የአርቲስት ሀጫሉን ግድያ ተከትሎ ታስረው የነበሩት ኢ/ር ይልቃል ጌትነት ከሁለት ወር እስር በኋላ ተፈቱ!

ሰኔ 25 ቀን 2012 ዓ.ም. ምሽት አራት ሰዓት ላይ በቁጥጥር ሥር ውለው የነበሩት የኢትዮጵያውያን ሃገር አቀፍ ንቅናቄ (ኢሃን) ሊቀመንበር አቶ ይልቃል ጌትነት ከእስር መለቀቃቸውን ፓርቲው ለአል ዓይን አስታውቋል።

የፓርቲው ሥራ አስፈጻሚ አባል ምዕራፍ ይመር እንደገለጹት ኢንጅነር ይልቃል ዛሬ በዋስትና ከእስር ተለቀዋል፡፡

ከሁለት (2) ወራት በላይ በእስር ላይ የቆዩት ፖለቲከኛው ዛሬ ከአዲስ አበባ ፖሊስ ኮሚሽን በተለምዶ ሶስተኛ ፖሊስ ጣቢያ ተብሎ ከሚጠራው ማረሚያ ቤት በዋስ ተለቀዋል፡፡

@tikvahethiopiaBot @tikvahethiopia

የእስራኤል ጦር አባል ለተቃውሞ የወጡት ፍልስጤማዊ አዛውንት አንገትን በጉልበቱ አፍኖ የሚያሳየው ተንቀሳቃሽ ምስል ከወጣ በኋላ ቁጣ መቀስቀሱን BBC አስነብቧል።

ካሂሪ ሃኑን የተባሉት ዝነኛው ተቃዋሚ አዛውንት እጆቻቸው ወደኋላ ታስሮ ፤ ፊታቸው ከመሬት ጋር ተጣብቆ የእስራኤል ወታደር አንገታቸው ላይ በጉልበቱ ቆሞ የሚያሳየው ምስል በማህበራዊ ሚዲያዎች ላይ በስፋት ተሰራጭቷል።

ምስሉ የተቀረጸው ትናንት ፍልስጤማውያን በዌስት ባንክ ለተቃውሞ በወጡበት ወቅት ነው።

ወታደሩ በጉልበቱ የካሂሪ ሃኑን አንገት ላይ ለ50 ሰከንዶች ያክል ተጭኖ ቆይቷል። ይህም በፍልስጤማውያን ዘንድ ሌላ ታቃውሞን ቀስቅሷል።

የእስራኤል ጦር የጦር አባላቱ የነበረውን ሁኔታ ለመቆጣጠር ተመጣጣኝ እርምጃ ነው የወሰዱት ብሏል።

ተንቀሳቃሽ ምስሉም የግጭቱን ሙሉ ምስል አያሳይም፤ በጦር አባላቱ ላይ ሲደርስ የነበረውን ጥቃትም አያስመለክትም ብሏል።

ጦሩ ጨምሮ ወደ 200 ሰዎች ግጭት በተስተዋለበት የተቃውሞ ስልፍ ላይ መሳተፋቸውን እና በጦሩ አባላት ላይ ድንጋይ መወርወሩን አሳውቋል።

@tikvahethiopiaBot @tikvahethiopia

#UPDATE

የቢሾፍቱ ከተማ ፍርድ ቤት ዛሬ ከቀኑ 8 ሰዓት ላይ በዋለው ችሎት አቃቤ ህግና ፖሊስ በ አቶ ልደቱ አያሌው ላይ አለን ያሉትን ማስረጃ እንዲያቀርቡ ቢጠይቅም አቃቤ ህግና ፖሊስ ማስረጃውን እንዳላቀረቡ የኢዴፓ ሊቀመንበር አቶ አዳነ ታደሰ ለኢትዮ ኤፍ ኤም 107.8 ተናግረዋል።

ፍርድ ቤቱ አቃቤ ህግና ፖሊስ በአቶ ልደቱ አያሌው ላይ አለን ያሉትን ማስረጃ እንዲያቀርቡ ለነገ ጠዋት ተለዋጭ ቀጠሮ ሰጥቷል። ፍርድ ቤቱ በጠዋቱ ቀጠሮው ማስረጃውን አይቶ ከሰዓት 8 ላይ ውሳኔ እስጥበታለሁ ብሏል።

@tikvahethiopiaBot @tikvahethiopia

2.7 ሚሊዮን ሕዝብ ድምፅ ይሰጥበታል የተባለው የትግራይ ክልል ምርጫ ስድስት (6) ቀናት ብቻ ቀርተውታል።

ዛሬ በክልሉ የፖለቲካ ፓርቲዎች የምርጫ የመጨረሻ ቀጥታ የቴሌቪዥን ክርክር መከናወኑን ዶቼ ቨለ (DW) ዘግቧል።

የዛሬው የምርጫ ክርክር ትኩረት የነበረው በጤናና ትምህርት ዘርፍ አማራጭ ፖሊሲዎች ዙሪያ እንደነበር ተገልጿል።

ህዝባዊ ወያነ ሓርነት ትግራይ (ህወሓት) ፣ ሳልሳይ ወያነ ትግራይ ፣ ባይቶና ፣ ዓሲምባ ዴሞክራስያዊ ፓርቲና የትግራይ ነፃነት ፓርቲ በቀጥታ የቴሌቪዥን ክርክሩ መሳተፋቸውን ከዶቼ ቨለ (DW) የተገኘው መረጃ ይጠቁማል።

@tikvahethiopiaBot @tikvahethiopia

ዛሬ የተመረቀው ኃይሌ ሪዞርት አዳማ ፦

- 500 ሚሊዮን ብር ወጪ ተደርጎበታል

- ግንባታውን ለማጠናቀቅ 2 ዓመታትን ወስዷል

- ለ300 ዜጎች የስራ እድል ፈጥሯል

- የመመገቢያና የስብሰባ አዳራሾች ጨምሮ 106 የእንግዳ ማረፊያ ክፍሎች፣ የስፖርት ማዘወትሪያ ስፍራዎች፣ የመዋኛ ገንዳዎች እና ሌሎችንም መሰረተ ልማቶችን አካቷል

- ባለ 4 እና 5 ኮኮብ ደረጃን የሚያሟሉ አገልግሎቶችን ይሰጣል

@tikvahethiopiaBot @tikvahethiopia

ነሃሴ 28/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 600 የላብራቶሪ ምርመራ ተደርጎ 32 ሰዎች በኮቪድ-19 መያቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 3,021 የላብራቶሪ ምርመራ የተደረገ ሲሆን 142 ሰዎች በቫይረሱ መያዛቸው ተረጋግጧል።

በቫይረሱ ከተያዙት መካከል ፦
- 35 ከቢሾፍቱ ከተማ
- 14 ከአዳማ ከተማ
- 12 ከምስራቅ ሸዋ
- 9 ከነቀምቴ ከተማ
- 6 ከሞጆ ከተማ ይገኙበታል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 449 የላብራቶሪ ምርመራ ተደርጎ 1 ሰው (የባምቢስ ወረዳ ነዋሪ) በኮሮና ቫይረስ መያዙ ተረጋግጧል።

#Amhara

በአማራ ክልል ባለፉት 24 ሰዓት 7,176 የላብራቶሪ ምርመራ ተደርጎ 50 ሰዎች በኮሮና ቫይረስ መያዛቸው ተረጋግጧል።

በቫይረሱ ከተያዙት መካከል፦
- 12 ከሰ/ሸዋ ዞን
- 11 ከሰ/ወሎ ዞን
- 7 ከደሴ ከተማ
- 7 ከጎንደር ከተማ ይገኙበታል።

#Harari

በሀረሪ ክልል ባለፉት 24 ሰዓት 594 የላብራቶሪ ምርመራ ተደርጎ 28 ሰዎች በኮቪድ-19 መያዛቸው ተረጋግጧል።

@tikvahethiopiaBot

በኢትዮጵያ ከኮቪድ-19 ያገገሙ ሰዎች ከ20 ሺህ አለፉ!

ባለፉት 24 ሰዓት በተደረገው 20,778 የላብራቶሪ ምርመራ 804 ሰዎች በቫይረሱ መያዛቸው ሲረጋገጥ የ10 ሰዎች ህይወት አልፏል። በተጨማሪ በትላንትናው ዕለት 380 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 55,213 የደረሱ ሲሆን የሟቾች ቁጥር 856 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 20,283 ደርሷል።

@tikvahethiopiaBot @tikvahethiopia

ነሃሴ 28/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 2,802 የላብራቶሪ ምርመራ 86 ሰዎች በቫይረሱ መያዛቸው ተረጋግጧል፤ የአንድ ሰው ህይወት አልፏል (ከከምባታ ጠምባሮ ዞን)

በቫይረሱ የተያዙት፦
• ከደቡብ ኦሞ 34 ( 11 ከጂንካ ከተማ፣ 9 ከማሌ፣ 5 ከባካዳውላ፣ 3 ከሐመር፣ 2 ከበናፀማይ፣ 2 ከኡባአሪ፣ 1 ደቡብ አሪ እና 1 ከኛጋቶም)፣
• ከጋሞ 13 ( 8 ከአርባምንጭ ዙሪያ፣ 3 ከቁጫ አልፋ እና 2 ከአርባምንጭ ከተማ) ፣
• ከቤንች ሸኮ 12 (11 ከሚዛን ከተማ እና 1 ከደቡብ ቤንች)
• ከጉራጌ 11 (11ዱም ከቡኢ)፣
• ከወላይታ 6 (4 ከሶዶ ከተማ፣ 1 ከቦሎሶ ቦንቤ እና 1 ከዱጉና ፋንጎ ፣
• ከጌዴኦ 5 (2 ከጮርሶ፣ 2 ከረጲ እና 1 ከኮቾሬ) ፣
• ከጎፋ 4 (4ቱም ከመለኮዛ) ፣
• ከካፋ 1 (ቦንጋ) ዞኖች እና ልዩ ወረዳዎች ናቸው።

#Sidama

በሲዳማ ክልል ባለፉት 24 ሰዓት ውስጥ 377 የላብራቶሪ ምርመራ የተደረገ ሲሆን 64 ሰዎች በኮቪድ-19 መያዛቸው ተረጋግጧል።

#DireDawa

ድሬዳዋ ከተማ ባለፉት 24 ሰዓት 438 የላብራቶሪ ምርመራ ተደርጎ 10 ሰዎች በኮቪድ-19 መያዛቸው ተረጋግጧል።

#Afar

በአፋር ክልል ባለፉት 24 ሰዓት 187 የላብራቶሪ ምርምራ የተደረገ ሲሆን 11 ሰዎች በኮሮና ቫይረስ መያዛቸው ተረጋግጧል።

#Tigray

በትግራይ ክልል ባለፉት 24 ሰዓት ውስጥ 1,108 ላብራቶሪ ምርመራ የተደረገ ሲሆን 91 ሰዎች በቫይረሱ መያዛቸው ተረጋግጧል፤ የ2 ሰዎች ህይወት አልፏል።

@tikvahethiopiaBOT

ከ17 ቀናት በኃላ የተመዘገበው ዝቅተኛ ኬዝ!

በኢትዮጵያ ከ17 ቀናት በኃላ በ24 ሰዓት ውስጥ በኮቪድ-19 መያዛቸው የተረጋገጠ ሰዎች ቁጥር ከ1,000 በታች ሆኖ ዛሬ ተመዝግቧል።

ነሃሴ 10/2012 በ24 ሰዓት 982 ሰዎች በኮሮና መያዛቸው ሪፖርት ተደርጎ ነበር ፤ ከዛ በኃላ እስከ ትላንት ነሃሴ 27 ድረስ በየዕለቱ በቫይረሱ የሚያዙ ሰዎች ቁጥር ከ 1,000 በላይ ሆኖ ሲመዘገብ ቆይቷል።

@tikvahethiopiaBot @tikvahethiopia

#TikvahFamilyAfar

በአፋር ክልል አሚባራ ወረዳ ውስጥ በጎርፍ ለተጎዱ ወገኖች አስቸኳይ አስፈላጊ ድጋፍ እንደሚያስፋጋቸው በአሚባራ ወረዳ የቲክቫህ አባላት አሳውቀዋል።

- በወረር 1ኛና 2ኛ ደረጃ ትምህርት ቤት የተጠለሉት 2,000 ይደርሳሉ ፤ እንዲሁም በየሰው ግቢ ነው የተጠለሉ አሉ።

- የሸለቆ ህብረተሰብ ተራራ ላይ ነው ያሉት። በግምት 2,000 ይጠጋሉ። እነሱም ጋር ደርሷል።

- የሰርካሞ ነዋሪዎች በተመሳሳይ ተከበዋል። በግምት 500-1500 የሚሆኑ ናቸው።

- የአምባሽ ነዋሪዎች ደሞ ወደ ጋራ አምባሽ ተራራ ወተዋል። ውሀው ወደነሱ በመድረስ ላይ ስለሆነ ወደ ተራራ ወተዋል።

- ገበያ ሰፈር፣ እርሻ ምርምር፣ ድርቅ ቀበሌ እነዚህ ሙሉ ለሙሉ ገብቶባቸው ተፈናቅለው። ያሉትም በወረር 1ኛ እና 2ተኛ ትምህርት ቤት እና ውሃ ባልደረሰባቸው የወረር አካባቢ በየሰው ግቢ ይገኛሉ።

27/12/2012 የጎርፍ አደጋ የደረሰባቸውና ስጋት ላይ ያሉ የአሚበራ ወረዳ ቀበሌዎች እና አከባቢዎች :–

1. ገበያ ሰፈር
2. እርሻ ምርምር
3. ኡንደዳ
4. ከዲጋ ዶራ
5. ሸለቆ
6. አምባሽ
7. አራጌ
8. ክፍል ሶስት
9. ሰርከሞ
10. ሃሶባ
11. አልጌታ
12. ሀላይ ሱመሌ
13. ኤኤብሌ

1 እና 2 ቁጥር የወረር ወረዳ አካባቢዎች ናቸው። የቀሩት ግን አጎራባች ቀበሌዎች መሆናቸውን አባላቶቻችን አሳውቀዋል።

#TikvahFamilyAmibaraAfar

@tikvahethiopiaBOT

የኢትዮ ኤፍ ኤም 107.8 ሶስተኛ ዓመት ነገ ሊከበር ነው!

ኢትዮ ኤፍ ኤም 107.8 ነገ ቅዳሜ ነሃሴ 30 3ተኛ ዓመቱን እንደሚያከብር አሳውቋል።

ሬድዮ ጣቢያው የተመሰረተበትን ሶስተኛ ዓመት በተለያዩ ዝግጅቶ እንደሚያከብር የገለፀ ሲሆን ነገ ከማለዳው 12:00 ሰዓት ጀምሮ እስከ እኩለ ለሊት ድረስ ልዩ የሬድዮ ዝግጅቶችን አዘጋጅቷል።

በዚሁ እለት (ነሃሴ 30) ከሰዓት በEBS (ኢቢኤስ) ቴሌቪዥን የምስረት ሶስተኛውን ዓመት የምስረታ በዓሉን እንደሚያከብር አሳውቋል።

@tikvahethiopiaBot @tikvahethiopia

በኮቪድ-19 ህይወታቸው ያለፈው ነርስ!

በቅዱስ ጴጥሮስ ስፔሻላይዝድ ሆስፒታል ውስጥ በነርስነት እያገለገሉ የነበሩት አንበሳአውድም ዮሃንስ በትናንትናው ዕለት (ሀሙስ ነሃሴ 28/2012) በኮሮና ቫይረስ ህይወታቸው አልፏል።

ነርስ አንበሳአውድም የኮሮና ቫይረስ ወረርሽኝን ለመከላከልና ለመቆጣጠር በሞያቸው ህዝቡን በማገልገል ላይ እያሉ በኮሮና ቫይረስ መያዛቸው ተገልጿል። ነርሱ የህክምና እርዳታ ሲደረግላቸው ከቆዩ በኋላ በትናንትናው ዕለት ህይወታቸው ማለፉ ሆስፒታሉ አሳውቋል።

ምንጭ፦ ቅዱስ ጴጥሮስ ስፔሻላይዝድ ሆስፒታል
@tikvahethiopiaBot @tikvahethiopia

የፌደሬሽን ምክር ቤት ነገ አስቸኳይ ስብሰባ ያካሂዳል!

የኢ.ፌ.ዴ.ሪ የፌዴሬሽን ም/ቤት 5ኛ የፓርላማ ዘመን 5ኛ ዓመት የሥራ ጊዜ አስቻኳይ ስብሰባ ነሐሴ 30/2ዐ12 ዓ.ም ከጠዋቱ 2፡30 ጀምሮ ይካሄዳል፡፡

የፌዴሬሽን ም/ቤት አባላት ዛሬ ነሐሴ 29 ቀን 2ዐ12 ዓ.ም በፌዴሬሽን ም/ቤት ጽ/ቤት በመገኘት ሪፖርት እንዲያደርጉ የምክር ቤቱ ጽ/ቤት ጥሪ አቅርቧል።

@tikvahethiopiaBot @tikvahethiopia

በነገው ዕለት የሚካሄደው የፌደሬሽን ምክር ቤት አስቸኳይ ስብሰባ አጀንዳው ካልታወቀ የትግራይ ክልል ተወካዮች እንደማይገኙ የክልሉ ም/ቤት ነሐሴ 27 ቀን 2012 ዓ.ም ለፌዴሬሽን ምክር ቤት በጻፈው ደብዳቤ አሳውቋል።

@tikvahethiopiaBot @tikvahethiopia