አሚና መሀመድ ዛሬ ኮምቦልቻ ይገኛሉ።

በተባበሩት መንግስታት ድርጅት ምክትል ዋና ጸሐፊ አሚና መሀመድ የተመራ የመንግስታቱ ድርጅት ልዑክ ዛሬ ጥዋት ኮምቦልቻ ከተማ ገብቷል፡፡

የአማራ ክልል ከፍተኛ ባለስልጣናት ለልዑኩ አቀባበል ያደረጉ ሲሆን ልዑኩ በኮምቦልቻ በጦርነት ያተጎዱ አካባቢዎችን ተመልክቷል።

ልዑኩ ከጎበኛቸው ቦታዎች አንደኛው የኮምቦልቻ ቴክኒክ እና ሙያ ማሰልጠኛ ኮሌጅ ሲሆን በተቋሙ ላይ የደረሰውን ጉዳት እንዲሁም የጅምላ መቃብር ስፍራ ተዘዋውሮ ተመልክቷል።

ከሚመለከታቸው አካላት ጋርም ውይይት ያደረጉ ሲሆን የጦርነቱ ሰለባ የሆኑ ሴቶች፣ ህፃናት እና ሌሎችንም የህብረተሰብ ክፍሎች አነጋግረዋል።

@tikvahethiopia

#WKU

ወልቂጤ ዩኒቨርሲቲ ያስገነባውን ዘመናዊ የመምህራን መኖሪያ እያስመረቀ ይገኛል።

ወልቂጤ ዩኒቨርሲቲ ከ464,000,000 ብር (አራት መቶ ስልሳ አራት ሚሊዮን ብር) በላይ ወጪ በማድረግ ያስገነባው የመምህራን መኖሪያ አፓርታማ በዛሬው ዕለት በመመረቅ ላይ ይገኛል።

የወልቂጤ ዩኒቨርሲቲ መምህራንን የመኖሪያ ቤት ችግር በከፊልም ቢሆን ለማቃለልና በተለይም መምህራን በዩኒቨርስቲው አቅራቢያ ሆነው በተረጋጋ ሁኔታ መደበኛ ስራቸውን ለማከናወን እንዲያግዛቸው ታስቦ በዩኒቨርሲቲው አቅራቢያ በጉብሬ ክፍለ ከተማ የተገነባ ነው።

ግንባታው በ1719 ካሬ ላይ ያረፈ ሲሆን አራት ብሎኮች አሉት። ባለ ሁለት መኝታ ያላቸው 72 ቤቶችን፤ ባለ አንድ መኝታ ቤት ያላቸው 120 ቤቶችን እና 60 እስቱዲዮዎች ሲሆኑ በድምሩ 252 አባወራዎችን የሚያስተናግድ የመኖሪያ ክፍሎች ያሉት ነው።

በተጨማሪ ደግሞ ደረጃውን የጠበቀ የኪችን ካቢኔት የተገጠመለት ፤ ነዋሪዎችን የዋይፋይ አገልግሎት ተጠቃሚ እንዲሆኑ የመስመር ዝርጋታ የተደረገለት፤ የራሱ የሆነ ትራንስፎርመር ተገጥሞለት የተሟላ የመብራት አገልግሎት እንዲኖር ለማድረግ የሚያስችል ሆኖ የተገነባ ፤የውሃ እጥረት እንዳይከሰት በማሰብ የራሱ የሆነ ጥልቅ የመጠጥ ጉድጓድ ውሃ የተቆፈረለት ጭምር ነው።

ለህንጻው ነዋሪዎች አገልግሎትን የሚሰጡ 24 ሱቆች (በእያንዳንዱ ብሎክ ላይ 6 ሱቆች) ፤ 4 ካፍቴሪያዎች (በእያንዳንዱ ብሎክ ላይ 1 ሱቅ) ፤ 4 ሱፐር ማርኬት (በየብሎኩ 1 ሱፐርማርኬት)፤ አንድ ፋርማሲ ያለው ሆኖ ለዘመናዊ የአኗኗር ዘዴ አመቺ ሆኖ መገንባቱ ተገልጿል።

#WKU

@tikvahethiopia

#WaraJarso

የወረ ጃርሶ ወረዳ ነዋሪዎች በታጣቂዎች እንቅስቃሴ ሰላማቸውን እንዳጡ መግለፅ ከጀመሩ ሰነባብተዋል።

በአካባቢው እንደሚንቀሳቀሱ የተነገረላቸው በህ/ተ/ም/ቤት አሸባሪ ተብሎ የተፈረጀው የሸኔ ታጣቂዎች እንደሆኑ ነዋሪዎቹ ይገልፃሉ።

ከወረዳ እስከ ዞን ከፍ ሲል እስከ ክልሉ መንግስት ድረስ ለአካባቢው መፍትሄ ይፈለግ ዘንድ አቤቱታ ቢቀርብም ተጨባጭ ለውጥ ሊመጣ አልቻለም።

ከሳምንታት በፊትም አዲስ አበባ ድረስ በመምጣት የፌዴራል መንግስት መፍትሄ እንዲፈልግላቸው አቤቱታቸውን አሰምተዋል።

አርሶ አደሮች በነፃነት ለመግባትና ለመውጣት ስጋት አለን ፤ ሰዎች ይታፈናሉ፣ ደክመን የዘራነው እህል በግፍ ይቃጠላል ፣ ሌሎችም ህገወጥ እንቅስቃሴ ይደረጋል ከዚህ አለፍ ሲል የወረዳው ከተማ ጎሃፅዮን/ቀሬጎዋ/ውስጥ ቀን ቀን የመንግስት አካላት እንደሚያስተዳር ማታ ደግሞ ታጣቂ ቡድኑ እንደሚንቀሳቀስ ቀን ላይ ግን እንደማይታይ ይገልፃሉ፤ ሁኔታው ግራ የሚያጋባ እና እጅግ ትልቅ ችግር መሆኑንም አመልክተዋል።

በዚህ ወርም የወረጃርሶ ወረዳ የአርሶ አደሮች እህል ሲቃጠሉ የሚያስዩ ፎቶዎች በማጋራት፣ በአካባቢው ዝርፊያ፣የንብረት ማውደም እየደረሰና ለዚህ ህገወጥ ድርጊት ተጠያቂው ሸኔ መሆኑን ገልጾ ነበር።

ከሳምንታት በፊት በብሄራዊ ቴሌቪዥ ጣቢያ የቀረበው የኦሮሚያ ክልል የፀጥታ ቢሮ የሸኔ እንቅስቃሴ ከክልሉ በላይ እንዳልሆነ በቡድኑ ላይ እርምጃ እየተወሰደ መሆኑን በወረ ጃርሶ አካባቢ የቀሩ ካሉ አይቀጡ ቅጣት እንደሚቀጣ ተናግሮ ነበር።

በኦሮሚያ ክልል አንዳንድ አካባቢዎች ላይ የሚታየው ከፍተኛ የሆነ የፀጥታ ስጋት፣ የዜጎች መፈናቀል፣ ሞት፣ ለዓመታት ያህል አንዳች ዘላቂና አስተማማኝ መፍትሄ ሳይገኝ ዛሬም ድረስ ቀጥሏል።

@tikvahethiopia

#PLAZAPREMIUM #NHY

ብፕላዛ ፕሪሚየም ግሩፕ እና ኤን.ኤች.ዋይ የሽርክና አጋርነት ስምምነት አደረጉ፡፡

ስምምነቱ በአፍሪካ የአየር ትራንስፖርት ዋና መዳረሻ በሆነው በአዲስ አበባ ቦሌ ዓለም አቀፍ አውሮፕላን ማረፊያ ያለውን የተጓዦች አቀባበል እና የላውንጅ አገልግሎት ደረጃን እንደሚያሳድግ እምነት የተጣለበት ነው።

ፕላዛ ፕሪሚየም ላውንጅ ኢትዮጵያ ፤ በያዝነው አመት መጋቢት ወር በአዲስ አበባ ቦሌ አለም አቀፍ አውሮፕላን ማረፊያ በተርሚናል 2 የሚከፈት ይሆናል፡፡

በአፍሪካ የአየር ትራንስፖርት ዘርፍ ቀዳሚ መዳረሻ የሆነው አዲስ አበባ ቦሌ አለም አቀፍ አየር ማረፊያ በየአመቱ ከ12 ሚሊዮን በላይ ተሳፋሪዎችን ያስተናገዳል፡፡

ይህ አዲስ የተመሰረተ የሽርክና አጋርነት የፕላዛ ፕሪሚየም ግሩፕን የ24 ዓመታት የላቀ ልምድ እና የኤን.ኤች.ዋይን የሀገር ውስጥ የእንግዳ መስተንግዶ ልምድ በማዋሃድ በአየር ማረፊያ ውስጥ ያለውን የመንገደኞች አቀባበል እና የላውንጅ አገልግሎት ደረጃን የበለጠ ለማዘመን ያለመ ነው፡፡

በ1000 ካሬ ሜትር ላይ ያረፈው ፕላዛ ፕሪሚየም ላውንጅ ኢትዮጵያ፤ በአንድ ጊዜ ለ325 እንግዶች አለም አቀፍ ደረጃን የጠበቀ መስተንግዶ ለመስጠት እንዲያስችል ታልሞ የተደራጀ ነው።

* ተጨማሪ መረጃ ከላይ ተያይዟል።

@tikvahethiopia