የ114 ዓመት የእድሜ ባለፀጋ ከኮቪድ-19 አገገሙ!

የ114 ዓመት የእድሜ ባለፀጋ ከኤካ ኮተቤ ሆስፒታል ከኮሮና ቫይረስ ሙሉ በሙሉ አገግመው መውጣታቸውን ዶ/ር ያሬድ አግደው አሳውቀዋል።

ከኮቪድ-19 ያገገሙት አዛውንት ለተጨማሪ ህክምና የካቲት 12 ሆስፒታል የሚገኙ ሲሆን ፤ በአሁኑ ሰዓት በጥሩ ጤንነት ላይ እንደሚገኙ ዶ/ር ያሬድ ገልፀዋል።

@tikvahethiopiaBot @tikvahethiopia

አንሱ ሶኒ ሆስፒታል መግባታቸው ተሰማ!

የላይቤሪያው ትምህርት ሚኒስትር በኮቪድ-19 ምክንያት ሆስፒታል መግባታቸው ተሰምቷል።

የላይቤሪያ ትምህርት ሚኒስቴር በሚቀጥለው ሳምንት ትምህር ቤቶች እንዲከፈቱ ዝግጅት እያደረገ ባለበት ወቅት ሚኒስትሩ ሆስፒታል የገቡት።

ሚኒስትር አንሱ ሶኒ ብቻ ሳይሆን ምክትላቸው ላቲም ዳ - ቶንግም ሆስፒታል ገብተዋል። ፍሮንት ፔጅ አፍሪካ የተሰኘው የላይቤሪያ ጋዜጣ ሚኒስትር ዴኤታው ሕመማቸው ሲፀና ወደ ጋና ሄደው እንዲታከሙ መደረጋቸውን ዘግቧል።

የላይቤሪያ መረጃ ሚኒስትር ሌን ዩጂን ናግቤ ለጋዜጣው እንደተናገሩት ዴኤታው ጤናቸው ሰላም ነው ፤ ዋና ሚኒስትሩም ወደ ጋና ለሕክምና ሄደዋል የሚባለው ውሸት ነው ሲሉ አስተባብለዋል።

በላይቤሪያ የ12ኛ ክፍል ተማሪዎች ለፈተና ይዘጋጁ ዘንድ በሚቀጥለው ሳምንት ትምህርት ይከፈታል ተብሎ ይጠበቃል - #BBC

@tikvahethiopiaBot @tikvahethiopia

የኒው ዮርክ ማራቶን በኮቪድ-19 ምክንያት ተሰረዘ!

በኮቪድ-19 ስጋት ምክንያት የኒው ዮርክ ከተማ ማራቶን ውድድር መሰረዙን ዛሬ አዘጋጆቹ ይፋ ማድረጋቸውን #ቪኦኤ ዘግቧል።

የኒው ዮርክ ማራቶን በመጪው ኅዳር ወር 50ኛ ዓመቱን በሚያከብርበት ዝግጅት ላይ ሃምሳ ሺህ ሯጮች ከአንድ ሚሊዮን በላይ ተመልካቾች እና 10 ሺህ በጎ ፈቃደኞች ያሰባሰባል ተብሎ ተጠብቆ ነበር።

ዩናይትድ ስቴትስ ውስጥ ኮሮና ቫይረስ በአሳሳቢ ደረጃ እየተዛመተ መሆኑንና ከበጋው በኋላ በሚመጡት ወራት 2ኛ ዙር ወረርሽኝ ይከተላል የሚል ሥጋት በመኖሩ ነው ውድድሩ የተሰረዘው።

@tikvahethiopiaBot @tikvahethiopia

#DrTsigeredaKifle

በኢትዮጵያ እና ጅቡቲ ድንበር የኮሮና ቫይረስ (ኮቪድ-19) ስርጭትን ለመከላከል የተቋቋመው የደወሌ አስገዳጅ ለይቶ ማቆያና የህክምና መከታተያ ማዕከል ለአገልግሎቶ ብቁ ባለመሆኑ #መዘጋቱን የፌደራል መንግስት አስታውቋል።

ይህንኑ አገልግሎት የሚሰጥ የማቆያ እና ህክምና ማዕከል በድሬደዋ ዩኒቨርሲቲ እና በፌደራል ጉምሩክ በተገነባው አዲስ ጣቢያ መዘጋጀቱን በጤና ሚንስቴር የተቋቋመው የክልሎች የኮቪድ መከላከልና ዝግጁነት ምላሽ አስተባባሪ ዶክተር ፅጌረዳ ክፍሌ ለDW ገልፀዋል።

@tikvahethiopiaBot @tikvahethiopia

"የታላቁ ህዳሴ ግድብን ለመገንባት ማንንም እንዳልጠየቅን ሁሉ ለመሙላትም የማንንም ፈቃድ #አንጠይቅም ፤ ሆኖም ግን ኢትዮጵያ ኃላፊነት እንደሚሰማት ታላቅ ሀገር በእውነትና በእውቀት ላይ ተመስርታ እንደምትሰራ ለዓለም እናስረዳለን" - ዶ/ር ሳሙኤል ክፍሌ

@tikvahethiopiaBot @tikvahethiopia

"በሀብታችን የመጠቀም ሙሉ መብት አለን። የአባይ ውሀ ምንጭ 85 በመቶ ኢትዮጵያ ናት።ይህም ሆኖ ተፈጥሮ በጋራ እንድንጠቀምበት የሰጠንን ጸጋ በሰላም አብረን እንጠቀም" - ጄነራል ብርሃኑ ጁላ

@tikvahethiopiaBot @tikvahethiopia

#MackySall

የሴኔጋሉ ፕሬዝደንት ኮሮናቫይረስ ከተገኘበት ሰው ጋር ንክኪ ስለነበራቸው ራሳቸውን ማግለላቸው ተነገረ።

ፕሬዝደንት ማኪ ሳል ለሚቀጥሉት ሁለት ሳምንት ራሳቸውን አግልለው የጤናቸውን ሁኔታ እንደሚከታተሉ #BBC ዘግቧል።

ፕሬዝደንት ማኪ ሳል ለጊዜው ተመርምረው ከቫይረሱ ነፃ ናቸው ቢባልም ከ2 ሳምንት በኋላ ድጋሚ እንደሚመረመሩ ታውቋል።

@tikvahethiopiaBot @tikvahethiopia

የቤት ለቤት ልየታ በአዲስ አበባ!

የአዲስ አበባ ከተማ ጤና ቢሮ የኮቪድ 19 ቫይረስ ወረርሽኝ የቤት ለቤት ልየታና ግንዛቤ ማስጨበጥ መርሐ ግብር በሁለት ዙር ከአምስት ሚሊዮን በላይ ግለሰቦችን ተደራሽ ማድረጉን ኢፕድ ዘግቧል። በሁለት ዙር በተከናወነው ልየታም በምርመራ 13 ግለሰቦች ቫይረሱ እንደተገኘባቸው ቢሮው አስታውቋል።

@tikvahethiopia @tikvahethiopiaBot

የትራምፕ ደህንነት አባላት ኮቪድ-19 ተገኘባቸው!

ባለፈው ቅዳሜ ቱልሳ ውስጥ የተካሄደው የዶናልድ ትራምፕ ምርጫ ቅስቀሳ ላይ የተገኙ የደኅንነት አባላት ለይቶ ማቆያ መግባታቸው ተሰምቷል።

የደህንነት አባላቱ ወደ ለይቶ ማቆያ የገቡት ከመካከላቸው የተወሰኑት የኮሮና ቫይረስ (COVID-19) ስለተገኘባቸው መሆኑ ተገልጿል።

መረጃውን መጀመሪያ ያወጣው ዋሽንግተን ፖስት ሲሆን ስማቸው እንዲጠቀስ ያልፈለጉ አንድ የፖሊስ ባለሥልጣን ደግሞ ለሲኤንኤን እንደተናገሩት በጣት የሚቆጠሩ አባላት ቫይረሱ ተገኝቶባቸዋል።

ከምርጫ ቅስቀሳው በፊት የፕሬዝደንት ትራምፕ የቅስቀሳ ቡድን አባላትና ሁለት የደኅንነት ሰዎችን ጨምሮ ስድስት ሰዎች ቫይረሱ እንደተገኘባቸው ተዘግቦ ነበር።

ፕሬዝደንት ትራምፕ፤ የኮሮናቫይረስ ስርጭት ባልተገታባት ኦክላሆማ ግዛት የምርጫ ቅስቀሳ አደርጋለሁ ሲሉ ብዙ ወቀሳ ገጥሟቸው ነበር።

በስብሰባው ቦታ የተገኙት ታዳሚዎችም ሙቀታቸው ተልክቶ እንዲሁም የእጅ ማፅጃ ፈሳሽ ተሰጥቷቸው ቢገቡም የአፍና አፍንጫ መሸፈኛ ማድረግ ግዴታ አልነበረም።

የቅስቀሳ ቡድኑ አባላት አንድ ሚሊዮን ሰዎች ለመታደም ቃል ገብተዋል ብለው የነበረ ቢሆንም 19 ሺህ ሰው በሚይዘው ስታደየም የተገኙት 6,200 ሰዎች ብቻ ነበሩ ሲል #BBC አስነብቧል።

@tikvahethiopia @tikvahethiopiaBot

ኮቪድ-19 ባለፋት 24 ሰዓት በአሜሪካና ብራዚል!

እንደ #worldometers መረጃ ባለፉት 24 ሰዓት በአሜሪካ 38,386 ሰዎች በኮሮና ቫይረስ መያዛቸው ሲረጋገጥ የ808 ሰዎች ህይወት አልፏል።

በብራዚል ደግሞ 40,995 ሰዎች በኮሮና ቫይረስ መያቸው ሲረጋገጥ የ1,103 ሰዎች በቫይረሱ ምክንያት ህይወታቸው አልፏል።

@tikvahethiopiaBot @tikvahethiopia

የ5,106 ተጠባባቂዎች ቅጥር እንደሚፈፀም ተገልጿል!

የአዲስ አበባ ፐብሊክ ሰርቪስና የሰው ኃብት ልማት ቢሮ በተጠባባቂ ተይዘው ከነበሩት ተወዳዳሪዎች ለ5,106 ቅጥር እደሚፈፀም ገልጿል።

በህዳር ወር 2012 ዓ.ም ባወጣው ማስታወቂያ ተፈትነው የማለፊያ ውጤት ካገኙት በየካቲት ወር ላይ ለ8,094 ያህሉ በውጤታቸው መሰረት ቅጥር መፈፀሙ ይታወሳል።

በተጠባባቂ ተይዘውት ከነበሩት መካከልም ለ5,106 ተወዳዳሪዎች ቅጥር እንደሚፈፀም የቢሮው ኃላፊ የሆኑት አቶ ኃይሉ ሉሌ ትላንት በሰጡት መግለጫ ተናገረዋል።

የቅጥር ሂደቱ ተወዳዳሪዎች WWW.ADDIS.GOV.ET የዌብሳይት አድራሻ ላይ የተመደቡበት ተቋም ወይም ክፍለ ከተማ ከቅዳሜ ሰኔ 20 ቀን 2012 ዓ.ም ጀምሮ ማየት ይችላሉ ተብሏል።

ከሰኞ ሰኔ 22 ቀን 2012 ዓ.ም ጀምሮ ደግሞ በየተመደቡበት ሂደው የኮቪድ-19 ቅድመ መከላከልን መሰረት ባደረገ ሂደት ሪፖርት እንዲያደርጉና የቅጥር ፎርማሊቲ እንዲያሟሉ መልዕክት ተላልፏል።

@tikvahethiopiaBot @tikvahethiopia

#COVID19Ethiopia

በትላንትናው ዕለት በሶማሌ ክልል የአይሻ ወረዳ ፣ ደወንሌ ኮሪደር በሚገኝ ኬላ ከጅቡቲ ለሚገቡ አሽከርካሪዎች ኮቪድ-19 ለመመርመር የሚያስችል ናሙና መውሰድ ተጀምሯል።

ናሙናውን ለመውሰድ የሚያስችል እና ለማቆያ የሚያገለግል የድንኳን አልጋ በማዘጋጀት ነው ስራው መጀመሩን #SRTV የዘገበው።

የኮሮና ቫይረስ (COVID-19) ናሙና ምርመራው ኮንቴኔር በሚጭኑ አሽከርካሪዎች ላይ ነው የተጀመረው።

@tikvahethiopiaBot @tikvahethiopia

"ትግራይ ምርጫውን ለማካሄድ በቂ ዝግጅት አድርጋለች" - አቶ ሩፋኤል ሽፋረ

የኢትዮጵያ ምርጫ ቦርድ በትግራይ ክልል ምርጫውን ለማካሄድ ፍቃደኛ ባይሆንም 6ኛው ክልላዊ ምርጫ በክልሉ እንደሚካሄድ የትግራይ ክልል ምክር ቤት አስታውቋል፡፡

የትግራይ ክልል ምክር ቤት አፈ ጉባዔ የሆኑት አቶ ሩፋኤል ሽፋረ እንደገለጹት ትግራይ ምርጫውን ለማካሄድ በቂ ዝግጅት አድርጋለች ብለዋል - @tikvahethmagazine

@tikvahethiopiaBot @tikvahethiopia

"በኢትዮጵያ ተጨማሪ 141 ሰዎች በኮሮና ቫይረስ መያዛቸው ተረጋግጧል፤ የ3 ሰዎች ህይወት አልፏል።" - ዶክተር ሊያ ታደሰ

@tikvahethiopiaBot @tikvahethiopia