ቪድዮ ፦ ፑቲን እና #የኒውክሌር_ማዘዣ ብሪፍኬዝ / ባርሳቸው ወይም “ ቼጌት ” በካሜራ እይታ ውስጥ መግባቱ የዓለም አቀፍ መገናኛ ብዙሃንን ትኩረት ስቦ እየተቀባበሉት ነው።

ይህ መሰሉ ቪድዮ ሲሰራጭ ብዙም ያልተለመደ ነው።

የሩስያው ፕሬዜዳንት ቭላድሚር ፑቲን ከቀናት በፊት ወደ ቻይና ማቅናታቸው ይታወሳል።

ትላንት ረቡዕ ፑቲን #ቤጂንግ ውስጥ በደህንነቶች ተከበው ወደ ስብሰባ ሲያመሩ በካሜራ እይታ ውስጥ የገቡ ሲሆን አብረዋቸው (ከኃላ) እያንዳንዳቸው ብሪፍኬዝ / ቦርሳ የያዙ ሁለት የሩሲያ የባህር ሃይል መኮንኖች ዩኒፎርም የለበሱ ሰዎች ታይተዋል።

እነዚህ መኮንኖች የያዙት የኒውክሌር ጥቃትን ለማዘዝ የሚያገለግለውን የኒውክሌር ብሪፍኬዝ/ቦርሳ ወይም ቼጌት የሚባለውን ነው ተብሏል። ይህ በአስፈላጊ ሰዓት የኒውክሌር ጥቃት የሚታዘዝበት ቦርሳ አስፈላጊውን ኮዶች የያዘ ነው።

ከላይ በተያያዘው ቪድዮ ካሜራው አንደኛውን ቦርሳ አቅርቦ ሲያሳይ ተስተውሏል።

የሩስያን የኒውክሌር ብሪፍኬዝ በተለምዶ የሚያዘው በባህር ኃይል መኮንን ነው። 

ይህ ብሪፍኬዝ / ቦርሳ በማንኛውም ጊዜ ከፕሬዚዳንቱ አጠገብ የማይለይ ቢሆንም ብዙም በካሜራ እይታ ውስጥ አይገባም / አይቀረጽም።

አንዳንዶች ይህ የማዘዣ ብሪፍኬዝ #በቪድዮ_ተቀርፆ እንዲሰራጭ የተደረገው ሆን ተብሎ ለባላንጣዎቻቸው መልዕክት ለማስተላለፍ ነው ብለውታል።

ከፑቲን በተጨማሪ ፤ የሩሲያ የመከላከያ ሚኒስትርም በተመሳሳይ የኒውክሌር ብሪፍኬዝ / ቦርሳ አላቸው።

ሌሎች " ኒውክሌር " የታጠቁ ሀገራት በተመሳሳይ የማዘዣ ቦርሳ ከመሪዎቹ አጠገብ ባይጠፋም በቪድዮ እይታው ውስጥ እንዲገባ አይደረግም።

ለአብነት የአሜሪካው ፕሬዜዳንት " ኒውክሌር ፉትቦል " የሚባል ተንቀሳቃሽ የኒውክሌር ማዘዣ ያላቸው ሲሆን ፕሬዜዳንቱ ዋይትሀውስ በማኖርቡበት ጊዜ አስፈላጊ ሆኖ ሲገኝ ጥቃት እንዲፈፀም የሚያዙበት ነው።

Video Credit - Reuters

Via @BirlikEthiopia

@tikvahethiopia