በድሬዳዋ ነገ የኮቪድ-19 ክትባት መሰጠት ይጀመራል።

ኢትዮጵያ ከተረከበችው 2.2 ሚሊዮን የኮቪድ-19 ክትባት 6 ሺህ የሚሆን ክትባት ወደ ድሬዳዋ ከተማ ገብቷል።

ክትባቱ በነገው እለት በሀገር አቀፍ ደረጃ መሰጠት የሚጀምር ሲሆን በድሬዳዋ አስተዳደርም በነገው እለት በሳቢያን የመጀመሪያ ደረጃ ሆስፒታል የሚሰጥ ይሆናል።

የድሬዳዋ ከተማ ጤና ቢሮ ሀላፊ የሆኑት ወ\ሮ ለምለም በዛብህ ፥ ክትባቱ በ2 ዙር መሰጠት እንደሚጀምርና የመጀመሪያ ዙር ክትባት ከተሰጠ በኋላ ከ8 እስከ 12 ሳምንት ባለው ውስጥ ሁለተኛው ዙር ክትባት ቀድመው ለተከተቡ አካላት በድጋሚ እንደሚሰጥ አሳውቀዋል።

ክትባቱ በዋናነት የጤና ተቋም ላይ ላሉ ባለሞያዎች ድጋፍ ሰጪ ሰራተኞች እንደሚሰጥ ተገልጿል።

በአሁን ሰአት በድሬዳዋ የኮቪድ 19 ስርጭት በከፍተኛ ሁኔታ እየተሰራጨ መጥቷል፤ የማሟቾች ቁጥርም እየጨመረ ይገኛል ፤ ነዋሪው ህብረተሰብ ከምን ጊዜውም በላይ የበሽታውን አስከፊነት ከግምት ውስጥ በማስገባት መጠንቀቅ ይገባዋል ተብሏል።

Via Diredawa Health Bureau
@tikvahethiopiaBot @tikvahethiopia

ትላንት በአክሱም የእንቅስቃሴ ማቆም እና የስራ አድማ ተደርጎ ነበር።

By : Mulgeta Atsebha

የተለያዩ ሀገራት አምባሳደሮች እና ዲፕሎማቶች አክሱም ይገባሉ የሚል ወሬ መናፈሱን ተከትሎ ትላንት በአክሱም ከተማ እንቅስቃሴ እና ስራ የማቆም አድማ ተደርጎ ነበር።

አምባሳደሮች እና ዲፕሎማቶች ግን ወደ አክሱም እንዳልሄዱ ታውቋል።

ከትላንት በስቲያ አምባሳደሮች እና ዲፕሎማቶች መቐለ ከተማ መግባታቸውን ተከትሎ እንቅስቃሴ የማድረግ እቀባ እና ስራ የማቆም አድማ ተደርጎ ነበር። ይህ የሆነው እንግዶቹ ትግራይ ወደቀደመው ሁኔታ ተመልሳለች የሚባለው ትክክል አይደለም፤ አሁንም መፍትሄ ያስፈልጋል የሚለውን ሃሳብ እንዲረዱት ለማድረግ ነው ተብሏል።

ተቃውሞው የተጠራው በ "ትግራይ ሚዲያ ሃውስ/TMH" ቴሌቪዥን ጣቢያ በተሰራጨ መልዕክት እና በፅሁፍ መልዕክት እንደሆነም ተሰምቷል።

በመቐለ ከተማ ስራ ዘግተው የነበሩ የንግድ ተቋማት "ታሽጓል" የሚል ወረቀት እንዲለጠፍባቸው ተደርጓል።

ከታሸጉ የንግድ ተቋማት ጋር በተያያዘ የትግራይ ኮሚኒኬሽን ቢሮ ኃላፊ ወ/ሮ ኢተነሽ ንጉሰ ተጠይቀው ዝርዝር መረጃ እንደሌላቸው አሳውቀዋል።

ከተቃውሞ ጋር በተያያዘም ወ/ሮ ኢተነሽ ፥ "ህዝባችን በችግር ውስጥ እያለ ፤ ወደ መረጋጋት እና ወደመደበኛ ስራ ለመመለስ ጥረት እየተደረገ ስራ ማቆም ችግር ያባብሳል እንጂ ችግሩን ይፈታዋል ብለን አናምንም፤ ጥያቄም ካለ ስራ እየተሰራ ማቅረብ ነው ለህዝባችን የሚያዋጣው" ብለዋል።

መቐለ ከትላንት ጀምሮ ወደቀደመ መደበኛ እንቅስቃሴዋ ተመልሳለች።

@tikvahethiopiaBOT @tikvahethiopia

#Update

የብሄራዊ ሎተሪ አስተዳደር "የ20 ሚሊዮን ብር የሎተሪ አሸናፊዉ" መገኘቱ አሳውቋል።

አስተዳደሩ የእንቁጣጣሽ ሎተሪ እድለኛ መታወቁን የገለፀው ለኢትዮ ኤፍ ኤም 107.8 ሬድዮ ነው።

የአርባ ምንጭ ነዋሪ የሆነዉ ክንዴ አስራት በእንቁጣጣሽ ሎተሪ በገዛቻዉ 3 ሎተሪ ትኬቶች የ12 ሚሊዮን ብር አሸናፊ መሆኑን የብሄራዊ ሎተሪ አስተዳደር የህዝብ ግንኙነት ዳይሬክተር አቶ ቴዎድሮስ ነዋይ ተናግረዋል፡፡

ዕድለኛዉ የሎተሪ ሽልማት የጊዜ ገደብ ሊጠናቀቅ አራት ቀናት ሲቀረዉ እንደተገኝም ታዉቋል፡፡

እድለኛው ለተፈናቃዮች ከአርባ ምንጭ ያሰባሰበውን የተለያየ አይነት ያላቸው አቃዎች ገቢ ለማድረግ ወደ ዱራሜ በመሄድ ላይ ሳለ በገዛው ሎተሪ ነው አሸናፊ መሆን የቻለው፡፡

ወጣቱ የሁለት ልጆች አባት ሲሆን ቋሚ ገቢ የሌለው እና የተለያዩ ስራዎችን በመስራት እንደሚተዳደር ነው ኢትዮ ኤፍ ኤም 107.8 በዘገባው የገለፀው።

@tikvahethiopiaBot @tikvahethiopia

#Update

የኢትዮጵያ ብሄራዊ ምርጫ ቦርድ እስካሁን በተገኘው መረጃ እጩዎችን ያስመዘገቡ ፓርቲዎች ዝርዝር ዛሬ ይፋ አድርጓል።

ይህ ዝርዝር ጊዜያዊ ሲሆን ሊቀየር እንደሚችልም ጠቁሟል።

47 ፓርቲዎች በድምሩ 8,209 እጩዎችን አስመዝግበዋል።

በግል የሚወዳደሩ 125 እጩዎች ተመዝግበዋል።

የትኞቹ ፓርቲዎች እጩ አስመዘገቡ ? ከላይ ይመልከቱ።

@tikvahethiopiaBot @tikvahethiopia

የአማራ ክልል ፕሬዜዳንት አቶ አገኘሁ ተሻገር በተለያዩ ክልሎች በአማራ ተወላጆች ላይ የሚደርሰው ግፍ እና በደል እንዲቆም የክልሉ መንግስት እየሰራ እንደሚገኝ ገለፀዋል።

አቶ አገኘው ይህን የገለፁት ትላንት የ6 ወር ሪፖርት ሲያቀርቡ ነው።

በአማራ ክልል ተወላጆች ላይ የሚፈፀመው ግድያው እና መፈናቀሉ በቶሎ መፍትሄ ካልተገኘለት ወደፊት አስጊ ደረጃ ላይ ይደርሳል ሲሉም አቶ አገኘሁ አስገንዝበዋል።

አቶ አገኘሁ ፥ "በአማራ ተወላጆች ላይ የሚደርሰው ግፍና በደል እንዲቆም በቀጣይ የማይሰራ ከሆነ የክልሉ ህዝብ የሚደርሰውን ግፍ እንዲሁም በደል ለመከላከል እና ለማስቆም ወደሌላ አቅጣጫ እንዳይሄድ ችግሮች በተከሰቱባቸው ቦታዎች በጥንቃቄ ከሌሎች አካላት ጋር በመሆን መፍትሄ ካልመጣ ለወደፊቱ አስጊ ሁኔታ ሊደርስ ይችላል" ብለዋል።

የክልሉ መንግስት በዚህ ጉዳይ ላይ ትኩረት ሰጥቶ እንደሚሰራ የገለፁ ሲሆን እስካሁን ባለው ሂደትም ተከታታይ ጥረቶች እየተደረጉ መሆናቸውን አሳውቀዋል።

https://telegra.ph/Ato-Agegnehu-Teshager-03-12

"...ወደ ፖለቲካው ሃይማኖትን ይዤ አልመጣሁም" - በግል ለፓርላማ የሚወዳደሩት ኡስታዝ ከሚል ሸምሱ

By : Ahadu FM 94.3

6ተኛው ሀገራዊ ምርጫ ሊካሄድ ወራት የቀሩት ሲሆን በምርጫው የሚሳተፉ የተለያዩ የፖለቲካ ፓርቲዎች ዝግጅት እያደረጉ ይገኛሉ፡፡

ከእነዚህም ውስጥ አንዱ በግላቸው ለፓርላማ የሚወዳደሩት ኡስታዝ ከሚል ሸምሱ ናቸው፡፡

የሃይማኖት መምህር የሆኑት ኡስታዝ ከሚል ሸምሱ ወደ ፖለቲካው ስመጣ ሃይማኖቴን ይዤ ሳይሆን ለሁሉም የኢትዮጵያ ህዝብ አንደበት ለመሆን ነው ብለዋል፡፡

ከዚህ ቀደም የነበረው ፓርላማ የተለየ ሃሳብ የማይንፀባረቅበት መሆኑን ያነሱት ኡስታዝ ከሚል ፓርላማው አሳታፊ ሊሆን ይገባል የሚል እምነት እንዳላቸው ገልፀዋል።

ምርጫው ላይ ለመወዳደር ዝግጅት እያደረጉ መሆኑን የገለፁት ኡስታዝ ከሚል ፖለቲካ ሙያ ነው ለምርጫው ስወዳደርም እንደ አንድ ኢትዮጵያዊ እንጂ ሃይማቴን ተገን አድርጌ ለእምነቱ ተከታዮች ብቻ አይደለም ብለዋል።

@tikvahethiopiaBOT @tikvahethiopia

ወንድ ህፃናትን የደፈሩ ግለሰቦች በእስራት ተቀጡ ፦

#አርባ_ምንጭ :

በ10 ዓመት ህጻን ላይ የግብረ-ሰዶም ወንጀል የፈጸመ ግለሰብ በ18 ዓመት ጽኑ እስራት እንዲቀጣ መወሰኑን የአርባ ምንጭ ከተማ የመጀመሪያ ደረጃ ፍርድ ቤት አሳወቀ፡፡

ተከሳሽ አቶ ተመኘሁ ጣሰው የተባለ በከተማው የድልፋና ቀበሌ ነዋሪ የሆነ የ39 ዓመት ግለሰብ በቀበሌው ነዋሪ የሆነውን የ10 ዓመት ህጻን ላይ የግብረ - ሰዶም ወንጀል መፈጸሙን ፍርድ ቤቱ በሰነድና በሰው ማስረጃ አረጋግጧል።

ወንጀሉን ለየት የሚያደርገው በአከባቢው ያልተለመደ እና የግል ተበዳይን በተደጋጋሚ በማስፈራራት ተከሳሽ ወንጀሉን እየፈጸመ መቆየቱና በመጨረሻ በአርባ ምንጭ ከተማ ሼቻ ቀበሌ "ገሮ መኝታ ቤት" ወንጀሉን እየፈጸመ እያለ በአከባቢው ህብረተሰብ ጥቆማ ሊያዝ መቻሉ ነው።

በወንጀል ህግ ቁጥር 631 ንዑስ 1 ሀ መሠረት በአቃቤ ህግ ክስ ቀርቦ ፍርድ ቤቱ ተከሳሽ ወንጀሉን ስለመፈጸሙ የሰውና የሰነድ ማስረጃ በማጣራት በ18 ዓመት ጽኑ እስራት እንዲቀጣ ተወስኗል።

#ማዕከላዊ_ጎንደር ፡

በአማራ ክልል በማዕከላዊ ጎንደር ዞን ዐቃቤ ሕግ መምርያ የግብረ ሰዶም ወንጀል የፈፀመውን ግለሰብ በእስራት ቀጥቷል።

ተከሳሽ አቶ የምስራች ዓባይ ጥር 28 ቀን 2013 ዓ.ም. ከቀኑ 5:00 ላይ ታች አርማጭሆ ወረዳ ሙሴ ባንብ ቀበሌ የ8 ዓመት ሕፃን ወንድ ልጅ አስገድዶ ደፍሯል፡፡

የሙሴ ባንብ ንዑስ ወረዳ ፍርድ ቤት የተከሳሽን የወንጀል ድርጊት በሰው እና በሕክምና ማስረጃ ማረጋገጥ ችሏል፡፡

ተከሳሽ የወንጀል ሕግ ቁ631/1/ለ/ ላይ የተደነገገውን በመተላለፉ በ10 ዓመት ፅኑ እስራት እንዲቀጣ ወስኗል፡፡

መልዕክት ፦

ወላጆችና አሳዳጊዎች ህጻናት ለወንጀል ተጋላጭ እና ራሳቸውን ለመከላከል ስለማይችሉ የጥቃት ሰለባዎች እንዳይሆኑ የልጆቻቸሁን አዋዋል ልትከታተሉና ልትቆጣጠሩ ይገባል።

በህጻናት ላይ የተለየና አጣራጣሪ ነገሮች ሲያጋጥም ለሚመለከተው አካል ጥቆማ ስጡ።

[ይህ መረጃ የተሰባጠረው ከአርባ ምንጭ ኮሚኒኬሽን ፣ የአርባ ምርጭ የመጀመሪያ ደረጃ ፍርድ ቤት ፕሬዜዳንት አቶ አለማየሁ አልታዬ እና ከአዲስ ዘይቤ /Addis Zeybe/ ደረገፅ ነው]

@tikvahethiopiaBot @tikvahethiopia

#Attention😷

በ24 ሰዓታት ውስጥ የ27 ሰዎች ህይወት አለፈ።

በኢትዮጵያ ባለፉት 24 ሰዓት ከተደረገው 6,985 የላብራቶሪ ምርመራ 1,361 ሰዎች በቫይረሱ መያዛቸው ሲረጋገጥ ፤ በተመሳሳይ በ24 ሰዓታት ውስጥ 27 ሰዎች ሞተዋል።

ትላንት 355 ሰዎች ከበሽታው አገግመዋል።

በአጠቃላይ 172,571 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 2,510 ሰዎች ህይወታቸው አልፏል፤ 141,195 ሰዎች አገግመዋል።

በአሁን ሰዓት 454 ሰዎች በፅኑ ታመዋል።

#Purpose #Tikvah
@tikvahethiopia @tikvahethiopiaBOT

አሜሪካ ስለህዳሴው ግድብ ፦

ኢትዮጵያ ፣ ግብጽ እና ሱዳን የታላቁ የኅዳሴ ግድብን (GERD) በተመለከተ ያላቸውን አለመግባባት በትብብር እና ገንቢ በሆነ ጥረት እንዲፈቱ አሜሪካ ድጋፍ መስጠቷን እንደምትቀጥል ማስታወቋን #ቪኦኤ በድረገፁ አስነብቧል።

ሦስቱ ሃገሮች ውጤታማ ወደሆነ ውይይት እንዲመለሱ እናበረታታለን ሲል የዋይት ሃውስ የብሄራዊ ጸጥታ ምክር ቤት ቃል አቀባይ ቢሮ አስታውቋል።

ውዝግቡ ገንቢ መፍትሄ እንዲያገኝ እና በክልሉ ያለው ውጥረት እንዲረግብ ለመርዳት በምንሰጠው ድጋፍ ከግድቡ ጋር የተገናኙ ጉዳዮች ሚዛናዊ በሆነ መንገድ መያዛቸውን በማረጋገጥ መስራታችንን እንቀጥላለን ብሏል መግለጫው።

@tikvahethiopiaBot @tikvahethiopia

ኢትዮጵያ በአየርላንድ የሚገኙትን አምባሳደሯን ጠራች !

By : Selam Mulgeta

የኢትዮጵያ መንግስት በአየርላንድ የሚገኙትን አምባሳደር እሸቱ ደሴን ወደ ሃገር ቤት መጥራቱን ከዲኘሎማቲክ ምንጮች ለማወቅ ተችሏል።

ኢትዮጵያ አምባሳደሯን የጠራችው ለምክክር እንደሆነ ነው የተገልፀው።

አየርላንድ ተመድ እና የአውሮፓ ህብረት በኢትዮጵያ ላይ ማዕቀብ እንዲጥሉ ግንባር ቀደሙን እንቅስቃሴ እያደረገች እንደሆነ ይነገርላታል።

አየርላንድ በጀመረችውን ተግባር የምትቀጥል ከሆነ የኢትዮጵያ መንግስት ኤምባሲውን ሙሉ ለሙሉ እስከመዝጋት የሚደርስ ውሳኔን ሊያሳልፍ ይችላል ተብሏል።

አየርላድ የሁለቱን ሃገራት ነባር ወዳጅነት በማይመጥን እንቅስቃሴ ውሰጥ ናት ያሉት ዲኘሎማቲክ ምንጮች ወቅታዊ ተግባሯ በወደፊቱ የሃገራቱ ግንኙነት ላይም ቀላል የማይባል አሉታዊ ተፅዕኖ ይኖረዋል ብለዋል።

* አየርላንድ ከሰሞኑን የተመድ የፀጥታው ምክር ቤት በትግራይ ክልል ጉዳይ እንዲመክር ጥሪ እንዳቀረበች መነገሩ በኃላም ስብሰባው ያለምንም ስምምነት መበተኑ አይዘነጋም።

@tikvahethiopiaBot @tikvahethiopia