የሼክ አላሙዲን ነገር⁉️

"ቢቢሲ ዛሬ በለቀቀው ዘጋቢ ፊልም እነ ሼክ አላሙዲንን ከሳዑዲ ልዑላውያን ጋር ደምሮ ያሳረዉ የሳዑዲ መንግስት በታሳሪዎቹ ላይ የከፋ #ድብደባ እና #ማሰቃየት እንዲሁም #ግድያ እየፈፀመ ነዉ ሲል ዘጋቢ ፊልም ሰርቷል። ከሟቾች ዉስጥ ጄኔራል አሊ አልካታኒ አንዱ ናቸዉ። ሞሐመድ ቢን ሰልማን የሚባለዉ እና ፖለቲካዊ አመለካከቱ ሊበራል ነዉ ተብሎ ሲወደስ የነበረዉ በቅጽል ስሙ ኤም ቢ ኤስ የተባለዉ የሳዑዲ አልጋወራሽ በእርሱ ትዕዛዝ የታሰሩ ባለሀብቶችና ንጉሣውያን ቤተሰቦች በድብደባ ምክንያት የደረሰባቸውን ጉዳት በሌላ ሆስፒታል እንዳይታከሙ በሪትዝ ሆቴል ተንቀሳቃሽ ሆስፒታል ከፍቷል። ይህ ዘገባ የተሰራዉ በቅርቡ ቱርክ በሚገኘዉ በሳዑዲ አረቢያ ቆንስላ
በጋዜጠኛ #ጀማል_ካሾጊ ላይ የተፈፀመዉን ግድያ ጋር ተንተርሶ ነዉ። አላሙዲን ምን ሁኔታ ላይ ይገኛሉ? የኢትዮጵያ መንግስት ያለዉ መረጃ
ምንድነዉ? ከአላሙዲን ጋር ሲበሉ ሲጠጡ ሲያተርፉ ሲነግዱ ያዙን ልቀቁን ሲሉ የነበሩ የት አሉ ? አላሙዲ ታሰረ አልታሰረ ጉዳያቸዉ አይደለም። ነገር ግን በእርሳቸዉ እርዳታ ህክምና ላገኙ እርዳታ ለተደረገላቸው ጥቂት ኢትዮጵያውያን ቤት ተሰርቶ ለተሰጣቸዉ ድሆች ስንል የመሐመድ ቢን ሰልማን ሰለባ እንዲሆኑ አንሻም። በሙስና የሚጠየቁ ከሆነም በፍርድ ቤት በአግባቡ መሆን አለበት ከጥላሁን ገሠሠ እስከ ካሚላት ላደረጉት በጎ ምግባር እናመሰግናለን።"

©Hailemelekot Agizew
@tsegabwolde @tikvahethiopia

ዮናስ ጋሻው‼️

‹‹የፍትህ ሰቆቃ›› በሚል በተሰራጨው ዘጋቢ ፊልም ላይ በማዕከላዊ የወንጀል ምርመራ በደረሰበት #ድብደባ በአካሉ ላይ ጉዳት የደረሰበት ወጣት #ዮናስ_ጋሻው ከተለያዩ አካላት ዛቻና መስፈራሪያ እየደረሰበት መሆኑን ተናገረ።

ከአዲስ ዘመን ጋዜጣ ጋር ባደረገው ቃለ መጠይቅ ላይ ወጣቱ እንደገለጸው፤ «የደረሰብኝን ግፍ በመገናኛ ብዙኃን ይፋ ማድረጌን ተከትሎ የተለያዩ ዛቻና ማስፈራሪያዎች እየደረሱብኝ ነው” ብሏል።

“ከሁሉ በላይ ግን ልቤን የሰበረው በበደል ፈፃሚዎች ባለሥልጣናት የሚደርስባቸውን ጫና በመፍራት አንዳንድ አከራዮች ለህይወታ ቸው
አስጊ በመሆኔ ቤታቸውን እንድለቅ ማድረጋቸው ነው» ሲልም ነው ወጣት ዮናስ የተናገረው።

የአንድ ልጅ አባት መሆኑን የሚናገረው ወጣት ዮናስ ከደረሰበት የሥነ ልቦና ጫና እና የአካል ጉዳት ባሻገር በአሁኑ ወቅት ቤት ንብረቱን ማጣቱንም ገልጿል።

እርሱም ሆነ ሌሎች የታሰሩ ወገኖች ዋጋ የከፈሉት በፍትህ እጦት እንደመሆኑ ህዝቡም ሆነ መንግሥት የሚገባውን ከለላ ሊያደርግላቸው እንዲሁም ካሳ ሊከፈላቸው እንደሚገባ አስታውቋል።

Via EPA
@tsegabwolde @tikvahethiopia

ኦነግ ላይ #ተሰነዘረ ስለተባለው የአየር ጥቃት!

#ጋዜጠኛ_ኤልያስ_መሰረት(AP)

ሰሞኑን አንዳንድ የሀገር ውስጥ ሚድያዎች በኦነግ ማሰልጠኛ ካምፖች ላይ የአየር ጥቃት መድረሱን ሲዘግቡ ሰንብተዋል። አንድ የኦሮሚያ ክልል ከፍተኛ ባለስልጣን ትናንት ምሽት anonymously የነገሩኝ ግን ፈፅሞ የተለየ ነበር፦

"ያው እንደምታውቀው መከላከያ የራሱ ስርአት ስላለው እና እኔም ወታደር ስላልሆንኩ ዝም ብዬ በነሱ ጉዳይ ላይ መግለጫ መስጠት አልችልም። ልነግርህ የምችለው ግን ምንም አይነት የአየር ጥቃት አየር ሀይል አልሰነዘረም። የአየር ቅኝት ሊኖር ይችላል። በሂሊኮፕተር ተደብድበው ቢሆን የኦነግ አመራሮች እስካሁን ዝም ይሉ ነበር ወይ ብለህ ራስህን ጠይቀው እስቲ። እኔ አሁን ያለሁት አሶሳ ቢሆንም ባለኝ መረጃ በጄት እና ሂሊኮፕተር #ድብደባ ደረሰ የተባለው ፍፁም #ሀሰት ነው።"

@tsegabwolde @tikvahethiopia

እስቴ ወረዳ‼️

በቤተ እምነቶቹ ላይ የደረሰው #ቃጠሎ አማኞችን እንደማይወክል የአማራ ክልል እስልምና ጉዳዮች ምክር ቤት አስታወቀ፡፡ ድርጊቱ ሀይማኖትን በመጠቀም ኢትዮጵያ ሰላም እንዳትሆን የሚፈልጉ አካላት እንደሆነም ነው ምክር ቤቱ ያስታወቀው፡፡

በአማራ ክልል ደቡብ ጎንደር ዞን እሰቴ ከተማ ቀበሌ 03 ላይ ሁለት #መስጊዶች #ተቃጥለዋል፡፡ ጉዳቱ የደረሰው ጥር 26/ 2011ዓ.ም ከቀኑ 10፡00 አካባቢ ነው፡፡ ጉዳዩን በተመለከተ አብመድ ያነጋገራቸው የአማራ ክልል የእስልምና ጉዳዮች ምክር ቤት ዋና ጸሃፊ #ሼህ_ሙሀመድ_ሀሰን ድርጊቱ ለበርካታ ዘመናት በፍቅር የኖሩትን ህዝቦች #ለማለያየት ያለመና ሁለቱንም ወገኖች የማይወክል መሆኑን አሥረድተዋል፡፡

ትናንት ማለዳ አካባቢ የእስልምና ኃይማኖት ተከታይ በሚያዘጋጀው የሰርግ ሥነ ሥርዓት ላይ ከማተሚያ ቤቶች በመጣ ወረቀት እና ማስጌጫ ዳሱን የማስዋብ ሥራ እየተከናወነ እያለ ነው የድርጊቱ መነሻ የተከሰተው ብለዋል ሼህ ሙሃመድ፡፡

ከማስዋቢያው ጋር አብሮ የመጣ #የማርያም ስዕል ከሌሎች ማስዋቢያ ቁርጥራጮች ጋር ወድቆ መገኘቱን ነው የጸቡ መነሻ መሆኑን ያስረዱት፡፡ ጉዳዩ እንደተፈጸመ ስዕሉን ማን እንዳመጣው ስላልታወቀ የሁለቱም ኃይማኖቶች አማኞች በተገኙ ስዕሉ ተነስቶ ጉዳዩም አሳፋሪ እንደሆነ ተነግሮ ሁኔታው ተረጋግቶ ነበር፡፡

‹‹ከቀኑ 10፡00 አካባቢ ግን ይህን ምክንያት በማድረግ ሁለት መስጊዶች #ተቃጥለዋል፤ ሌላ ሶስተኛ መስጊድ ላይም #ድብደባ ተፈጽሟል፤ ሱቆችም ዘርፈዋል›› ነው ያሉት ሼህ ሙሃመድ፡፡

ድርጊቱ #የክርስትናም ሆኑ #የእስልምና አማኞችን የማይወክል ነው ሲሉም አውግዘውታል፡፡ ኢትዮጵያ #ሰላም እንዳትሆን የሚፈልጉ የፖለቲካ አራማጆች የዘሩት ጥል አልሆን ሲላቸው ወደ ሀይማኖት እየተዘዋወሩ መሆናቸውን የተናገሩት የአማራ ክልል የእስልምና ጉዳዮች ምክር ቤት ዋና ጸሃፊው ‹‹ኢትዮጵውያን የሀይማኖት ልዩነት ሳይለያየን ለብዙ ዓመታት በሰላም እና በፍቅር ኖረናል፤አሁንም እንኖራለን፤የሴረኞችን ድርጊት አውግዘን በፍቅራችን እቀጥላለን ነው ያሉት፡፡››

‹‹ሀይማኖት ሀገር መገንቢያ እንጂ ሀገር ማፍረሻ አይደለም›› ያሉት ዋና ጸኃፊው በሀይማኖቶች ገብተው ኢትዮጵያን ለመበታታን የሚጣጣሩ የፖለቲካ ቅጥረኞችን ሁሉም ዜጋ ሊያወግዛቸው እንደሚገባ ነው የጠየቁት፡፡ ድርጊቱ የክርስትና ሀይማኖት ተከታዮችን እንደማይወክልም አረጋግጠዋል፡፡

ህዝቡን የሚያረጋጋ እና ድርጊቱን እነማን እንደፈጸሙት የሚለይ ቡድንም ወደ ስፍራው መሄዱን ነግረውናል፡፡ ህዝበ ሙስሊሙ ድርጊቱ የፖለቲከኞች እንጂ የአማኞች አለመሆኑን ተረድቶ በተለመደው ፍቅሩ እንዲቀጥልም ሼህ ሙሀመድ ሀሰን አስገንዝበዋል፡፡

via AMMA
@tsegabwolde @tikvahethiopia

ትላንት በለገጣፎ ለገዳዲ ምን ሆነ❓

ሰሞኑን በለገጣፎ ለገዳዲ የከተማው አስተዳደር ህገ ወጥ ናቸው ባላቸው የመኖሪያ ቤቶች ላይ የማፍረስ እርምጃ እየወሰደ እንደሆነ ይታወቃል። ይህንን ተከትሎም ሚዲያዎች ወደአካባቢው በመሄድ ሁኔታው ሲዘግቡት ነበር።

በትላንትናው ዕለት የmereja.com ጋዜጠኛ እና የካሜራ ባለሞያ ሁኔታውን ለመዘገብ ወደ ለገጣፎ ለገዳዲ አምርተው #አሳዛኝ ክስተት ገጥሟቸው ተመልሰዋል።

የተፈጠረውን ክስተት በዝርዝር ለማስረዳት፦

Mereja.com ባልደረባ የሆኑ አንድ ጋዜጠኛ(ጋዜጠኛ ፋሲል) እና አንድ የካሜራ ባለሞያ በለገጣፎ ለገዳዲ የተወሰደውን እርምጃ ለመዘገብ ወደ አካባቢው ይሄዳሉ። ስራቸውን እንዳጠናቀቁም ፖሊስ ይመጣና መታወቂያ ይጠይቃቸዋል፤ ጋዜጠኛው እንዲሁም የካሜራ ባለሞያ በፖሊስ በተጠየቁት መሰረት መታወቂያቸውን ይሰጣሉ። ፖሊስም መታወቂያቸውን ኮፒ አድርጎ ይመልስላቸዋል። ከዚህ በኃላ ፖሊስ ስራውን ያለፍቃድ መስራት እንደማችሉ ይነግራቸዋል፤ ፖሊስ ረዘም ያለንግግር ከጋዜጠኛ ፋሲል ጋር ያደርጋል በመጨረሻም መግባባት ላይ ይደረስና የተያዘባቸው እቃ ተመልሶ እንዲሄዱ ይፈቀድላቸዋል።

ጋዜጠኛ ፋሲል እና የካሜራ ባለሞያው ጉዞያቸውን ወደአዲስ አበባ ለማድረግ ታክሲ ውስጥ ሊገቡ ሲሉ ቁጥራቸው ከ10-15 የሚደርሱ #ገጀራ እና #ዱላ የያዙ ወጣቶች በጋዜጠኛ ፋሲል ላይ ደብደባ መፈፀም ይጀምራሉ። ይህ በሚሆንበት ሰዓት የካሜራ ባለሞያው ራሱ ለማዳን ከአካባቢው ለመሰወር ችሏል።

አስገራሚው ነገር ወጣቶቹ በጋዜጠኛ ፋሲል ላይ #ድብደባ የፈፀሙት #ከፖሊስ_ጣቢያ ፊት ለፊት መሆኑ ነው። ፖሊስ በመሃል ገብቶ ከመገላገል ውጭ፤ ወጣቶቹ ለምን ድብደባ እንደፈፁሙ እንኳን ይዞ #አልጠየቃቸውም። የተደራጁት ወጣቶች ከአካባቢው ከሄዱ በኃላ ጋዜጠኛ #ፋሲል በግለሰብ መኪና ወደጤና ተቋም እንዲሄድ ይደረጋል በወቅቱ ምንም አይነት የፀጥታ ሀይል አብሮት አልሄደም።

በጋዜጠኛ ፋሲል ላይ በደረሰው ድብደባ በጭንቅላቱ ላይ 2 ቦታ የመሰንጠቅ አደጋ ደርሷል እዲሁም ከፍተኛ ደም ፈሷል፤ ወደ ሚኒሊክ ሆስፒታልም ሪፈር ተብሎ የሄደ ሲሆን የደረሰበት አደጋ ከፍተኛ ቢሆንም በቤቱ ተኝቶ ህክምናውን መከታተል እንደሚችል ተነግሮ ወደቤቱ ተመልሷል።

ምንጭ፦ ወ/ሮ ፍሬዘር ነጋሽ(የmerej.com ስራ አስኪያጅ) - ለTIKVAH-ETH

@tsegabwolde @tikvahethiopia

ሀዋሳ❓

ዛሬ በሀዋሳ በመንግስት ሀላፊዎች ላይ የተፈፀመው #ድብደባ!

ከደቂቃዎች በፊት አለም አቀፉ ጋዜጠኛ ኤልያስ መሰረት ከደቡብ ክልል ምክትል ፕሬዝደንት እና የክልሉ ትምህርት ቢሮ ሀላፊ ከሆኑት ከዶ/ር #ጌታሁን_ጋረደው ጋር በስልክ ቆይታ አድርጎ ነበር ስለጉዳዩ ይህ ብለዋል፦

"በመጀመርያ በሶሻል ሚድያ እኔ በወጣቶች #እንደታገትኩ የተገለፀው #ሀሰት ነው። ጠዋት እኔ ስመራው የነበረው ስብሰባ ሌላ አዳራሽ ውስጥ ነበር። ወጣቶች መጥተው ስብሰባው ይቁም ሲሉ confront ሳናረጋቸው አመራሮችን ወዲያው #በትነናል። የወላይታ ዞን ቱሪዝም እና ባህል ቢሮ ሀላፊ አቶ ፀጋ ስምዖን ላይ ግን #ጥቃት ተፈፅሟል። ይህ ስብሰባ ይካሄድበት የነበረው አዳራሽ ውስጥ ከመጡት ወጣቶች ጋር #ግጭት ነበር። ዝርዝሩን አላውቅም። አሁን ሰላም ነው። አቶ ፀጋ ለህክምና ሶዶ ደርሷል። ከትንሽ ደቂቃ በፊትም አናግሬዋለሁ።"

ማነው ድብደባውን የፈፀመው ተብለው በጋዜጠኛው ለቀረበላቸው ጥያቄ፦

"እከሌ ኤጄቶ ነው እከሌ አይደለም ለማለት አልችልም። ግን ሶሻል ሚድያ ላይ ኤጄቶ ስብሰባው እንዲበተን ይፈልጋል የሚል መልእክት ጠዋት ስብሰባ ከመግባቴ በፊት አንብቤ ነበር።"

የሶሻል ሚድያ ምስል: አቶ ፀጋ ስምኦን

Via Elias Mesret
@tsegabwolde @tikvahethiopia

ከጀማ🔝

"እሁድ እለት የሆኑ ግለሰቦች የጅማ ህክምና ማዕከል ውስጥ ሁለት ኢንተርኖች (ሀኪሞች) ላይ #ድብደባ ካደረሱ በኻላ ከዛሬ 01/8/11 ጀምሮ ኢንተርኖች #የሥራ_ማቆም አድማ አድርገዋል። በመቀጠለም ከላይ ያለውን #የአቋም_መግለጫ አውጥተዋል።”

@tsegabwolde @tikvahethiopia

#Ethiopia

“... የፌደራል ፓሊስ በፓትሮል መንገድ ላይ ወጥቶ እንዲሰራ ሁሉ ተደርጓል ” - ትራንስፖርትና ሎጂስቲክ ሚኒስቴር

የድንበር ተሻጋሪ የከባድ መኪና #አሽከርካሪዎች አገር ውስጥ ከገቡ በኋላ በታጠቁ ኃይሎች እስከ ግድያ የሚድረስ ጥቃት እንደሚፈጸምባቸው መግለጻቸውን በተደጋጋሚ መረጃ ተለዋውጠን ነበር።

አሽከርካሪዎቹ፣ የትራንስፖርትና ሎጂስቲክ ሚኒስቴር ለችግሩ ዘላቂ መፍትሄ እየሰጠ እንዳልሆነ በመውቀስ የጥቃት መጠኑ ይለያይ እንጂ እስከ ቅርብ ጊዜ እንደቀጠለ ገልጸዋል።

ከዚህ ባለፈ ሀገር ውስጥ ገብተው የ " ኮቴ " እየተባለ የሚከፍሉት ክፍያ እጅግ ለስራቸው ፈተና እንደሆነ አስረድተዋል።

ቲክቫህ ኢትዮጵያም የከባድ ተሽከርካሪ አሽከርካሪዎች እየደረሰብን ነው ያሉትን ችግር ለመቅረፍ በተጨባጭ ምን እየተሰራ ነው ? ሲል የትራንስፖርትና ሎጂስቲክ ሚኒስቴርን ጠይቋል።

የተቋሙ ሚኒስትር ዴኤታ አማካሪ ዶ/ር ቶለሳ በሰጡት ምላሽ ፣ “ ኢትዮጵያ ውስጥ ከገቡ በኋላ ሞጆ ወይንም ደግሞ ማራገፊያ ቦታ እስከሚደርሱ ነበር አሁን በጣም ቁጥጥር እየተደረገ ነው ” ብለዋል።

“ ከሚኒስቴር መ/ቤታችንም ሌላም አካል Direction ተሰጥቶ፣ እንዲያውም #የፌደራል_ፓሊስ በፓትሮል መንገድ ላይ ወጥቶ እንዲሰራ ሁሉ ተደርጓል ” ነው ያሉት።

“ ስለዚህ እኛ እንደዚህ አይነት #እሮሮ ይደርስባቸዋል የሚል መረጃ የለንም ” ያሉት ዶክተር ቶተሳ፣ “ አዲስ የመጣ ነገር የለም። #እየተሻሻለ_መጣ_እንጂ ” ሲሉ ተናግረዋል።

ቲክቫህ ኢትዮጵያ ፣ አሽከርካሪዎቹ አገር ውስጥ ከገቡ በኋላ “ በተለይ ኦሮሚያ ክልል” የ “ #ኮቴ ” እየተባሉ 2,000 እንደሚከፍሉና ከዚህም አለፍ ሲል ድብደባ ጭምር እየደረሰባቸው መሆኑን እየገለጹ ነው። እናንተ ደግሞ ‘ ችግሩ እየቀነሰ ነው ’ እያላችሁ ነው። ለዚህ ቅሬታ ምላሽዎ ምንድን ነው ? የሚል ጥያቄ አቅርቧል።

ዶ/ር ቶለሳ “ አዎ ይኼኛውን እኛም ከጭነት ተሽከርካሪ ተወካዮች ጋር ስብሰባ አካሂደን ነበር። በዚህም ወቅት ክፍያ እንደሚያስከፍሉ ሰምተናል ” ብለዋል።

ችግሩን ለመቅረፍ ከከተማው አስተዳደር ጋር ውይይት እንደሚደረግ ገልጸዋል። “ #ድብደባ ለሚባለውን ግን መረጃ የለንም። ካለ እንሄድበታለን ” ብለዋል።

“ ከኦሮሚያ ክልል መንግስትም ጋር አውርተን መፍትሄ የምንሰጥ ይሆናል ” ሲሉም አክለዋል።

#TikvahEthiopiaFamilyAA

@tikvahethiopia