የጃራ ተፈናቃዮች ጉዳይ!

የጃራ ተፈናቃዮች ትናንት ወደ አፋር ጭፍራ ቢሄዱም አትገቡም ተብለው ዛሬ ወደነበሩበት መመለሳቸውን ተናግረዋል።

በጃራ በመጠለያ ጣቢያ የሴቶችና ህፃናት አስተባባሪ ወ/ሮ ዘነበወርቅ ጣውዬ ፥

" በካምፑ ውስጥ ከተለያዩ የራያ፣ ኮረም ቆቦና ሌሎች አካባቢዎች ተፈናቅለው በመጠለያ ጣቢያው የነበሩ ከ30 ሺህ በላይ ተፈናቃዮች ሰሞኑን ባገረሸው ግጭት በስጋት ሳቢያ ወደ ጭፍራ ተጉዘው አዳራቸውን በዚያው አድርገዋል።

ተፈናቃዮቹ ከማንነት ጋር በተያያዘ ከ 'ህወሓት' ጥቃት ይደርስብናል በሚልና ግጭቱ ከተቀሰቀሰ በኋላ የውሃና የምግብ እጥረት በመከሰቱ ጭምር የሸሹ ናቸው። "

ከተፈናቃዮች መካከል አቶ ዝናቡ መሰለ ፦

" ሁሉም ተፈናቃይ ለሶስት ቀናት በመጠለያ ጣቢየው ቢቆይም፣ የምግብና የውሀ እጥረት በመከሰቱ እንደገና ለመፈናቀል ተገደናል።

የአማራ ክልልን አቋርጠን አፋር ክልል ብንደርስም ጠብቁ ተብለን እዛው ሜዳ ላይ አድረን ወደመጣቹበት ተመለሱ ተለናል።

በዚህም ምክንያት ዛሬ እየተመለስን ቢሆንም ብዙዎች አቅመደካሞች ህፃናትና እናቶች በየበረሀው ቀርተዋል።

አካባቢው እጅግ ሙቀት በመሆኑ ህፃናትና የሚያጠቡ እናቶች ለከፍተኛ የውሀ ጥምና ርሀብ ተጋልጠዋል። "

ትናንት ከጃራ ጭፍራ ዛሬ እንደገና ከጭፍራ ጃራ ተጉዘው ወደ መጠለያ ጣቢያው ከደረሱት መካከል አንዳንዶቹ ይጠቀሙባቸው የነበሩ ቁሳቁሶችና የማብሰያ እቃዎች በመዘረፋቸው፣ የውሀና የምግብ አቅርቦት ባለመኖሩ ለከፍተኛ ችግር መጋለጣቸውን ገልፀዋል።

የሰሜን ወሎ ዞን አደጋ መከላከልና ምግብ ዋስትና ጽ/ቤት ኃላፊ አቶ ዓለሙ ይመር ፦

" መጠለያ ጣቢያውን ሁሉም ተፈናቃዮች አለቀቁም። የሄዱትም ቢሆኑ እተመለሱ ነው ብለዋል፡፡  የእርዳታ እህልና ቁሳቁስ በተመለከተ ከዛሬ ጀምሮ ወደ ቦታው ይላካል " #ዶቼቨለ

@tikvahethiopia

ተፈናቃዮች ስለ ዳሬሰላሙ ድርድር ምን አሉ ?

#1 አስተያየት ሰጪ

" ይኸኛው ድርድር ህዝቡ በሰላም ወጥቶ እንዲገባ ያስችለዋል።

ለምሳሌ ካለንበት ቡሬ መድረስ አንችልም አይደለም ቡሬ ጊዳ እንኳን ወጥቶ መመመለስ አንችልም። ከዚህ ጉተን ደርሶ መመለስ አይቻልም ከዚህ 12 እና 13 ኪ/ሜ ርቀት ላይ እንኳን ወጥቶ መግባት አይቻልም።

ወደ እርቅ ከተገባ እና ድርድሩ ከተሰራበት ይሄ ህዝብ ከአዲስ አበባ የሚፈልገውን ገዝቶ ፣ የታመመውም ታክሞ ትምህርት የሚማረውም ትምህርቱን እንዲማር ጥሩ እንቅስቃሴ ይኖረዋል።

በተለይ ወላዶች እየሞቱ ነው። እኛ አካባቢ ሰሞኑን ብቻ 4 ወላዶች ሞተዋል በወሊድ ምክንያት ፤ እናቶች እያየናቸው እየሞቱ ነው። ወስደን የምናሳክምበት የለም። የሚያዋልድ የለም። ሆስፒታል ነቀምት፣ ጊዳ ነው ያለው መሃል ላይ ሸኔ ስላለ በየት በኩል አድርገን እንወስዳለን ? እስከዚህ ድረስ የከፋ ስቃይ አለ።

እነሱ ከታረቁ እንዲህ ያለው ነገር ይቀንሳል። "

#2 አስተያየት ሰጪ

" የኦሮሞ ነፃ አውጭ ድርጅት / ኦነግ ሸኔ እና የኢትዮጵያ መንግሥት እያደረጉ ያሉት ድርድር ማኛውም ኢትዮጵያዊ ደስ ብሎታል።

ይሄ ድርድር ዘላቂነት እንዲኖረውና ስር ሰደድ እንዲሆን ምኞታችን ነው። እንዲሁም የአማራ ህዝባዊ ፋኖ እና የኢትዮጵያ መንግሥት ለህዝባዊ ፋኖ ጥሪ ቀርቦ እንዲሁ ድርድር ቢደረግ ሰላሙ ለወደፊት የተጣራና ጥሩ እንዲሆን ያደርገዋል።

ከዚህ በኃላ እነሱ ተደራድረው ሲመለሱ ተፈናቃዩም ተሳታፊ ቢሆንና አብሮ ቢሳተፍና ቢነጋገር በጣም ደስ ይለናል። ምክንያቱም ይሄ ተፈናቃይ ነው ገፈጣ ቀማሹ ፣ ኃላም ሄዶ አደጋ ላይ የሚወድቀው፣ በፊትም የወደቀው ይኸው ተፈናቃይ ነው ስለዚህ ሰላሙ ዘላቂ እንዲሆን ተፈናቃዩ በተግባር በውይይት ላይ ተሳታፊ ቢሆን መልካም ነው። "

#3 አስተያየት ሰጪ

" ድርድር መስማታችን በጣም ጥሩ ነው።

ያ ውይይት ሀገርም ያረጋጋል። እኛ ሰላም በማጣታችን ነው እዛ ካፈራነው ንብረት የወለድናቸውን ልጆችና የተለያየ ነገር አጥተን ዛሬ ቀን በፀሀይ ማታ ለብርድ ሸራ ውስጥ ያለነው።

ሰላሙ በጣም ትልቅ ነገር ነው ግን ይሄ ነገር ሲታሰብ መንግሥት እና ኦነግ ሸኔ መግባባትና ድርድር ብቻ ሳይሆን ኦሮሚያ ክልል ላይ ብሄር ብሄረሰቦች ይኖራሉ በተለይ 4ቱ ወለጋ ላይ ይታወቃል እሱን ታሳቢ ያደረገና ከግምት ያስገባ ድርስር መሆን አለበት።

ሰው እንዴት እንደሚኖር ፣ ተፋቅሮ፣ አንድ ላይ መብቱ ተከብሮ ፣ የሚፈልገውን አግኝቶ ወጥቶ ገብቶ ሰርቶ እንዲኖር ነው ሰላም የሚያስፈልገው። መቼም አንደኛው ገፍቶ አንደኛው ተገፍቶ እንደማይኖር ይታወቃል ስለዚህ ይህን ከግምት ያስገባ ውይይት እና ድርድር ተደርጎ ኦሮሚያን ሰላም ለማድረግ ከሆነ በጣም ጥሩ ነው። ተስፋ ሰጪ ነው።

ሰላም ከራሳቸው ክልል ነው የሚጀምረው ፣ ከኦነግ ሸኔ ጋር ታርቆ የሚፈልጉትን መፍታት ከቻሉ ያለው ነገር ሊፈታ ይችላል። 

እዛ ኪረሙ አካባቢ ያሉ የሁሉም ወገን ነው የተፈናቀለው ይሄንን እውነት በጥልቀት የሚሰራበት ከሆነ መጀመሪያ ህዝብን መመለስ ሳይሆን አካባቢው በአግባቡ ካረጋጋና ሰላሙ ከተጠበቀለት በኃላ የተፈናቀለና የተጎዳ ህዝብ እንዴት መመለስ እንዳለበት ማቀድና ካስገባም በኃላ ምን ይደርስበታል ? ምን ያስፈልገዋል ? የሚለውን ማሰብ ያስፈልጋል። ድርግም ያለ ሀሳብ መሆን የለበትም። "

#4

" ሰላም በውይይት እንጂ በአፈሙዝ እንደማይመጣ እንረዳለን። እኛ ነገ ከነገ በስቲያ ወደ ኦሮሚያ ክልል ሄዶ የመኖር ነገር ያሰጋናል። ለምን ? ቢባል ከዚህ ቀደም በየቦታው ተሰጋስገን ያለነው። አንድነት የለንም ስለዛ ገፈጣ ቀማሽ ሆነናል። አሁን ደግሞ በየቦታው ሄደን መውደቃችን ያሳስበናል፤ ከመጠን በላይ ። ያው በጠረጴዛ ዙሪያ ተወያይቶ ሰላም እንዲመጣ ሙሉ ተስፋ አለን። "

#5 አስተያየት ሰጪ

" ይሄ ተፈናቃይ ከዚህ የሄደው በእኛ ምክንያት ነው ይሄ ሰላም የሆነው በእኛ ምክንያት ነው ተብሎ ልክ ኦነግ ሸኔና የብልፅግናው ኦሮሚያ ላይ ብቻቸው የሚደራደሩት ብቻ ሳይሆን ይሄ ማህበረሰብ ይሄ ብሄር ብሄረሰብ የተፈናቀለውን ከግምት አስገብቶ ለነሱም ሰላም ያመጣል እነሱም እንደዚህ ሆነው መኖር ይችላሉ ተብሎ ያን ሰላም ለመምጣት የመነጨ ከሆነ ለእኛም ለተፈናቃዮቹ እዛም ለሚኖረው ማህበረሰብ ተስፋ አለው ጥሩ ነገር ያመጣል።

ግን የኦነግ ሰራዊት እና የመከላከያ ሰራዊት  ብቻ በመታረቅ ምንም የሚመጣ ፋይዳ አለ ብዬ አላስብም። ሲቪልም ያማከለ ከሆነ ውስጥ ላይ ወርዶ የሚከታተሉ ከሆነ እዚህ ላይ ትልቁን ሚና ይጫወቱታል ብዬ አስባለሁ። "

#ዶቼቨለ

@tikvahethiopia

#Update

የፌዴራል ከፍተኛ ፍርድ ቤት ልደታ ምድብ 3ኛ የሙስና ወንጀል ችሎት እነ ቀሲስ በላይ መኮንን ፖሊስ ጣቢያ እንዲቆዩ አዟል።

በዋስ ጥያቄያቸው ዛሬም ውድቅ ተደርጓል።

ቀሲስ በላይ መኮንን በችሎቱ ፥ " ፖሊስ ይዞኝ ሳይሆን እራሴ ነው የሄድኩት " ብለዋል፡፡

" #ብዙ_የሀገር_ጉዳይ በእጄ ስላሉ ጥፋ ብባል እንኳ የምጠፋ ስላልሆንኩ ፤ በጤናዬ ላይ በደረሰው እክልና በቤተሰቦቼ ላይ በደረሰው ችግር ፍርድ ቤቱ የዋስትና መብት ይጠብቅልኝ " ሲሉ ጠይቀዋል።

የብዙ ልጆች አሳዳጊና የቤተሰብ አስተዳዳሪ እንደሆኑ ጠቅሰው በዋስ ከእስር እንዲወጡ ጠይቀው ነበር።

ፍርድ ቤት ግን ሁሉም ተከሳሾች በፖሊስ ጣቢያ ሆነው ጉዳያቸውን እንዲከታተሉ አዟል።

ቀሲስ በላይ መኮንን በሀሰተኛ ሰነድ ከአፍሪካ ኅብረት የኢትዮጵያ ንግድ ባንክ አካውንት ላይ #ከ6_ሚሊዮን ዶላር በላይ ለማውጣት ሙከራ አድርገዋል ተብለው አብረዋቸው ከነበሩት ሰዎች ጭምር መታሰራቸው አይዘነጋም።

ያንብቡ : https://telegra.ph/DW-05-20 #ዶቼቨለ

@tikvahethiopia

" ከምርጫ ወዲህ ከፍተኛ ጫና እየደረሰብን ነው " - ቦሮ

በቤኒሻንጉል ጉሙዝ ክልል የሚንቀሳቀሰው የቦሮ ዴሞክራሲያዊ ፓርቲ የፖለቲካ ድርጅት ሰኔ 16 ቀን፣ 2016 ዓ.ም በክልል ምርጫ ከተካሄደ ወዲህ በፓርቲው ላይ ከፍተኛ ጫና እንደደሰበት እንደሚገኝ አሳውቋል።

ፓርቲው ምን አለ ?

- መተከል ዞን 3 ለክልል ምክርቤት እና አንድ የህዝብ ተወካዩች ምክርት ቤት ወንበር ማግኘት ችለናል።

- በቡሌን ወረዳ " ተቃዋሚ ፓርቲ መርጣቹሀል " ተብሎ የፓርቲው ደጋፊዎች ፣ነጋዴዎችና አርሶ አደሮች ላይ ዛቻ እና ማስራርያ እየደረሰ ይገኛል። የፓርቲ አባላትም ለእስር እየተዳረጉ ይገኛሉ።

- የተቀናጀ ወከባና ዛቻ ነው የሚደርሰው። በተለይ ከምርጫው ውጤት በኃላ።

- ቡሌን ወረዳ ላይ አባላት በተለያዩ ወቅቶች ይታሰራሉ። ከልዩ ልዩ የፖለቲካ እና ማህበራዊ ተሳትፎ ተከልክለዋል። በንግድ፣በግብርና እንዲሁም በመንግስት ስራ ላይ የተሰማሩ የፓርቲው ደጋፊዎች ላይ " ተፎካካሪ ፓርቲ ደግፋቹሀል፣ መርጣቹሀል " በሚል ማስፈራሪያና ዛቻ ይደርሳል።

- የፓርቲውን አባላት መብት በመንፈግ የፖለቲካ አመለካትን መሰረት ያደረገ ጫናዎች እየደረሱ ነው።

- በፓርቲው ላይ የደረሱ የመብት ጥሰቶችን የሰብአዊ መብት ተቋማት ሊከታተሉት ይገባል።

የቡሌን ወረዳ ፖሊስ ለቀረበው ክስ ምን ምላሽ ሰጠ ?

የፖሊስ ፅ/ቤት አዛዥ ዋና ኢንስፔክተር ብርሀኑ ኤጄታ ፦

" በወረዳው በፖለቲካ አመለካከቱ የታሰረ ሆነ በደል የደረሰበት ግሰለብም ሆነ ቡድን የለም።

በአካባቢው የፖለቲካ ድርጅቶች ሰላማዊ በሆነ መንገድ በምርጫ ተሳትፈዋል።

ፓርቲው ያቀረበው ቅሬታ ተቀባይነት የሌለው ክስ ነው። " #ዶቼቨለ

@tikvahethiopia