ብፁዕ ወቅዱስ ፓትርያርኩ አዲሱ 2014 ዓ.ምትን በማስመልከት የእንኳን አደረሳችሁ መልዕክት አስተላለፉ።

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት አዲሱን ዓመት 2014 ዓ/ም በማስመልከት ለመላው የኢትዮጵያ ህዝብ ባስተላለፉት አባታዊ መልዕክት ዘመኑ አዲስ ሊሆን የሚችለው እኛ በምናበረክተው ሥራ እንጂ ዘመኑ በራሱ አዲስ ሊሆን አይችልምና እግዚአብሔር አምላክ የሚወዳችሁ እና እግዚአብሔርን የምትወዱ ልጆቻችንና ወገኖቻችን በሙሉ አዳዲስ ሥራዎችን በመፍጠር አዲሱን ዓመት በሁለመናው አዲስ አድርገን እናክብረው ብለዋል።

አዲስ ዓመት ሲመጣ የደስታና የተሐድሶ ልቡና ዘመን እንዲሆንልን ከመመኘት ጋር በብሩህ ተስፋ መቀበላችን መልካም ነው። ያሉት ቅዱስ ፓትርያርኩ ይሁንና የሰላምና የእድገት ምኞታችን ወደ ተጨባጭ ፍሬ ሊደርስ የሚችለው በሥራ ብቻ መሆኑን መገንዘብ ይኖርብናል ብለዋል።

ቅዱስነታቸው አዲሱን ዓመት በማስመልከት ለመላው ኢትዮጵያዊያን ያስተላለፉት አባታዊ የመልካም ምኞት መግለጫ መልዕክት ሙሉ ቃል ከላይ ቀርቧል።

ምንጭ፦ የኢኦተቤ ህዝብ ግንኙነት መምሪያ

@tikvahethiopia

24 አገር በቀል የሲቪል ማኅበረሰብ ድርጅቶች የአዲስ ዓመት የሰላም ጥሪ አቀረቡ።

የሰላም ጥሪው ያቀረቡ የሲቪል ማኅበረሰብ ድርጅቶቹ ባሁኑ ወቅት አገራችን ኢትዮጵያ በከባድ ቀውስ ውስጥ ትገኛለች ሲሉ ገልፀዋል።

- በትግራይ
- በአማራ
- በምዕራብና ደቡብ ኦሮሚያ
- በሶማሊ
- በአፋር
- በቤኒሻንጉል ጉሙዝ
- በደቡብ ብሔሮች፣ ብሔረሰቦችና ሕዝቦች ክልሎች በሚካሔዱ ግጭቶች ምክንያት በሺሕ የሚቆጠሩ ወገኖቻችን እየሞቱ ነው ብለዋል።

በመቶ ሺሕዎች የሚቆጠሩ ከቀያቸው እየተፈናቀሉ መሆኑንም አንስተዋል። ሚሊዮኖች የአስቸኳይ ጊዜ ዕርዳታ ላይ ጥገኛ እየሆኑ ነው ሲሉ ገልፀዋል።

"ሕፃናት ልጆቻችን፣በዕድሜ የገፉ ወገኖቻችን እና ሴቶቻችን በተለየ ሁኔታ ለመከራ ተጋላጭ እየሆኑ፣ ጾታዊ ጥቃትንና ግድያን ጨምሮ የተለያዩ የሰብዓዊ ጥሰቶች ሰለባ በመሆን ላይ ናቸው" ብለዋል።

ኢኮኖሚው በከፍተኛ ደረጃ እየተጎዳ፣ መሠረተ ልማቶች እየወደሙ መሆኑንም አንስተዋል።

ግጭቶችን በሰላም ለመፍታት የሚጠቅሙ የሽምግልናና የዕርቅ ባሕላዊና ማኅበራዊ አቅሞችን ለመጠቀም እየተደረገ ያለነው ሁለገብ ጥረት እስካሁን ሰላምን ሊያረጋጋጥ እንዳልቻለ ድርጅቶቹ አንስተዋል።

በዚህም ሕዝቡ ለዘመናት ደግፈው ያቆዩ ማኅበራዊ እሴቶች ሳይቀሩ አደጋ ላይ ሊወድቁ ይችላሉ ብለዋል።

"በዚህ ሰብዓዊ፣ማኅበራዊና ኢኮኖሚያዊ ቀውስ ውስጥ በመቆየት የምናገኘው ነገር ቢኖር ያሁኑ ማኅበራዊ ግንኙነታችንን የበለጠ ማሻከር ብቻ ሳይሆን፥ለመጪው ትውልድም ቂምና ቁርሾ ማውረስን ሊሆን ይችላል" ሲሉ ገልፀዋል።

የአገር በቀል ሲቪል ማኅበረሰብ ድርጅቶቹ ላለፉት በርካታ ወራት በኢትዮጵያ እየተስተዋሉ ያሉ ግጭቶች በአስቸኳይ መቆም አለባቸው ያሉ ሲሆን ለሰላም ዕድል ሊሰጠው ይገባል በሚል ጥሪ አቅርበዋል።

* ዝርዝሩን ከላይ ይመልከቱ።

@tikvahethiopia

እንቁጣጣሽ ሎተሪ ወጣ !

እንቁጣጣሽ ሎተሪ ዛሬ አርብ ጷጉሜን 5 ቀን 2013 ዓ.ም በብሔራዊ ሎተሪ አስተዳደር ዕድል አዳራሽ ከምሽቱ 12፡00 ሰዓት ላይ በህዝብ ፊት ወጥቷል፡፡

በዚህም መሰረት የወጡት የአሸናፊ ዕጣ ቁጥሮች እንደሚከተሉት ሆነዋል፡፡

1ኛ. 20,000,000 ብር የሚያስገኘው የ1ኛ ዕጣ ቁጥር 0580856

2ኛ. 10,000,000 ብር የሚያስገኘው የ2ኛ ዕጣ ቁጥር 0470508

3ኛ. 5,000,000 ብር የሚያስገኘው የ3ኛ ዕጣ ቁጥር 1973063

4ኛ. 3,000,000 ብር የሚያስገኘው የ4ኛ ዕጣ ቁጥር 0612715

5ኛ. 1,500,000 ብር የሚያስገኘው የ5ኛ ዕጣ ቁጥር 0816001

6ኛ. 750,000 ብር የሚያስገኘው የ6ኛ ዕጣ ቁጥር 1963913

7ኛ. 300,000 ብር የሚያስገኘው የ7ኛ ዕጣ ቁጥር 0716025

8ኛ. 20 ዕጣዎች እያንዳንዳቸው ብር 20,000 የሚያስገኘው ዕጣ ቁጥር 37510

9ኛ. 20 ዕጣዎች እያንዳንዳቸው ብር 10,000 የሚያስገኘው ዕጣ ቁጥር 79593

10ኛ. 20 ዕጣዎች እያንዳንዳቸው ብር 5,000 የሚያስገኘው ዕጣ ቁጥር 27663

11ኛ. 200 ዕጣዎች እያንዳንዳቸው ብር 2,000 የሚያስገኘው ዕጣ ቁጥር 8326

12ኛ. 200 ዕጣዎች እያንዳንዳቸው ብር 1,000 የሚያስገኘው ዕጣ ቁጥር 2843

13ኛ. 2,000 ዕጣዎች እያንዳንዳቸው ብር 500 የሚያስገኘው ዕጣ ቁጥር 022

14ኛ. 20,000 ዕጣዎች እያንዳንዳቸው ብር 300 የሚያስገኘው ዕጣ ቁጥር 42

15ኛ. 200,000 ዕጣዎች እያንዳንዳቸው ብር 100 የሚያስገኘው ዕጣ ቁጥር (የማስተዛዘኛ ዕጣ) ደግሞ 2 ቁጥር በመሆን ወጥቷል፡፡

Credit : National Lottery Administration

@tikvahethiopia

የአሜሪካው ፕሬዝደንት ባይደን "እንኳን ለአዲሱ ዓመት / እንቁጣጣሽ/ አደረሳችሁ" አሉ !

(ቢቢሲ)

የአሜሪካው ፕሬዝዳንት ጆ ባይደን እና ባለቤታቸው ጂል ባይደን ኢትዮጵያውያንን እና ኤርትራውያንን እንኳን ለአዲስ ዓመት አደረሳችሁ ሲሉ የመልካም ምኞታቸውን ገልጸዋል።

ከዚህ ቀደም ባልተለመደ ሁኔታ የአሜሪካው ፕሬዝዳንት ጆ ባይደን በራሳቸውና በባለቤታቸው ስም ለኢትዮጵያውያንና ለኤርትራውያን እንዲሁም ከእነዚሁ አገራት የዘር ሐረጋቸው ለሚመዘዝ በመቶሺህዎች ለሚቆጠሩ አሜሪካውያን የአዲስ ዓመት መልካም ምኞታቸውን ገልጸዋል።

በዚሁ መልዕክታቸው ላይ ፕሬዝዳንቱ በኢትዮጵያ ውስጥ በሰላማዊ ሰዎች ላይ ስለሚፈጸሙ ጥቃቶች ሪፖርቶች በእጅጉ እንዳሳሳባቸው ገልጸው፤ አስተዳደራቸው በአፍሪካ ቀንድ ያሉ ግጭቶች በሰላማዊ መንገድ እንዲፈቱ ከአጋሮቻችን ጋር ጠንካራ ዲፕሎማሲያዊ ጥረት እያደረጉ መሆናቸውን ጠቅሰዋል።

ፕሬዝዳንቱ ጨምረውም ሰላምን ማምጣት ቀላል እንዳልሆነ ነገር ግን በውይይት ሊጀመር እንደሚችል በመግለጽ “ታላቋና ባለብዝሃነቷ ኢትዮጵያ በአሁኑ ጊዜ የገጠማትን መከፋፈል እንደምትወጣውና በድርድር ላይ በተመሰረተ የተኩስ አቁም በማድረግ እየተካሄደ ያለውን ግጭት እንደምትፈታው እንምናለን” ብለዋል።

በመልዕክታቸው ላይ በአማርኛ “መልካም አዲስ ዓመት” በማለት በዓሉን ለሚያከብሩ በሙሉ የተመኙት ፕሬዝዳንት ባይደን “አዲሱ ዓመት በኢትዮጵያ፣ በኤርትራና በዓለም ዙሪያ ላሉ ቤተሰቦችና ማኅበረሰቦች ሰላም፣ እርቅ እና ፈውስ የሚመጣበት እንዲሆን እጸልያለሁ” ብለዋል።

@tikvahethiopia

የኢትዮጵያ ጠቅላይ ሚኒስትር ዶ/ር ዐቢይ አህመድ የእንኳን አደረሳችሁ መልዕክት !

አዲሱ ዓመት ለ30 ዓመታት ኢትዮጵያን የተጣባትን ፈተና” ተገላግለን “አዲስ መንግሥት የምንመሠርትበት እንደሚሆን እምነቴ ነው” ብለዋል።

አዲሱ ዓመት በወሳኝ ሀገራዊ ፈተና እና ተስፋ መካከል ሆኖ የሚከበር መሆኑን ገልጸው፤ ይህ ሲሆን የመጀመሪያም የመጨረሻም እንዳይደለ ጠቁመዌ።

ጠ/ሚኒስትሩ ኢትዮጵያ የገጠሟትን ፈተናዎች እንደየ አመጣጣቸው “አሸንፋ” ሺ ዘመናትን በነጻነት መኖሯንም አስታውሰዋል።

ዶ/ር ዐቢይ ፥"ይህ አዲሱ ዓመት ለ30 ዓመታት ኢትዮጵያን የተጣባትን ፈተና የምንገላገልበት፣ አዲስ መንግሥት የምንመሠርትበት፣ ከደረሰብን ፈተና የምናገግምበትና ፊታችንን ወደ ኢትዮጵያ ብልጽግና የምናዞርበት እንደሚሆን እምነቴ ነው” ያሉ ሲሆን “አዲሱ ዓመት ኅብረ ብሔራዊ አንድነታችን የሚጸናበት፣ ዴሞክራሲያዊ ዕሴቶቻችን የሚጎለብቱበት፣ የጀመርነው ሪፎርም መልክ የሚይዝበት እንደሚሆን ተስፋ አደርጋለሁ” ብለዋል።

* የዶ/ር ዐቢይ ሙሉ መልዕክት ከላይ ተያይዟል።

@tikvahethiopia

መልካም አዲስ ዓመት!

ውድ በዚህ ቤት #ሰውነትን አስቀድማችሁ የተሰባሰባችሁ የሀገራችን ልጆች እንኳን ለአዲሱ ዓመት በሰላም አደረሳችሁ፤ አደረሰን።

ሁላችን እንደምናስታውሰው 2013 በገባ በጥቂት ወራት በሀገራችን ጦርነት ተቀስቅሶ ደስታ የተሞላ፣ ሰላም የሰፈነበት፣ ብዙ እቅዶቻችን የምናሳካበት ብለን ያሰብነው ዓመት በጦርነት፣ ሰቆቃ፣ በዜጎች ሞት፣ በረሃብ፣ በጭንቀት፣በደህንነት ስጋት ተሞልቶ ተሰናብተነዋል።

በ2013 በጦርነት ምክንያት ቁጥራቸውን የማናውቃቸው ነገር ግን እጅግ በርካታ ዜጎቻችን ረግፈዋል፣ አንዳዶች እንደወጡ ቀርተዋል፣ ባላሰቡበት ተጨፍጭፈዋል፣ ሺዎች አካላቸው ጎድሏል፤ሴት እህቶቻችን ተደፍረዋል ተጠቅተዋል ሚሊዮኖች ተርበዋል ተጠምተዋል፣ሚሊዮኖች ከገዛ ቀያቸው ተፈናቅለው ተሰደዋል።

በትግራይ፣ አፋር፣ አማራ፣ ኦሮሚያ (ወለጋ)፣ ቤ/ጉሙዝ...ምንም ከጦርነት ጋር ንክኪ የሌላቸው፣ ስለሚሆነው ነገር ፍፅሞ የማያውቁ ንፁሃን ዜጎቻችን፣ ወጣቶች፣ ሴቶች፣ ህፃናት ከነተስፋቸው አሸልበዋል፤በወጡበት ቀርተዋል፤እናቶች ልጆቻቸውን አንጠልጥለው ተሰደዋል፣አባቶች አልቅሰዋል፣አንብተዋል።

በዓመቱ ወንድም እህቶቻችሁን ያጣችሁ፣ የምትወዱትን የተነጠቃችሁ፣ እናት አባቶች ፅናቱን ብርታቱን ይስጣችሁ። አሁንም በችግር ላይ ላሉ ወገኖቻችን ፈጣሪ ይድረስላቸው።

እንደአንድ ሀገር ዜጋ ይህን አዲስ አመት የምንቀበለው በፍፁም የስሜት መረበሽ ውስጥ ቢሆንም ፈጣሪ ሁሉን እንዲያቀናው እንማፀናለን።

ዓመቱ የሰላም፣ግጭትና ሰቆቃ የማንሰማትበት፣ ከጎናችን ማንም የማይጎድልበት እንዲሆን እንመኛለን።

ቲክቫህ ኢትዮጵያ ቤታችን፤ መሰብሰቢያችን ነው፤ በአዲሱ ዓመት ቤተሰባዊ ቅርርባችን ሚጠናከርባቸውን ሀሳቦች ለእናተ እንደምናቀርብ ከወዲሁ ቃል እንገባለን።

❤️ኢትዮጵያ እናታችን ተከብራ ትኑርልን❤️

@tikvahethiopia