የአምቦ ልማት ገቢ ማሰባሰቢያ!

በትናንትናው ዕለት በተካሄደው የአምቦ ልማት ገቢ ማሰባሰቢያ ፕሮግራም ከ400 ሚሊየን ብር በላይ መሰብሰቡ ተገለፀ።

በአዲስ አበባ ሀያት ረጀንሲ ሆቴል በተካሄደው የገቢ ማሰባሰቢያ ፕሮግራም ጠቅላይ ሚኒስትር ዶክተር #አብይ_አህመድ ፣ የኦሮሚያ ክልል ፕሬዚዳንት አቶ #ለማ_መገርሳና ምክትል ከንቲባ ኢንጂነር #ታከለ_ኡማ ተገኝተዋል።

በዚህ ወቅትም ጠቅላይ ሚኒስትር ዶክተር #አብይ ወቅቱ ከመቼውም ጊዜ በተለየ ሁኔታ ለህዝብ የሚሰራበት መሆኑን በመጥቀስ፥ ይህ ጅምር ፕሮግራም በሌሎች አካባቢዎችም #ተጠናክሮ የሚቀጥል መሆኑን ተናግረዋል።

በዕለቱ በተደረገው የገቢ ማሰባሰቢየ ፕሮግራም ከ400 ሚሊየን ብር በላይ መሰብሰብ መቻሉን የአምቦ ከተማ ኮሙዩኒኬሽን ሃላፊ ዶክተር #መንግስቱ_ቱሉ ለfbc ተናግረዋል።

በዚህ መሰረትም ፦

1. አቶ በላይነህ ክንዴ 15 ሚሊየን ብር
2. አቶ ገምሹ በየነ 5 ሚሊየን ብር
3. አቶ ተክለብርሀን አምባዬ 1 ሚሊየን ብር
4. ድምፃዊ ሀጫሉ ሁንዴሳ 100 ሺህ ብር
5. ጋዜጠኛ ግሩም ጫላ 100 ሺህ ብር እና ሌሎች ባለሃብቶችም ለልማቱ ድጋፍ ማድረጋቸው ተገልጿል።

ከዚህ ባለፈም ለልማቱ ገቢ ማሰባሰቢያ ጠቅላይ ሚኒስትር ዶክተር አብይ አህመድ የእጅ ስዓታቸውን ለጨረታ ያቀረቡ ሲሆን ፥ ጨረታውንም አቶ ገምሹ በየነ በ 5 ሚሊየን ብር ማሸነፍ ችለዋል።

በአጠቃላይ በዕለቱ በተደረገ የገቢ ማሰባሰቢያ ፕሮግራም ከ 400 ሚሊየን ብር በላይ መሰብሰብ መቻሉ ነው የተገለፀው።

በገቢ ማሰባሰቢያ ፕሮግራሙ በተገኘው ገንዘብም በአምቦ ከተማ 12ሺህ ተማሪዎችን ማስተናገድ የሚችል 2ኛ ደረጃ ትምህርት ቤት ፣20 ሺህ ሰው የሚይዝ ደረጃውን የጠበቀ ስቴዲየም፣ለሎሬት ፀጋዬ ገብረመድህን የአርት ጋለሪ ግንባታና ለሌሎች ፕሮጀክቶች ስራ ማስፈፀሚያ የሚውል ነው ተብሏል።

ምንጭ፦ fbc
@tsegabwolde @tikvahethiopia

#update በአምቦ የልማት ፕሮጀክት ተሰማርተው ለመስራት የሚመጡ ኢንቨስተሮች የጸጥታ ስጋት ሊኖርባቸው እንደማይገባ ተገለጸ። የምዕራብ ሸዋ ዞን መንግስት ኮሚኒኬሽን ጽ/ቤት ኃላፊ ዶክተር #መንግስቱ_ቱሉ ለኢትዮጵያ ፕሬስ ድርጅት እንደተናገሩት በአምቦ ከተማ ፍጹም #ሰላም የሰፈነበት እንቅስቃሴ መኖሩን ጠቅሰው ኢንቨስተሮች ያለምንም የጸጥታ ስጋት መዕዋለ ንዋያቸውን ማፍሰስ ይችላሉ ብለዋል። ሀላፊው የአምቦ ከተማና አካባቢዋ ነዋሪ ከመንግስት ጎን በመቆም ከለውጡ ማግስት ጀምሮ ሰላምን ለማስፈን ጥረት ሲያደርግ መቆየቱን አስታውሰው ህዝቡ በሶስት መንግስታት ከልማት ርቆ የቆየ በመሆኑ አሁን የመጣውን ለውጥ ተከትሎ ለመልማት ራሱን አዘጋጅቷል ብለዋል።

Via ኢ.ፕ.ድ
@tsegabwolde @tikvahethiopia