#የሀዋሳ_ከተማ_ፖሊስ

ባዕድ ነገር ጨምረው እንጀራ በመጋገር በህገወጥ መንገድ የሚያከፋፈሉ ተጠርጣሪዎች በህብረተሰብ ጥቆማ በቁጥጥር ስር ማዋሉን የሀዋሳ ከተማ ፖሊስ አስታወቀ።

በቀን 25/4/2013 ዓ.ም በሀዋሳ ከተማ አስተዳደር በታቦር ክ/ከተማ ከወልደ አማኑኤል ዱባለ አደባባይ አለፍ ብሎ በሚገኘው መንገድ 500 ሜትር ወደ ውስጥ ገባ ብሎ ሙሉ ግቢ ተከራይተው ህገወጥ ተግባር ሲፈፅሙ የተገኙት ተጠርጣሪዎቹ ህብረተሰቡ ባደረገው ጥቆማ ነው በቁጥጥር ስር የዋሉት።

ከተማ አስተዳደሩ የዜጎችን ደህንነት አደጋ ውስጥ የሚከት የትኛውንም አይነት ህገወጥ ተግባር እንደማይታገስ ገልጿል።

መሰል ተግባራት የሚፈፅሙ አካላትን በቁጥጥር ስር ለማዋል ከነዋሪው ጋር የሚሰራውን ስራ አጠናክሮ እንደሚቀጥልም ገልጿል።

ለጤና ጠንቅ በሆነ መንገድ ንፅህናውን ባልጠበቀ መልኩ ባዕድ ነገር የተቀላቀለበት እንጀራ በመጋገር እና በማከፋፈል ህገወጥ ተግባር በሚፈፅሙ አካላት ለይ አስፈላጊውን ማጣራት አደርጎ በህግ አግባብ ተጠያቂ የሚያደርግ መሆኑንም የከተማው ፖሊስ አስታውቋል።

ዝርዝር ጉዳዮ በሚመለከተው አካል በተገቢው ተጣርቶ ለህዝብ ይፋ ይደረጋል ተብላል።

ምንጭ፦ የሀዋሳ ከተማ/አስ/የመ/ኮ/ጉ/መምሪያ
@tikvahethiopia @tikvahethiopiaBOT