ወለንጪቲ . . .

ከአዳማ ከተማ #በ33_ኪሎ ሜትር ርቀት ላይ የምትገኘው ወለንጪቲ ከተማ ዛሬ በተኩስ ስትናጥ ነበር።

በከተማዋ ነዋሪ የሆኑ የቲክቫህ ኢትዮጵያ ቤተሰብ አባላት ዛሬ ማክሰኞ ዘለግ ላለ ደቂቃ ከበድ ያለ ተኩስ ሲሰማ እንደነበር አመልክተዋል።

አንድ የቲክቫህ ኢትዮጵያ የቤተሰብ አባል ፤ " ከ11:30 አካባቢ አንስቶ የከባድ መሳሪያ ተኩስ ሲሰማ ነበር " ያለ ሲሆን መልዕክቱን እስከላከበት ሰዓት (ምሽት) ድረስ የተኩስ ድምፅ ይሰማ እንደነበር ገልጿል።

ባለው ሁኔታ " ለአዳራችን ፈርተናል " ሲል ስጋቱን ገልጿል።

አቢ የተባለ የቤተሰባችን አባል በበኩሉ ከምሽት 12:00 ጀምሮ ከባድ የተኩስ ልውውጥ ሲሰማ እንደነበር ጠቁሟል።

የተኩስ ልውውጡ በመንግሥት ፀጥታ አካላት እና መንግሥት " ሸኔ " እያለ በሚጠራቸው ታጥቀው በሚንቀሳቀሱ ታጣቂዎች መካከል እንደነበር አመልክቷል።

ይኸው የቤተሰባችን አባል፥ " ከ12 ሰዓት ጀምሮ በቃ በጣም ከባድ ተኩስ ነበር፤ አሁን ላይ ተኩሱ ጋብ ብሏል። ነገር ግን አሁን ላይ አልፎ አልፎ ራቅ ብሎ ወደ ጋራ የከባድ መሳሪያ ድምፀ ይሰማል። " ሲል ሁኔታውን ገልጿል።

" አሁን ላይ ምንም አይነት የተሽከርካሪ እንቅስቃሴ የለም " ያለው የቤተሰባችን አባል ማምሻውን የነበረውን ሁኔታ ለማስረዳት አጭር የድምፅ ፋይል አያይዞ ልኳል።

" በጣም ከባድ ሁኔታ ላይ ነን " ሲልም ሁኔታውን ገልጿል።

ሌላ የወልጪቲ ቤተሰባችን አባል ደግሞ ፥ " ሁኔታውን በቃላት ከምገልፀው በላይ ነው ፤ የሰዎች ህይወት አልፏል ፤ የተጎዱ ሰዎችም አሉ " ሲል አመልክቷል።

ይህ የወለንጪቲ መስመር እጅግ በጣም ወሳኝ ከሚባሉ የሀገራችን ቁልፍ የንግድ መስመሮች አንዱ ሲሆን በዚሁ መስመር በተደጋጋሚ ጊዜ የታጣቂዎች እንቅስቃሴ መኖሩ ፣ #ግድያን ጨምሮ ዘረፋ ፣ እገታ እጅግ የለየለት ወንጀል እንደሚፈፀም በተደጋጋሚ መጠቆሙ የሚታወቅ ነው።

ከጥቂት ቀናት በፊት በዚሁ ቀጠና ላይ ከአዳማ ወደ አዋሽ በሚወስደው መንገድ ላይ " ወለንጪቲ " አካባቢ በታጣቂዎች በተከፈተ ተኩስ በአፋር ክልል በገቢ ረሱ የሓንሩካ ወረዳ የብልፅግና ፓርቲ አደረጃጀት ጽ/ቤት ኃላፊ አቶ ኡመር ለማን እና ወንድማቸውን ጨምሮ ሌሎች ሰዎች መገደላቸው መነገሩ አይዘነጋም።

Via @tikvah_eth_BOT

@tikvahethiopia