማ
- 12 ከፊንፊኔ ዙሪያ ልዩ ዞን
- 10 ከምስራቅ ሀረርጌ
- 9 ከሻሸመኔ
- 9 ከአዳማ ይገኙበታል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 260 የላብራቶሪ ምርመራ ተደርጎ 5 ሰዎች በኮሮና ቫይረስ መያዛቸው ተረጋግጧል።

በቫይረሱ የተያዙት ፦
- 2 ከማኦና ኮሞ ልዩ ወረዳ
- 3 ከኩርሙክ ወረዳ

#Amhara

በአማራ ክልል ባለፉት 24 ሰዓት 6,189 የላብራቶሪ ምርመራ ተደርጎ 84 ሰዎች በኮሮና ቫይረስ መያዛቸው ተረጋግጧል፤ የ2 ሰዎች ህይወት አልፏል (ከደ/ብርሃንና ቦሩሜዳ)

በቫይረሱ ከተያዙት መካከል፦
- 23 ከጎንደር ከተማ
- 16 ከሰ/ወሎ ዞን
- 9 ከሰ/ሸዋ ዞን
- 9 ከባህር ዳር ከተማ
- 6 ከምዕ/ጎንደር ዞን
- 5 ከደ/ጎንደር ዞን ይገኙበታል።

#Harari

በሀረሪ ክልል ባለፉት 24 ሰዓት 890 የላብራቶሪ ምርመራ ተደርጎ 80 ሰዎች በኮቪድ-19 መያዛቸው ተረጋግጧል። የሁለት ሰዎች ህይወት አልፏል።

@tikvahethiopiaBot

ዛሬ CMC አሊታድ ሚካኤል አካባቢ የደረሰው የእሳት አደጋ መንስኤ እየተጣራ መሆኑን የቦሌ ክፍለ ከተማ የሰላም እና ጸጥታ ጽህፈት ቤት አስታውቋል።

በዛሬው አደጋ 12 ሚሊዮን ብር የሚገመት ፦
- 18 የንግድ ሱቆች ፣
- 11 መጋዘኖች እና
- አንድ ባርና ሬስቶራንት ጉዳት ደርሶባቸዋል።

48 ሚሊዮን የሚሆን ንብረት ደግሞ ለማዳን መቻሉ የአዲስ አበባ ከተማ የእሳት እና አደጋ ስጋት ስራ አመራር ኮሚሽን የተገኘው መረጃ ያሳያል።

@tikvahethiopiaBot @tikvahethiopia

በኢትዮጵያ ተጨማሪ 1,105 ሰዎች በኮሮና ቫይረስ ሲያዙ የ18 ሰዎች ህይወት አልፏል!

ባለፉት 24 ሰዓት በተደረገው 21,360 የላብራቶሪ ምርመራ 1,105 ሰዎች በቫይረሱ መያዛቸው ሲረጋገጥ የ18 ሰዎች ህይወት አልፏል። በተጨማሪ በትላንትናው ዕለት 416 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 54,409 የደረሱ ሲሆን የሟቾች ቁጥር 846 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 19,903 ደርሷል።

@tikvahethiopiaBot @tikvahethiopia

ነሃሴ 27/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 2,616 የላብራቶሪ ምርመራ 56 ሰዎች በቫይረሱ መያዛቸው ተረጋግጧል፤ የአንድ ሰው ህይወት አልፏል (ከወላይታ ዞን)

በቫይረሱ የተያዙት፦
- ከጌዴኦ 16 ( 8 ከዲላ ከተማ ፣ 4 ከዲላ ዙሪያ፣ 2 ከቡሌ ፣ 1 ከራጴ አና 1 ከአከሾ) ፣
- ከካፋ 13 ( 13ቱም ከቦንጋ ከተማ)፣
- ከወላይታ 7 (6 ከሶዶ ከተማ እና 1 ከዳሞት ጋሌ) ፣
- ከጉራጌ 5 (3 ከምሁር አክሊል እና 2 ከሶዶ)፣
- ከከንባታ ጠምባሮ 4 (4ቱም ከሺንሺቾ) ፣
- ከዳውሮ 3 (2 ተርጫ ከተማ እና 1 ከዛባ) ፣
- ሀዲያ 3 (1 ከሲራሮ፣ 1 ከሚሻ እና 1 ከጎምቦራ)
- ከሃላባ 1 ፣
- ከቤንች ሸኮ 1 (ሚዛን ከተማ)፣
- ከኮንታ 1 ዞኖች እና ልዩ ወረዳዎች እንዲሁም 2 ከሱማሌ ክልል የተገኙ ናቸው።

#Sidama

በሲዳማ ክልል ባለፉት 24 ሰዓት ውስጥ 696 የላብራቶሪ ምርመራ የተደረገ ሲሆን 5 ሰዎች በኮሮና ቫይረስ መያዛቸው ተረጋግጧል። የሁለት ሰዎች ህይወት አልፏል።

በቫይረሱ የተያዙት፦
- 4 ከሀዋሳ ከተማ
- 1 ከወንዶ ገነት ወረዳ

#DireDawa

ድሬዳዋ ከተማ ባለፉት 24 ሰዓት 168 የላብራቶሪ ምርመራ ተደርጎ 17 ሰዎች በኮቪድ-19 መያዛቸው ተረጋግጧል።

#Afar

በአፋር ክልል ባለፉት 24 ሰዓት 518 የላብራቶሪ ምርምራ የተደረገ ሲሆን 57 ሰዎች በኮሮና ቫይረስ መያዛቸው ተረጋግጧል።

@tikvahethiopiaBOT

"...ይህ አይነት ጎርፍ በከተማዋ ታሪክ ታይቶ የማይታወቅ ነው" - አቶ ታደለ ዲሪርሳ (የመተሃራ ከተማ ከንቲባ)

የአዋሽ ወንዝ ሞልቶ በዛሬው ዕለት እንደ መተሃራ እና ወንጂ ያሉ የምስራቅ ሸዋ ከተሞች ላይ ጉዳት አድርሷል።

የመተሃራ ከተማ ከንቲባ አቶ ታደለ ዲሪርሳ ፥ ይህ አይነት ጎርፍ በከተማዋ ታሪክ ታይቶ የማይታወቅ ነው ሲሉ ለቢቢሲ ተናግረዋል።

በሰው ላይ የደረሰው ጉዳት እስካሁን አለመመዝገቡን ይሁን እንጂ በንብረት ላይ ከፍተኛ ጉዳት መድረሱን ከንቲባው አሳውቀዋል።

በጎርፍ በተጥለቀለቀው የከተማዋ አንደኛው ቀበሌ ወደ 20 ሺህ የሚገመቱ ነዋሪዎች መኖራቸውን የገለጹት አቶ ታደለ ተፈናቃዮችን ወደ ሌላኛው ቀበሌ እያሰፈሩ መሆኑን ገልፀዋል።

አሁንም ቢሆን የውሃ መጠኑ እየጨመረ በመሆኑ ተጨማሪ አደጋ እንዳይከሰት ከፍተኛ ስጋት እንዳለባቸው ከንቲባው ለቢቢሲ ተናግረዋል።

@tikvahethiopiaBot @tikvahethiopia

በትግራይ ክልል በኮቪድ-19 የተያዙ ሰዎች ቁጥር ከ4 ሺህ አለፈ!

ከትግራይ ክልል ጤና ቢሮ የነሃሴ 27/2012 ሪፖርት እንዳገኘነው መረጃ ከ800 የላብራቶሪ ምርመራ 134 ሰዎች በቫይረሱ መያዛቸው ተረጋግጧል ፤ 25 ሰዎች አገግመዋል።

በቫይረሱ ከተያዙት 134 ሰዎች መካከል 44 ለይቶ ማቆያ ማዕከል የነበሩ ፣ 2 በቫይረሱ ከተያዘ ሰው ጋር ንክኪ ያላቸው ፣ 88 ደግሞ ከማህበረሰቡ የተገኙ ናቸው።

እስከሁን ድረስ በትግራይ ክልል 48,446 የላብራቶሪ ምርመራ የተደረገ ሲሆን 4,112 ሰዎች ኮሮና ቫይረስ ተገኝቶባቸዋል፤ ከነዚህ መካከል የ21 ሰዎች ህይወት አልፏል ፣ 2,537 ሰዎች አገግመዋል።

@tikvahethiopiaBot @tikvahethiopia

የኬንያው አየር መንገድ ለጤና ባለሙያዎች የአውሮፕላን ቲኬት ቅናሽ ሊያደርግ ነው!

በአለም ዙሪያ የሚገኙ የጤና ባለሙያዎች ወደ የትኛውም አቅጣጫ በኬንያ አየር መንገድ ሲጓዙ ግማሽ ክፍያውን አየር መንገዱ እንደሚሸፍን አስታወቀ፡፡

በመጪው መስከረም ወር የሚጀምረው ቅናሹ ቢዝነስ ክላስና ኢኮኖሚ ከላሰን እንደሚጨመርም ተጠቅሷል፡፡

እንደ አየር መንገዱ ገለፃ በአውሮፕላን ቲኬት 50 በመቶ ቅናሽ ለማድረግ የወሰነው የኮሮና ቫይረስ ወረርሺኝ ፊትለፊት በመጋፈጥ ህዝቦቻቸው ለሚያገለግሉ የጤና ባለሙያዎች ነው ብሏል፡፡

ወረርሽኝን ተከትሎ መንግስታት አየር መንገዶችን በረራ እንዲያቆሙ ከማስገደዳቸው አስቀድሞ፤ ብሔራዊው አየር መንገዱ ሊደርስ የሚችለውን ኪሳራ ለመቋቋም በመስራት ላይ እንደሆም ነው የተገለፀው።

የኬንያ የፓርላማ አባላት ያለፈው ሐምሌ ወር አየር መንገዱን ከኪሳራ ለመታደግ ድጋፍ ማድረግ እንደሚስፈልግ ድምጽ መስጠታቸውን ከአየር መንገዱ የተገኘው መረጃ ይጠቁማል #ENA

@tikvahethiopiaBot @tikvahethiopia

ችሎት!

አቶ ልደቱ አያለው በምስራቅ ሸዋ ዞን ቢሾፍቱ ከተማ ወረዳ ፍርድ ቤት በሌላ መዝገብ ቀርበው ጉዳያቸው ታይቷል።

አቃቤ ህግ ፦

- እጃቸው ላይ የተገኘ የሽግግር መንግስት መመስረቻ ሰነድ የሚልና ለውጡን ተቃርኖ “ለውጡ ከድጡ ወደ ማጡ” የሚል ርእስ የተሰጠው የፖለቲካ ይዘት ያለውና ህገ መንግስቱን ለመናድ አልሞ የተዘጋጀ ሰነዶችን ተከትሎ ክስ ለመመስረት እየመረመርኩ ነው ብሏል።

አቶ ልደቱ አያሌው ፦

- የሽግግር መንግስት መመስረቻ ሰነድ በመንግስት ደረጃ አስገብቼው ተቀባይነት የለውም ተብዬ ያስቀመጥኩት ነው፤ ተጠያቂነት ቢኖረው ኖሮ መንግስት ተቀባይነት የለውም ብሎ ዝም አይለኝም ነበረ ብለዋል።

- “ለውጡ ከድጡ ወደ ማጡ” የሚለውም ቢሆን በረቂቅ ላይ ያለ ያልታተመ ነው፤ ልከሰስ የምችለው ሰነዱን አሳትሜ አሰራጭቼ ቢሆን ነበረ ፤ በዚህች ሀገር ላይ ሳንሱር የለም ስለዚህ ሀሳቤን ነው እየገለፅኩ ያለሁት፤ ፍርድ ቤቱ ይህንን ሊረዳልኝ ይገባል ብለዋል።

- ውጭ ሀገር ሄጄ የታከምኩት ሀብታም ነጋዴ ሆኜ ሳይሆን ፤ ህክምናው እዚህ ስለሌለ ነው፤ ይህንን ፍርድ ቤቱ ከግምት ያስገባልኝ” ሲሉ ጠይቀዋል።

የአቶ ልደቱ አያለው ጠበቃ ፦

- ለደንበኛቸው ዋስትና እንዲፈቅድላቸው ለፍርድ ቤቱ አመልክተዋል።

የሁለቱን ክርክር የተከታተለው ፍርድ ቤቱ መዝገቡን መርምሮ ብይን ለመስጠት ለዛሬ ከሰዓት ተለዋጭ ቀጠሮ ሰጥቷል።

Via Tarik Adugna (FBC)

@tikvahethiopiaBOT