ወንጀል ነክ መረጃ‼️

ከባድ #የሰው_መግደል_ወንጀል የፈጸመው ግለሰብ በዘጠኝ ዓመት ፅኑ እስራት ተቀጣ።

የጠቅላይ ዓቃቤ ሕግ ክስ እንደሚያስረዳው ተከሳሽ መለስ ግርማ ሀብተማሪያም የተባለው ግለሰብ በ1996 ዓ.ም በወጣው የወንጀል ህግ አንቀጽ 539/1/ሀ/ ስር የተመለከተውን ድንጋጌ በመተላለፍ ነው ክስ የተመሰረተበት።

በክሱ ዝርዝር ላይም ተከሳሹ ከሟች ጋር የጎዳና ተዳዳሪዎች ሆነው ሲኖሩ የምተኛበትን ማዳበሪያ ወሰድክብኝ በሚል ይጣላሉ።

ገዳይ ጥር 17 ቀን 2009 ዓ.ም ቀን ላይ ሟችን ገድዬ አገሬ እገባለሁ እያለ ሲዝት እንደዋለ፣ ከምሽቱ በ3፡00 ሠዓት ከሟች ርቆ በመሄድና አረቄ ገዝቶ በመጠጣት ሟች መተኛቱን አረጋግጦ በተኛበት በትልቅ ድንጋይ ጭንቅላቱ ላይ በኃይል በመምታት ተሰውሯል።

ሟችም በደረሰበት ከፍተኛ የጭንቅላት መሰበርና መሰርጎድ ምክንያት ህይወቱ ወዲያውኑ ማለፉን ያስረዳል።

የፌዴራል ዐቃቤ ህግም በተከሳሹ ላይ ከቅዱስ ጳውሎስ ሆስፒታል የአስከሬን ምርመራ ውጤትና ሌሎች የሰነድና የሰው ማስረጃዎችን ለፍርድ ቤቱ አቅርቧል።

ግራ ቀኙን ክርክር ያየው የፌዴራሉ ከፍተኛ ፍርድ ቤት አራዳ ምድብ 2ኛ ወንጀል ችሎት ኅዳር 14 ቀን 2011 ዓ.ም በዋለው ችሎት ወንጀሉ በሌሊት መፈጸሙን በቅጣት ማክበጃነት፣ የተከሳሽን የቀድሞ መልካም ባህሪና የቤተሰብ አስተዳዳሪ መሆን በማቅለያነት ወስዷል።

በዚሁ መሰረትም #በዘጠኝ_ዓመት ፅኑ እስራት እንዲቀጣ ውሳኔ አስተላልፏል።

ምንጭ፦ የኢትዮጵያ ዜና አግልግሎት
@tsegabwolde @tikcahethiopia