#update አዲስ አበባ⬇️

የአርበኞች ግንቦት 7 አቀባበል ኮሚቴ አባል የሆነው ወጣቱ ፖለቲከኛ #ብርሃኑ_ተክለያሬድን ጨምሮ በአዲስ አበባ እና በአዲስ አበባ ዙሪያ #ሁከት እንዲፈጠር ረድተዋል በሚል የተጠረጠሩ ፍርድ ቤት ቀረቡ።

ፖሊስ ምርመራውን ለማጠናቀቅ የጠየቀው የ14 ቀን የጊዜ ቀጠሮም ተፈቅዶለታል።

በልደታ ከፍተኛ ፍርድ ቤት 19ኛ ምድብ ችሎት የቀረቡት ተጠርጣሪዎች በበኩላቸው ሰብዓዊ መብትን #የሚጥስ አያያዝ እየተተገበረባቸው እንደ ሆነ ለፍርድቤቱ ተናግረዋል።

የተጠርጣሪዎቹ ጠበቃ የሆኑት ሄኖክ አክሊሉ ደንበኞቻቸው በጨለማ እና ቀዝቃዛ ክፍል እንዲታሰሩ መደረጋቸውን፣ ከህገ-መንግስቱ በተፃራሪ ፍርድ ቤት የቀረቡት ከ48 ሰዓታት በኋላ መሆኑን እንዲሁም ወጣት ብርሃኑ ተክለ ያሬድ በተለይ «የአዕይምሮ ህመም አለበት» ተብሎ ከሚጠረጠር ሰው ጋር እንዲታሰር መደረጉ ለህይወቱ አስጊ መሆኑን ለፍርድ ቤቱ ማስረዳታቸውን ለቢቢሲ ተናግረዋል።

ፍርድ ቤቱም ተጠርጣሪዎች በተገቢው መንገድ እንዲያዙ ፖሊስን ማሳሰቡንም አክለው ነግረውናል።

ፖሊስ ተጠርጣሪዎች ሁከትን በማስተባበር እና በመፍጠር ውስጥ ያላቸውን ተሳትፎ ያሳያሉ ያላቸውን ሰነዶች እና የባንክ ደብተር እንዳሉት ሆኖም ተጨማሪ ማስረጃ ለማሰባሰብ ተጨማሪ ቀን ያስፈልገኛል በማለት የጊዜ ቀጠሮ ጠይቋል።

ብርሃኑ ተክለያሬድ ከዚህ ቀደም በሰማያዊ ፓርቲ ውስጥ በነበረው ተሳትፎ ፣ቆየት ብሎ ደግሞ «የአርበኞች ግንቦት 7 ንቅናቄን ሊቀላቀል ሞክሯል» በሚል ለእስር መዳረጉ አይዘነጋም።

ብርሃኑ በቅርቡ ከእስር ከተፈቱ የፖለቲካ እስረኞች መካከል አንዱ ነበር።

ምንጭ ፦ BBC

@tsegabwolde @tikvahethiopia

ሀዋሳ‼️

የአስተዳደሩ የፀጥታ አማካሪ ም/ቤት የከተማዋን ጸጥታና #ሰላም_ለማረጋገጥ ያቀረበውን ዕቅድ በመገምገም ቀጣይ አቅጣጫዎችን ያመለከተ ውይይት አካሄደ፡፡

በዚህ ከተማ አቀፍ በሆነ የፀጥታ እና የሠላም የጋራ የምክክር መድረክ ላይ የሀዋሳ ከተማ ፀጥታ አስተዳደር መምሪያ ዕቅድ በፀጥታ ም/ቤቱ ቀርቦ ውይይት ተደርጎበታል፡፡

በቀረበው እቅድ ላይ ከመድረክ ማመላከት እንደተቻለው ከቅርብ ጊዜያት ወዲህ የከተማዋን ገጽታና ሁለተናዊ ሰላም የማይገልጹ አለመረጋጋቶች እና ሁከቶች መስተዋላቸው ይገኝበታል፡፡

ለዚህ አለመረጋጋት በዋናነት የጎዳና ላይ ንግድን መሰረት ባደረገ መልኩ እና #የጎዳና_ልጆችን በመጠቀም የሚፈጠሩ ክስተቶች ስለመሆናቸውም በም/ቤቱ የቀረበው ዕቅድ በዋናነት የጠቀሳቸውም ናቸው፡፡

በእኚህ አካላት የሚፈጠሩ ግርግሮች እና ሁከቶች #ለሽብር ተግባሩ ተልዕኮ አራማጆች በር የሚከፍት በመሆን ጭምር ስለመስተዋሉም እቅዱ አያይዞ አመልክቷል፡፡

አንዳንድ ጊዜም የእግር ኳስ ጨዋታዎች በከተማዋ በሚካሄዱበት ወቅትም መሰል #የረብሽ_ትንኮሳዎችን ተከትሎ ገጽታን የማበላሸት ተግባር በተወሰኑ አካላት #ጠንሳሽንት ተስተውሏልም የጸጥታ ም/ቤቱ ያቀረበው ዕቅድ ያመለከተው፡፡

የሀዋሳ ከተማ ፖሊስ መምሪያ ኃላፊ ኮማንደር #መስፍን_ዶቢሳ በበኩላቸው የከተማዋን ሁለንተናዊ ተመራጭነት ጋር ተያይዞ ታላላቅ በዓላትና ዝግጅቶች ከተማዋ በተደጋጋሚ ማስተናገድዋን አውስተው እነዚህን ክብረ በዓላትን በማዋክ የከተማዋን ገጽታ ለማበላሸት የሚንቀሳቀሱ አንዳንድ የእኩይ ሥነ-ምግባር ባለቤቶች መኖራቸውን ጠቁመዋል፡፡

ስለሆነም ፖሊስ ብቻውን ለከተማዋ ሠላም ወንጀለኞችን የመቆጣጠር ተልዕኮን መወጣት ስለማይችል የጠቆሙት እነዚህን ሸብር ፈጣሪ
ህብረተሰቡ አጋልጦ ለፍርድ በማቅረብ የበኩሉን እገዛ ሊያበረክት እንደሚገባ ኮማንደር መስፍን አሳስበዋል፡፡

የመምሪያው ኃላፊ ኃይለየሱስ ነጌሶ በበኩላቸው በከተማዋ የሚከናወኑ የዕለት ተዕለት እንቅስቃሴዎች ለገቢ አቅም የሚሆኑ ከመሆናቸው በላይ ገጽታን የሚያጎለብቱ ናቸው ብለዋል፡፡

ሆኖም እኚህን እና መሰል ከተማዋ የምታስተናግዳቸው ሁነቶችን በመጠቀም #ሁከት የሚፈጥሩ ሃይሎች በንብረት ላይ የሚያደርሱትን የከፋ አደጋ ለመቋቋም የህግ የበላይነትን ማስከበር ወሣኝ እንደሆነ ኃላፊው ተናግረዋል፡፡

የአስተዳደሩ የጸጥታ መምሪያ ኃላፊ ኃይለዮሐን ነጌሶ እንደገለጹት ለወንጀል እና ወንጀለኞች መበራከት የሺሻ፣ የጫትና የኮንትሮባንድ ንግድ ተግባራት ተጠቃሽ እንደሆኑ ገልጸው ይህም የተቀናጀ የክትትልና ቁጥር ተግባርን የሚጠይቅ እንደሆነ በማስረዳት ነው፡፡

የሀዋሳ ከተማ አስተዳደር ም/ከንቲባ አቶ ሱኳሬ ሹዳ በበኩላቸው ከምንም በላይ መንግስት የዜጎችን ደህንነት ለማስጠበቅ ተልዐኮውን እንደሚወጣ በመጠቆም ለዚህም ህብረተሰቡ የበኩሉን ድርሻ እንዲወጣ አሳስበዋል፡፡

ም/ከንቲባው አያይዘውም በአንዳንድ የሃይማኖት ተቋማት የሚስተዋሉ የድምጽ ብክለቶችን ጨምሮ ህጋዊ ፍቃድ ሳይኖራቸው የምሽት ጭፈራ ቤት ያሏቸው አካላት ሣይቀሩ ለከተማዋ ሠላም መደፍረስ ምክንያት በመሆናቸው የፀጥታ ሃይሉ እና ህብረተሰቡ በተቀናጀ መልኩ የሚያደርገው ጥረት ወሣኝ ስለመሆኑ በማስረዳት ነው፡፡

ምንጭ፦ ሀዋሳ ከተማ አስተዳደር ኮሚኒኬሽን
@tsegabwolde @tikvahethiopia

ሲአን‼️

ኢትዮጵያ ውስጥ እየተካሄደ ያለውን የለውጥ ሂደት “ለመቀልበስ የሚደረጉ” ያላቸውን እንቅስቃሴዎች እንደሚቃወም የሲዳማ አርነት ንቅናቄ - ሲአን አስታውቋል፡፡

ለውጡን “ከፍተኛ መስዋዕትነት የተከፈለበት” ብሎታል ሲአን። የተለያየ ስብጥር ባላቸው #የሃዋሳ ከተማ ነዋሪዎች መካከል “አለመተማመን እንዲኖርና #ሁከት እንዲፈጠር የሚያደርጉ ኃይሎችን አወግዛለሁ" ብሏል ሲአን ትላንት በሰጠው ጋዜጣዊ መግለጫ።

“በሃሳብ ልዕልናና በሰላማዊ መንገድ እንጂ ሁከት በመፍጠርና ሰላም በመንሳት የሚደረግ ትግል ተቀባይነት የለውም” ብሏል ንቅናቄው።

"የሲዳማ ህዝብ ጥያቄ ነው" ያለው የሲዳማ ክልልነት ጥያቄ ውሣኔ-ሕዝብ ሂደት የደረሰበትን ደረጃ መንግሥት ለህዝብ እንዲያሳውቅ ሲአን ጠይቋል፡፡

Via~VOA
@tsegabwolde @tikvahethiopia

በምዕራብ ኦሮሚያ በነበረው #ሁከት ተሳትፈዋል የተባሉ የመንግስት አመራሮች እየተመረመሩ ነው!
.
.
.
በምዕራብ ኦሮሚያ ዞኖች ባለፉት ወራት በነበረው የፀጥታ ቀውስ ሀላፊነታቸውን አልተወጡም ተሳትፎም አድርገዋል ተብለው የተጠረጠሩ አንድ መቶ ያህል የክልሉ አመራሮችና የፀጥታ አካላት ላይ ምርመራ እየተካሄደ ሲሆን ስምንት መቶ የሚጠጉ ፖሊሶችም ስልጠና እንዲወስዱ እየተደረገ ነው።

ባለፉት ወራት የምዕራብ ወለጋ፣ ምስራቅ ወለጋ ፤ ሆሮ ጉዱሩ እና ቄለም አካባቢዎች በኦሮሞ ነፃነት ግንባር ታጣቂዎችና በመንግስት የፀጥታ ሀይሎች መካከል ከፍተኛ ግጭት እንደነበረ ይታወሳል። በዚህ ግጭት ደግሞ የዞኑ አመራሮችን ከመግደል እስከ ባንኮች ዘረፋ የሚደርስ ሰፊ ወንጀል መፈጸሙ በክልሉ መንግስት መግለጫ የተሰጠበት እንደነበርም አይዘነጋም፡፡በተለይ አባቶርቤ ተብሎ የሚጠረ ህቡዕ ቡድን የተለያዩ ግለሰቦችን በመግደል ድርጊት ተሰማርቶ እንደነበርም መንግስት ራሱ ይፋ አድርጓል።

አሁን አካባቢው ላይ በኦሮሞ ዲሞክራቲክ ፓርቲ (ኦዲፒ) እና በኦሮሞ ነጻነት ግንባር (ኦነግ) መካከል የተፈጸመውን እርቅ ተከትሎ አንጻራዊ ሰላም የወረደ መስሏል፡፡ ሁለቱን ወገኖች በማሸማገል ስራ ላይ የነበሩት አባ ገዳዎች እና ሃደ ሲንቄዎችም( እናቶች) ውጥረት እና ግጭት ሲንጣቸው በነበሩ ዞኖች ተንቀሳቅሰው ባሳለፍነው ሳምንት ሁኔታውን መቃኘታቸው ይታወቃል፡፡ ታጥቀው የነበሩ የኦነግ አባላትንም ትጥቅ በማስፈታት ወደተዘጋጀላቸው ካምፕ እንዲገቡ እየተደረገ ነው። ከሁሉም በላይ ግን የጠቅላይ ሚኒስትር አቢይ አህመድ እና የክልሉ ርእሰ መስተዳድር አቶ #ለማ_መገርሳ አካባቢው ድረስ በመጓዝ ያደረጉት ጉብኝት እና ከአካባቢው ነዋሪዎች ጋር የነበራቸው ውይይት ይበልጥ በስፍራው የሰላም አየር መንፈስ መጀመሩን ለማመላከት የታሰበ ይመስላል፡፡

አሁን ይህ ውጤት ይገኝ እንጂ ለወራት የተስተዋለውን ግጭት ያባባሰው እና ለቁጥጥር አዳጋች ያደረገው ቁጥራቸው ቀላል የማይባሉ የክልሉ የጸጥታ አካላት #በሁከቱ መሳተፋቸው መሆኑን ዋዜማ ሬድዮ መረጃ አግኝቻለሁ ብሏል፡፡ በተለይ አባቶርቤ ተብሎ ሲንቀሳቀስ በነበረው የህቡዕ ቡድን ውስጥም ሆነ አከባቢው ላይ በነበረው ሁከት የቀጥታ ተሳትፎ ነበራቸው ተብለው የተጠረጠሩ ከ800 በላይ የኦሮሚያ ክልል የፖሊስ አባላት በአሁኑ ወቅት አምቦ በሚገኘው ሰንቀሌ ወታደራዊ ማሰልጠኛ የተሃድሶ ስልጠና እየተሰጣቸው እንደሚገኝም ጭምር ነው ራድዮ ጣቢያው አረጋግጫለሁ ብሎ የዘገበው፡፡

ዋዜማ ራድዮ ከምንጮቼ ሰማሁ እንዳለው ይበልጥ #ሁከቱን_በመምራት በማደራጀትና በማስተባበር #አባቶርቤ በተሰኘው ቡድን ውስጥም በቀጥታ በመሳተፍ ደግሞ በ100 ግለሰቦች ላይ ምርመራ እየተካሄደባቸው ይገኛል፡፡ ከነዚህ መካከልም #የዞን_አመራሮች እና #በፖሊስ_አመራርነት ደረጃ የሚገኙ መኖራቸው ጭምርም ታውቋል፡፡

አካባቢውን ያረጋጋሉ ተብለው ከአዲስ አበባ የተላኩት የክልሉ ፖሊስ ኮሚሽን አመራርም #ተጠርጥረው በምርመራ ላይ ናቸው፡፡

ምንጭ፦ ዋዜማ ራዲዮ
@tsegabwolde @tikvahethiopia

#update በአለታ ወንዶ፣ ሀገረ ሰላም፣ ይርጋለም ከተሞች ዛሬም #ሁከት፣ #ዘረፋ እና የንብረት #ውድመት መታየቱንና በርካቶችም መታሰራቸውን አዲስ ስታንዳርድ ዘግቧል፡፡ ሀዋሳ ዛሬ ተረጋግታ ውላለች።

@tsegabwolde @tikvahethiopia