ሰኔ 15 ጦር ሀይሎች አካባቢ ምን ተከሰተ?
/ከአሶሼትድ ፕሬስ ጋዜጠኛ #ኤልያስ_መሰረት/

ሰኔ 15 ቀን አመሻሽ ላይ በአማራ ክልል እንዲሁም በአዲስ አበባ ውስጥ ቦሌ አካባቢ የተከሰተው ግርግር እና ግድያ ብዙ ትኩረት ቢስብም #ጦር_ሀይሎች በተለምዶ ሲግናል (በድሮ አጠራሩ #መኮ) የተከሰተው ሁነት ግን እስካሁን ይፋ አልሆነም።

ጋዜጠኛ ኤልያስ ቢያንስ ሶስት ምንጮች አረጋገጡልኝ እንዳለው ጦር ሀይሎች አካባቢ በነበረው ግጭት ሁለት ወይም ሶስት ሰዎች ህይወታቸው አልፏል። እስከ ለሊቱ ስድስት ሰአት ገደማም የጥይት ተኩስ ይሰማ ነበር። ይህ ክስተት በእለቱ ከነበሩት ሌሎች ግድያዎች ጋር የሚያያዝ እንደሆነ ግልፅ አይደለም።

በቅርቡ ስለ ጉዳዩ በAPው ጋዜጠኛ የተጠየቁ አንድ የመንግስት የስራ ሀላፊ "ስለ ጉዳዩ መረጃ የለኝም። አጣርቼ መልስ ልሰጥህ እሞክራለሁ" የሚል ምላሽ ሰጥተው ነበር።

በጉዳዩ ዙሪያ መረጃ አለኝ ያለ አንድ ግለሰብ ለጋዜጠኛው ተከታዩን መረጃ አቀብሎ ነበር፦

"ስለ ሰኔ 15ቱ (የጦር ሀይሎች አካባቢ ጉዳይ) የተወሰነ መረጃ አለኝ። መረጃውን ላገኝ የቻልኩት ደግሞ በዛ ምሽት ከሞቱት ሶስት የፌዴራል ኮማንዶዎች አንዱ የአክስቴ ልጅ ስለነበር ሬሳ ለመቀበል ከቤተሰብ ጋር በሄድንበት ጊዜ የአሟሟቱ ጉዳይ ስለተነገር ነው። እናም ጉዳዩ ከጀነራሎቹ ግድያ ጋር በተያያዘ የተጠረጠረ አንድ ኮሎኔል ለመያዝ በሄዱበት ጊዜ በተፈጠረው የተኩስ ልውውጥ ምክንያት ነው። ግን እስካሁን አንድ የመንግሥት አካል ስለ ጉዳዩ ምንም ነገር አለማለታቸው እጅግ በጣም አሳዝኖኛል።"

Via #EliasMeseret
@tsegabwolde @tikvahethiopia

ዛሬ የፈተና ውጤት ይፋ እንደማይሆን ተገለፀ!

ከቀናት በፊት በተለያዩ የመንግስት ሀላፊዎች የፈተና ውጤት ዛሬ ነሀሴ 5 እንደሚለቀቅ ሲገለፅ ነበር። የፈተናዎች ኤጀንሲ ዋና ዳይሬክተር አቶ አርአያ ገ/እግዚአብሔር ከደቂቃዎች በፊት እንደገለፁት፦ "ውጤቱን ለማውጣት #ትንሽ ተጨማሪ ስራ መስራት አስፈልጎናል። ዛሬ ሳይሆን ከሁለት ቀን በሁዋላ አካባቢ ይለቀቃል። ይህ መራዘም ያስፈለገው ከዛሬው በአል ጋር በተገናኘ ሳይሆን ትንሽ ሌላ የምንሰራው ስራ ስላጋጠመን ነው" ብለዋል።

Via #EliasMeseret
@tsegabwolde @tikvahethiopia

#update የአዲስ አበባ ፖሊስ ኮሚሽን ዛሬ ሲሰራጭ በነበረው ቪድዮ ዙርያ ነገ መግለጫ ይሰጣል ተብሏል።

Via #EliasMeseret
@tsegabwolde @tikvahethiopia

ጠ/ሚር አብይ ነገ ጠዋት🛫እስራኤል ያመራሉ!

የሀገሪቱ ውጭ ጉዳይ ሚኒስትር ለጋዜጠኞች በላከው መረጃ የኢትዮጵያው መሪ ከእስራኤሉ ጠ/ሚር ቤንጃሚን ኔታናያሁ እና ከፕሬዝደንቱ ሬኡቨን ሬቭሊን ጋር ሰኞ ይገናኛሉ።

Via #EliasMeseret
@tsegabwolde @tikvahethiopia

#Fake #Photoshop ጥንቃቄ ይደረግ!

#EliasMeseret
@tsegabwolde @tikvahethiopia

#NobelPrize

"የኖቤል የሰላም ሽልማት" 918,000 የአሜሪካ ዶላር በገንዘብ፣ የወርቅ ሜዳልያ እንዲሁም ዲፕሎማ ያሸልማል።

የዘንድሮ የሰላም ሽልማት አሸናፊ ማን ይሆን?

#EliasMeseret
@tikvahethiopia @tsegabwolde

#EliasMeseret Tikvah Eth family!

የምናከብረው እና የምንወደው የTIKVAH-ETH ቤተሰብ አባል ዓለም አቀፉ ጋዜጠኛ ኤልያስ መሰረት ከመጪው ቅዳሜ ጀምሮ ለቤተሰባችን የተመረጡ መረጃዎችን ማቅረብ ይጀምራል።

ጋዜጠኛ ኤልያስ መሰረት የተመረጡ መረጃዎችን ለቤተሰባችን ከማቅረብ በተጨማሪ ወጣቶች፣ ተማሪዎች፣ መላው የማህበረሰቡ በሀሰተኛ ዜናዎች እንዳይደናገር እና እንዳይታለል አሁን እያደረገ ካለው በተጨማሪ ጊዜውን መሥዕዋት በማድረግ የአቅሙን አስተዋፆ ያደርጋል።

ከቅርብ ጊዜ ወዲህ "የሀሰተኛ ዜናዎች መድሃኒት" የሆነው ጋዜጠኛ ኤልያስ መሰረት በማህበራዊ ሚዲያዎች በትዊተር፣ ፌስቡክ፣ ቴሌግራም ላይ ባሉት ትክክለኛ የግል ገፆቹ በርካታ ስራዎችን ሰርቷል። በሀሰተኛ መረጃዎች እንዳይታለሉ ለበርካታ የማህበራዊ ሚዲያ ተጠቃሚዎች፣ ለቴሌቪዥን እና ሬድዮ ጣቢያዎች፣ ለጋዜጠኞች ባለውለታም ጭምር ነው።

ሀገሪቱ ውስጥ ያሉ አክቲቪስቶችን እና ተፅዕኖ ፈጣሪዎችን በማሰባሰብ ለውይይት በአንድ ጠረጴዛ እንዲቀመጡ ለማድረግ እያደረገ ያለውን ስራም በመላው የቤተሰባችን አባላት የሚታወቅ ነው።

ዓለም አቀፉ ጋዜጠኛ የቤተሰባችን አባል በመሆኑ ትልቅ ደስታ ይሰማናል፤ ከመጪው ቅዳሜ ጀምሮ ደግሞ የመረጣቸውን መረጃዎች ለቤተሰባችን ከመፃፍ በተጨማሪ፣ ማህበረሰቡን እንዲሁም እዚህ ለተሰባሰብነው ከ442,000 በላይ ለምንሆነው የቲክቫህ ቤተሰቦች ስለማህበራዊ ሚዲያ አጠቃቀም የግንዛቤ ማስጨበጥ ስራም ይሰራል።

Tikvah Eth family!

@tsegabwolde @tikvahethiopia

#EliasMeseret #TikvahFamily

የሀሰተኛ ዜናዎች መድሃኒት "ኤልያስ"!

የቲክቫህ ኢትዮጵያ ቤተሰባችን አባል የሆነው ዓለም አቀፉ ጋዜጠኛ ኤልያስ መሰረት ነገ ከምሽቱ 12:00-1:00 ለናተ ለውድ ቤተሰቦቻችን የተመረጡ መረጃዎችን ያደርሳችኃል።

STOP FAKE NEWS!

@tsegabwolde @tikvahethiopia

#EliasMeseret #TikvahFamily

የቲክቫህ ቤተሰብ አባልና ዓለም አቀፉ ጋዜጠኛ ኤልያስ መሰረት ዛሬ ከምሽቱ 12:00-1:00 ድረስ የተመረጡ መረጃዎችን ለናተ ለውድ ቤተሰቦቻችን ያደርሳል!

መልካም ምሽት!

@tikvahethiopiaBot👈አስተያየት መቀበያ!

@tsegabwolde @tikvahethiopia

#EthioTelecom #EliasMeseret

ዛሬ ለበርካታ ደቂቃዎች ኢንተርኔት የተቋረጠበትን ምክንያት የኢትዮ ቴሌኮም ዋና ስራ አስፈፃሚ ወ/ሪት ፍሬህይወት ታምሩ ለAssociated Press ጋዜጠኛው ኤልያስ መሰረት ተናግረዋል፦

"በመጀመርያ ለኢንተርኔት መቋረጡ ይቅርታ እንጠይቃለን። እኛ ሁል ግዜ የኔትወርክ ለውጥ የምናደርገው ብዙ ሰው ኢንተርኔት በማይጠቀምበት ሰአት ለሊት ላይ ነው። ዛሬ ላይ የተከሰተው የኢንተርኔት መቋረጥ ግን በእኛ ቁጥጥር ስር የነበረ አይደለም፣ አቅደነውም የነበረ አይደለም። በፋይናንስ ተቋሞቻችን ላይ ሊደርስ የነበረ የሳይበር ጥቃትን ለመከላከል INSA ኔትወርኩን ለማቋረጥ ተገድዶ ነበር። እኛም መቋረጡን ለደንበኞቻችን ለመንገር ግዜ አልነበረንም፣ ጉዳዩ ጊዜ የሚሰጥ አልነበረም። ለጥቂት ደቂቃ በማቋረጥ ጥቃቱን ለመከላከል ይቻላል ተብሎ የተወሰደ እርምጃ ነው። ከ INSA ጋር እየተነጋገርን ነው የምንሰራው። ዛሬ ግን ከቁጥጥር ውጭ የሆነ ችግር አጋጥሟቸው የነበረ ይመስለኛል። አሁን ጉዳዩ ላይ እየተነጋገርን ነው።"

@tikvahethiopiabot @tikvahethiopia

የኢትዮጵያ የምግብና መድኃኒት ባለስልጣ...

በ ሀገር ዓቀፍ ደረጃ በተደረገ ቅኝት አድራሻቸው የማይታወቁና ተጭበርብረው የተሰሩ 27 የምግብ ዓይነቶች ገበያ ላይ እየዋሉ መሆኑን ተገልጿል። የአምራች አድራሻቸው የማይታወቁና ተጭበርብረው ገበያ ላይ ከሚገኙ የምግብ አይነቶች ውስጥ፡-

የምግብ ዘይት ዝርዝር፦
-ንጹህ የኑግ ዘይት፣
-ኢዛና ዘይት፣
-ጣና ዘይት፣
-ኦሊያድ ዘይት፣
-ስኬት የተጣራ ዘይት፣
-በቅሳ የምግብ ዘይት፣
-አሚን የምግብ ዘይት፣
-ቀመር የምግብ ዘይት፣
-ሎዛ የምግብ ዘይት፣
-ዘመን የኑግ እና የለዉዝ ዘይት፣
-ዘቢብ ቃህ የምግብ ዘይት፣

የለውዝ ቂቤ ዝርዝር፦
-ማኢዳ የለዉዝ ቅቤ፣
-ሮዛ ክሬሚ ለዉዝ ቅቤ፣

ቪምቶ ዝርዝር፦
-ዳና ቪንቶ
-ቪንቶ

የምግብ ጨው ዝርዝር፦
-አዋሽ የገበታ ጨዉ፣
-ሳራ እና ኑስራ ጨዉ፣
-ሴፍ የገበታ ጨዉ (በተለያየ እሽግ)፣
-ሽናጉ የገበታ ጨዉ፣
-ወዛቴ አዮዳይዝድ ጨዉ፣
-ቃና የገበታ ጨዉ፣
-አስሊ የገበታ ጨዉ፣

ማር ዝርዝር፦
-ሲሳይ ንጹህ ማር እና ቅቤ አቅራቢ፣
-ወለላ ማር፣

የከረሜላ ዝርዝር፦
-ካርቶንስ ካንዲ ፍሩትስ፣
-ሊዛ ሎሊፖፕ፣
-ክሬሚ ሎሊፖፕ፣

(የኢትዮጵያ የምግብና መድኃኒት ባለስልጣ)

#ሼር #share

#EliasMeseret
@tikvahethiopia @tikvahethiopiaBot

አሳዛኙ የአዲስ አበባ ቆሬ አካባቢ አደጋ፦

[ከሸገር ኤፍ ኤም 102.1]

- አደጋው የደረሰው 5:30 አካባቢ ከብስራተ ገብርኤል ወደ ጀሞ ሲሄድ የነበረና አጠና የጫነ IVECO ግልባጭ መኪና ቆሬ ዓለም ሰላም ድልድይ ውስጥ ባሉ ቤቶች ላይ ወድቆ ነው።

- በአደጋው የሶስት ሰዎች ህይወታቸው አልፏፋ። በአንድ ሰው ላይ ከባድ የአካል ጉዳት ደርሷል። ከሟቾች ውስጥ የ11 ወር ህፃንና ንፍሰጡር ሴትም ይገኛሉ። ነፍሰጡር ሴቷ የ25 ዓመት ወጣት እና የህፃኑ አክስት እንደሆነች ተገልጿል።

- የ28 ዓመት ወጣት የሆነው አሽከርካሪም በአደጋው ህይወቱ አልፏል።

- የአደጋው መንስኤ እየተጣራ እንደሚገኝ የአዲስ አበባ ፖሊስ ኮሚሽን ገልጿል።

#ShegerFM #EliasMeseret
@tikvahethiopiaBot @tikvahethiopia

#COVID19

ቢሾፍቱ ውስጥ ኮሮና ቫይረስ [#COVID19] የያዘው ሰው ተገኝቷል በሚል በማህበራዊ ሚዲያዎች ላይ እየተሰራጨ የሚገኘው መረጃ ሀሰተኛ መሆኑ ከኢፌዴሪ ጤና ሚኒስቴር ተሰምቷል።

የጤና ሚኒስቴር ዴኤታ የሆኑት ዶ/ር ሊያ ታደሰ ለጋዜጠኛ ኤልያስ መሰረት በሰጡት መረጃ ከቻይና ከተመለሰች 12 ቀን የሆናት እና የቫይረሱን የሚመስሉ ምልክቶች ያሳየች አንድ ግለሰብ ቢሾፍቱ ውስጥ ተገኝታ እንደነበር አንስተው ግለሰቧ ወደ ለይቶ ማቆያ ተወስዳ፣ ምርመራ ሲደረግላት ነፃ ሆና ተገኝታለች ብለዋል።

#EliasMeseret
@tikvahethiopiaBot @tikvahethiopia

ለሚመለከተው አካል፦

ይህ አዲስ አበባ ከተማ ወሎ ሰፈር አደባባዩ ላይ ያለዉ የድልድይ አካል ቢወድቅ ከስር ባሉ በተላላፊዎች ላይ ጉዳት ስለሚያስከትል ይታሰብበት!

#DrivinginAddis #EliasMeseret

@tikvahethiopiaBot @tikvahethiopia

42ኛው የካራማራ የድል በዓል የመታሠቢያ ቀን!

የዛሬ 42 አመት ተስፋፊው የመሀመድ ዚያድባሬ ኃይል ካራማራ ላይ አከርካሪው ተሠበረ። በውጤቱም በምስራቅ 700 ኪ.ሜ እንዲሁም በደቡብ 300 ኪ.ሜ ዘልቆ በወረራ ይዞት ከነበረው የኢትዮጵያ ሉዓላዊ ግዛት ተጠራርጎ ወጣ ።

ወድቃ የነበረችው ሰንደቃችንም ዳግም ተነስታ በክብር ከፍ አለች።

ይህን በአባቶቻችን ደምና አጥንት እና በእናቶቻችን ደጀንነት ያገኘነውን የመላ ኢትዮጵያውያን የጋራ ደማቅ የድል ታሪክ ለማክበር ድሉ በተገኘበት ዛሬ የካቲት 26 ከጠዋቱ 4:00 ጀምሮ በኢትዮ ኩባ ወዳጅነት ፓርክ (በትግላችን ሐውልት) ላይ ለማክበር ዝግጅት ተጠናቋል።

በዝግጅቱ ላይ፦

- በጦርነቱ ወቅት በአመራር ላይ የነበሩ የቀድሞ ሠራዊት ከፍተኛ መኮንኖች (ጀኔራሎችን ጨምሮ ) ሌሎች መስመራዊ መኮንኖች

- ለድሉ መገኘት ቁልፍ ሚና የተወጡ የጀግናው አየር ኃይላችን አብራሪዎች

- በጦርነቱ የተሳተፉ ባለሌላ ማዕረግተኛ ወታደሮች (የጀብድ ሜዳይ የተሸለሙ ጭምር )

- በጦርነቱ ቤተሠቦቻቸውን ያጡ የኩባ ተማሪዎችና የህፃናት አንባ ልጆች

- ለኢትዮጵያ ድጋፍ በመስጠት በጦርነቱ የተሳተፉ ሀገራት አምባሳደሮች /ተወካዮቻቸው እና ሌሎች ጥሪ የተደረገላቸው እንግዶች ይገኛሉ ።

በመሆኑም ታሪክና ሀገር ወዳድ የሆናችሁ ዜጎች በዕለቱ በቦታው ላይ ተገኝታችሁ የመታሠቢያ በዓሉን በድምቀት እንድታከብሩ ተጋብዛችሗል።

የበዓሉ ጊዜያዊ አስተባባሪዎች፣ ኮረማሽ የጉዞ ማህበር ከማይክ መላከ የኢትዮ- ኩባ ወዳጅነት ማህበር እና በኢትዮጵያ የኩባ ኤምባሲ ጋር በመተባበር።

#EliasMeseret
@tikvahethiopiaBot @tikvahethiopia