#Update

አቶ ታዬ ደንዳዓ ከዚህ ቀደም በፌዴራል ከፍተኛ ፍርድ ቤት ነፃ የተባሉባቸው ሁለት የክስ ጭብጦች ተሻረ።

የአቶ ታዬ ዳንዳዓ የህግ ጥበቃ አበራ ንጉሱ ለቲክቫህ ኢትዮጵያ እንደተናገሩት " የፈዴራል ጠቅላይ ፍርድ ቤት ዛሬ በዋለው ችሎት አቶ ታዬ ነፃ የተባሉባቸው ክሶችን በመሻር እንዲከላከሉ ትዛዝ ሰጥቷል " ብለዋል።

" የፌዴራል ከፍተኛ ፍርድ ቤት ልደታ ምድብ የፀር ሽብር እና ህግ መንግስት ጉዳዮች ችሎት 30/12/2016 ዓ/ም አቶ ታዬ ከተከሰሱባቸው ሶስት ክሶች ውስጥ አንደኛው ፤ ' በመንግስት ሀላፊነት ላይ እያሉ የህዝብ እና የመንግስት የተሰጣቸውን ሀላፊነት ወደ ጎን በመተው የፀር ሰላም ሀይሎች ሀሳብ ተቀባይነት እንዲያገኝ በማሰብ በግል ማህበራዊ ትስስር ገፃቸው የታጠቁ ሃይሎችን የሚደግፍ መልዕክት አስተላልፈዋል ' የሚለውን መከላከል ሳያስፈልጋቸው ነፃ ተብለው ነበር " ብለዋል ጠበቃቸው።

አክለውም የዋስትና መብታቸው በሰበር ሰሚ ችሎት ከተጠበቀላቸው በኃላ ከህግ ፍቃድ ውጭ የጦር መሳሪያ ይዘው መገኘት የሚለው አንዱን የክስ ጭብጥ እንዲከላከሉ በተሰጠው ብይን መሰረት በከፍተኛ ፍርድ ቤት እየተከታተሉ ነበር።

ሆኖም ዛሬ አቶ ታዬ ነፃ በተባሉበት ክስ ጭብጦች ላይ ቅሬታ እንዳለው የገለፀው አቃቤ ህግ " ተከሳሹ በቂ ማስረጃ ቀርቦባቸው መከላከል ሲገባቸው ነፃ መባላቸው አግባብነት የለውም " በማለት ለፈዴራል ጠቅላይ  ፍርድ ቤት ሁለተኛ ወንጀል ይግባኝ ሰሚ ችሎት የኢትዮጵያ ወንጀል ህግ አንቀጽ 251/ሐ ጠቅሶ ይግባኝ ማለቱን ተከትሎ ጉዳዩን ሲከታተል የነበረው ፍርድ ቤት ዛሬ ግንቦት 25 ቀን 2017 ዓ.ም ነፃ የተባሉበትን ክሶች ብይን ሽሮ እንዲከላከሉ አዟል።

ጠቃቸው አቶ አበራ ንጉሱ ፤ ለውሳኔ ብቻ ዛሬ በአምስተኛ ተለዋጭ ቀጠሮ መገኘታቸውን ጠቅሰው ችሎቱ የስር ፍርድ ቤት ውሳኔን ሽሮ እንዲከላከሉ ብይን በመስጠቱ ቅሬታ እንዳላቸው ገልፀው በቀጣይ ለሰበር ሰሚ ችሎት ይግባኝ እንደሚሉ ገልፀዋል።

ይሁንና ደንበኛቸው ችሎት ተከታትለው ከተለያዩ ከቀትር በኃላ 10:00 በፌደራል ፖሊስ መወሰዳቸውን ከአቶ ታየ ባለቤት በስልክ እንደተነገራቸው ገልፀዋል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia

#Update

አቶ ታዬ ደንደአ ወደ ማረሚያ ቤት እንዲወርዱ ፍርድ ቤት አዘዘ።

የቀድሞ የሰላም ሚኒስትር ዴዔታ አቶ ታዬ ደንደአ የዋስትና መብታቸው ተነስቶ ጉዳያቸውን ማረሚያ ሆነው እንዲከታተሉ ዛሬ የፌደራል ከፍተኛ ፍርድ ቤት ትዕዛዝ ሰጥቷል።

ፖሊስ አቶ ታዬን ዛሬ ፍርድ ቤት አቅርቧል።

አቃቤ ህግ ከዚህ ቀደም የተዘጉ ሁለት ክሶችን ጨምሮ መዝገቡ በፍርድ ቤቱ እንዲቀሳቀስ ጠይቋል።

አቶ ታየ ደንደአ ለፍርድ ቤቱ " ትናንት የተያዝኩበት መንገድ ልክ አይደለም የኤሌክትሮኒክስ መገልገያዎቼ ተይዘዋል፤ ከጠበቃዬ ጋር ተማክሬ መቅረብ ነበረብኝ " በማለት ተከራክረዋል።

የግራና ቀኙ ክርክር የመረመረው የፌደራል ከፍተኛ ፍርድ ቤት ልደታ ምድብ አንደኛ የሽብር እና ህገ መንግስታዊ ጉዳዮች ችሎት የተከሳሹ የዋስትና መብት እንዲነሳ ወስኗል።

ተከሳሹ ጉዳያቸውን በማረሚያ ቤት ሆነው እንዲከታተሉ ትዕዛዝ በመስጠት የመከላከያ ምስክርን ለመስማት ለሰኔ 30 ተለዋጭ ቀጠሮ መስጠቱን ኤፍ ኤም ሲ ዘግቧል።

የአቶ ታዬ ደንደአ ባለቤት ምን አሉ ?

" ዛሬ ፍርድ ቤት ቀርቦ እንደነበር ነግሮኛል " - ወይዘሮ ስንታየሁ አለማየሁ ለቲክቫህ ኢትዮጵያ

አቶ ታዬ ደንዳዓ ዛሬ የፌዴራል ከፍተኛ ፍርድ ቤት መቅረባቸውን ባለቤታቸው ወይዘሮ ስንታየሁ አለማየሁ ለቲክቫህ ኢትዮጵያ ተናግረዋል።

ወ/ሮ ስንታየሁ እንደተናገሩት አቶ ታዬን ዛሬ ጠዋት ለመጠየቅ ወደ ፈዴራል ፖሊስ ወንጀል ምርመራ ቢሮ እንዳመሩና ለሰዓታት ጠብቀው እንዳገኙዋቸው ገልፀዋል።

አቶ ታዬም ፍርድ ቤት ቀርበው እንደነበሩና የዋስትና መብታቸውን ተከልክለው በማረምያ ቤት ሆነው ጉዳያቸውን እንዲከታተሉ መደረጉን ነግሮኛል ብለዋል።

ወ/ሮ ስንታየሁ አክለውም ባለቤታቸውን አቶ ታየን ለምን እንደታሰረ ሲጠይቁት ዛሬ ፍርድ ቤት በነበረው ችሎት ፖሊስ ለፍርድ ቤት ሲያስረዳ " አቶ ታየ እየሸሹ እያሉ በቁጥጥር ስር አውያቸዋለሁ " ማለቱን ነግሮኛል ሲሉ ተናግረዋል።

አቶ ታዬ ዛሬ ያለ ህግ ጠበቃቸው ፍርድ ቤት እንደ ቀረቡ እና እስካሁንም ከጠበቃቸው ጋር እንዳልተገናኙ ባለቤታቸው ተናግረዋል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia

#Update

የ13 ዓመቷ አያንቱ ቱና ላይ የግብረስጋ ድፍረት በፈጸም የተጠረጠረውና ከአካባቢው ተሰውሮ የቆየው ግለሰብ በቁጥጥር ስር ውሏል።

ቤተሰቦቿ " ድምፅ ስለሆናችሁን እናመሰግናለን ! " ብለዋል።

ቲክቫህ ኢትዮጵያ ከዚህ ቀደም በሲዳማ ክልል፤ ማዕከላዊ ሲዳማ ዞን፤ ሻፋሞ ወረዳ አያንቱ ቱና የተባለችን የ13 ዓመት ታዳጊ ላይ የግብረ ስጋ ድፍረት ወንጀል በመፈጸም የተጠረጠረው ወጣት በወቅቱ የወረዳዉ ፖሊስ አዛዥ በነበረ ግለሰብ አማካኝነት ከአከባቢው እንዲሰወር መደረጉን መረጃ አጋርቶ ነበር።

አያንቱም አካላዊና ስነ ልቦናዊ ጉዳት ደርሶባት ከትምህርት ገበታዋ ተለይታ በጣሊታ የህፃናት ማቆያ ከ1 ዓመት በላይ እንድትቀመጥ መደረጉ ቅር እንዳሰኛቸው ቤተሰቦቿ ድምጻቸውን አሰምተው ነበር።

ከአንድ ዓመት በላይ ዱካው ጠፍቶ የሰነበተዉ ተጠርጣሪ በትናትናዉ ዕለት ፖሊስ ባደረገዉ ክትትል ከኦሮሚያ ክልል፤ ምዕራብ አርሲ ዞን፤ ኮኮሳ ወረዳ " ሀንገሳ " ተብሎ ከሚጠራዉ አከባቢ በቁጥጥር ስር መዋሉን የሻፋሞ ወረዳ ፖሊስ አዛዥ ኢንስፔክተር ሙሴ አወል ለቲክቫህ ኢትዮጵያ ተናግረዋል።

የሲዳማ እና ኦሮሚያ ክልል ፖሊስ ተጠሪጣሪዉን በቁጥጥር ስር በማዋል ረገድ በትብብር መስራታቸዉን የገለፁት አዛዡ የተጠርጣሪውን ወላጅ አባት ጨምሮ ተባባሪና ልጁን በመሸሸግ ሂደት ተሳታፊ የነበሩ የቤተሰቡ አባላትም በቁጥጥር ስር መዋላቸዉን ገልፀዋል።

" ብቸኛዋ እህቴ በግድ ተደፍራ ፍትህ ሳታገኝ ከ1 ዓመት በላይ በየቆችበት ወቅት ተረጋግቼ ትምህርቴን እየተማርኩ አልነበረም " ያለን ወንድሟ ጴጥሮስ ቱና " በልጁ መያዝ እኔም ሆነ ቤተሰቦቼ ደስተኛ ሆነናል፤ ከዚህ በኋላ ሙሉ ትኩረቴን ወደ ትምህርቴ አደርጋልሁ " ሲል ተናግሯል።

በቤተሰቡ ስምም " ድምጽ ስለሆናችሁን አመሰግናለሁ " ብሏል።

ቲክቫህ ኢትዮጵያ
ሀዋሳ
#TikvahEthiopiaFamilyHawassa

@tikvahethiopia

#Update

" ታጣቂዎቹ አሁንም እያስፈራሩን ነው " - የቡለን ከተማ ነዋሪዎች

የቡለን ከተማ ነዋሪዎች አሁንም ከፍተኛ ስጋት ላይ መሆናቸውን ገለፁ።

አስተያየታቸውን ለቲክቫህ ኢትዮጵያ የሰጡት ነዋሪዎቹ " ከከተማው በቅርብ ርቀት የሚገኙት የሸኔ  ታጣቂዎች አሁንም ማስፈራሪያ እየላኩ ነው "  ብለዋል።

ትላንት ግንቦት 29/2017 ዓ.ም ከማለዳው እስከ ረፋዱ ድረስ ወደ ከተማው ዘልቀው የገቡት ታጣቂዎች  በሰው ህይወትና በንብረት ላይ ከፍተኛ ጉዳት ካደረሱ በኃላ የዘረፉትን ንብረት በመኪና ጭነው ወስደዋል ብለዋል።

" ታጣቂዎቹ ይህንን ያህል ጥቃት ሲፈፅሙ በቂ የመንግስት የፀጥታ ሀይል በከተማው አልነበረም " ያሉት ነዋሪዎቹ " ከጥቃቱ በኃላ ግን የሀገር መከላከያ ሰራዊት ከተማውን ተቆጣጥሮታል " ብለዋል።

" ከዋና ከተማው ቡለን በእግር የ2 ሰዓት መንገድ በሚወስድ ርቀት ' ጎንጎ ' በተባለ ቦታ ላይ ታጣቂዎቹ ይገኛሉ " ሲሉ የገለፁት ነዋሪዎቹ  " አሁንም በማህበርዊ ሚዲያ ' በቅርቡ እንመለሳለን ' እያሉ መልዕክት እያስተላለፉ ነው መንግስት አስፈላጊውን ጥበቃ ያድርግልን " ሲሉ ተማፅነዋል።

" ባለፈው ሳምንትም ተመሳሳይ የማስፈራሪያ መልዕክት ሲልኩ ሰምተን ለመንግስት አመራሮች ተናግረን ነበር " የሚሉት ነዋሪዎቹ  " ' ተራ አሉባልታ ነው ' በማለት የተቀበለን አልነበረም አሁንም ጥቃቱ  እንዳይደገም " ሲሉ ጠይቀዋል።

በቡለን ከተማ ትላንት ስለተፈፀመው ጥቃት ዝርዝር መረጃ ለማግኘት ለቤንሻንጉል ጉምዝ ክልል ፖሊስ ኮሚሽን ኮሚሽነር ሀሩን ዑመር የእጅ ስልካቸው ላይ ደውለን ብንጠይቃቸውም ምርመራ ላይ መሆናቸውንና አሁን ላይ ምንም መናገር እንደማይፈልጉ ገልፀዋል።

ቲክቫህ ኢትዮጵያ
ባሕር ዳር
#TikvahEthiopiaFamilyBahirdar

@tikvahethiopia

#Update

" ከ564 በላይ የወላይታ ድቻ ደጋፊዎች ከእስር ተፈተዋል " - የወላይታ ዞን ፖሊስ

➡️ " የኢትዮጵያ ፌዴራል ፖሊስና የአዲስ አበባ ፖሊስ በወቅቱ የወሰዱት እርምጃ የከፋ ጉዳት እንዳይደርስ አድርጓል ! "

በአዲስ አበባ ፖሊስ በእስር ላይ የነበሩ የወላይታ ድቻ ደጋፊዎች መለቀቃቸውን የወላይታ ዞን ፖሊስ መምሪያ አሳውቋል።
 
በአዲስ አበባ ከተማ አስተዳደር ሰኔ 01/2017 ዓ/ም የድቻ ደጋፊዎች በከተማ ውስጥ ተዘዋዉረዉ በፈጠሩት አለመግባባት ምክንያት የአዲስ አበባ ፖሊስ ከፌዴራል ፖሊስና ሌሎች የጸጥታ አካላት ጋር በመሆን በቁጥጥር ሥር ካዋላቸው የድቻ ደጋፊዎች መካከል፦
- በቂርቆስ ክፍሌ ከተማ ፖሊስ መምሪያ ፑፑላሬ ፖሊስ ጣቢያ 245 ፣
- ቦሌ ቡልቡላ 68 ፣
- በየካ ክፍለ ከተማ 50፣
- ልደታ ክፍለ ከተማ 201 የተጠረጠሩ የወላይታ ድቻ ደጋፊዎች የወላይታ ዞን ፖሊስ መምሪያ ከኢትዮጵያ ፌዴራል ፖሊስና ከአዲስ አበባ ከተማ ፖሊስ ጋር በመነጋገር ከእስር እንዲፈቱ መደረጋቸው ተገልጿል።

አጠቃላይ በተለያየ ክፍለ ከተማ የታሰሩ  ከ564 በላይ የወላይታ ድቻ ደጋፊዎች ናቸው ከእስር የተፈቱት።

የዞኑ ፖሊስ " የኢትዮጵያ ፌዴራል ፖሊስና የአዲስ አበባ ፖሊስ የድቻ ደጋፊዎች በከተማዉ ውስጥ በተለያየ ቦታ ተንቀሳቅሰዉ የፈጠሩትን ያለመግባባት ለመፍታት በወቅቱ የወሰዱት እርምጃ የከፋ ጉዳት እንዳይደርስ ያስቀረ በመሆኑ ያስመሰግናል " ብሏል።

አሁን ላይ ሌሎች የተወሰኑ በወንጀል ድርጊት ተጠርጥረው ጉዳዮች በፍርድ ሂደት የሚገኙ መኖራቸው ተጠቁሟል።

ቲክቫህ ኢትዮጵያ
ሀዋሳ
#TikvahEthiopiaFamilyHawassa

@tikvahethiopia

#Update

ጋዜጠኛ ተስፋለም ወልደየስ የዋስትና መብት ተከብሮ ከእስር እንዲፈታ የአዲስ አበባ ከተማ አስተዳደር ሰበር ሰሚ ችሎት ዛሬ ሐሙስ ሰኔ 5/ 2017 ዓ.ም. ወስኗል።

ሰበር ሰሚ ችሎቱ በዛሬ ውሎው የስር ፍርድ ቤቶች የሰጡትን የጋዜጠኛው በዋስ ይለቀቅ ውሳኔ ማጽናቱን ጠበቃው አቶ ቤተማሪያም አለማየሁ ገልጸዋል።

ጋዜጠኛው ለሦስተኛ ጊዜ በዋስ ከእስር እንዲፈታ በፍርድ ቤቶች ቢወሰንም ከእስር አለመፈታቱን ጠበቃው ለቢቢሲ አማርኛ አገልግሎት ተናግረዋል።

@tikvahethiopia

#Update

ዛሬ በህንድ አህመዳባድ በደረሰው የቦይንግ 787-8 ድሪምላይነር አውሮፕላን መከስከስ አደጋ የሞቱ ሰዎች ወደ 294 እንደሚጠጉ ተነግሯል።

በአውሮፕላሉ ውስጥ ከነበሩ 242 ሰዎች አንድ ሰው በህይወት ሲተርፍ ሌሎች ህይወታቸው አልፏል።

አውሮፕላኑ በተነሳ በትንሽ ደቂቃ የተከሰከሰው በአንድ የህክምና ኮሌጅ ውስጥ ነው። በኮሌጁ በሚገኝ ህንጻ ውስጥ የነበሩ የጤና ተማሪዎች ህይወታቸው ማለፉን ተከትሎ አጠቃላይ የሟቾች ቁጥር 294 አካባቢ መሆኑን ፖሊስ ገልጿል።

@tikvahethiopia

#Update

ኮማንደር ተስፋዬ ዴቢሶ የሲዳማ ክልል ፖሊስ ኮሚሽን ኮሚሽነር ሆነው ተሾሙ።

የሲዳማ ክልል ከሰሞኑ በፀጥታዉ ዘርፍ እየወሰደ እንደሆነ በተገለፀዉ ተቋማዊ ሪፎርም ዛሬ የቀድሞ የክልሉ ኮሚሽነር የነበሩትን ሽመልስ ቶማስ በዛሬዉ ዕለት ከስልጣን ማንሳቱ የተሰማ ሲሆን ማምሻዉን ኮማንደር ተስፋዬ ዴቢሶን የክልሉ ፖሊስ ኮሚሽን ኮሚሽነር አድርጎ ሾሟቸዋል።

አዲሱ ኮሚሽነር ተስፋዬ ዴቢሶ ሲዳማ በዞን መዋቅር ከነበረበት ጊዜ ጀምሮ በልዩ ልዩ ፖሊሳዊ አመራሮች ተቋሙን ያገለገሉና በአሁኑም ወቅትም የሲዳማ ክልል ብልፅግና ፓርቲ ቅርንጫፍ ጽ/ቤት የዴሞክራሲ ባህል ግንባታ ዘርፍ ኃላፊ ሆነዉ ሲሰሩ እንደነበር ቲክቫህ ኢትዮጵያ ከተለያዩ ምንጮች አረጋግጧል።

ይህ መረጃ በተዘጋጀበት ወቅት ስለ ቀድሞዉ የሲዳማ ክልል ፖሊስ ኮሚሽነር ከኃላፊነት መነሳት ዙሪያ ይፋ የተደረገ መግለጫ የሌለ ሲሆን የፖሊስ ኮሚሽኑ የፌስቡክ ገፅ የአዲሱን ኮምሽነር ሹመት ከደቂቃዎች በፊት ይፋ አድርጎታል።

ቲክቫህ ኢትዮጵያም ከጉዳዩ ጋር የተያያዙ አዳዲስ መረጃዎችን እየተከታተለ የሚያቀርብ ይሆናል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia

" በተወሰኑ ቦታዎች ኃይል እየተመለሰ ነው " - የኢትዮጵያ ኤሌክትሪክ ኃይል

አዲስ አበባን ጨምሮ በኢትዮጵያ በከፊል የተቋረጠው ኃይል በተወሰኑ አካባቢዎች መመለስ እንደጀመረ የኢትዮጵያ ኤሌትክሪክ ኃይል አሳውቋል።

" በተቀሩት አካባቢዎችም በየደረጃው መልሶ ኃይል የማገናኘት ስራ እየተሰራ ነው " ብሏል።

#Update : ሙሉ በሙሉ ኃይል ተመልሷል።

@tikvahethiopia

#Update

የኢራን መገናኛ ብዙኃን በሰሜናዊ ኢራን ፍንዳታዎች በመሰማታቸው " ተኩስ አቁሙ ተጥሷል " አሉ።

በኢራን እና በእስራኤል መካከል የተኩስ አቁም መደረጉ ቢነገርም በሰሜናዊ ኢራን ማዛንዳራን ግዛት ውስጥ ፍንዳታዎች መሰማታቸውን ነዋሪዎች ተናግረዋል።

ለኢራን እስላማዊ አብዮታዊ ዘብ ጓድ ቅርብ የሆነው 'ፋርስ' የተባለው የዜና ወኪል እንዳለው ከዋና ከተማዋ ቴህራን በስተሰሜን ማዛንዳራን ግዛት ውስጥ በምትገኘው ባቦልሳር ከተማ ውስጥ ፍንዳታዎች ተሰምተዋል።

ይህ በእንዲህ እንዳለ ከፊል መንግሥታዊ የሆኑት 'መህር' እና 'ኢስና' የተባሉት የዜና ወኪሎች በሰሜናዊ ግዛት ውስጥ በሚገኙ የተለያዩ ስፍራዎች ፍንዳታዎች መከሰታቸውን እና የአየር መከላከያ መሳሪያዎች ተኩስ መሳማቱን በመጥቀስ የተኩስ አቁሙ “ተጥሷል” ብለዋል።

በተጨማሪም የኢራን መንግሥት ቴሌቪዥን ፍንዳታዎች መከሰታቸውን እና የግዛቲቱን አስተዳዳሪ ቃል አቀባይ ክስተቱን በተመለከተ ዝርዝር ጉዳዮች ገና አለመታወቃቸውን መናጋራቸው ገልጿል።

በሌላ በኩል ፥ የአሜሪካ ፕሬዝዳንት ዶናልድ ትራምፕ " እስራኤል በኢራን ላይ ጥቃት መፈጸም የለባትም " በማለት ማስጠንቀቂያ አስተላልፈዋል።

ፕሬዝዳንቱ  " እስራኤል፤ እነዚያን ቦምቦች አትጣይ። በጥቃቱ የምትቀጥይ ከሆነ ከፍተኛ ጥሰት ነው። የጦር አውሮፕላን አብራሪዎችሽን አሁኑኑ ወደ ቤታቸው መልሺ! " ብለዋል።

ይህ የፕሬዝዳንቱ ማስጠንቀቂያ የመጣው ከዛሬ ጠዋት ጀምሮ ተግባራዊ የሚሆን የተኩስ አቁም በኢራን እና በእስራኤል መካከል መደረጉን ካስታወቁ በኋላ ነው።

እስራኤል በትራምፕ ሃሳብ መስማማቷን ስታሳውቅ፣ ኢራን ደግሞ ጥቃቱን የምታቆመው እስራኤል ካቆመች ብቻ ነው ብላለች።

ምንጭ ፦ ቢቢሲ

@tikvahethiopia

#Update

" በሰገን ዙሪያ ወረዳ በሁለት ሰዎች ላይ የታየዉ ምልክት የMpox በሽታ ስላልሆነ ሕብረተሰቡ ከስጋት ነፃ ሆኖ ጥንቃቄ ማድረግ አለበት " - የኮንሶ ዞን ጤና መምሪያ

ከሰሞኑ በደቡብ ኢትዮጵያ ክልል ኮንሶ ዞን ሰገን ዙሪያ ወረዳ አማራይታ ተብሎ በሚጠራዉ አከባቢ በሁለት እህታማምች ላይ የታየዉን የሰዉነት ላይ ምልክትን ተከትሎ ሕብረተሰቡ " የኤም ፖክስ በሽታ ሊሆን ይችላል " በሚል ስጋት ዉስጥ መግባቱንና የዞኑ ጤና መምሪያ በበኩሉ ከተጠረጠሩት ሁለት የአንድ ቤተሰብ አባላት ላይ ናሙና ወስዶ ለምርመራ መላኩን ለቲክቫህ ኢትዮጵያ አሳቆ ነበር።

የኮንሶ ዞን ጤና መምሪያ ኃላፊ አቶ ግርማ በሌ ለቲክቫህ ኢትዮጵያ እንደገለፁት ከሁሉቱ እህታማሞች የተወሰደዉ ናሙና ዉጤት ከአዲስ አበባ መምጣቱንና በዉጤቱ መሰረት ምልክቱ MPox (የዝንጀሮ ፈንጣጣ) አለመሆኑ ተረጋግጧል ብለዋል።

አቶ ግርማ ሕብረተሰቡ በሽታዉን መጠንቀቁ አግባብ ቢሆንም ልጆቹንና ቤተሰቦቻቸውን ያገለለበት መንገድ ተገቢ አለመሆኑን ገልፀዋል።

ዉጤቱን ተከትሎም ስለ በሽታው የግንዛቤ ማስፋትና የጥንቃቄ ስራዎች እየተሰሩ ያለ ሲሆን በአሁኑ ወቅት ልጆቹ ከቤተሰቦቻቸው ጋር እንዲቀላቀሉ መደረጉንም አስታውቀዋል።

ቲክቫህ ኢትዮጵያ
ሀዋሳ
#TikvahEthiopiaFamilyHawassa

@tikvahethiopia

#Update

ከጎንደር መተማ በሚወስደው መንገድ በአንድ ቀን ልዩነት በመንግስት የፀጥታ ሀይሎች ላይና በንፁሀን ላይ " ዘግናኝ " ሲል የጠራው ጭፍጨፋ መፈጸሙን የምዕራብ ጎንደር ዞን አስተዳደር አስታውቋል።

የዞኑ ሰላምና ፀጥታ መምሪያ ለጥቃቱ " ፅንፈኛው ቅማንት " ሲል የጠራውን ታጣቂ ኃይል ተጠያቂ አድርጓል።

ዞኑ ሰኔ 19 ባወጣው መግለጫ በቀን ሰኔ 16/2017 ዓ.ም 11:00 ገደማ  ከጎንደር ገንዳ ዉሃ በሚወስደው መንገድ " መቃ " በተባለ ቦታ ጥቃቱ መፈጸሙን ገልጿል።

በቀን 16/10/2017 ዓ/ም ከቀኑ11:30 ገደማ ለአርሶ አደሩ እና በአካባቢው በእርሻ ስራ በኢንቨስትመት ለተሰማሩ የሚከፋፈፍል የአፈር ማዳበሪያ የጫኑ ተሽከርካሪ እና ሌሎች የህዝብ መጓጓዣዎችን አጅበው የነበሩ  መከላከያ፣ የፌደራል ፖሊስና የአድማ ብተና ፖሊስ አባላት እንዲሁም አሽከርካሪዎችና ተሳፋሪዎችን " ዘግናኝ በሆነ ጭካኔ ጨፍጭፏቸዋል " ሲል ገልጿል።

" ታጅበዉ እና ማዳበሪያ ጭነዉ ሲመጡ የነበሩ 16 ሹፌሮችን ከመኪና እያስወረደ ዘግናኝ በሆነ ጭካኔ ጨፍጭፏቸዋል። የተወሠኑትንም አግቶ በመውሠድ አድራሻቸውን አጥፍቷል " ሲል መግለጫው ይጠቅሳል።

አክሎሞ " ይህው ታጣቂ ኃይል በቀን 18/10/2017 ዓ/ም ከፍተኛ የመከላከያ ሠራዊታችን አመራሮችና አባላት ላይ አቅዶና ተዘጋጅቶ ድጋሜ በጀግናው የመከላከያ ሠራዊት አባላት ላይ ግጭት አድርጓል " ብሏል።

የዞኑ አስተዳደር " ታቅዶበት የተፈፀመና ዘግናኝ " ብሎ በጠራው በዚህ ጥቃት በመጀመሪያው ቀን የሟቾች ቁጥር 16 ሹፌሮች መሆኑን ሲጠቅስ በሁለተኛው ቀን በተፈፀመው ጥቃት የሟቾችን ቁጥር ከመግለፅ ተቆጥቧል።

በመጀመሪያው ቀን በንፁሃን ላይ ደረሰ ባለው ጥቃት ቁጥራቸውን ያልገለፃቸው ሹፌሮች ታግተው መወሰዳቸውንም አክሏል።

ለቲክቫህ ኢትዮጵያ አስተያየታቸውን የሰጡ የአይን እማኝ ግን  ሰኔ 16፤ 2017 ዓ.ም በተፈፀመው ጥቃት የሟቾችን ቁጥር ከመቶ በላይ እንደሚደርስ ተናግረዋል።

ይህዉ የአይን እማኝ እንደሚለው " በእለቱ ከታጣቂ ሀይሉ ጋር መሬት ላይ ሲጨቃጨቁ የነበሩት አድማ ብተና ፖሊስና በFSR መኪና ተጭነው የነበሩ የፀጥታ ሀይሎችን ከጫካ እየወጡ ነው መኪና ላይ እያሉ የጨፈጨፏቸው " ብሏል።

" እነሱን ሲጨርሱ ደግሞ በየመኪናው ባሉ ሹፌሮችና ተሳፋሪዎች ላይ ጥቃቱን ፈፅመዋል" ሲል ገልጿል።

የዞኑ አስተዳደር " ፅንፈኛ " ሲል የሚጠራውን የቅማንት ታጣቂ ኃይል በአካባቢው ከ2008 ዓ.ም ጀምሮ በንፁሀን ዜጎች ላይ ግድያና እገታ እንደሚፈፅም በመግለጫው አንስቷል።

ቲክቫህ ኢትዮጵያ
ባሕር ዳር
#TikvahEthiopiaFamilyBD

@tikvahethiopia

#Update

ሲዳማ ቡና ስፖርት ክለብ የኢትዮጵያ እግር ኳስ ፌዴሬሽን ሥራ አስፈጻሚ ኮሚቴን ውሳኔ " ተገቢና ህግን ያልተከተለ ውሳኔ " ሲል ተቃወመ።

የኢትዮጵያ እግር ኳስ ፈዴሬሽን የሥራ አስፈፃሚ ኮሚቴ የኢትዮጵያ ዋንጫ ከሲዳማ ቡና ተነጥቆ ለወላይታ ዲቻ እንዲመለስ ሲል ውሳኔ አሳልፏል።

ይህ ተከትሎ የሲዳማ ቡና እግር ኳስ ክለብ ቦርድ ውሳኔውን " ተገቢነት የለሌው ውሳኔ ነው። ውሳኔው እጅግ አሳዝኖናል " ብሏል።

" ብርቅዬ የክለባችን ተጫዋቾች በጨዋታ ሜዳ የገጠሙትን ሁሉንም ከጨዋታ ብልጫ ጋር በማሸነፍ የ2017 ዓ.ም የኢትዮጵያ ዋንጫ ማሸነፉ የአደባባይ ምስጥር ነዉ " ሲል ገልጿል።

" ይሁን እንጂ ' የሊግ ካምፓኒ ያወጣውን የፋይናንስ ደንብ አላከበራችሁም ' በሚል በክለቡና በተጫዋቾች ላይ ቅጣት ተጥሎባቸዋል ቢባልም ክለቡ  ያነሳዉ ዋንጫ የኢትዮጵያ ጥሎ ማለፍ በ48 ክለቦች መካከል የተደረገው መሆኑ ዕሙን ነው " ብሏል።

" የሲዳማ ቡና ስፖርት ክለብ የታገዱ ተጫዋቾችን አሰልፎ ከሆነ በጥሎ ማለፉ ያሸነፋቸው ክለቦች በሙሉ ፎርፌ አግኝተው ጉዳያቸው እንደገና መታየት አለበት እንደ ማለትም ይሆናል " ብሏል።

" እርስ በርስ የሚጣረሱ ሀሳቦችን በማገናኘት ውጤቱን ለመቀማት መሞከር  ተገቢና ህግን የተከተለ ውሳኔ ነው ብለን አናምንም " ሲል ቦርዱ አሳውቋል።

" ፌዴሬሽኑ ዉሳኔውን ከህግጋቱ ጋር በማገናዘብ እንደገና እንዲያጠነዉ ቅሬታችንን እናሰማለን " ብሏል።

" ህዝባችን በፌደሬሽኑ ውሳኔ የተከፋ ቢሆንም የአፊኒ ባህል ያለው ታላቅ ህዝብ ስለሆነ ክስተቶችን በመረጋጋት መርምሮ በተገቢው እንዲያጠነውና  ሂደቱን  በትዕግሥት እንዲጠባበቅ በአክብሮት እየጠይቃል " ሲል ገልጿል።

" የተነፈግነው ፍትህ እስኪረጋገጥ ድረስ ጉዳዩን እስከ ፊፋ ገላጋይ ፍርድ ቤት ድረስ በይግባኝ ወስደን ለጉዳዩ  ተገቢው እልባት እስኪሰጥ ድረስ የክለቡ ቦርድ ቁርጠኛ መሆኑን እናረጋግጣለን " ሲል አሳውቋል።

ቲክቫህ ኢትዮጵያ
#TikvahEthiopiaFamily

@tikvahethiopia

#Update

19 ዓመት ፅኑ እስራት ተፈርዶበታል !

ታዳጊዋ አያንቱ ቱና ላይ የግበረስጋ ድፍረት የፈጸመው ግለሰብ በ19 ዓመት ፅኑ እስራት እንዲቀጣ ወስኖበታል።

በሲዳማ ክልል ማዕከላዊ ሲዳማ ዞን ሻፋሞ ወረዳ የ13 ዓመቷን ታዲጊ አያንቱ ቱና ላይ የግብረስጋ ድፍረት ወንጀል በመፈጸም የተጠረጠረውና በፖሊስ ተባባሪነት ጭምር አምልጦ ከ1 ዓመት በላይ ተሰዉሮ የነበረዉ ወጣት በቲክቫህ ኢትዮጵያ ላይ መረጃው ከተሰራጨ በኋላ በተደረገ ክትትልና ፍለጋ ተጠርጣሪዉ በቁጥጥር ስር ዉሎ ክስ ተመስርቶበት እንደነበር የአያንቱ ታላቅ ወንድም ወጣት ጴጥሮስ ቱና ለቲክቫህ ኢትዮጵያ ገልጿል።

ይኸው ግለሰብ አርብ ዕለት ፍርድ ቤት ቀርቦ ዉሳኔ እንደተላለፈበት የአያንቱ ወንድም ተናግሯል።

የሻፋሞ ወረዳ ዐቃቤ ሕግ ጽ/ቤት ኃላፊ አቶ ደምሴ ፉና ስለጉዳዩ ለቲክቫህ ኢትዮጵያ ሲያስረዱ " የወረዳዉ ፖሊስ እና ዐቃቤ ሕግ በተከሳሹ ላይ ያቀረቡትን ጠንከር ያለ ምርመራ፣ የሰነድ እንዲሁም የሕክምና ማስረጃዎችን የተመለከተዉ የወረዳዉ ፍርድ ቤት ግለሰቡን ጥፋተኛ ነዉ በማለት በ19 ዓመት ፅኑ እስራት እንዲቀጣ ወስኖበታል " ብለዋል።

" ተጠርጣሪዉ በቁጥጥር ስር ከዋለ በኋላ በማቆያ ዉስጥ የምትገኘዉ አያንቱ ደፋሪዋ እንደተያዘ ከተነገራት በኋላ ጥሩ መሻሻል ታይቶባታል " የሚለዉ የታዳጊዋ ወንድም ጴጥሮስ " ከዚህ በኋላ ከማቆያ ወጥታ ወደ ትምህርት ገበታዋ ትመለሳለች " ብሏል

" የቲክቫህ ኢትዮጵያ ቤተሰብ አባላትን ጨምሮ ለታዳጊዋ ድምፅ ለሆናችሁ ሁሉ ምስጋናዬ ይድረሳችሁ " ብሏል።

ቲክቫህ ኢትዮጵያ
ሀዋሳ
#TikvahEthiopiaFamilyHawassa

@tikvahethiopia

#Update

" የዘገየ ፍትህ እንዳልተሰጠ ይቆጠራል ! " - ሂደቱን የሚከታተሉ ታዛቢዎች

አሁንም የእንስት ዘወዱ ሃፍቱ የግድያ ወንጀል የፍርድ ውሳኔ ሌላ ቀጠሮ ተይዞለታል።

የግድያ ወንጀሉ ከተፈፀመ የፊታችን ነሀሴ ወር የሚከበረው የአሸንዳ 2017 ዓ.ም በዓል ሁለት ዓመት ይሞላዋል።

አሰቃቂ የግድያ ወንጀሉ የአሸንዳ በዓል በሚከበርበት ወርሃ ነሀሴ 2015 ዓ.ም ነበር የተፈፀመው።  

የእንስት ዘውዱ ሃፍቱ የግድያ ወንጀል ችሎት የትላንት ውሎ ምን ይመስል ነበር ? 

የእንስት ዘውዱ ሃፍቱ የግድያ ወንጀል በመመልከት ላይ የሚገኘው የመቐለ ማእከላዊ ፍርድ ቤት ግንቦት 8 ቀን 2017 ዓ.ም በተከሳሾች ላይ ያስተላለፈው ውሳኔ ላይ ጥፋተኛ የተባሉት ግለሰቦች የሚያቀርቡት የፍርድ የማቅለያ ለመስማት ነው ለሰኔ 30 ቀን 2017 ዓ.ም የተቀጠረው።

የችሎቱ ዳኞች በያዙት ቀጠሮ ተከሳሾች ለፍርድ ማቅለያ የሚሆናቸውን የህክምናና ሌሎች ሰነድ እንዲያቀርቡ ባዘዙት መሰረት በጠበቃቸው በኩል አቅርበዋል።

አንደኛ ተከሳሽ የልብ ህመም ታማሚና የኪንታሮት ህመምተኛ ፣ ሁለተኛው ተከሳሽ ደግሞ የስኳርና የኪንታሮት ህመምተኛ መሆናቸውን በቃል ቢገልጹም በሃኪሞች ማስረጃ እንዲረጋገጥ ለሀምሌ 3 ቀን 2017 ዓ.ም ተለዋጭ ቀጠሮ ተሰጥቷል።

በግድያ ወንጀሉ በመፈፀመ የተጠረጠሩ ሁለቱ ወጣቶች ሀምሌ 3 ቀን 2017 ዓ/ም በሃኪም የተረጋገጠ የፅሁፍ ማስረጃ ያቀርቡ እንደሆነ ያኔ የሚታይ ሆኖ የችሎት ሂደቱን የተከታታሉ የሚድያ ባለሙያዎች ፣ የሴቶች ጥቃት እንዲቆም የሚሰሩ ግለሰቦችና ተቋማት " ይህንን ሁሉ በሽታ ተቋቁመው ይህን መሰል ዘግናኝ ግድያ ለመፈፀም እንዴት ጉልበትና አቅም አገኙ ? " የሚል ጥያቄ ጭረዋል።

የችሎቱ የውሎ መረጃ  በማህበራዊ ሚዲያ የተከታተሉ በርካቶች የፍርድ ሂደቱ ለሁለት አመታት መራዘሙ በመቃወም "  የዘገየ ፍትህ እንዳልተሰጠ ይቆጠራል " ብለዋል።

የአሰቃቂ የግድያ ወንጀሉ የፍርድ ሂደት ሀምሌ 3 ቀን 2017 ዓ.ም መቋጫ ይብጀለት ይሆን ? ቲክቫህ ኢትዮጵያ የመቐለ ቤተሰብ ጉዳዩ ተከታትሎ ያቀርባል።

ቲክቫህ ኢትዮጵያ
መቐለ
#TikvahEthiopiaFamilyMekelle

@tikvahethiopia

#Update

የመቐለ ማእከላዊ ፍርድ ቤት በእንስት ዘውዱ ሃፍቱ የግድያ ወንጀል ጉዳይ ላይ የመጨረሻ ያለውን ቀነ ቀጠሮ ሰጠ።

ሰኔ 30 ቀን 2017 ዓ.ም በእስር የሚገኙ ተከሳሽ ተጠርጣሪዎች ለውሳኔ ማቅለያ የሚሆን የህክምና ማስረጃ እናቀርባለን ባሉት መሰረት ለዛሬ ሀምሌ 3 ቀን 2017 ዓ.ም ቀጠሮ መስጠቱ ይታወሳል።

ይሁን እንጂ ዛሬ ችሎት ላይ የቀረቡት የተከሳሽ ጠበቆች " የመቐለ ዓይደር ሰፔሻላይዝድ ሆስፒታል ነገ አርብ ሀምሌ 4 ቀን 2017 ዓ.ም የህክምና ማስረጃ ለመስጠት ቀጠሮ ሰጥቶናል " ብለዋል።

ፍርድ ቤቱም ይህን አድምጦና ተቀብሎ የመጨረሻ ቀነ ቀጠሮ ለነገ ሰጥቷል።

በእንስት ዘውዱ ሃፍቱ የግድያ ወንጀል ላይ የመጨረሻ ውሳኔ ይሰጣል በሚል ዛሬ በመቐለ ማእከላይ ፍርድ ቤት የተበዳይና ተከሳሽ ቤተሰቦች ፣ በርካታ ሚድያዎች ፣ በሴት ጥቃት መከላከል ዙሪያ የሚሰሩ ስቪክ ማህበራት አመራሮችና አባላት ተገኝተው ነበር ።

ሁለት አመት ያስቆጠረው የእንስት ዘውዱ ሃፍቱ አሰቃቂ የግድያ ወንጀል ነገ ሀምሌ 4 ቀን 2017 ዓ.ም የመጨረሻ መቋጫ የፍርድ ውሳኔ ያገኝ ይሆን ? ቲክቫህ ኢትዮጵያ የመቐለ ቤተሰብ የችሎቱን ውሳኔ ተከታትሎ ያቀርባል።

ቲክቫህ ኢትጵዮጵያ
መቐለ
#TikvahEthiopiaFamilyMekelle

@tikvahethiopia