#Tigray , #Mekelle 📍

የዓለም አቀፍ ቀይ መስቀል ኮሚቴ በረራ ዛሬ (ጥር 19 ቀን 2014 ዓ.ም) ሁለተኛውን ዙር የአስቸኳይ ህክምና ቁሳቁሶች ድጋፍ ትግራይ ክልል ዋና ከተማ መቐለ አድርሷል፡፡

#ICRC

@tikvahethiopia

#MostInfluentialYoungAfricans

#አቫንስ_ሚዲያ_አፍሪካ የኢትዮጵያ ኢንቨስትመትን ኮሚሽን ኮሚሽነር ሌሊሴ ነሜ ፣ የቀድሞ የኢትዮጵያ የሴቶች፣ ህፃናትና ወጣቶች ሚኒስትር የነበሩት ፊልሰን አብዱላሂ፣ ሳሙኤል አለማየሁ እንዲሁም ቢታኒያ ሉሉ ብርሃኑን በ2021 ከ100 ተፅእኖ ፈጣሪ የአፍሪካ ወጣቶች ዝርዝር ውስጥ አካቷቸዋል።

አቫንስ ሚዲያ 100ዎቹ 2021 ተፅእኖ ፈጣሪ የአፍሪካ ወጣቶች በተለያየ መስክ የተሰማሩ መሆናቸውን እንዲሁም ከ100ዎቹ መካከል 52ቱ ወንዶች 48ቱ ደግሞ ሴቶች መሆናቸውን ገልጿል።

የተመረጡት 100 ወጣቶች 32 የአፍሪካ ሀገራትን እንደሚወክሉ አሳውቋል።

በዝርዝሩ ውስጥ ከተካተቱ መካከል የጎረቤታችን ሀገር ሱዳን ኢንቬስተር ኢስላም ኤልቢቲ የምትገኝበት ሲሆን በእግር ኳሱ ዓለም በዓለም አቀፍ ደረጃ የሚታወቁት ሰኢዶ ማኔ፣ ሪያድ ማሃሬዝ ፣ ኩሉባሊ ፤ ፔየርኤምሪክ ኦባምያንግ ፣ ሞሀመድ ሳላ ይገኙበታል።

ምንጭ፦ https://t.co/SfVdxF0qD0

@tikvahethiopia

#Ethiopia #Sweden

የኢትዮጵያ ምክትል ጠ/ሚና የውጭ ጉዳይ ሚኒስትር አቶ ደመቀ መኮንን ከስዊድን የውጭ ጉዳይ ሚኒስትር አን ሊንዴ ጋር በስልክ መወያየታቸው ተገልጿል።

የሁለቱ ወገኖች ውይይት በሁለትዮሽ ግንኙነት እና በኢትዮጵያ ወቅታዊ ጉዳዮች ላይ ያተኮረ ነበር ተብሏል።

ምክት ጠ/ሚና የውጭ ጉዳይ ሚኒስትር አቶ ደመቀ መኮንን የኢትዮጵያ መንግስት እያከናወናቸው ስላላቸው የሰላም ውጥኖች በተለይም በቅርቡ እስረኞች ስለመፍታታቸው እና ስለሀገራዊ ምክክሩ በዝርዝር ነግረዋቸዋል።

መንግስት ወታደሮቹ ወደ ትግራይ ክልል የሚያደርጉትን ግስጋሴ ለማስቆም ቢወስንም ሕወሃት በአጎራባች ክልሎች ለምሳሌ በአፋር ክልል ' አባአላ ወረዳ ' ላይ ጥቃት በመክፈት ወደ ክልሉ የሚደርሰውን ሰብአዊ ርዳታ ማደናቀፉን ገልፀዋል።

አቶ ደመቀ ስዊድን በኢትዮጵያ ያለውን ሁኔታ በተመለከተ ሚዛናዊ አቀራረብን በመከተሏ አመስግነዋል።

የስዊድን ውጭ ጉዳይ ሚኒስትር አን ሊንዴ በበኩላቸው የመንግስትን የሰላም ተነሳሽነት አድንቀው ለመደገፍም ቃል ገብተዋል፤ ለኢትዮጵያ ዘላቂ ሰላም መንገድ እንደሚጠርግ ያላቸውን እምነትም ገልጸዋል።

ስዊድን በኢትዮጵያ ለሚካሄድ ሁሉን አቀፍ የሪፎርም ሂደት ድጋፍ እንደምታደርግ እና በልማት ፕሮጀክቶች ላይ ከኢትዮጵያ ጋር መስራቷን እንደምትቀጥል የውጭ ጉዳይ ሚኒስትሯ ተናግረዋል።

@tikvahethiopia

የአሜሪካ መግለጫ ፦

አሜሪካ በአፋር እና ትግራይ ክልል አዋሣኝ አካባቢዎች አዲስ የተቀሰቀሰው ጦርነት ያሳስበኛል አለች።

የአሜሪካ የውጭ ጉዳይ መሥሪያ ቤት ቃል አቀባይ ኔድ ፕራይስ ትናንት ሐሙስ ለጋዜጠኞች በሰጡት መግለጫ "በአፋር ክልል ጦርነት እንደ አዲስ መቀስቀሱ እጅግ አሳሳቢ ነው" ብለዋል።

ፕራይስ ከቀናት በፊት አዲሱ የአሜሪካ መንግሥት የአፍሪካ ቀንድ ልዩ መልዕክተኛ አምባሳደር ዴቪድ ሳተርፊልድ ከጠቅላይ ሚንስትር ዶ/ር ዐቢይ አሕመድ እና ከሌሎች የመንግሥት ባለሥልጣናት ጋር ውጤታማ ውይይት ማድረጋቸውን ገልጸዋል።

በተጨማሪም ጦርነቱ ለኢትዮጵያ ብቻ ሳይሆን ለአፍሪካ ቀንድ ደኅንነት እና ፀጥታ ስጋት መሆኑን በመጥቀስ፣ በግጭቱ አካባቢ ላሉ ሰዎች ያልተገደበ የሰብዓዊ እርዳታ አቅርቦት እንዲመቻች እና ግጭቱ በድርድር እንዲጠናቀቅ የመንግሥታቸው ፍላጎት መሆኑን አመልክተዋል።

ኔድ ፕራይስ በትላንትናው መግለጫ የኢትዮጵያ መንግሥት የሚኒስትሮች ምክር ቤት ከቀናት በፊት በመላው አገሪቱ ተጥሎ የነበረው የአስቸኳይ ጊዜ አዋጅ እንዲነሳ ውሳኔ ማሳለፉ የአሜሪካ መንግሥት በበጎ እንደሚመለከተው ገልጸዋል።

"ይህ ውሳኔ [የሚኒስትሮች ምክር ቤት የአስቸኳይ ጊዜ አዋጅ እንዲነሳ መወሰኑን] በሕዝብ ተወካዮች ምክር ቤት ይጸድቃል ብለን ተስፋ እንዳርጋለን" ሲሉ ተናግረዋል።

ፕራይስ ፤ ከአስቸኳይ ጊዜ አዋጁ ጋር ተያይዞ በቁጥጥር ሥር ውለው የነበሩት ሰዎች እንዲፈቱም ጠይቀዋል።

ቃል አቀባዩ ፤ በኢትዮጵያ ዘላቂ ሰላምን ለማስፈን እና መጠነ ሰፊ የሰብዓዊ መብት ጥሰቶችን ማስቆም የሚቻለው በድርድር ግጭት ሲቆም፣ የታሰሩ ሰዎች ሲፈቱ፣ የሰብዓዊ እርዳታ ሲፈቀድ እና ሁሉን አካታች የሆነ ብሔራዊ ምክክር ለማድረግ መሠረት ሲጣል ነው ማለታቸውን ቢቢሲ ዘግቧል።

@tikvahethiopia