የሲዳማ ጎልድ ማይኒንግ ካምፓኒ ከሁለት (2) ወር በኋሏ ምርቱን ለገበያ ማቅረብ እንደሚጀምር ኢ/ር ታከለ ኡማ አሳውቀዋል።

ኢንጂነር ታከለ ዛሬ በሲዳማ ክልል ተገኝተው የሲዳማ ጎልድ ማይኒንግ ካምፓኒን ጎብኝተዋል።

ካምፓኒው በአካባቢው ተወላጆች እንዲሁም ነዋሪዎች ባለቤትነት የሚመራ እና የሚበረታታ መሆኑንም ኢ/ር ታከለ በትዊተር ገፃቸው ገልፀዋል።

አካባቢው ከፍተኛ የመንገድና የመሰረተ ልማት ችግር ያለበት በመሆኑ ችግሩን መፍታት በሚቻልበት መንገድ ዙሪያ ከክልሉ ርእሰ መስተዳድር አቶ ደስታ ሌዳሞ ጋር መነጋገራቸውንም አሳውቀዋል።

ችግሮችን ለመፍታት ማዕድንና ነዳጅ ሚኒስቴር ድጋፍ የሚያደርግ መሆኑንም አረጋግጠዋል።

@tikvahethiopiaBot @tikvahethiopia

#FDREDefenseForce

በሰሜን ዕዝ የ20ኛ ቃሉ ክፍለ ጦር የሰራዊት አባላት በትግራይ ክልል ምስራቃዊ ዞን በአዲግራት ከተማ አካባቢ የአንበጣ መንጋ የመከላከል ዘመቻና የሰብል መሰብሰብ ስራ አከናውነዋል።

የክ/ጦሩ ዋና አዛዥ ብ/ጀ ኑሩ ሙዘይን እንደተናገሩት ፣ መንጋው የከፋ ጉዳት እንዳያደርስ የሁልጊዜ ርብርብ እንዲሚያደርጉና ለማንኛውም ችግር ከህዝብ ጎን እንደሚቆሙ አረጋግጠዋል።

@tikvahethiopiaBot @tikvahethiopia

በጉራ ፈርዳ ወረዳ 12 ሰዎች ተገደሉ !

ጥቅምት 8/2013 ምሽት 3:00 ገደማ ቤንች ሸኮ ዞን ጉራ ፈርዳ ወረዳ "ማንነታቸው ያልታወቀ" የተደራጁ ወንጀለኞች ባደረሱት ጉዳት የ12 ሰዎች ህይወት መጥፋቱ እና በ5 ሰዎች ላይ የአካል ጉዳት መድረሱን ደቡብ ክልል ፖሊስ ኮሚሽን ኮሚሽነር ነብዩ ኢሳያስ አሳውቀዋል።

ኮሚሽነር ነብዩ፥ የአካባቢውን ሰላም ወደ ነበረበት ለመመለስ ተጨማሪ የፀጥታ አካላት ወደ አካባቢው መግባቱን ገልጸው ጉዳት የደረሰባቸው ወደ ህክምና መወሰዳቸውን ለደቡብ ኤፍ ኤም 100.9 ተናግረዋል፡፡

ህብረተሰቡ ለፀጥታ ሀይሎች መረጃዎች በመስጠት ትብብር በማድረግ ወንጀለኞችን ለህግ ለማቅረብ የሚሰረውን ስራ እንዲያግዝ ፖሊስ ጥሪ አቅርቧል፡፡

በሚዛን ቴፒ ዩኒቨርስቲ ቲችንግ ሆስፒታል የሚሰራ የቲክቫህ አባል ሀኪም 12 ሰዎች መገደላቸው መረጃ እንዳለው በላከልን የፅሁፍ መልዕክት አረጋግጧል።

ከባድ ጉዳት ደርሶባቸው ወደ ሆስፒታላቸው ከአንድ ቀን በኋላ የሄዱም እንዳሉ አሳውቋል ፤ ስለሁኔታው/ስለጥቃቱ መነሻ አለኝ ባለው መረጃ አንድ ሰው ተገድሎ መንገድ ላይ ተጥሎ መገኘቱ ነው ብሏል።

የደቡብ ክልል ፖሊስ ኮሚሽን 'ማንነታቸው ያልታወቁ የተደራጁ ወንጀለኞች ባደረሱት ጉዳት የ12 ሰዎች ህይወት ጠፋ" ብሎ ከመግለፅ በዘለለ መነሻው/ምክንያቱ ምን እንደሆነ የሚገልፅ መረጃ አልሰጠም።

@tikvahethiopiaBot @tikvahethiopia

#EthiopianAirlines

የኢትጵያ አየር መንገድ ከቻይና ባለስልጣናት የአዲስ አበባ - ሻንጋይ በረራው ለጊዜው መታገዱን የሚገልፅ ማስታወቂያ እንደደረሰው ዛሬ ምሽት አስታውቋል፡፡

ይህ የሆነው በአየር መንገዱ ከአዲስ አበባ - ሻንጋይ ከተጓዙ መንገደኞች መካከል ጥቂቶቹ ኮሮና ቫየረስ ስለተገኘባቸው መሆኑን አየር መንገዱ ገልጿል፡፡

አየር መንገዱ ኮሮና እንደሌለባቸው የሚገልፅ ማስረጃ ያላቸውን መንገደኞች ብቻ አሳፍሮ የነበረ ቢሆንም በመዳረሻ አየር ማረፊያ በተረገ ምርመራ ከመንገደኞቹ መካከል ጥቂቶቹ ኮሮና ሊገኝባቸው ችሏል።

የተቋረጠውን በረራ ለማስቀጠል ከሚመለከታቸው የቻይና ባለስልጣናት ጋር እየተነጋገረ መሆኑን አየር መንገዱ ገልጿል፡፡

ቫይረሱ የተገኘባቸው መንገደኞች አዲስ አበባ ከተማ ከሚገኘው ‘ሲልክ ሮድ ጄነራል ሆስፒታል’ ከተሰኘው የቻይናውያን የኮቪድ-19 ምርመራ ማዕከል ከቫይረሱ ነፃ ስለመሆናቸው ማስረጃ ካቀረቡት መካከል መሆናቸውን አየር መንገዱ ገልጿል፡፡

ከዚህ በኋላ የኢትዮጵያ አየር መንገድ ከ ‘ሲልክሮድ ጄነራል ሆስፒታል’ የሚመጡ የኮሮና ቫይረስ ምርመራ ማስረጃዎችን እንደማይቀበል ገልፆ ደንበኞቹም በተጠቀሰው ሆስፒታል የኮሮና ቫይረስ ምርመራ እንዳያደርጉ መክሯል፡፡ (ebc)

@tikvahethiopiaBot @tikvahethiopia

#AtoTiratuBeyene

ሀዋሳ ከተማ አስተዳደር ትላንት በአዲስ አበባ ከተማ በምክትል ከንቲባ ማዕረግ የአ/አ ከተማ ስራ አስከያጅ ቢሮ ኃላፊ ሆነው የተሾሙትን አቶ ጥራቱ በየነን አመስግኗል።

አቶ ጥራቱ የሀዋሳ ከተማ አስተዳደር ምክትል ከንቲባ ሆነው ከተሾሙበት ጊዜ አንስቶ በታማኝነት ፣ በቅንነት እና በትጋት ሀዋሳ ከተማን ሲያስተዳድሩ መቆየታቸው ምንጊዜም የሚታወስ ነው ተብሏል።

በተጨማሪ በከተማዋ ሰላም እንዲሰፍን ፣ ልማት እንዲረጋገጥና መልካም አስተዳደር እውን እንዲሆን ሌት ተቀን በመስራት እውነተኛ የህዝብ ልጅ መሆናቸውን በቆይታቸው አስመስክረዋል ሲል ነው ከተማ አስተዳደሩ ያሳወቀው።

"በአሁን ሰዓት በተሰጣቸው የኃላፊነት ቦታ በታማኝነት እና በትጋት የማገልገልና አዳዲስ ሀሳብ የማፍለቅ እምቅ አቅማቸውን ተጠቅመው በተሻለ ተነሳሽነት እና በቁርጠኝነት ሀገራቸውን እንደሚያገለግሉ በሙሉ ልብ በማመን መልካም የስራ ጊዜ እንዲገጥማቸው ይመኛል" ብሏል የሀዋሳ ከተማ አስተዳደር።

@tikvahethiopiaBot @tikvahethiopia

በትግራይ ክልል የአንበጣ መንጋ ለመከላከል የሚውል ድጋፍ በሀገር ውስጥ እና ከውጭ ተጠናክሮ መቀጠሉ ተገልጿል።

የትግራይ ልማት ማህበር "gofundme" በመክፈት በኢንተርኔት እያደረገ በሚገኘው የገንዘብ ማሰባሰብ ስራ በውጭ የሚኖሩ የትግራይ ተወላጆች እስካሁን 30,000,000 ብር የሚጠጋ ገንዘብ እገዛ አድርገዋል።

ይህ ለአንበጣ መከላከል የሚውለው የገንዘብ ድጋፍ በ13 ቀናት ውስጥ በ5,142 ሰዎች የተደረገ ነው።

በሌላ በኩል ፦

'ድጋፍ ለትግራይ ገበሬ' በሚል ውጭ ሀገራት የሚኖሩ ኤርትራውያን በከፈቱት የእገዛ ማድረጊያ 'gofundme' በጥቂት ቀናት ውስጥ ከ1,800,000 ብር በላይ መሰብሰቸው ተሰምቷል።

የገንዘብ ድጋፉ የተደረገው ባለፉት 7 ቀናት በ579 ሰዎች ነው።

@tikvahethiopiaBot @tikvahethiopia