" ዴልታ እና ኦሚክሮን አደገኛ ማዕበል እያመጡ ነው " - ዶ/ር ቴድሮስ አድሃኖም

የኮሮና ቫይረስ #ዴልታ እና #ኦሚክሮን ልውጥ ዝርያዎች በቫይረሱ የሚያዙ ሰዎችን በማበራከት አደገኛ ማዕበል እያመጣ ነው ሲሉ የዓለም ጤና ድርጅት ዋና ዳይሬክተር ዶ/ር ቴድሮስ አድሃኖም ገለፁ።

ዶ/ር ቴድሮስ፥ ይህንን ያሉት በአሜሪካና በመላው አውሮፓ አዲስ በቫይረሱ የሚያዙ ሰዎች እየተመዘገቡ መሆኑን እየተገለፀ ባለበት በአሁን ሰዓት ነው።

ዶ/ር ቴድሮስ ፥ ለወረርሽኙ መበራከት የሁለቱ ዝርያዎች " ጥምር " ሊሆን እንደሚችል አስጠንቅቀዋል።

አክለውም ሁኔታው " በተዳከሙ የጤና ባለሙያዎች ላይ ከፍተኛ ጫና መፍጠር እና የጤና ስርአቶችን ሊያናጋው ይችላል" ብለዋል።

ከክትባት ጋር በተያያዘ የተለያዩ ሃብታም ሀገራት 3ኛውን ዙር ክትባት ወይም ማጠናከሪያ እየሰጡ ይገኛሉ።

ዶ/ር ቴድሮስ ፥ የበለፀጉ አገራት መጠነ ሰፊ የማጠናከሪያ ክትባት ዘመቻዎች " ወረርሽኙን እንዲራዘም " ምክንያት ሊሆን ይችላል ብለዋል።

ለዚህ ምክንያትም የክትባት አቅርቦቶችን ከድሃ ሀገራት በማዘዋወሩ ቫይረሱ " እንዲሰራጭ እና አዳዲስ ዝርያ እንዲፈጥር የበለጠ እድል ይሰጠዋል " ሲሉ ተናግረዋል።

እ.ኤ.አ. በ2022 አጋማሽ 70 በመቶ የሚሆነውን የዓለም ህዝብ ክትባት እንዲያገኝ የተጀመረው ዘመቻ እንዲሳካ ሁሉም ሰው መከተብን የአዲስ አመት ዕቅድ እንዲያደርገው ዶ/ር ቴድሮስ መጠየቃቸውን ቢቢሲ አስነብቧል።

@tikvahethiopia