ሰው አግተው ከፍተኛ ገንዘብ ሊቀበሉ የነበሩ አጋቾች #ተገደሉ።

እንደ መተማ ወረዳ ፖሊስ ጽ/ቤት መረጃ ፦

1ኛ. አጋች ጥጌ አበበ አለሙ
2ኛ. አጋች ባበይ አበባው የተባሉ ግለሰቦች አድራሻቸው መተማ ወረዳ መቃ ቀበሌ ሲሆን ሰሜን ወሎ ዞን ላሊበላ ከተማ በመሄድ " በመተማ ወረዳ ገንዳውሃ ከተማ #ሱቅ ብትሰሩ ቶሎ መቀየር እና ሀብታም ትሆናላችው " በማለት  የላሊበላ ከተማ ነዋሪ እና በአነስተኛ ጥቃቅን የሚሰሩ ግለሰቦችን ፦

1ኛ. አፀደ መኮነን
2ኛ. እመቤት መለሰ
የተባሉ ግለሰቦችን ተሰፋ በመስጠት በቀላሉ እንደሚከብሩ በመግለፅና ደውሉልን በማለት ስልክ ሰጠው ይሄዳሉ።

በኃላን እነዚህ ግለሰቦች ይህን ተሰፋ በማድረግ ህዳር 20 ቀን 2015 ዓ.ም ከሰሜን ወሎ ዞን ላሊበላ ከተማ በመነሳት ማዕከላዊ ጎንደር ዞን አይከል ከተማ ካደሩ በኃላ በነበራቸው የስልክ ልውውጥ በሁለተኛው ቀን ከአይከል ከተማ  በመነሳት ወደ #ገንዳውሃ _ከተማ ይመጣሉ።

1ኛ.አጋች ጥጌ አበበ አለሙ
2ኛ. አጋች ባበይ አበባው የተባሉት ግለሰቦች ህዳር 21ቀን 2015 ዓ.ም መተማ ወረዳ መቃ ቀበሌ ዝንጀሮ በር ከተባለው ልዩ ቦታ ፦
1ኛ አፀደ መኮነን ከ2 ዓመት ልጇ ጋር ፤ 2ኛ እመቤት መለሰ ከ3 ዓመት ልጇ ጋር ከተቀበሏቸው በኃላ ወደ መቃ ቀበሌ ባርኩርኩር ጎጥ ጫካ ውሰጥ በመውሰድ እያንዳንዳችው ታግታችሁዋል  ብር ካልከፈላችው አትለቀቁም ይሏቸዋል።

አጋቾቹ በአጠቃላይ " 800,000 (ስምንት መቶ ሺህ) ብር ክፈሉ ካልከፈላችው ህይወታችሁን ታጣላችው " በማለት ለቤተሰቦቻቸው የደወሉ ሲሆን ቤተሰቦችም " እኛ ትንሸ ብር ነው ያለን ይህን መክፈል አንችልም " ሲሉ ይመልሳሉ።

አጋቾቹ፤ " ላሊበላ ከተማ ላይ ብር በልመና ስለሚገኝ  የቤተክርሰቲያን ሄዳችሁ ጥላ ይዛችው ለምኑ  ያለዚያ ህይወታቸውን ታጣላችው " በማለት በማስለመን 600,000 ብር ከብዙ ክርክር ካደረሱ በኃላ ሊከፍሉ ሲሉ የመተማ ወረዳ ፓሊስ ከማህበረሰቡ ጥቆማ ይደርሰዋል።

የወረዳው ፖሊስም ፤ ከአማራ ክልል ፓሊሰ ልዩ ሃይል " ኮከብ ክፍለጦር " ጋር በመቀናጀት በደረሰው ጥቆማ መሰረት ታጋቾችን ህዳር 23 ቀን 2015 ዓ.ም ከሌሊቱ 9:00 ሰዓት ላይ መቃ ቀበሌ ባርኩርኩር ላይ የተኩሰ ልውውጥ በማድረግ ታጋቾችን አስለቅቋል።

አጋቾቹ በፀጥታ ሀይሉ የተገደሉ ሲሆን አምስት ቦንብ መያዙ ተገልጿል።

መገጃው ከምዕራብ ጎንደር ዞን ኮሙኒኬሽን መምሪያ ከተገኘ ነው።

@tikvahethiopia

" እዛ እየሆነ ያለው ድርጊት ይሄ ነው ተብሎ የሚነገር አይደለም። " - ተፈናቃይ

በምስራቅ ወለጋ ኪረሙ ወረዳ ባለው የፀጥታ ሁኔታ በሺዎች የሚቆጠሩ ዜጎች ከቄያቸው ተፈናቅለዋል ፤ ህይወታቸውን ለማትረፍ ሸሽተዋል።

እንደ ዶቼ ቨለ ሬድዮ ጣቢያ ዘገባ ተፈናቃይ ወገኖች / ህይወታቸውን ለማትረፍ የሸሹ ወገኖች ሰላምን ፍለጋ 40 ኪሎ ሜትር ድረስ በእግር ታጉዘው ጊዳአያና ወረዳ መግባት ችለዋል።

በወረዳው በ19 ቀበሌዎች ውስጥ የተፈናቀሉ ዜጎች ወደ ነቀምቴ እና ጊዳ አያና ወደሚገኙ አካባቢዎች ለመሸሽ ተገደዋል።

ባለፈው ሀሙስ ኪረሙ ላይ ከፍተኛ ውድመት የደረሰ መሆኑ ተመላክቷል።

ይህንን ጉዳይ በተመለከተ አንድ የአካባቢው ነዋሪ ፥ " እዛ እየሆነ ያለው ድርጊት ይሄ ነው ተብሎ የሚነገር አይደለም። " ያሉ ሲሆን ብዙ ህዝብ መፈናቀሉን ፣ ተፈናቃዮች ሰላምን ፍለጋ በሸሹበት ወቅት እየራባቸው ፤ እየደከማቸው በእግር ለመጓዝ መገደዳቸውን ገልፀዋል።

ከተፈናቃዮች መካከል ፤ አንድ አዛውንትም በመንገድ ላይ ደክሟቸው ህይወታቸው እንዳለፈ ያጠቆሙት እኚሁ ነዋሪ " ባለፉት ሳምንታት በነበረው ግጭት ኪረሙ ላይ በአንድ ጉድጓድ ሃያ (20) እና አርባ (40) ሰው ስንቀብር ነበር " ሲሉ የሁኔታውን አስከፊነት ተናግረዋል።

የቲክቫህ ቤተሰብ አባላት እንዳሳወቁት ፤ ከሰሞኑን በነበረው ሁኔታ የሰዎች ህይወት ያለፈ ሲሆን እናቶች ልጆቻቸውን ተሸክመው ጫካ ለጫካ እንዲንከራረቱ፣ እንዲሰቃዩ ሆነዋል።

በኦሮሚያ ክልል መንግስት በተለያዩ ዞኖች አካባቢዎች በተለይም ደግሞ በወለጋ ላለፉት ዓመታት የነበረው የፀጥታ ችግር፣ ጥቃት፣ መፈናቀል፣ ሞት ፣ መፍትሄ ሳያገኝ ዛሬም ድረስ የቀጠለ ሲሆን ችግሩ እልባት ከማግኘት ይልቅ ይበልጥ እየተባባሰ እና እየተወሳሰበ መጥቷል።

የአካባቢው ህዝብ ዘርቶ ማጨድ ፣ ሰርቶ መብላት ፣ እንደልቡ ወጥቶ መግባት፣ ልጆቹን በሰላም ያለስጋት ማሳደግ አልቻለም።

- በተደጋጋሚ ጊዜ ፤ የፀጥታ ችግር ያለባቸው ቦታዎች በግልፅ ተለይተው እየታወቁ ችግርም ሲኖር የድረሱልን ጥሪ እየቀረበ በፍጥነት መፍትሄ መስጠት ለምን አልተቻለም ?

ሁሌም ክቡር የሆነው የሰዎች ህይወት ከረገፈ በኃላ የአንድ ሰሞን ትኩረት ተሰጥቶ ፤ ሰሞነኛ ጩኸት ተጩሆ ከዛ ችግሩ ለምን ይቀጥላል ?

- ስንት ሰው ሲያልቅ ነው ዘላቂ መፍትሄ የሚበጀው ? አሁን እየሆነ ላለው እና ለነበረው ነገር ሁሉ ማነው ተጠያቂ ?

-  ኃላፊነታቸውን ያልተወጡ ፤ እንመራዋለን የሚሉትን ህዝብ ሰላሙንና ደህንነቱን ማስጠበቅ ያልቻሉ የመንግስት አካላት መቼ ነው በህግ ፊት ተጠያቂ የሚሆኑት ?

-  የተሰቃዩ ፣ የተበደሉ ፣ የሚወዱትን የተነጠቁ እንዴት ነው ፍትህ የሚያገኙ ? የሚሉ ጥያቄዎች መልስ ሊሰጣቸው ይገባል።

@tikvahethiopia

#ፍትሕ_ሚኒስቴር

የሁለት ህፃናትን ህይወት በአሰቃቂ ሁኔታ ያጠፋችው ህይወት መኮንን በዛሬው ችሎት ዐቃቤ ህግ በሞት እንድትቀጣ ካለ በኃላ ፦

- ከዚህ ቀደም ወንጀል ፈፅሜ የማላውቅ፣
- ወንጀሉን የፈጸምኩት ከእውቀት ማነስና ያልተማርኩ በመሆኔ መሆኑ፣
- እጄን ለፖሊስ አምኜ የሰጠው በመሆኔ ከግምት ገብቶ ቅጣቱ ይቅለልልኝ በማለት የቅጣት ማቅለያዎችን ከመንግስት በተመደበላት የተከላካይ ጠበቃ አማካኝነት  የጠየቀች ቢሆንም የፌደራል ከፍተኛ ፍርድ ቤት ልደታ ምድብ 1ኛ ሰው ግድያና ከባድ ውንብድና ወንጀል ችሎት ተከሳሿ ያቀረበችውን ማቅለያዋን #አልተቀበለውም፡፡

ፍርድ ቤቱ ሌሎች አጥፊዎችን ያስጠነቅቃል በማለት ተከሳሿ #በሞት እንድትቀጣ ሲል ወስኖባታል፡፡

@tikvahethiopia

#ዩኒቨርሲቲ

ከሰሞኑን የዩኒቨርሲቲ መምህራንና ቴክኒካል ረዳቶች አሉን ካሏቸው መሰረታዊ ጥያቄዎች ጋር በተያያዘ " ምላሽ አላገኘንም ፤ መንግስት ትኩረት ሊሰጠንና ጥያቄዎቻችን ሊመልስ " ይገባል በሚል ከህዳር 26 ቀን / 2015 ዓ/ም ጀምሮ ላልተወሰነ ጊዜ የሚቆይ የስራ ማቆም አድማ የሚጠራ መልዕክት በማህበራዊ ሚዲያ ላይ ተሰራጭቶ ነበር።

" የስራ ማቆም አድማው " ን መልዕክት የያዘው ፅሁፍ በማህበራዊ ሚዲያ ላይ የተሰራጨ ፤ በአምስት ገፆች የተዘጋጀና " የኢትዮጵያ የዩኒቨርሲቲ መምህራን እና ቴክኒካል ረዳቶች የአቋም መግለጫ " ፤ የሚል ሲሆን በዚሁ ላይ አለን ያሉትን ጥያቄዎች ዘርዝረዋል።

ይህ በማህበራዊ ሚዲያ ላይ ከተሰራጨ በኃላ እንደ ቲክቫህ ኢትዮጵያ ከበርካታ የቤተሰባችን አባላት ከሆኑ መምህራን እና ቴክኒካል ረዳቶች መልዕክቶች ድረሰውን ከሚመለከታቸው አካላት ምላሽ ለማግኘት ጥረት አድርገናል።

የትምህርት ሚኒስቴርን ጉዳዩን በተመለከተ ጠይቀን ፤ መምህራን የሚያነሷቸውን ጥያቄዎችን ህጋዊ ከሆነው የኢትዮጵያ መምህራን ማህበር ጋር ብቻ በመነጋገር የሚፈታ እንደሆነ አመልክቷል።

የኢትዮጵያ መምህራን ማህበር በበኩሉ ፤ በኢትዮጵያ ዩኒቨርሲቲዎች መምህራንና ቴክኒካል ረዳቶች ስም የተሰራጨውን አቋም " #አላውቀውም " የሚል ምላሽ ሰጥቷል።

ማህበሩ በአሁኑ ወቅት የዩኒቨርሲቲ መምራን ያነሱትን ጥያቄዎች ለትምህርት ሚኒስቴርና ለሚመለክታቸው የፌዴራል መንግስት አካላት እያቀረበ ለመፍትሄው እየሰራ መሆኑን ገልጾ " አንዳንድ ጥያቄዎች በፍጥነት ምላሽ ማግኘት የሚገባቸው መሆኑን " እናምናለን " አንዳንዶቹ ደግሞ ጊዜ የሚፈልጉ መሆናቸው ሊታወቅ ይገባል " ብሏል።

ዛሬ የቲክቫህ ቤተሰብ አባላት የመልዕክት መለዋወጫ ሳጥን ውስጥ በተለያዩ ዩኒቨርሲቲዎች የሚሰሩ መምህራን አድማ አድርገው ወደ ስራ እንዳልገቡ ገልፀዋል።

በአጠቃላይ በምን ያህል ዩኒቨርሲቲዎች ውስጥ እና ምን ያህል መምህር በዚህ ላይ ተሳትፏል የሚለውን ለማወቅ ለጊዜው አዳጋች ነው።

ይህን አድማ በግልፅ አስተባብራለሁ የሚል እና ምን ያህሉ መምህር ተሳታፊ እንደሆነ በዝርዝር የሚገልፅ አካል ማግኘት ባለመቻሉ የተሟላ መረጃ ማጋራት ያዳግታል።

ያም ሆኖ ፤ በተለያዩ ዩኒቨርሲቲዎች ውስጥ ከሚሰሩ መምህራን ወደ ስራ ያልገቡ ስለመኖራቸው ከራሳቸው እና ከሚያስተምሯቸው ተማሪዎች እንዲሁም ከዚህ እንቅስቃሴ ጋር በተያያዘ የታሰሩም እንዳሉ ተሰምቷል።

አንዳንድ ዩኒቨርሲቲ ደግሞ መምህራን እና ተማሪዎች ሰላማዊ የመማር ማስተማር ስራ ላይ መዋላቸውን ገልፀዋል።

ከዚህ ፤ ከመምህራን ጥያቄ እና አድማ ጋር በተያያዘ የማህበራዊ ሚዲያ ቅኝት ያደረግን ሲሆን በተለይ መምህራን መንግስት በምን ያህል ችግር ውስጥ እንዳሉ በመገንዘብ ለጥያቄዎች ምላሽ እና ትኩረት እንዲሰጥ ድምፃቸውን ያሰሙ እንዳሉ ሁሉ አንዳንዶች ደግሞ ጥያቄው እና የስራ ማቆም አድማው አሁን ላይ ሰዓቱን እና የጠበቀ አይደለም፤ ሀገሪቱ ያለችበትን ሁኔታ ያገናዘበ አይደለም በማለት የተቃወሙም አሉ።

በቀጣይ ቀናት ያለውን ሁኔታ በመከታተል መምህራንን ጨምሮ የሚመለከታቸውን የዩኒቨርሲቲ አካላት በማነጋገር ተጨማሪ ዝርዝር መረጃ ለናተ ቤተሰቦቻችን እንልካለን።

የዩኒቨርሲቲ መምህራንና ቴክኒካል ረዳቶች ጥያቄዎች ምንድናቸው ?
ማስታወሻ : https://t.iss.one/tikvahethiopia/74911

@tikvahethiopia

#Tigray

የዓለም አቀፉ ቀይ መስቀል ኮሚቴ (ICRC) ፤ ቡድኖቹ #ትግራይ ውስጥ በሚገኙ የተለያዩ ሆስፒታሎች እና የመጀመሪያ ደረጃ ጤና ጣቢያዎች ለታካሚዎች እና ጤና ባለሙያዎች ተጨማሪ የህክምና ቁሳቁሶችን እና የምግብ አቅርቦትን እያከፋፈሉ መሆኑን አሳውቋል።

ትላንትም 16 የጭነት ተሽከርካሪዎች ድጋፍ ይዘው ሽረ መግባቸውን አመልክቷል።

በገጠር አካባቢዎች ስርጭቱ መቀጠሉንም ገልጿል።

@tikvahethiopia