ማስታወሻ!

ውድ የቲክቫህ አባላት ከዚህ ሰዓት አንስቶ (10:30) የኢሬቻ በዓል እስኪጠናቀቅ ድረስ ከላይ የተዘረዘሩት መንገዶች በሙሉ ዝግ ስለሚሆኑ አማራጭ መንገዶችን ተጠቀሙ።

#SHARE #ሼር
@tikvahethiopiaBot @tikvahethiopia

ሲኒማ ቤቶች ከመስከረም 29 ጀምሮ ይከፈታሉ!

በኮቪድ-19 ምክንያት ለ7 ወራት ተዘግተው የቆዩት ሲኒማ ቤቶች አስፈላጊውን የመከላከያ እርምጃዎች ተግባራዊ በማድረግ ሊከፍቱ እየተዘጋጁ መሆኑን 'ባላገሩ ቴሌቪዥን' ዘግቧል።

በዚሁ ጉዳይ ላይ መግለጫ የሰጠው የፊልም ፕሮዲዩሰሮች ማህበር ሲኒማ ቤቶች በመዘጋታቸው ሳቢያ ከ40 ያላነሱ አዳዲስ ፊልሞች ለእይታ ሳይቀርቡ እንደቀሩ አሳውቋል።

በዚህም ከ40 እስከ 50 ሚሊዮን ብር የሚደርስ ኪሰራ በዘርፉ ላይ እንዳጋጠመ ገልጿል።

በተጨማሪም ዘርፉ ከእንቅስቃሴ ውጭ በነበረበት ወቅት በዚህ ስራ ህይወታቸውን የመሰረቱ ከ5,000 ያላነሱ ዜጎች ከስራ ውጭ ስለመሆናቸው ተነስቷል።

የሲኒማ ቤቶችን ስራ ዳግም ለማስጀመር ከጤና ሚኒስቴር እና ከEPHI ጋር 3 ወራት የፈጀ ምክክር እና የደህንነት መመሪያዎችን የማዘጋጀት ስራ ተሰርቷል።

ለአገልግሎት ክፍት የሚሆኑ ሲኒማ ቤቶች ዝግጁነታቸውን በሚመለከት በቅርቡ የቅኝት ስራ የሚሰራ ሲሆን የጥንቃቄ መስፈርቶች የሚያሟሉ ብቻ ወደ ስራ እንደሚገቡ ተገልጿል።

@tikvahethiopiaBot @tikvahethiopia

ቀነኒሳ በቀለ ከለንደን ማራቶን ውጪ ሆኗል !

አትሌት ቀነኒሳ በቀለ በጉጉት ሲጠበቅ ከነበረው የለንደን ማራቶን ባጋጠመው ጉዳት ምክንያት እንደማይሳተፍ ይፋ አድርጓል።

@tikvahethsport

#COVID19Ethiopia

በኢትዮጵያ ባለፉት 24 ሰዓት በተደረገው 6,916 የላብራቶሪ ምርመራ 890 ሰዎች በቫይረሱ መያዛቸው ሲረጋገጥ የ3 ሰዎች ህይወት አልፏል። በተጨማሪ በትላንትናው ዕለት 247 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 76,988 የደረሱ ሲሆን የሟቾች ቁጥር 1,208 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 31,677 ደርሷል።

@tikvahethiopiaBot @tikvahethiopia

በዛሬው ዕለት እና ነገ ጥዋት በረራ ያለባቸው በርካታ ሰዎች ከጥዋት አንስቶ እስካሁን ድረስ በICL (ቡልጋሪያ የሚገኘው) ውጤት በመጠበቅ እየተጉላሉ እንደሆነ ገልፀዋል።

ምሽት 4 ሰዓት ላይ የውጭ በረራ ያለበት የቲክቫህ ቤተሰብ አባል "በቦታው የሚያስተናግደን የለም፣ የሚሰማን አካል አጥተናል፤ መፍትሄ ይፈለግ" ሲል መልዕክቱን አስቀምጧል።

በተጨማሪ ሌላ ነገ በረራ ያለበት የቲክቫህ አባል ፥ "ውጤት አልደረሰም እየተባልን ነው ፣ ለምን እንደዘገየም የሚያስረዳን አላገኘንም ፣ አሁን ያለንበት ሁኔታ ይበልጥ ለኮሮና ቫይረስ በሚያጋልጥ መልኩ ነው" ብሏል።

@tikvahethiopiaBot @tikvahethiopia

መስከረም 22/2013 ዓ/ም

የኮቪድ-19 መረጃዎች ፦

#Somali

በሱማሌ ክልል ባለፉት 24 ሰዓት 208 የላብራቶሪ ምርመራ ተደርጎ 1 ሰው በኮቪድ-19 መያዙ ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 120 የላብራቶሪ ምርመራ ተራደርጎ 23 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 566 የላብራቶሪ ምርመራ ተደርጎ 104 ሰዎች በኮሮና ቫይረስ መያዛቸው ተረጋግጧል።

#DireDawa

በድሬዳዋ 168 የላብራቶሪ ምርመራ ተደርጎ 67 ሰዎች ላይ የኮሮና ቫይረስ ተገኝቷል።

#Harari

በሐረሪ ክልል ባለፉት 24 ሰዓት ውስጥ 311 የላብራቶሪ ምርመራ የተደረገ ሲሆን 103 ሰዎች በኮቪድ-19 ተይዘዋል።

#Oromia

በኦሮሚያ ክልል ባለፉት 24 ሰዓት ውስጥ 451 የላብራቶሪ ምርመራ የተደረገ ሲሆን 135 ሰዎች በኮቪድ-19 መያዛቸው ተረጋግጧል። የ3 ሰዎች ህይወት አልፏል።

#AddisAbaba

በአዲስ አበባ ከተማ ባለፉት 24 ሰዓት 3,274 የላብራቶሪ ምርመራ የተደረገ ሲሆን 333 ሰዎች በኮቪድ-19 መያዛቸው ተረጋግጧል።

#Gambella

በጋምቤላ ክልል ባለፉት 24 ሰዓት 92 የላብራቶሪ ምርመራ ተደርጎ 5 ሰዎች ላይ ቫይረሱ ተገኝቷል። ትላንት 2 ሰዎች አገግመዋል።

#SNNPRS

በደቡብ ክልል ባለፉት 24 ሰዓት ውስጥ 822 የላብራቶሪ ምርመራ የተደረገ ሲሆን 61 ሰዎች በኮቪድ-19 መያዛቸው ተረጋግጧል፤ የ2 ሰዎች ህይወት አልፏል።

@tikvahethiopiaBOT

#OBN_LIVE

ልዩ የኢሬቻ በዓል የሙዚቃ ኮንሰርት ከአዲስ አበባ በቀጥታ በኦሮሚያ ብሮድስካስቲንግ ኔትዎርክ - OBN TV በቀጥታ እየተላለፈ ይገኛል።

በአሁን ሰዓት በቅርቡ ህመም አጋጥሞት የነበረው አንጋፋው የሀገራችን አርቲስት ክቡር ዶ/ር አርቲስት አሊ ቢራ የሙዚቃ ስራውን በማቅረብ ላይ ይገኛል።

@tikvahethiopiaBot @tikvahethiopia

Baga ittiin isin gahe, nu gahe !
እንኳን አደረሳችሁ፤ አደረሰን !

Ayyaana Gaarii !
መልካም በዓል !
#Irreecha2013

(Tikvah Itoophiyaa)

[3 MB]
@tikvahethiopiaBot @tikvahethiopia

#Irreecha2013

የሆረ ፊንፊኔ የኢሬቻ በዓል በአዲስ አበባ በውስን ተሳታፊዎች ብቻ እየተከበረ ይገኛል። በበአሉ አባገዳዎች ፣ ሀደ ሲንቄዎች፣ የኃይማኖት አባቶች እንዲሁም ጥሪ የተደረገላቸው እንግዶች ተገኝተዋል።

PHOTO : EBC
@tikvahethiopiaBot @tikvahethiopia

ዶናልድ ትራምፕ ሆስፒታል ገብተዋል!

በኮቪድ-19 መያዛቸው የተረጋገጠው የአሜሪካ ፕሬዝዳንት ዶናልድ ትራምፕ ሆስፒታል መግባታቸውን BBC ዘግቧል።

ፕሬዝዳንቱ ትኩሳት አላቸው። ዋይትሐውስ ትንሽ ድካም ተሰምቷቸው ነው እንጂ መንፈሳቸው ጠንካራ ነው ብሏል።

ዶናልድ ትራምፕ የተወሰዱት ከዋሽንግተን ዲሲ ወጣ ብሎ ወደሚገኘው የዋልተር ሪድ ብሔራዊ የወታደራዊ ህክምና ማዕከል ነው።

ዶናልድ ትራምፕ አሁን በሆስፒታል ሆነው ገና ሙከራ ላይ ያለውን መድኃኒት እየወሰዱ እንደሆነ ተሰምቷል፤ባለቤታቸው ሜላኒያ ትራምፕ አብረዋቸው እንደሚገኙ BBC አስነብቧል።

@tikvahethiopiaBot @tikvahethiopia

#UPDATE

የብሄራዊ ባንክ ገዢ ዶ/ር ይናገር ደሴ በወቅታዊ ጉዳዮች ዙሪያ ለኢትዮጵያ ቴሌቪዥን (etv) ማብራሪያ ሰጥተዋል።

ዶክተር ይናገር ደሴ ተከታዩን ብለዋል ፦

- የብር መቀየር ሂደቱ 2 ሳምንት ሆኖታል፤ እስካሁን በመላው ሀገሪቱ ባሉ የባንክ ቅርንጫፎች 99.9 በመቶ በሚሆኑት አዲሱ የብር ኖት ደርሷል።

- 67 ቢሊዮን ብር አዳዲስ የብር ኖቶች በመላው ሀገሪቱ ባሉ የባንክ ቅርንጫፎች እንዲዳረስ ተደርጓል።

- በብር መቀየር ሂደቱ ወደ 580 ሺህ ሰዎች በ14 ቀናት ውስጥ አዳዲስ የሂሳብ አካውንት ከፍተዋል።

- የብር መቀየሪያው ጊዜ እስኪጠናቀቅ በሚሊዮን የሚቆጠር ሰው አዲስ አካውንት ይከፍታል ተብሎ ይጠበቃል።

- በ14 ቀናት ውስጥ ብቻ አዳዲስ በተከፈቱት 580 ሺህ አካውንቶች 14 ቢሊዮን ብር ገቢ ተደርጓል ፤ (ይሄ በነባር አካውንት የገባውን ሳይጨምር ነው)

- በነባር አካውንቶች ውስጥ የገባው ገንዘብ እየተሰራ ስለሆነ ሲጠናቀቅ ይፋ ይደረጋል።

- በብር ስርጭቱ ወቅት በፀጥታ በኩል እካሁን የጎላ ችግር አላጋጠመም። ህገወጥ ሰዎች ሀሰተኛ ብር ይዘው ወደ ባንክ የሄዱ፣ ሀሰተኛ ዶላር ዝውውር ላይ የተሰማሩ ህገወጥ ሰዎችን መያዝ ተችሏል። ህገወጥ ሰዎችን የማዳከሙ ስራ በጥሩ ሁኔታ እየተካሄደ ነው።

- አሁንም ገንዘባቸው ያልቀየሩ በቀረው ጊዜ ሊቀይሩ ይገባል። በኃላ የሚፈጠረውን መጨናነቅ ለማስቀረት በቀረው ጊዜ መቀየር ያስፈልጋል።

- ከ100 ሺህ - 1.5 ሚሊዮን ብር ያላቸው ሰዎች በአንድ ወር ውስጥ እንዲቀይሩ መገለፁ ይታወቃል። ጊዜው ሊጠናቀቅ የተወሰኑ ቀናት ብቻ ስለቀረ በፍጥነት ገንዘባቸውን ሊቀይሩ ይገባል።

@tikvahethiopiaBOT

#Irreecha2013

ዛሬ በውስን ተሳታፊዎች የተከበረው የ "ሆራ ፊንፊኔ" የኢሬቻ በዓል አንዳች የጸጥታ ችግር ሳያጋጥም በሰላም መጠናቀቁን የአዲስ አበባ ከተማ አስተዳደር አስታውቋል።

@tikvahethiopiaBOT @tikvahethiopia

በሀዋሳ ከተማ ትምህርት ለማስጀመር አስፈላጊው ቅድመ ዝግጅት ተደርጓል !

በሲዳማ ክልል ሀዋሳ ከተማ አስተዳደር ትምህርት በፈረቃ እንደሚሰጥ ተገልጿል። በዚህም ፦

• አንደኛው ግሩፕ ሰኞ ፣ ረቡዕ እና አርብ ጠዋት እና ከሰዓት በፈረቃ ይማራሉ።

• ሌላኛው ግሩፕ ደግሞ ማክሰኞ ፣ ሀሙስ እና ቅዳሜ ይማራሉ።

የመማሪያ ክፍሎችን በተመከተ የክፍል ስፋታቸው 56 ካሬ የሆነ 25 ተማሪ ብቻ የሚማር ሆኖ በአንድ መቀመጫ አንድ ተማሪ ብቻ በማስቀመጥ ተግባራዊ ይሆናል።

ሌላዉ የትምህርት ቤት ክፍያ በሚመለከት የመንግስት ትምህርት 1-12 ክፍል በነፃ ነው።

የግል ትምህርት ቤቶች በ2013 የትምህርት ዘመን ምንም አይነት የክፍያ ጭማሬ ሳያደርጉ ተማሪዎችን ተቀብለው ማስተማር ይገባቸዋል ተብሏል።

ምንጭ:- የሀዋሳ ከተማ ኮሚኒኬሽን ቢሮ
@tikvahethiopiaBot @tikvahethiopia

በመሬት መንሸራተት አደጋ የ2 ሰዎች ህይወት አለፈ!

በዎላይታ ዞን ቦሎሶ ቦምቤ ወረዳ ውስጥ በተከሰተ የመሬት መንሸራተት አደጋ የሁለት ሰዎች ህይወት ማለፉን የዞኑ አደጋ ስጋት ስራ አመራር ጽህፈት ቤት አስታወቁን ኢዜአ ዘገበ።

የመሬት መንሸራተት አደጋው የደረሰው ትናንት ሌሊት ጊዶ መጣላ ቀበሌ ውስጥ በቤታቸው ተኝተው በነበሩ የአንድ ቤተሰብ አባላት ላይ ነው።

በአደጋው ቤቱ እላያቸው ላይ በመደርመሱ ከቤተሰቡ አባላት መካከል የሁለት (2) ሰዎች ህይወት ማለፉን ገልጸዋል።

የዞኑ አደጋ ስጋት አመራር ቡድን እና የተለያዩ መስሪያ ቤቶች ስራ ኃላፊዎች ወደ አካባቢው በማቅናት የሟቾቹን ቤተሰብ ማፅናናታቸውንና ድጋፍ ማድረጋቸውን ከኢዜአ የተገኘው መረጃ ያሳያል።

@tikvahethiopiaBot @tikvahethiopia

#COVID19Ethiopia

በኢትዮጵያ ባለፉት 24 ሰዓት በተደረገው 7,726 የላብራቶሪ ምርመራ 872 ሰዎች በቫይረሱ መያዛቸው ሲረጋገጥ የ6 ሰዎች ህይወት አልፏል። በተጨማሪ በትላንትናው ዕለት 648 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 77,860 የደረሱ ሲሆን የሟቾች ቁጥር 1,214 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 32,325 ደርሷል።

@tikvahethiopiaBot @tikvahethiopia