#ELPJC

" ... የሀገራችንን የፖለቲካ ችግሮችን የአመለካከት ልዩነቶችንና ስብራቶችን እርስ በርስ በመገዳደል ለውጥ ማምጣትና ማስተካከል አይቻልም " - ምክር ቤቱ

የኢትዮጵያ የፖለቲካ ፓርቲዎች የጋራ ምክር ቤት ለቲክቫህ ኢትዮጵያ በላከው መገለጫ በአቶ ግርማ የሺጥላ ላይ የተፈፀመውን ግድያ እንደሚያወግዝ እና በደረሰባቸውም አሰቃቂ ሞት በእጅጉ ማዘኑን ገልጿል።

ምክር ቤቱ " የሀገራችንን የፖለቲካ ችግሮችን፣ የአመለካከት ልዩነቶችንና ስብራቶችን እርስ በርስ በመገዳደል ለውጥ ማምጣትና ማስተካከል አይቻልም " ብሏል።

" ሥር የሰደዱ ግጭቶች እንኳን ቢሆኑ በአመጽ ሳይሆን በመነጋገር፣ በመወያየት፣ በመግባባትና በመደማመጥ፣ እንዲሁም በመተባበር ብቻ መፈታት ይኖርባቸዋል " ሲልም አስገንዝቧል።

በአቶ ግርማ ላይ የተፈፀመውን ግድያ በጽኑ እንደሚያወግዝ የገለፀው ምክር ቤቱ መንግስት ይህን አስነዋሪ ተግባር የፈጸሙ አካላትን በአፋጣኝ በቁጥጥር ስር በማዋል ተገቢውን የህግ ተጠያቂነት እንዲያረጋግጥ ጠይቋል።

(ሙሉ መግለጫው ከላይ ተያይዟል)

@tikvahethiopia

#ኢትዮ_ቴሌኮም

በነዳጅ ማደያዎች በፍጥነት መስተናገድ ይችሉ ዘንድ ማድረግ ያለብዎትን ቅድመ-ዝግጅቶች እናስታውስዎ

⛽️ የቴሌብር አገልግሎት ተጠቃሚ ካልሆኑ ቴሌብር ሱፐርአፕን ከ onelink.to/75zfa5 በማውረድ ወይም በ*127# የቴሌብር አካውንት መክፈት

⛽️ ከቴሌብር ጋር ከተሳሰሩ 20 ባንኮች በሞባይል ባንኪንግ፣ በቴሌብር ወኪሎች እና በኢትዮ ቴሌኮም አገልግሎት ማዕከሎች ገንዘብ ወደ ቴሌብር አካውንትዎ ያስተላልፉ፡፡

⛽️ ቴሌብር ሱፐርአፕን ሲጠቀሙ ቪ.ፒ.ኤን (VPN) እየተተቀሙ ከነበረ ያጥፉ

⛽️ ለተጨማሪ ድጋፍ ወደ 127 ይደውሉ ወይም በጽሁፍ ወደ 126 ወይም የቴሌብር ማህበራዊ ገጾቻችን ጥያቄዎን ይላኩ

ማስታወሻ: የነዳጅ ክፍያ በቴሌብር በመፈጸምዎ ምንም አይነት ተጨማሪ የአገልግሎት ክፍያ አይጠየቁም።

ለተጨማሪ መረጃ bit.ly/3V3wjPF

#Update

ትላንት ከእነ አቶ ግርማ የሺጥላ ጋር ከተገደሉት ሰዎች መካከል አንዱ የአማራ ብልጽግና ፓርቲ ቅርንጫፍ ጽ/ቤት ሹፌር የሆኑት አቶ ልየው መንጌ መሆናቸውን ፅ/ቤቱ አሳውቋል።

አቶ ልየው ፤ የአማራ ብልፅግና ቅ/ጽ/ቤት ሀላፊ የነበሩትን አቶ ግርማ የሺጥላን ይዘው ከመሀል ሜዳ ወደ ደብረ ብርሃን ሲመለሱ ትናንት ሚያዚያ 19/2015 ዓ.ም ከሰዓት በኋላ በተፈፀመው ጥቃት መገደላቸውን ነው የተገለፀው።

በትላንት ከሰዓቱ ጥቃት አቶ ግርማ የሺጥላን ጨምሮ 5 ሰዎች መገደለቸው ይታወቃል።

በሌላ በኩል ፥  የአቶ ግርማ የሺጥላ የአስከሬን ሽኝት ነግ እሑድ ሚያዝያ 22/2015 ዓ.ም በአዲስ አበባ ወዳጅነት አደባባይ እንደሚከናወን ቀብራቸውን ለማስፈፀም የተቋቋመ ኮሚቴ ገልጿል።

የቀብር ሥነ ሥርዓቱ በወላጆቻቸው ፍላጎት እና ጥያቄ መሰረት በተወለዱበት ሰሜን ሸዋ ዞን " ማሀል ሜዳ " እንደሚፈጸም ተገልጿል።

@tikvahethiopia

#Tigray

ከዓመታት በኃላ በትግራይ ያሉ #ተማሪዎችን ወደ ትምህርት ገበታቸው ለመመለስ ምዝገበ እየተካሄደ ይገኛል።

የትግራይ ትምህርት ቢሮ  ለዓመታት በኮቪድ-19 እና በጦርነት ምክንያት ተቋርጦ የቆየውን መደበኛ ትምህርት ለማስጀመር ከሚያዚያ 18 ጀምሮ ምዝገባ እንደሚከናወን እና ሚያዚያ 23 ትምህርት እንደሚጀመር ማሳወቁ የሚዘነጋ አይደለም።

ተማሪዎች ያለፋቸውን ጊዜ ለማካካስ በሳምንት 3 የትምህርት ፕሮግራሞች የነበሩትን ወደ 5 እና 6 በመቀየር አንድ ሴሚስተር የሚጨርሰውን ጊዜ ለማሳጠር እንደሚሰራ መነገሩም ይታወሳል።

በትግራይ ጦርነት ምክንያት ክፉኛ ከተጎዱት መካከል #ተማሪዎች ዋነኛዎቹ ሲሆኑ ተማሪዎች ለበርካታ ወራት ከትምህርት ርቀው ይገኛሉ።

እንደ ህፃናት አድን ድርጅት (Save the Children) መረጃ በትግራይ 2.3 ሚሊዮን ሕጻናት ወደ ትምህርት ገበታቸው አልተመለሱም።

ፎቶ ፦ ድምፂ ወያነ

@tikvahethiopia

#IOM

እንደ ዓለም አቀፉ የስደተኞች ድርጅት መረጀ በመቶዎች የሚቆጠሩ የቱርክ ዜጎችን ጨምሮ ከ3,500 በላይ ሰዎች በሱዳን ያለውን ከባድ ጦርነት ሸሽተው በመተማ በኩል ወደ ኢትዮጵያ ገብተዋል።

ከሚያዚያ 21 እስከ 25 ባለው ጊዜ ውስጥ ከ3500 በላይ የሆኑ የ35 ሀገራት ዜጋ  ስደተኞች ተመዝግበዋል።

ከተመዘገቡት አጠቃላይ ስደተኞች መካከል ከ40 በመቶ በላይ የቱርክ ዜጎች ሲሆኑ፣ ኢትዮጵያውያን 14 በመቶ ናቸው።

ባለፈው ሳምንት መጨረሻ 200 የነበረው የስደተኞቹ ቁጥር  ያለፈው ማክሰኞ ወደ 1,300 ደርሷል።

ድርጅቱ በሱዳን ድንበር ላይ ለሚደርሱ 700 ያህል የሶስተኛ ሀገር ዜጎችን ለመቀበል የትራንስፖርት እርዳታ በርካታ ኤምባሲዎች ጥያቄዎች  እንዳቀረቡለት ታውቋል።

የአይኦኤም ባለስልጣናት ከድንበር ከተማ መተማ ወደ ጎንደር እና አዲስ አበባ ከተሞች የሚመጡ ስደተኞች መብዛትን ተከትሎ  ትራንስፖርት በማዘጋጀት ላይ ናቸው።

ድርጅቱ የሱዳኑ ግጭት  270,000 የሚደርሱ ሰዎችን ወደ ጎረቤት ደቡብ ሱዳን ፣ ቻድ፣ ግብፅ እና ኢትዮጵያ እንዲሰደዱ ሊያደርግ ይችላል ብሏል።

በሱዳን ወታደሮች እና ታጣቂዎች መካከል የተደረገው ጦርነት ሚያዝያ 15 ቀን 2023 ከተቀሰቀሰ ወዲህ፣ በመቶዎች የሚቆጠሩ ሰዎች ሲሞቱ፣ በሺዎች የሚቆጠሩ ደግሞ ለስደት ተዳርገዋል።

በርካታ የሀገሪቱ ዜጎችም በከፍተኛ የውሃ፣ የምግብ፣ የመድሃኒት እና የነዳጅ እጥረት እየተሰቃዩ ነው።

በሌላ በኩል፤ ከቀናት በፊት በተፋላሚ ወገኖች ስምምነት የተደረሰበት የ72 ሰዓታት የተኩስ አቁም ለተጨማሪ ቀናት እንዲራዘም የተደረገ ቢሆን አሁንም በሀገሪቱ ግጭት ቀጥሏል።

ተኩስ አቁሙ እንዲራዘም የተደረገው በሱዳን ጎረቤት አገራት እንዲሁም በተባበሩት መንግሥታት፣ በአሜሪካ እና በዩናይትድ ኪንግደም ጠንካራ ዲፕሎማሲያዊ ጥረት ነው ተብሏል።

ምንጭ፦ አጀንስ ፍራንስ ፕሬስ / ዶቼ ቨለ

@tikvahethiopia

#MoE #ExitExam

የትምህርት ሚኒስቴር ፤ በመጪው ሀምሌ ወር ላይ በዩኒቨርሲቲዎች #በኦንላይን ለሚካሄደው የመውጫ ፈተና 30 ሺህ ኮምፒውተሮች ዝግጁ መሆናቸውን አሳውቋል።

ሚኒስቴሩ ፤ ከ240 ሺህ በላይ የከፍተኛ ትምህርት ተቋማት የቅድመ ምረቃ ተማሪዎች የመውጫ ፈተና ለመስጠት ዝግጅት መጠናቀቁን ገልጿል። 

በዩኒቨርሲቲዎች የሚሰጠውን የመውጫ ፈተና የማያልፉ ተማሪዎች ድግሪ የማይሰጣቸው በመሆኑ ተማሪዎች ለሚሰጠው ፈተና ራሳቸውን አንዲያዘጋጁ ማሳሰቢያ ተላልፏል።

በሀምሌ ወር ከሚሰጠው ፈተና በፊት በግንቦት ወር መጨረሻ ላይ የሙከራ ፈተና እንደሚሰጥ ተገልጿል።

ሚኒስቴሩ ፤ በኦንላይን ፈተናው መሰጠቱ ኩረጃን ለማስቀረት፣ የወረቀት ወጪና ማጓጓዣን ለመቀነስ ይረዳል ብሏል።

ለፈተናው በአጠቃላይ ከ15 በላይ ኮርሶች በየትምህርት መስኩ ተወጣጥተው ዝግጁ መሆናቸውን የገለፀው ሚኒስቴሩ " የፈተናው ውጤት በኦንላይን ይፋ የሚደረግና ሚስጥራዊነቱ የተጠበቀ ይሆናል " ብሏል።

ፈተናውን የማያልፉ ተማሪዎች ያለገደብ በተደጋጋሚ የመፈተን እድል እንደሚኖራቸው በመመሪያ መቀመጡን ያስታወሰው ትምህርት ሚኒስቴር " የመውጫ ፈተናው የተለየ ዓላማ የሌለው እና የተማሩትን ብቻ የሚመዝን በመሆኑ ተማሪዎች ሳይደናገጡ እንዲዘጋጁ ለተማሪዎች ጥሪ አቅርቧል።

ሁሉም የከፍተኛ ትምህርት ተቋማት የመፈተኛ ጣቢያ እንደሚሆኑ ይፋ ተደርጓል።

#ኢብኮ

@tikvahethiopia

ህጻናትን መሬት ላይ ሸፋፍኖ፣ አስተኝቶ መለመን ... የልመና ስልት ይሆን ?

በመዲናዋ ብዙ አይነት የልመና አይነቶችን እንመለከታለን። አንዳንዶቹ ልመናዎች ግን ህጻናትን ጭምር በመጠቀም የሚደረጉ በመሆናቸው ልብን ሰብሮ ምጽዋት ከመስጠት ባለፈ ጥያቄ ይጭራል።

በተለይ መገናኛ አካባቢ ህፃናትን አስተኝቶ መለመን መለመዱን ጥቆማውን ያደረሱን ቤተሰቦቻችን የገለጹ ሲሆን ጨቅላ ህፃን አስፓልት ላይ አስተኝቶ መለመን ለጤናም ሆነ ለሞራል የሚከብድ ነገር እንደሆነ ነው የጠቀሱት።

በዚህ ጉዳይ ላይ ቲክቫህ ኢትዮጵያ የአዲስ አበባ ሴቶችና ህጻናትጉዳዮች ቢሮን አነጋግሯል ፦

ጉዳዩ እንደ ቢሮ በሚገባ ይታወቃል፤ ለኛም በጣም አሳሳቢ እና አስጨናቂ ጉዳይ ሲሉ በቢሮው የህጻናት መብት ደህንነት ዳይሬክተር የሆኑትን አቶ አንዷለም ታፈሰ  ይገልጻሉ። ሆኖም ቢሮው ክልከላ የማድረግ ወይንም የህግ አግባብን ለመተግበር ግን ስልጣን እንደሌለው ነው ያነሱት።

ዳይሬክተሩ አክለውም "እየከፋ እየመጣ ያለው ልመናን በወንጀል ደረጃ አስቀምጦ ወይንም አላግባብ የሆነ የልመና ሂደቶችን ክልከላ ያስቀመጠበት ህግ ስለሌለን እነዚህን እናቶች ወጥታቸሁ አትለምኑም ማለት አንችልም" ሲሉ ተናግረዋል።

ለመሆኑ ህጻናቱን ለልመና ብለው የሚሰርቁት ለዚሁ ይሆን ?

እንደ ቢሮው መረጃ ልጅ ጠፋ ሚባሉ ነገሮችን በተደጋጋሚ እንደሚሰማና አንዱ ልጅ የሚጠፋበትም ምክንያትም ለገቢ ማስገኛ ዘዴ እነደሆነ ይጠቁማል፡፡

ለምሳሌ በ2014/15 ዓ.ም ባሉት ጊዜያት 58 አካባቢ የሚሆኑ ልጅ የመጥፋት ኬዞች የተመዘገቡ ሲሆን ከዚህም ውስጥ በሁለት መንገድ ሕጻናቱን በመስረቅ ለገቢ ማስገኛ እንደተጠቀሟቸው ተገልጿል።

የመጀመሪያው ልጅን አግቶ ገንዘብ መደራደር አይነት ሲሆን ሁለተኛው ደግሞ አሁን እንደምናየው በተለያየ መንገድ ልጆቹን በመውሰድ ለልመና እንደሚጠቀሟቸው እንሰማለን፡፡

ቢሮው ችግሩን ለመቅረፍ የህግ ማዕቀፍ እያዘጋጀው ነው ብሏል።

የህጻናት መብት ደህንነት ዳይሬክተር የሆኑትን አቶ አንዷለም ታፈሰ በሴቶችና ማህበራዊ ጉዳይ ሚንስቴር በኩል ይህንን ድረጊት በህግ ሊከለክል የሚችል (ሊያስቆም የሚችል) አዋጅ እንዲወጣ እየተደረገ መሆኑንና ረቂቁ ማለቁን ጠቁመዋል።

ይህ አዋጅ ተተግብሮ ወደ ሥራ ከተገባ ትልቅ እፎይታ ይፈጥራል ብለው እንደሚያስቡ የገለጹት ዳይሬክተሩ አዋጅ ተግባራዊ እስከሚደረግ ድረስ ቢሮው መመሪያ ማዘጋጀቱን አንስተዋል።

ለመሆኑ መመሪያው ላይ ምን ተካቷል?

መመሪያው ህጻናትን የያዙ እናቶች ልጆቻቸውን የቀን ማቆያ ውስጥ ማዋል እንዲችሉ፤ ምቹ በሆነ ቦታ ላይ ህጻናቱን አድርገው የተለያዩ ገቢ ሚያስገኙ ስራዎቹን ሰርተው በመመለስ ህጻናቱን መልሰው ሊወስዱ የሚችሉበት አሰራር የሚዘረጋ መሆኑን ዳይሬክተሩ ገልጸዋል።

መመሪያው ህጻናቱ ማቆያ ውስጥ ሲቆዩ ምን ምን አገልግሎቶችን ያገኛሉ? ምን አይነት ነገሮች ሊሟሉላቸው ይገባል? ምን አይነት ህጻናቶች ናቸው እዚህ ውስጥ ሚገቡት? የሚሉትን የሚመልስ ሲሆን አሁን ላይ ተጠናቆ የፍትህ ቢሮ የህግ አስተያየት ሰጥቶበት ለፋናንስ ቢሮ መላኩን አክለው ገልጸዋል።

ይህ ጎዳና ላይ ለሚለመንባቸው ህጻናት ብቻ ሳይሆን ልጆቻቸው አካል ጉደተኛ ሆነው ወተው መስራት ለማይችሉ፤ ልጆቻቸውን ብቻ ይዘው ቤት ውስጥ ለሚቀመጡ ወላጆች፤ በማረሚያ ቤት ውስጥ ልጆቻቸው ላሉ (በረጅም ጊዜ በማቆየት) ሁሉን ሊያቅፍ በሚችል መልኩ መመሪያው መዘጋጀቱን አብራርተዋል።

ዳይሬክተሩ ልጆቻቸው በማቆያ ከሆኑ ወላጆቻቸው ገቢ ማግኘት የሚችሉበትን መንገድ ጭምር ጎን ለጎን እያሰቡ መመሪያው መዘጋጀቱን ጠቁመዋል።

Via @tikvahethmagazine

#AxumUniversity

በጦርነት ምክንያት አክሱም ዩኒቨርሲቲ አቁሟቸው ነበሩትን አገልግሎቶች ማስጀመሩን ለማወቅ ተቸሏል።

ዩኒቨርሲቲው ለቀድሞ ተማሪዎቹ ፦
➭ ኦፊሽያል ትራንስክሪፕት
➭ ስቱደንት ኮፒ
➭ ጊዚያዊ ሰርተፊኬት
➭ የዲግሪ ማረጋገጫ
➭ እንግሊዝኛ የማስተማሪያ ቋንቋነት ማረጋገጫ መስጠት መጀመሩን ገልጿል።

በመሆኑም የቀድሞ ተመራቂዎች ወይም ህጋዊ ወኪሎቻቸው በዩኒቨርሲቲው በአካል በመገኘት አገልግሎቱን ማግኘት እንደሚችሉ ዩኒቨርሲቲው ገልጿል።

በሌላ በኩል ፥ አክሱም ዩኒቨርሲቲ በሁለት ወይም በሦስት ሳምንታት ጊዜ ውስጥ ኦሪጅናል ዲግሪ መስጠት እንደሚጀምር አሳውቋል።

አክሱም ዩኒቨርሲቲ ባለፉት ዓመታት በትግራይ ጦርነት ምክንያት የተቋረጠውን የመማር ማስተማር ስራ ለማስጀመርና ተማሪዎቹን ለመቀበል ከፍተኛ ርብርብ እያደረገ እንደሚገኝ ለማወቅ ችለናል።

More : @tikvahuniversity