#ጉምሩክ_ኮሚሽን

የግል መገልገያ እቃዎች መመሪያ ተሻሻለ።

የግል መገልገያ እቃዎች ወደሀገር የሚገቡበትን ሁኔታ የሚወስነው በስራ ላይ ያለው መመሪያ ለህገወጥ ንግድ በር የከፈተና የአገልግሎት አሰጣጡ ላይ ተፅዕኖ የፈጠረ በመሆኑ በመመሪያ ቁጥር 923/14 ተተክትቷል ሲል የጉምሩክ ኮሚሽን አሳውቋል።

ቀድሞ በነበረው መመሪያ ከቀረጥና ታክስ ነፃ ሆነው በመንገደኞች እንድገቡ የተፈቀዱ 102 አይነት እቃዎች ወደ 16 አይነት (84%) ዝቅ እንዲሉ ተደርጓል።

ተመላሽ ኢትዮጵያዊ ቢያንስ ለ12 ወራት ሲገለገሉባቸው የነበሩትን የግል መገልገያ እቃዎች ከቀረጥ ታክስ ነፃ ማስገባት ይችላሉ።

የግል መገልገያ እቃ በስጦታ የተላከለት ሰው የግብር ከፋይ መለያ ቁጥር የሌለው ከሆነ ከቀረጥና ታክስ በተጨማሪ 30% የገቢ ግብር ይከፍላል።

በአንድ ዓመት ውስጥ ከሁለት ጊዜ በላይ ስጦታ መቀበል አይቻልም።

መመሪያው ከነሐሴ 23 ቀን 2014 ዓ.ም ጀምሮ ተፈፃሚ መሆን እንደጀመረ ተገልጿል።

የመመሪያው ዝርዝር ከላይ ተያይዟል።

@tikvahethiopia

ውዝግብ የፈጠረው የበርካታ ተሽከርካሪዎች ጨረታ !

" ' የጉምሩክ ኮሚሽን ' የገንዘብ ሚኒስቴርን ውሳኔ በመጣስ 237 መኪኖችን ለሐራጅ አወጣብን " - ከሰደት ተመላሾችና 10 የሚደርሱ የአገር ውስጥ አስመጪዎች

" በግልፅ ጨረታ ለሽያጭ የቀረቡት ተሽከርካሪዎች ህጋዊ ስርዓቱን በአግባቡ በተከተለ መልኩ ነው። ' ህጋዊ ስርዓቱን አልተከተለም ' በሚል የሚሰራጩት መረጃዎች ሀሰተኛ ናቸው ፤ #ሀሰተኛ መረጃ የሚያሰራጩ አካላትን በህግ አግባብ እንጠይቃለን " - ጉምሩክ ኮሚሽን

ከሰሞኑን የአዳማ ጉምሩክ ኮሚሽን ፅ/ቤት ያወጣው የበርካታ ተሽከርካሪዎች ጨረታ ውዝግብ የፈጠረ ሆኗል።

በዚህ ጉዳይ ላይ ቅሬታ አለን ያሉ ከሰደት ተመላሾችና የአገር ውስጥ አስመጪዎች ፤ " ጉምሩክ ኮሚሽን የገንዘብ ሚኒስቴር ውሳኔን በመጣስ 237 ተሽከርካሪዎች ለሐራጅ አወጣብን " በሚል ከሰዋል።

ጉምሩክ ኮሚሽን በበኩሉ ፤ " ምንም አይነት የህግ ጥሰት አልፈተፈፀም ህጉን እና አሰራሩን በተከተለ መልኩ ነው ተሽከርካሪዎቹ ለጨረታ የቀረቡት " ሲል አሳውቋል።

ያንብቡ 👇 https://telegra.ph/Tikvah-Ethiopia-11-24

@tikvahethiopia

#ጉምሩክ

° “ ጉምሩክ ኮሚሽን አዋጅን በደብዳቤ ሽሮ ከእጥፍ በላይ ቀረጥ ‘ ክፈሉ ’ እያለን ነው ” - አስመጪዎች

° “ ከአፈጻጸም አኳያ ምን ሊያስቸግረን ይችላል ? የሚለውን ውይይት እየተደረገ ነው ” - ጉምሩክ ኮሚሽን

የጉምሩክ ኮሚሽን ፣ የማክሮ ኢኮኖሚ ማሻሻያውን ምክንያት በማድረግ ከተቀመጠው አዋጅ ውጪ የቀረጥ ክፍያ እየጠየቃቸው መሆኑን አስመጪ ነጋዴዎች በቲክቫህ ኢትዮጵያ በኩል አቤት ብለዋል፡፡

ነጋዴዎቹ በዝርዝር ምን አሉ ?

“ ጉምሩክ እስከዛሬ የሚሰራበት አዋጅ ነበር።

አዋጁ፣ ‘ ወደ አገር ውስጥ የሚገቡም ሆነ ከአገር የሚወጡ እቃዎች የቀረጥና ታክስ ማስከፈያ ዋጋ የሚሰላው ስለእቃዎቹ የቀረበው የእቃ ዲክላራሲዮን በተመዘገበበት ቀን በብሔራዊ ባንክ የተገለጸውን የገንዘብ ምንዛሪ በመጠቀም ይሆናል ’ ይላል፡፡

ግን አዋጁን በደብዳቤ ሽረው ‘እቃው በተመዘገበበት ሳይሆን እቃው ከጉምሩክ መልቀቂያ ባገኘበት ቀን ባለው ሬት ተሰልቶ ልዩነቱን እንዲከፍሉ>’ የሚል አዲስ መመሪያ አውጥተዋል፡፡

አዋጅ በደብዳቤ ይሻራል ወይ ? ግን ሽረውት ቅሬታ ለማቅረብ ከዋና መስሪያ ቤት ስንሄድ የተወሰንን ነጋዴዎች ተሰባስበን ቅሬታ ለማቅረብ በነበርንበት ጥያቄችንን ሳይሰሙን ፌደራል ፖሊስ መጣ የተሰበሰበውን ሰው እንዳለ በመኪና ጭኖ ይዟቸው ሄደ ፤ ወደ 40 ነጋዴዎችን፡፡

አዋጅን የሚያክል ነገር በአንድ ደብዳቤ ተሽሮ፣ ' ወደ ኋላ ተመልሳችሁ ክፈሉ ' የሚል አሰራር አመጡ፡፡

ሲቀጥል ጭማሪው እጅግ በጣም የተጋነነ ነው፡፡ በ57 ብር የተመዘገበን እቃ 100 በላይ ብር ክፈሉ እያሉ ነው፡፡ ከእጥፍ በላይ ነው የሚጠይቁት።

ለምሳሌ ፦ የቀድሞ የተመዘገበው ቀረጥ 2 ሚሊዮን ብር ከነበረ አሁን በእጥፍ 4 ሚሊዮን ብር ይሆናል፡፡ ጉምሩክ ያሉት ኦፊሰሮች እንኳ የሚሰሩበት ሲስተም የላቸውም፡፡ ' ዝም ብላችሁ አቻኩሏቸው ' ተብለው እቃችን እናዳለ ተይዟል ” ብለዋል፡፡

ቲክቫህ ኢትዮጵያ፣ የነጋዴዎቹን ጥያቄና ቅሬታ ይዞ ለምን እንደዚህ ሆነ? ሲል የጠየቃቸው የኮሚሽኑ የኮሚዩኒኬሽን ዳይሬክቶሬት ዳይሬክተር አቶ ዘሪሁን አሰፋ ተከታዩን ምላሽ ሰጥጠዋል፡፡

ምን አሉ ?

“ እንደሚታወቀው የማክሮ ኢኮኖሚ ማሻሻያውን ተከትሎ አስፈጻሚ ተቋማት የራሳቸውን ሚና አላቸው፡ አንዱ አስፈጻሚ ተቋም ጉምሩክ ኮሚሽን ነው፡፡

የጉምሩክ ኮሚሽን የተለያዩ ህጎችን ያስፈጽማል፡፡ አንዱ የብሔራዊ ባንክ ጋር ተያይዞ ያሉ ህጎችን የሚያስፈጽም ነው፡፡

በምን መልኩ መስተንግዶ መሰጠት እንዳለበት ውይይቶች ሲደረጉ ቆይቶ ነበር፡፡ ያ ሰርኩላር ከዛ ጋር በተያያዘ ነው የመጣው፡፡ ሰርኩላሩ አጠቃላይ ነገሮችን የያዘ ነው፡፡

ከተጠቀሱት የተወሰኑ ጉዳዮች ላይ አስመጪዎች ዋናው መስሪያ ቤት (አዲስ አበባ) አካባቢ ቅሬታውን ለማሰማት እንደመጡ ሰምቻለሁ፡፡

ከምን አንጻር ነው ይሄ ሰርኩላር ? ለሚለው ተጨማሪ ውይይቶች የሚያስፈልጉ ከሆነ ውይይቶች እየተደረጉ ነው፡፡ አጠቃላይ ሰርኩላሩን አንልም ሰርኩላሩ ተፈጻሚ ነው የሚሆነው፡፡ ግን ያነሷቸው ጉዳዮች ታይው ምላሽ ይሰጣል፡፡

በኋላ ብዙ አመጪዎችን ማወያየት እንደተቻለም ከአመራሮች ያገኘሁት መረጃ አለ፡፡

ግን አንዳንዴ እንዲሁ በጋራ መጥቶ አቤቱታዎችን የማሰማት ሁኔታዎች ሲኖሩ እዚያ አካባቢ ያሉትን ነገሮች ጸጥታ የማስከበር ሥራዎች ተሰርተው ሊሆን ይችላል፡፡

በኋላ ላይ ግን የተወሰኑ አስመጪዎችን በማናገር ያላቸውን ቅሬታ ኮሚሽኑ እንደሚያየው፣ ተገቢነት ያለው ከሆነ ሊፈታ፣ ከህግ አንጻር የሚያስኬድም ከሆነ በዚያው ሊቀጥል የሚችልበት እድል እንዳለ ነው የሰማሁት፡፡

አስመጪዎቹ የሚያነሳቸውን ጉዳዮችን ኮሚሽኑ ተረድቷል፡፡

ከህግ አንጻር ምን መሆን ነው ያለበት ? ከአፈጻጸም አኳያስ ምን ሊያስቸግረን ይችላል? የሚለውን ውይይት እየተደረገ ነው ” ብለዋል።

ቲክቫህ ኢትዮጵያ በቀጣይ ጉዳዩ ከምን እንደሚደርስ ኮሚሽኑን ጠይቆ ምላሽ የምናቀርብ ይሆናል፡፡

#TikvahEthiopiaFamilyAA

@tikvahethiopia

#ጉምሩክ

(አስመጪዎች)

" በኢንቮይስ ያልተከፈሉ አሉ። ብዙ እቃዎች ናቸው ያሉት። እቃዎቹ አንድ ላይ ጉምሩክ የገቡ ናቸው።

የነዛና የነዚህ ልዩነት በጣም ሰፊ ነው። ከ4 እስከ 5 ሚሊዮን በኮንቴነር ጭማሪ የሚያመጡ ናቸው።

እነዚህም አብረው የሚስተናገዱበት መንገድ መኖር አለበት።

እቃዎቹ ሰሞኑን የታሪፍ ፣ የቀረጥ ለውጥ ሁሉ ተደርጎባቸው ነበር። በአንድ አይተም እስከ 10 ዶላር ጭምር ተደርጎ ነበር ከሬት ውጭ እሱ ላይ ብዙ ቅሬታ አልነበረም ሁሉም አንድ ላይ ስለጨመረበት።

አሁን ላይ እቃው አብሮ ገብቷል። እነዚህ ኢንቮይስ ከፍለዋል። እኛ በኢንቮይስ አልከፈልንም። ተመሳሳይ እቃዎች ናቸው።

የእነሱ ይውጣ ፤ እናተ ደግሞ በአዲሱ ሬት ክፈሉ ብንባል በጣም ትልቅ ልዩነት ይኖራል። በአንድ ገበያ ላይ ተወዳድሮ ለመስራት የሚቻል አይደለም።

ጉምሩክ ይኔንም ስጋታችንን ቢይይልን።

ሁለት ቦታ ተከፍለናል ፤ በኢንቮይስ የከፈሉ አሉ በኢንቮይስ ያልከፈልን አለን። ልዩነቱ ብዙ ነው በሚሊዮኖች ነው።

አንድ ገበያ ላይ  ነው የምንሰራውና እኛንም ከገበያ እንዳያስወጣን ይሄም ይታይልን። "

#CustomsCommission

@tikvahethiopia