አቶ አብዲ መሃመድ ኡመርን ጨምሮ በ47 ተከሳሾች ላይ የዓቃቤ ህግ ምስክሮችን ለመስማት ትዕዛዝ ተሰጠ!

ፍርድ ቤቱ የሶማሌ ክልል የቀድሞ ርዕሰ መስተዳድር አቶ አብዲ መሃመድ ኡመርን ጨምሮ በ47 ተከሳሾች ላይ የዓቃቤ ህግን ምስክሮችን ለመስማት ትዕዛዝ ሰጠ።

የፌዴራሉ ከፍተኛ ፍርድ ቤት ልደታ ምድብ 4ኛ የወንጀል ችሎት በዛሬው ዕለት በዋለው ችሎት የሶማሌ ክልል የቀድሞ ርዕሰ መስተዳድር አብዲ መሃመድ ኡመርን ጨምሮ የ47 ተከሳሾች ጉዳይ ተመልክቷል። በዚህም ፍርድ ቤቱ በተከሳሾች ላይ የአቃቤ ህግን የመጀመሪያ ዙር የምስክር ቃል ለመስማት ከጥር 14 እስከ 22 ቀን 2012ዓ.ም ቀጠሮ ሰጥቷል።

በሌላ በኩል ፍርድ ቤቱ ከዚህ በፊት በዋለው ችሎት እስከ አሁን ያልተያዙ 10 ተከሳሾች በጋዜጣ ጥሪ ተደርጎላቸው እንዲሁም 3 ተከሳሾች በፖሊስ ተይዘው ባዛሬው ችሎት እንዲቀርቡ ትዕዛዝ ሰጥቶ ነበር።

ይሁን እንጂ በጋዜጣ ጥሪ የተደረገላቸው 10ሩም ሆኑ ሶስቱ ተከሳሾች በዛሬው ችሎት አለመቅረባቸውን ፖሊስ ለፍርድ ቤቱ አስረድቷል።

በፖሊስ ተይዘው እንዲቀርቡ ከተባሉት 3 ተከሳሾች ውስጥ ሁለቱ ከሀገር ውጭ መሆናቸው የተገለጸ ሲሆን፥ አንደኛው ተከሳሽ ግን በቁጥጥር ስር ውሎ ለፌዴራል ፖሊስ መሰጠቱ ተገልጿል። ፍርድ ቤቱ ከሀገር ውጭ ናቸው የተባሉት ተከሳሾች በጋዜጣ ጥሪ ተደርጎላቸው እንዲቀርቡና ለፌዴራል ፖሊስ ተላልፎ የተሰጠው ተከሳሽም በቀጣይ ችሎት እንዲቀርብ ትዕዛዝ ሰጥቷል።

(FBC)

@tikvahethiopiaBot @tikvahethiopia

#Germany #Ethiopia

ጀርመን ለኢትዮጵያ የ352.5 ሚሊዮን ዩሮ ድጋፍ ለገሰች። ጠቅላይ ሚኒስትር ዐቢይ አሕመድ ዛሬ ጠዋት የጀርመን የኢኮኖሚያዊ ትብብር ሚኒስትር ዶ/ር ገርድ ሙለርን እና የሠራተኛና ማኅበራዊ ጉዳይ ሚኒስትር ሁበርተስ ሄሊን በእንግድነት ተቀብለዋል። በተጨማሪም የጀርመን መንግሥት የግብርናን ዘዴ ለማሻሻል ይረዳ ዘንድ 144 የግብርና መሣሪያዎችን ከነመለዋዎጫቸው ለግሷል።

#PMOEthiopia
@tikvahethiopia @tikvahethiopiaBot

የአቶ ለማ መገርሳ ቀጣይ የፖለቲካ ተሳትፎ ዕጣፈንታ...

#VOA #LemmaMegersa

ቪኦኤ : ኦቦ ለማ እንደሚያውቁት የኦሮሞ ዴሞክራሲያዊ ፓርቲ (ODP) ፈርሷል፤ የእርሶ የፖለቲካ ተሳትፎ ዕጣፈንታ ምን ይሆን?

ኦቦ ለማ : "ከዚህ ድርጅት ውጣልን ብለው እስካልወሰኑ ልዩነቴን ይዤ እሟገታለሁ። እኔ ብቻ ስላሆን ቅራኔ ያላቸው፣ የሚከራከሩ ብዙ አሉ። ከሆነልን እናስተካክላለን፤ ካልሆነ ከኦሮሞ ህዝብ ጋር ተመካክረን የሚበጀንን እናደርጋለን።"

@tikvahethiopia @tikvahethiopiaBot

#NEBE የሲዳማ ህዝበ ውሳኔ ዋናው (የመጨረሻው ውጤት) የያዝነው ሳምንት ሳይጠናቀቅ ይፋ እንደሚደረግ ወ/ሪት ሶሊያና ሽመልስ ለቲክቫህ ኢትዮጵያ ገልፀዋል። ውጤቱ የዘገየው ቅድመ ውጤቱ ይፋ የተደረገበት ቀን በመገፋቱ እንደሆነ አስረድተዋል።

@tikvahethiopia @tikvahethiopiaBot

የጣና ገዳማት በተደጋጋሚ መዘረፋቸው ተገለፀ!

የጣና ገዳማት በተደጋጋሚ ቅርሶቻቸው እንደተዘረፉባቸው የየገዳማቱ አስተዳዳሪዎች አስታወቁ፡፡ የኪዳነ ማርያም ብርጊዳ ማርያም ሀመረ ኖህ አንድነት ገዳም አስተዳሪ ቆሞስ አባ ገብረ ማርያም ኪዳነ ማርያም እንደተናገሩት፤ ገዳሟ በተደጋጋሚ በሌቦች አደጋ ደርሶባታል፡፡ ለዘመናት ጠብቃ ያኖረቻቸው የብራና መፅሐፍትና የተለያዩ ቅርሶች ተዘርፈዋል፡፡

"ለሀገር ዘርፈ ብዙ ጥቅም ሊሰጡ የሚችሉ የአባቶች ጥበብን የያዙ መፅሐፍት የት እንደደሩሱ አይታወቅም፡፡ በተደጋጋሚ ለመንግስት ብናመለክትም ምንም አይነት ምላሽ አላገኘንም የሚሉት የገዳሟ አስተዳዳሪ ቅርሶችን ለመታደግ ሁሉም ኢትዮጵያዊ እርብርብ ማድረግ አለበት"ብለዋል፡፡

የማን እንደ አባ አቡነ ያሳይ መድኃኔዓለም አንድነት ገዳም አስተዳዳሪ መምህር ቆሞስ አባ ገብረ ሥላሴ ያሳይ በበኩላቸው እንደገለፁት፤ በጣና ሀይቅ ውስጥ የሚገኙ የተለያዩ ገዳማት በጀልባ በታገዙ ሌቦች በተደጋጋሚ ጥቃት ደርሶባቸዋል፡፡ በርካታ ገዳሞች ቀደም ሲል የተለያዩና ብዙ ቅርሶች ያሏቸው ቢሆንም በአሁን ወቅት በየገዳማቱ የሚገኙ ቅርሶች የተቀበሩ ብቻ ናቸው፡፡

ወደፊት መንግስተ ጥበቃ የማያደርግ ከሆነ በየገዳማቱ የሚገኙ ቅርሶች ሊወድሙ እንደሚችሉ አሳስበዋል፡፡ የአማራ ክልል ባህልና ቱሪዝም ቢሮ ምክትል ሀላፊ አቶ መላኩ አላምረው በዚህ ዙሪያ በሰጡ ምላሽ፤ ቅርሶች መዘረፋቸውንና በተደጋጋሚ ለክልሉ መንግስት የድረሱልን ጥሪ መድረሱን አምነው በቀጣይ ችግሩን ለመቅረፍ ይሰራል ብለዋል፡፡

በዋናነት የዚህ ሁሉ ችግር ክልሉ የባህር ላይ ፖሊስ ያለው አለመሆኑ ነው ያሉት አቶ መላኩ፤ በቀጣይ ይህን መሰል ዝርፊያ ለማስቆም ከሚመለከታቸው አካላት ጋር እንሰራለን ብለዋል፡፡

(EPA)

@tikvahethiopiaBot @tikvahethiopia

#FakeNewsAlert

ከቀናት በፊት 29,000 ገደማ Like ያለው በ "Eritrean Press" ስም የተከፈተው የፌስቡክ ገፅ ሀሰተኛ ዜናዎችን እያሰራጨ እንደሚገኝ ገልፀንላችሁ ነበር። ይኸው ገፅ በዛሬው ዕለት "ኢዜማ እና ብልፅግና ፓርቲ" ለመዋሃድ ንግግር ጀምረዋል የሚል ሃሰተኛ ዜና ይዞ ወጥቷል። ትክክለኛው Eritrean Press የፌስቡክ ገፅ ከ250,000 በላይ Like ያለው ነው። ውድ ቤተሰቦቻችን ከሀሰተኛ መረጃዎች እንድትጠነቀቁ እንመክራለን።

@tikvahethiopiaBot @tikvahethiopia

በተመሳሳይ ... Mereja. com የተባለው የፌስቡክ ገፅ ከ3,000,000 በላይ ተከታዮች አሉት ተመሳሳይ ሀሰተኛ መረጃ ለህዝብ አሰራጭቷል።

@tikvahethiopia @tikvahethiopiaBot

በየአመቱ 23 ሺህ ሰዎች በኤች አይ ቪ ቫይረስ ይያዛሉ!

በየአመቱ 23 ሺህ ሰዎች በኤች አይቪ ቫይረስ ይያዛሉ” ሲል የኢፌዴሪ የኤች አይ ቪ ኤድስ መከላከልና መቆጣጠር ጽህፈት ቤት አስታወቀ።

የኢፌዴሪ የኤች አይ ቪ ኤድስ መከላከልና መቆጣጠር ጽህፈት ቤት በሽታውን ለመቆጣጠርና ለመከላከል እየሰራ ያለው ስራ መቀዛቀዝ በማሳየቱ በሽታውን የመቆጣጠሩ ስራ አዝጋሚ እንደሆነ ገልጿል።

በኢትዮጵያ የኤች አይ ቪ የስርጭት ምጣኔ 0 ነጥብ 91 በመቶ ሲሆን ከ649 ሺህ በላይ የሚሆኑ ወገኖች ቫይረሱ በደማቸው እንደሚገኝ የ2019 አገራዊ የኤች አይ ቪ ስርጭት ያሳያል።

(ENA)

@tikvahethiopia @tikvahethiopiaBot

(ERDF Official)

የተሳሳተ መረጀ!

የብልጽግና ፓርቲ ከኢዜማ ጋር መደራደር ጀምሯል፤ በሚል በማህበራዊ ትስስር ገጾች ላይ እየተሰራጨ ያለው መረጀ የተሳሳተ ነው፡፡ አዲሱ ውህድ ፓርቲ፤ ፕሮግራሙን ይፋ ከደረገ በኋላ ተመሳሳይ አቋም ካላቸው ማናቸውም የፖለቲካ ድርጅቶች ጋር አብሮ ለመስረት ዝግጁ መሆኑ ተገልጸዋል፡፡ ሆኖም እስከሁን ከየትኛውም ፖለቲካ ፓርቲ ጋር ንግግርና ድርድር አለመጀመሩን መግለጽ እንወዳለን፡፡

(EPRDF Official)

@tikvahethiopiaBot @tikvahethiopia

አቶ ለማ መገርሳ🛬አሜሪካ ገቡ!

በኢፌዴሪ መከላከያ ሚንስትር አቶ ለማ መገርሳ የተመራ ከፍተኛ የመንግስት ልዑክ በአሜሪካ ጉብኝት በማድረግ ላይ ይገኛል።

በመከላከያ ሚኒስትሩ የተመራው ልኡኩ በዛሬው እለት ዋሽንግተን ዲ.ሲ መግባቱን በአሜሪካ የኢትዮጵያ አምባሳደር ፍጹም አረጋ አስታውቀዋል።

ጉብኝቱም የኢትዮጵያ እና የአሜሪካን የሁለትዮሽ የመከላከያ ትብብር ለማጠናከር ያለመ መሆኑን አምባሳደር ፍጹም ገልፀዋል።

(አምባሳደር ፍፁም አረጋ - FBC)

@tikvahethiopiaBot @tikvahethiopia

#ህዳር29

በትግራይ ክልል የብሄሮች፣ብሄረሰቦችና ህዝቦች ቀን በዓል በድምቀት ለማክበር ዝግጅት መደረጉን የክልሉ ምክር ቤት አፈ ጉባኤ ገለጹ። አፈ ጉባኤው አቶ ሩፋኤል ሽፈረ ዛሬ ለጋዜጠኞች በሰጡት መግለጫ  “በዓሉ በክልሉ ህገ መንግሰታዊ ስርዓታችን ለዘላቂ ሰላምና ጥቅም በሚል መሪ ሀሳብ ህዳር 29 ይከበራል” ብለዋል፡፡ በዓሉ የሚከበረው  በክልሉ  ባለፉት ዓመታት የተከናወኑ  ልማት ስራዎች በሚያሳይና በስፖርታዊ ውድድር ነው።

(ENA)

@tikvahethiopiaBot @tikvahethiopia

#GERD

በታላቁ የኢትዮጵያ ሕዳሴ ግድብ የውሃ ሙሌትና አለቃቀቅ ጉዳይ ላይ የሚመክረው የኢትዮጵያ፣ የሱዳንና የግብፅ የውሃ ጉዳይ ሚኒስትሮች የቴክኒክ ስብሰባ ዛሬ ህዳር 22 ቀን 2012 ዓ.ም. በካይሮ መካሄድ ተጀምሯል።

@tikvahethiopiaBot @tikvahethiopia

#JawarMohammed #DW

የኦሮሞ ፖለቲካ አቀንቃኝ ጀዋር መሐመድ በቅርቡ በሚደረገው ምርጫ እንደ ፖለቲከኛ እንዴት እንደሚወዳደር እስካሁን እንዳልወሰነ አስታወቀ። አቶ ጀዋር ለዶቼ ቨለ በሰጠው ቃለ ምልልስ የራሱን ፓርቲ መስርቶ ወይም ከሌሎች የፖለቲካ ፓርቲዎች ጋር ተጣምሮ መወዳደርን በተመለከተ ከተቃዋሚ ፓርቲዎች እና ከገዥ ፓርቲ አመራሮች ጋር ተወያይቶ እንደሚወስን ተናግሯል። የኢህአዴግ አባል ድርጅቶችን ውህደትንም የፌደራል ስርዓቱን የሚሸረሽር ሲል ተችቷል።

@tikvahethiopiaBot
@tikvahethiopia

እምቦጭ ከጣና አልፎ ዓባይን እየወረረ ነው!

(የአማራ ብዙሃን መገናኛ ድርጅት)
.
.
.
በዚህ ዓመት እምቦጭ ከጣና አልፎ አባይ ወንዝ ዳርቻዎች በሚገኝ 200 ሄክታር መሬት ላይ ተንሠራፍቷል። ባለፈው ዓመት በ34 ሄክታር መሬት ላይ የተከሰተው የአባይ እምቦጭ ዓመት ባልሞላ ጊዜ ውስጥ 166 ሄክታር ጨምሮ ወደ 200 ሄክታር መስፋፋቱ የአደጋውን አሳሳቢነት ቁልጭ አድርጐ የሚያሳይ ነው።

ይሁንና ሀገሪቱን በበላይነት የሚያስተዳድረው የፌዴራል መንግስት፣ ጣና በለስን ጨምሮ በጢስ አባይ ቁጥር አንድ እና ቁጥር ሁለት የኤሌክትሪክ ሀይል ማመንጫዎች ከፍተኛ የኤሌክትሪክ ሀይል የሚሰበስበው የኢትዮጵያ ውሀ፣ መስኖና ኤሌክትሪክ ሚኒስቴር እና “ህይወታችን የተመሠረተው በአባይ ወንዝ ላይ ነው” የሚሉት ግብጽ እና ሱዳን ሀይቁን ለመታደግ ምንም አይነት ጥረት አለማድረጋቸው እንቆቅልሽ እንደሆነባቸው የባህር ዳርና አካባቢዋ ነዋሪዎች ይናገራሉ።

እንደ ነዋሪዎቹ ገለፃ እምቦጭ ከተከሰተበት ዓመት ጀምሮ በመከላከል ተግባር ደፋ ቀና የሚሉት የሰሜንና ደቡብ ጐንደር አርሶ አደሮች፣ የክልሉ መንግስት፣ የአካባቢው ተቆርቋሪ ግለሰቦችና ሀገር ወዳድ የበጐ አድራጐት ማህበራት ብቻ ናቸው።

(የአማራ ብዙሃን መገናኛ ድርጅት)

More👇
https://telegra.ph/AMMA-12-02

#ሼር_ያድርጉት!

@tikvahethiopia @tikvahethiopia

"ስብሰባውን ጥለን ወጥተናል!" - የካፋ ተወካዮች

በትላንትናው ዕለት ነው አዲስ አበባ የገባነው፤ ውይይቱ ዛሬ ሁለት ሰዓት ላይ ነበረ፤ ዛሬ እኛ ጠቅላይ ሚኒስትሩን አላገኘንም። ጠቅላይ ሚኒስትሩ እኔን ወክለውኛልና እኔ ነኝ የማወራችሁ ብለው ክብርት የሰላም ሚኒስትር ወ/ሮ ሙፈሪያት እና የደቡብ ምክትል ርዕሰ መስተዳደር አቶ ርስቱ ይርዳው ሊያወያዩን የሰላም ሚኒስቴር ቢሮ ቀጠሩን፤ ትላንት ማታ ነው የተነገረን፤ እኛ ከጠቅላይ ሚኒስትሩ ጋር እንጂ ከናተ ጋር ውይይት አልነበረንም በሚል በጣም ትልቅ ነገር እንደገጠመን እርስ በእርሳችን ተነጋገርንና የግድ እሳቸው ሊመጡ ይችላሉ በሚል ተስፋ 3:00 ላይ የሰላም ሚኒስቴር ቢሮ ሄድን።

ጥቂት ደቂቃ እንደ ጠበቅን ጠቅላይ ሚኒስትሩን አላገኘናቸውም የጠበቅናቸው እሳቸውን ስለነበር፤...ከዚህ ቀደም የካፋን ማህበረሰብ አነጋግራለሁ፤ እጠራችኃለሁ ያለን ጠቅላይ ሚንስትሩ ነው፤ ያን ተከትሎ መጥተናል፤ እርሳቸውን አላገኘናቸውም ውይይታችንም፤ አጀንዳችንም ከጠቅላይ ሚኒስትሩ ጋር ስለነበር ከእናተ ጋር ምንም አይነት ወሬ የምናወራው የለንም። በክልል ጉዳይ ነው፤ አስቸኳይ ጉዳይ ነው፤ ይህ ጉዳይ ከአንድ አመት በላይ ሆኖታል እና እኛ የምንከሰው ደኢህዴንን ነው፤ የደኢህዴን ሊቀመንበር ነዎት እርሶ ሲቀጥል ደግሞ የደቡብ ክልል ምክትል ርእሰ መስተዳደር ነዎት አቶ ርስቱ ከናተ ጋር ምናወራው ምንም አይነት ወሬ የለም አልናቸው። በዚህም ስብሰባውን ጥለን ወጥተናል!

የካፋ ተወካዮች!

(BBC)

@tikvahethiopia @tikvahethiopiaBot

በኩሉ ኢቨንት ከሀዋሳ ዩኒቨርሲቲ ጋር በመተባበር - “መማሬ ለሀገሬ ሠላም” በሚል መሪ ቃል የ4 ኪ.ሜ የጎዳና ላይ ሩጫ በትላንትናው ዕለት ተካሂዷል።

@tikvahethiopia @tikvahethiopiaBot

#ኡቡንቱ #አርባምንጭ

ቲክቫህ ኢትዮጵየ ከፒስ ሞዴል እና ከጋሞ ዞን አስተዳደር ጋር በመተባበር "ኡቡንቱ" በሚል ርዕስ ያዘጋጀው የአንድ ሳምንት የግንዛቤ ማስጨበጫ ከዛሬ ጀምሮ መካሄድ ይጀምራል። በተለያዩ ትምህርት ተቋማት ውስጥ ከጋሞ አባቶች እና ከሌሎች ባለድርሻ አካላት ጋር በመሆን አብሮ ስለመኖር፣ ስለመከባበር፣ የአንዱ ለአንዱ የመኖር ዋስትና ስለመሆኑ የተለያዩ መልዕክቶች ይተላለፋሉ።

@tikvahethiopia @tikvahethiopiaBot

የውጫሌ ግሸን ማርያም መንገድ...

በደቡብ ወሎ ዞን አምባሰል ወረዳ ከ227 ሚሊዮን ብር በላይ ወጭ የተሰራው የውጫሌ ግሸን ማሪያም መንገድ ተጠናቅቆ ተመርቋል። መንገዱን መርቀው የከፈቱት የአማራ ብሔራዊ ክልላዊ መንግሥት ርዕሰ መስተዳድር የመንገዱ መዳረሻ በሆነችው ግሼን ማርያም አካባቢ የሚስተዋሉ የመሰረተ ልማት ችግሮችን በቅደም ተከተል ለመፍታት እንደሚሰራ ተናግረዋል።

@tikvahethiopia @tikvahethiopiaBot

ከግሸን መገንጠያ - ግሸን ማርያም...

ግሸን መገንጠያ እስከ ግሸን ማርያም ድረስ ያለው መንገድ በኮንክሪት አስፓልት በዚህ ዓመት እንደሚሰራ ተገለፀ። ይህ የተባለው ህዳር 21 ቀን 2012 ዓ.ም የጨፌ-ግሸን ማርያም መንገድ በተመረቀበት ወቅት ነው፡፡ በዕለቱም የአማራ ክልል ርዕሰ-መስተዳድር አቶ ተመስገን ጥሩነህን ጨምሮ ሌሎች የፌዴራል፤የክልልና የዞን ከፍተኛ የስራ ሀላፊዎች ተገኝተዋል፡፡

የአካባቢው ነዋሪዎች እና የቤተክርስቲያኗ ካህናት አካባቢው ግማደ መስቀሉ ያረፈበት ታሪካዊ ቦታና ሙዚየም ያለው የቱሪስ መዳረሻ በመሆኑና በየዓመቱ በሚሊየን የሚቆጠሩ ምዕመናንን የሚያስተናግድ በመሆኑ መንገዱ እንዲሻሻል በተደጋጋሚ መጠየቃቸውን ለእንገዶቹ ገልፀዋል፡፡ በእለቱ የተገኙት የኢትዮጵያ መንገዶች ባለስልጣን ዋና ዳሬክተር ኢንጅነር ሀብታሙ ተገኝ ባደረጉት ንግግርም መንገዱ በዚህ ዓመት እንደሚጀመር አረጋግጠዋል፡፡

(የደቡብ ወሎ ዞን መንግስት ኮሚኒኬሽን)

@tikvahethiopiaBot @tikvahethiopia

አቶ ለማ በVIP ተርሚናል ነው የተስተናገዱት!

(Elias Meseret)

KMN በተባለ የፌስቡክ ገፅ "የመከላከያ ሚኒስትሩ አቶ ለማ መገርሳ እና የቦሌው አለም አቀፍ አውሮፕላን ማረፊያ ድራማ" ብሎ የወጣው መረጃ የፈጠራ ወሬ እንደሆነ ከኤርፖርት አካባቢ ያገኘሁት መረጃ ያመለክታል ሲል የAssociated Press ጋዜጠኛ ኤልያስ መሰረት ገልጿል።

ጋዜጠኛ ኤልያስ መሰረት ጉዳዩ ከሚመለከታቸው አካላት ዛሬ ጠዋት አገኘሁት ባለው መረጃ መሰረት አቶ ለማ በVIP ተርሚናል የተስተናገዱ ሲሆን "እንደ ክቡር ሚኒስተርነታቸው እና ለሁሉም ሚኒስትሮች እንደሚደረገው በስነስርአት ተስተናግደዋል። ከዛ ውጪ ያለው የፈጠራ ወሬ ነው።" ተብሏል።

@tikvahethiopiaBot @tikvahethiopia