በቅበት የሆነው ምንድነው ?

በማዕከላዊ ኢትዮጵያ ክልል ፤ በስልጤ ዞን ውስጥ " ቅበት ከተማ " የሰው ህይወትን የቀጠፈ አለመረጋጋት መከሰቱን ለማውቅ ተችሏል።

ጉዳዩን በተመለከተ ምን ተባለ ?

የእስልምና ጉዳዮች  ላይ  ትኩረት አድርገው የሚሰሩ የሚዲያ ምንጮች እንደገለፁት ከሆነ የችግሩ መነሻ " ተደርጓል በተባለ መተት / ድግምት ምክንያት የልጆች ጤና እየታወከ ፣ ከትምህርት ገበታቸውም እንዲርቁ እየሆነ ነው " የሚል ነው።

ይህንን መሰል ጉዳይ ከዚህ ቀደምም በቅበት ከተማ ሲስተዋል የነበረ ነው የሚሉት የአካባቢው የእስልምና እምነት ተከታዮች በዚህም ምክንያት በ2015 ከ260 በላይ ተማሪዎች ቤታቸው እንዲውሉ ሆነዋል ሲሉ ጠቁመዋል።

ከሰሞኑን ደግሞ በቅበት አንደኛ ደረጃ ትምህርት ቤት ለመመዝገብ የሄዱ ተማሪዎች እራሳቸውን ስተው መውደቃቸውን ገልጸዋል።

በዚህም ምክንያት በከተማው የሱቅ ባለቤቶች ፣ የስራ ቦታ ያላቸው ሰዎች እና ወጣቶች ለዚህ ችግር መፍትሄ ነው በሚል በተለያዩ ቦታዎች ሞንታርቦ በሚባለው የድምፅ ማጉያ " ቁርዓን " በመክፈት ተከስቷል ያሉትን በሽታ ለመከላከል በሚሞክሩበት ወቅት የፀጥታ ኃይሎች ሞንታርቦዎችን መሰብሰብ መጀመራቸውና ወጣትና አባቶችን መደብደብ መጀመራቸውን ነዋሪዎቹ ገልጸዋል።

በዚህም ምክንያት ግጭት ተፈጥሮ የ1 ሰው ህይወት ጠፍቷል፤ በርካታ ወጣቶችም ተጎድተው ሆስፒታል ገብተዋል። በከተማው ውስጥ የሚገኝ " አብድልአዚዝ መስጂድ " መጎዳቱንም ነዋሪዎቹ ጠቁመዋል።

በከተማው ከተፈጠረው ሁኔታ ጋር በተያያዘ ግን የኦርቶዶክስ አማኞች ላይ ትንኮሳና ጥቃት መፈፀሙን የሐዲያና ስልጤ ሀገረ ስብከት አሳውቋል።

የሀገረ ስብከቱ ዋና ሥራ አስኪያጅ መላከ ሕይወት ንጉሴ ባወቀ ለቤተክርስቲያኒቱ ቴሌቪዥን በሰጡት ማብራሪያ ፤ በከተማይቱ ሃይማኖትን መሰረት ያደረገ ጥቃት ተፈፅሟል ብለዋል።

" ከሁለት ወራት በፊት ጀምሮ በአካባቢው ስላለው ጉዳይ ስንከታተል ነበር ፤ ሃይማኖትን መሰረት ያደረጉ አንዳንድ ትንኮሳዎች ነበሩ። ' የሙስሊም ልጆች ይወድቃሉ ' በሚል እነ እከሌ ደግመውባቸው ነው ፤ እንዲህ ተደርጎባቸው ነው በሚል ለኦርቶዶክሳዊነት እና ለትምህርቷ የማይመጥን ነገር እየሠጡ ካህናትን እየወንጀሉ ከጀርባ ሌላ ተልዕኮ ያላቸው ሰዎች እንዲህ ሲያደርጉ ቆይተዋል " ብለዋል።

" ልጆች ይወድቃሉ፣ ታመውብናል፣ ይሄን ያደረጉት ኦርቶዶክሶች ናቸው። ትምህርት ቤት የሚያስተምሩ፣ ባጃጅ የሚነዱ እነሱ ናቸው እየተባለ ማጥቃት፣ በሞተራቸው ሰው እንዳይገለገል ማድረግ ፣ ከጎረቤት መለየት ፣ ማግለል ሲደረግ ነበር በዚህም በብፁዕ አባታችን ፍቃድ ከዞኑ ፀጥታ ዘርፍ ኃላፊ ጋር ተወያየን ሀዋሳም ደብዳቤ አስገብተናል ይህን ነገር ተከታትለው እንዲያስቆሙ ጠይቀናል " ብለዋል።

" በኃላም ጉዳዩ ይበርዳል ብለን ስንጠብቅ ሞንታርቦ በየበራቸው አቁመው የመፈወሻ ትምህርት ነው ፀሎት ነው ብለው ነገር ግን የስድብ ፣ ኦርቶዶክስን የሚያጥላላ ፣ ሃይማኖትን የሚያንቋሽሽ ብዙ ነገር ማድረግ ጀመሩ ፣ ግለሰቦችንም እየያዙ መደብደብ ሲጀምሩ ነው የፀጥታ ኃይል ገብቶ ሞንታርቦውን አንሱ ልዩነት የሚፈጥር ነው ህዝብን ከህዝብ የሚያጋጭ ነው ፣ ድብደባውንም አቁሙ ብሎ ወደ እርምጃ ሲገባ ነው ለምን ይሄን ተባልን ብለው መንገድ መዝጋት የጀመሩት። መንገዱን ለማስከፈት የፀጥታ ኃይል ሲሞክር ወደ ፀጥታ ኃይሉ ጥቃት ተጀምሮ ነበር " ሲሉ ተናግረዋል።

" የነበረው የፖሊስ ኃይል ጥቂት ስለነበር እነሱ ዞር ሲሉ ወደ ምዕመናን ቤት ጥቃት ተሰንዝሮ 13 ቤቶች እና ንብረቶቻቸው መኖሪያ፣ ሆቴል፣ ሱቅ ተሰብረው ተዘርፈው ተቃጥለዋል ፤ ፈርሰዋል። ይሄን ለምን አስቆማችሁ በሚልም የአመራሮችን ቤቶች የማፍረስ እና የማቃጠል ተግባር ተፈፅሟል " ብለዋል።

ይህ ሁኔታ ወደ ቤተክርስቲያን እንዳይመጣ የሰዎችም ህይወት እንዳይጠፋ ስጋት ስላለ የፌዴራልም ሆነ የክልል መንግሥት ከለላ እንዲያደርጉ መጠየቁን ዋና ሥራ አስኪያጁ ተናግረዋል።

የቅበት ከተማ አስተዳደር ምን አለ ?

አስተዳደሩ ባወጣው መግለጫ ፤ በህዝቡ መካከል ያለውን የዘመናት አብሮነትና አንድነት ሊሸረሽሩና ሊያቃቅሩ የሚችሉ ፀብ አጫሪ ጉዳዮች አልፎ አልፎ እየተከሰቱ ነው ብሏል።

ከትላንት በስቲያ የተፈጠረውን ችግር " የሀይማኖት መልክ " ለመስያዝ ጥረት ቢደረግም በሃይመኖት አባቶችና በሀገር ሽማግሌዎች፤ በወጣቶችና በፀጥታ አካላት ትብብር ሰላምና መረጋጋት ለመፍጠር መቻሉን ጠቁመዋል።

ግጭቱ የአካባቢውንና የስልጤ ህዝብ የዘመናት እሴት የማይገልፅ ነው ብሏል።

በሌላ በኩል ፤ ግጭት የሚፈጥሩ አካላትን ለይቶ በማውገዝ ፤ ጉዳዩ እንዲባባስና ወደ ሌላ አቅጣጫ እንዲሄድ ሩቅ ሆነው በተሳሳተ መንገድ እያራገቡ ያሉ አካላትን ህዝቡ ሊታገላቸው ይገባል ብሏል።

በተፈጠረው አለመግባባት የአንድ / 1 ሰው ህይወት ማለፉን ያረጋገጠው የከተማው አስተዳደር 3 ሰዎች በቅበት የመጀመሪያ ደረጃ ሆስፒታል እና 6 ሰዎች በወራቤ ኮ/ስፔሻላይዝድ ሆስፒታል ቀላልና ከባድ ጉዳት ደርሶባቸው ህክምና እየተደረገላቸው ይገኛል ብሏል።

በተፈጠረው ግጭት በንብረት ላይም ውድመት መድረሱን ገልጷል።

ነዋሪዎች ባደረጉት ርብርብ አለመግባባቱ ሰፍቶ የከፋ ጉዳት እንዳይደርስ ከፍተኛ አስተዋዕፆ ማበርከታቸውን ጠቁሟል።

አጠቃላይ በተፈጠረው ጉዳዩ ዙሪያ የቅበት ነዋሪዎች ተቀራርቦ በመወያየት ለመፍትሄው በጋራ ርብርብ ሊያደርጉ እንደሚገባ ጥሪ አቅርቧል።

@tikvahethiopia

#itel_Ethiopia
itel 23+ በልዮነት እና በጥራት ቀርቦሎታል !

ከዘመኑ ጋር አብሮ ለመራመድ አዲሱን የአይቴል S23+ ሞዴል በእጆ ያስገቡ።
ለእይታ ማራኪ፣ ለአያያዝ አመቺ እና ለአጠቃቀም ቀላል ሆኖ በልዮ ዲዛይን ውበትን በማላበስ የተመረተው አዲሱ የአይቴል ኤስ23+ ሞዴል በየተኛውም ቦታ እና በማንኛውም ጊዜ የሚተማመኑባቸውን ካሜራ፣ እስክሪን፣ ሜሞሪ እንዲሁም ከፍተኛ የባትሪ አቅምን የካተተ ነው። አስደናቂ 6.78 ኢንች ኤፍ ኤችዲ+ አሞልድ ከርቭ ስክሪን፣የፊት ለፊት 32ሜጋ ፒክስል እና የኃላ 50ሜጋ ፒክስል ካሜራ፣ 16ጂቢ ራም ከ 256ጂቢ የሜሞሪ ጋር በማጣመር ለእርሶ ቀርቧል።

አይቴል ሞባይል
#ItelMobile #ItelEthiopia #S23+
Follow Us :  Facebook Instagram