" ... የነዳጅ ማዕቀብ ውጤቱ እጅግ የከፋ ይሆናል፤ ዳፋውም ለዓለም ይተርፋል " - የሩስያ ምክትል ጠ/ሚ አሌክሳንደር ኖቫክ

አሜሪካ በ #ሩሲያ_ነዳጅ ላይ ማዕቀብ የመጣል ውሳኔ ካሳለፈች ሩሲያ ለአውሮጳ የምታቀብለውን የተፈጥሮ ጋዝ አቅርቦቷን እንደምታቋርጥ ዝታለች።

የሩሲያ ምክትል ጠቅላይ ሚኒትር አሌክሳንደር ኖቫክ ፤ የሞስኮን ነዳጅ ማቀብ ውጤቱ እጅግ የከፋ ይሆናል ሲሉ አስጠንቅቀዋል፡፡

ዳፋውም ለዓለም ይተርፋል ብለዋል፡፡

ሚኒስትሩ በዚህ ማስጠንቀቂያቸው ሩሲያ ነዳጅ ላይ ማዕቀብ ከተጣለ ምናልባትም የአንድ ድፍድፍ በርሜል የነዳጅ ዋጋ አስከ 300 ዶላር ሊሆን ይችላል ብለዋል፡፡

አሜሪካ በሩሲያ ነዳጅ ላይ ማዕቀብ ለመጣል አማራጮችን እያየች ነው።

ጀርመንና ኔዘርላንድስ ግን በሩሲያ የነዳጅ አቅርቦት ላይ ማዕቀብ መጣል እኛኑ መልሶ ይጎዳናልና ይቅርብን እያሉ ይገኛሉ።

አውሮጳ ኅብረት ኃይል አቅርቦቱ በአመዛኙ የሚያሟላው ከሩሲያ ነው፡፡ በአማካይ ካየነው የአውሮጳ ኅብረት 40 % የተፈጥሮ ጋዝ አቅርቦቱን እና 30 % የነዳጅ አቅርቦቱን የሚያገኘው ከሩሲያ ነው፡፡

የሩሲያ ምክትል ጠቅላይ ሚኒስትሩ ኖቫክ ፤ የአውሮጳ ገበያ ሩሲያ የተፈጥሮ ጋዝ አቅርቦት ካቆመች ለከፍተኛ ችግር ይጋለጣል ብለዋል። " ተተኪ የኃይል አቅርቦት ለማግኘት ዓመታት ሊወስድባቸውም ይችላል ፤ ከኛ ይልቅ እነሱ ይጎዳሉ " ሲሉ ማስጠንቀቃቸውን ቢቢሲ አስነብቧል።

@tikvahethiopia