#update የኢትዮጵያ፣ ኤርትራ፣ ኬንያ፣ ሶማሊያና ዩጋንዳ የፖሊስ አመራሮችና አቃቤ ሕጎች የሶስት ቀናት አውደጥናትን ዛሬ #በኤርትራ_አስመራ ተጀምሯል፡፡ አውደጥናቱ የፖሊስ የኮሙኒኬሽን ስርዓትና የሕግ ማዕቀፎች ላይ ትኩረት አድርጎ ውይይት እንደሚያደርግ የኤርትራ የማስታወቂያ ሚኒስትር የማነ ገ/መስቀል በቲዊተር ገፃቸው በኩል ገልጸዋል፡፡

Via etv
@tsegabwolde @tikvahethiopia

TIKVAH-ETH ማጠቃለያ🗞ጥር 22/2011 ዓ.ም.

በሶማሌ ክልል የቀድሞው ፕሬዚዳንት አቶ አብዲ #መሃመድ_ዑመርን ጨምሮ በ47 ግለሰቦች ላይ #ክስ ተመስርቷል።
.
.
ለከፍተኛ የመንግስት የስራ ኃላፊዎች የትራንስፖርት አገልግሎት በመስጠት ላይ ያሉትን ‹‹ቪ8›› መኪኖች በሌሎች አዳዲስና ወጪ ቆጣቢ ተሽከርካሪዎች የመተካቱ ሂደት በመጠናቀቅ ላይ መሆኑ ተገልጿል።
.
.
በድሬዳዋ ከተማ ተፈጥሮ በነበረው #አለመረጋጋት እና የተቃውሞ ቀናት ጉዳት ሳይደርስበት በሀሰት ጉዳት የደረሰበት በማስመሰልና ይህንን የሃሰት ፎቶ በማህበራዊ ድረ ገፅ በመልቀቅ ግጭቶች እንዲፈጠሩ ለማድረግ የሞከረው ግለሰብ በቁጥጥር ስር ውሏል፡፡
.
.
በቅርቡ የፀደቀውን የስደተኞች አዋጅ በመቃወም በአዲስ አበባና በጋምቤላ #የተቃውሞ_ሠልፍ ሊደረግ እንደሆነ ተሰምቷል።
.
.
በሶማሌ ክልል ግጭት፣ ግድያና ቃጠሎ ጋር በተያያዘ ከአራት ወራት በላይ በእስር ላይ የነበረው #ቴዎድሮስ_አዲሱ (ቴዲ ማንጁስ) በ80,000 ብር ዋስ ከእስር እንዲፈታ ፍርድ ቤት ትእዛዝ ሰጥቷል።
.
.
የአዲስ አበባ ከተማ አስተዳደር ገቢዎች ባለስልጣን "ግዴታዬን እወጣለሁ ፣ መብቴንም እጠይቃለሁ!" በሚል መርህ ቃል የከተማ አቀፍ የታክስ ንቃናቄ መድረክ ተካሂዷል።
.
.
ከኮንሶ ዞን ወደ ሶያማ ቡርጂ ወረዳ ሲጓዝ በነበረ የጭነት መኪና ላይ ባልታወቁ #ታጣቂዎች በተከፈተ ተኩስ በትላንትናው ዕለት የአራት ሰዎች ህይወት አልፏል።
.
.
#በምሥራቅ_ወለጋ_ዞን በተለያዩ ወረዳዎች የሚገኙ በጎ ፈቃደኛ ተማሪዎች 2ሺህ 380 ዩኒት ደም መለገሳቸውን የነቀምቴ ደም ባንክ አገልግሎት አስታውቋል።
.
.
የመልካም አስተዳደርና የሥራ  አጥነት መሠረታዊ ጥያቄዎች በፍጥነት ለመመለስ የሚያግዝ የ60 ቀናት ዕቅድ ተዘጋጅቶ እንቅስቃሴ መጀመሩን የድሬደዋ አስተዳደር ከንቲባ ተናግረዋል።
.
.
ሰሞኑን በድሬዳዋ በተፈጠረው ሁከትና ነውጥ #በማራገብ ሂደት #ፖሊስ እና #አድማ_በታኝ አሉበት፤ ይህም በፖሊስ ውስጥ መሠረታዊ ሪፎርም እንደሚያስፈልግ ያመለክታል ተብሏል።
.
.
15ኛው የኢትዮ-ጅቡቲ የጋራ ኮሚሽን ስብሰባ በዛሬው ዕለት በጂቡቲ ተጀምሯል፡፡
.
.
ትናንት በሶማሌ ክልል መዲና- ጅግጅጋ የሃይማኖት ክብረ በዓልን ተከትሎ በተፈጠረ ግጭት ሁለት ሰዎች መገደላቸው ተነግሯል።
.
.
የኦሮሚያ ክልል ርዕሰ መስተዳድር አቶ ለማ መገርሳ እና የአማራ ክልል ርዕሰ መስተዳደር አቶ ገዱ አንዳርጋቸው #በኔዘርላንድ የሚገኙ ኩባንያዎችን ጎብኝተዋል።
.
.
የኢትዮጵያ #ጉብኝታቸዉን አጠናቀዉ ወደ ሀገራቸው ለመመለስ በዝግጅት ላይ ያሉት የጀርመኑ ፕሬዝዳንት ፍራንክ ቫልተር ሽታይንማየር የሚበሩበት አዉሮፕላን የቴክኒክ #እክል ገጥሞት መዘግየቱ ተሰምቷል።
.
.
ከአዲስ አበባ ወደ ነቀምት በህገ-ወጥ መንገድ ሲጓጓዝ የነበረ 11 ሺህ ሊትር ነዳጅ መያዙን የኢሉገላን ወረዳ ፖሊስ አስታውቋል።
.
.
በአማራ ክልል በአምሀራ ሳይንት ወረዳ በአጅባር ከተማ በተቀሰቀሰ #ተቃውሞ የመንግስትም ሆነ የግል ተቋማት ከትላንት ከሰዓት ጀምሮ አገልግሎት መስጠት ማቋረጣቸውን ነዋሪዎች ገልፀዋል።
.
.
ከጥረት ኮርፖሬት የሃብት ምዝበራ ጋር በተያያዘ የአምባሰል ንግድ ስራዎች ስራ አስኪያጅ የነበሩትን አቶ #ምትኩ_በየነን ጨምሮ አምስት ሰዎች ዛሬ በአዲስ አበባ ከተማ በህግ ቁጥጥር ስር ውለዋል።
.
.
የኢትዮጵያ፣ ኤርትራ፣ ኬንያ፣ ሶማሊያና ዩጋንዳ የፖሊስ አመራሮችና አቃቤ ሕጎች የሶስት ቀናት አውደጥናትን ዛሬ #በኤርትራ_አስመራ ተጀምሯል፡፡
.
.
በአለም ላይ ያለውን የነዳጅ ምርቶች ዋጋ ጭማሪን ግምት ውስጥ በማስገባት እና በህዳር ወር ተደረገው ዋጋ #ማስተካከያ ዝቅተኛ በመሆኑ፥ በነዳጅ ምርቶች የችርቻሮ መሸጫ ዋጋ ላይ #መጠነኛ_ጭማሪ ማድረጉን የንግድና ኢንዱስትሪ ሚኒስቴር አስታውቋል።

ምንጭ፦ etv፣ fbc፣ የጀርመን ራድዮ፣ ኢ.ፕ.ድ፣ ኢዜአ፣ የንግድ እና ኢንዱስትሪ ሚኒስቴር፣ የTIKVAH-ETH ቤተሰብ አባላት

ሰላም እደሩ!!
ኢትዮጵያ ለዘላለም ትኑር!!
@tsegabwolde @tikvahethiopia

ጉብኝቱ ተሰረዘ‼️

ጠቅላይ ሚኒስትር ዶክተር ዐብይ አህመድ ከሰሞኑ የኬንያውን ፕሬዝዳንት ዑሁሩ ኬንያታን በኢትዮጵያ ተቀብለው አነጋግረው በኋላም አብረው ወደ ኤርትራ ለጉብኝት ሄደው ነበር፡፡ #በኤርትራ በነበራቸው ቆይታ የሦስትዮሽ ግንኙነትን፣ ቀጠናዊ ውሕደትንና ሰላምን ከመጠበቅ አንጻር መወያዬታቸው የሚታወስ ነው፡፡ በኤርትራ የተለያዩ አካባቢዎችንም በጋራ ጎብኝተዋል፡፡

ጠቅላይ ሚንስትር ዶክተር ዐብይና የኤርትራው ፕሬዝዳንት #ኢሳይያስ_አፈወርቂ በጋራ ወደ ደቡብ ሱዳን ጁባ ለይፋዊ ጉብኝት ማቅናታቸው የሚታወስ ነው፡፡ በጁባ ቆይታቸው ከፕሬዝዳንት ሳልቫኪር ጋር በሁለትዮሽና በሦስትዮሽ ጉዳዮች ላይ መምከራቸው ተሰምቷል፡፡

በመካከሉ ጠቅላይ ሚኒስትር ዶክተር ዐብይ ወደ #ሱዳን ሪፐብሊክ ሊሄዱ እንደነበርና ድንገት ጉብኝታቸው እንደተሰረዘ ‹ሱዳን ትሪቡን› ዘግቧል፡፡

እንደ ዘገባው ጠቅላይ ሚኒስትሩ ትናንት ሰኞ ሱዳን #ካርቱም ተጠብቀው ነበር፤ ነገር ግን በዝርዝር ባልተገለጸ ምክንያት ጉብኝቱ ላልተወሰነ ጊዜ ተራዝሟል፡፡ ሱዳን ትሪቡን እንደገመተው ጠቅላይ ሚኒስትር ዶክተር ዐብይ አህመድና ፕሬዝዳንት ኢሳይያስ አፈ-ወርቂ በአንድ አውሮፕላን ስለነበሩና ኢሳያስ ካርቱም ማረፍ #ስላልፈለጉ የጠቅላይ ሚኒስትር ዶክተር ዐብይ የካርቱም ጉብኝት ሳይሰረዝ አልቀረም ብሏል፡፡

ከአንድ ዓመት በፊት ሱዳን ‹‹የኤርትራ መንግሥት ተቃዋሚዎችን እየደገፈ ነው›› በሚል ቅሬታ ድንበሯን ዘግታ ነበር፤ ፕሬዝዳንት ኢሳያስም ሱዳንን ከሌሎች ዐረብ ሀገራት ጋር ‹‹በመንግሥቴ ላይ ያሴራሉ›› ሲሉ ሲከሱ ነበር፡፡

ይሁን እንጅ ጠቅላይ ሚኒስትር ዶክተር ዐብይ በጀመሩት ጥረት የኤርትራና ኢትዮጵያ እንዲሁም የኤርትራና ሌሎች ሀገራት ግንኙነት መሻሻል እያሳዬ ነው፡፡ በጠቅላይ ሚኒስትሩ ጥረት የኤርትራና ሶማሊያ፣ የኤርትራና ጅቡቲ እንዲሁም የኤርትራና ሱዳን ግንኙነቶች መሻሻል እያሳዩ ነው፡፡ ፕሬዝዳንት አልበሽርም ከወር በፊት የኤርትራ ድንበራቸውን መክፈታቸው የሚታወስ ነው፡፡ ነገር ግን አልበሽር እስካሁን የኤርትራ ኤምባሲያቸውን ሥራ አላስጀመሩም፤ በዚህ ልባቸው ያልተፈታው ኢሳያስ ካርቱም ማረፉን በጅ አለማለታቸው ነው የተጠረጠረው፡፡

በእርግጥ ሱዳን ትሪቡን ይህን አላለም እንጅ የሱዳን ወቅታዊ አለመረጋጋትም ለጉብኝቱ መሠረዝ ምክንያት ሊሆን ይችላል፡፡ ለወራት የቀጠለው የሱዳን አለመረጋጋት አልበሽር ለአንድ ዓመት የሚዘልቅ የአስቸኳይ ጊዜ ዐዋጅ እንዲያውጁና የፌዴራልና የግዛት መንግሥታዊ መዋቅራቸውን እንዲበትኑ፣ የፓርቲ ስልጣናቸውንም እንዲያጡ አድርጓልና፡፡

Via AMMA
@tsegabwolde @tikvahethiopia

#ትግራይ #ኢሮብ

ከፕሪቶሪያ ሰላም ስምምነቱ በኃላም ቢሆን እስካሁኗ ደቂቃ ድረስ የኢትዮጵያ፣ ትግራይ ኢሮብ ወረዳ 23 ት/ ቤቶች በኤርትራ ወታደሮች ስር ይገኛሉ።

በትግራይ ክልል ኢሮብ ወረዳ ተነፃፃሪ የሆነ የሰላምና የፀጥታ ሁኔታ ባለባቸው አከባቢዎች ባሉ ትምህርት ቤቶች የሚማሩ ተማሪዎች በቀጣዩ ሃምሌ ወር 2016 ዓ.ም ለሚሰጠው አገር አቀፍ የ12ኛ ክፍል መልቀቅያ ፈተና በመዘጋጀት ይገኛሉ።

ለፈተናው እየተዘጋጁ ያሉት ተማሪዎች በአሁን ሰዓት በኢትዮጵያ ፤ ትግራይ ክልል በጊዜያዊ አስተዳደር ስር ያሉ ናቸው።

በወረዳው የትምህርት ፅህፈት ቤት ስር የሚታወቁ እና ክትትል ሲደረግላቸው የነበሩት አንድ ሁለተኛ ደረጃ የሚገኙባቸው 23 ትምህርት ቤቶች ከ3 ዓመት በላይ #በኤርትራ_ወታደሮች_ቁጥጥር_ስር እንደሚገኙ በኢሮብ ወረዳ የትምህርት ፅህፈት ቤት ተገልጿል።

የትምህርት ቤቶቹ  መምህራን እና ተማሪዎች ያሉበት ሁኔታ አይታወቅም ተብሏል። 
 
ቃላቸውን የሰጡ ተማሪዎች ፦
- ጦርነቱ ብዙ ነገሮች እንዳሳጣቸው
- አሁን በወረዳቸው ትምህርት ቤት የኢንተርኔት አቅርቦት ጨርሶ እንደሌለ
- ውሃ ፣ መብራት ፣ ትራንስፓርት የትምህርት ቁሳቁስ አቅርቦት እንደሌለ ጠቁመዋል።

ተማሪዎቹ በቴክኖሎጂ ታግዞ ከሚፈተኑ ተማሪዎች ጋር ተፈኳኳሪ ለመሆን እንደሚከብድም ገልጸዋል።

ያም ሆኖ ግን አሁን ላይ የተገኘው ዕድል እንዳያመልጥ ለመፈተን ዝግጅት በማድረግ ላይ እንደሚገኙ ተናግረዋል።

መምህራን በበኩላቸው ፥ በወረዳው ያሉት ተማሪዎች የተሻለ ውጤት እንዲያስመዘግቡ የክልሉና የፌደራል ትምህርት ሚኒስቴር እገዛ እጅግ ወሳኝ ነው ብለዋል።

የኢትዮጵያ መንግስት በፕሪቶሪያ የሰላም ስምምነት መሰረት በኤርትራ ወታደሮች ቁጥጥር ስር የሚገኙ ትምህርት ቤቶችና ተማሪዎች ነፃ ወጥተው የዘወትር አገልግሎት እንዲሰጡ ትኩረት ማድረግ አለበት ብለዋል።

በወረዳው በጦርነት ምክንያት የትምህርት ሴክተር ሙሉ በሙሉ ሊባል በሚችል መልኩ የወደመ ሲሆን የ12ኛ ክፍል ተማሪዎችም ምንም የትምህርት ቁሳቁስ አቅርቦት በሌለበት ለመፈተን በዝግጅት ላይ መሆናቸው ግምት ውስጥ በማስገባት መንግስታዊና መንግስታዊ ያልሆኑ ተቋማት የእገዛ እጃቸው እንዲዘረጉ የወረዳው የትምህርት ፅህፈት ቤት ጥሪ አቅርቧል።

ይህንን መረጃ የትግራይ ቴሌቪዥንን ዋቢ በማደረግ የላከው የመቐለ የቲክቫህ ኢትዮጵያ ቤተሰብ አባል ነው።

@tikvahethiopia