" የሰላም ስምምነቱን መደገፋችንን እንቀጥላለን " - አውሮፓ ህብረት

የአውሮፓ ህብረት የሰላም ስምምነቱን መደገፉን እንደሚቀጥል ዛሬ ባሰራጨው ፅሁፍ አረጋግጧል።

" ከሰላም ውጭ አማራጭ የለም " ያለው ህብረቱ አጋሮቹ UNICEF እና PLAN የህብረቱን የገንዘብ ድጋፍ በተግባር ላይ ማዋል ይጀምራሉ ሲል አመላክቷል።

የአውሮፓ ህብረት ፤ ለሕዝብ አፋጣኝ ቀጥተኛ ድጋፍ ለማረጋገጥ ሥራችንን እንቀጥላለን ብሏል። ህዝቡም የህብረቱን እንቅስቃሴ ይከታተል ዘንድ ጥሪ አቅርቧል።

ትላንት ህብረቱ የኢትዮጵያን ህዝብ #በቀጥታ እንደሚረዳ ገልጾ የትምህርት እና ጤና ዘርፉን ለመደገፍ 38 ሚሊዮን ዩሮ ( 2.1 ቢሊዮን ብር) ለግሷል።

" ልጆች ወደ ትምህርት ቤት ይመለሳሉ " ኢትዮጵያውያን የጤና አገልግሎት ያገኛሉ። " ያለው ህብረቱ የአውሮፓ ዜጎች ከፕላን ኢንተርናሽናል (PLAN) ኢትዮጵያ እና ዩኒሴፍ (UNICE) ኢትዮጵያ ጋር በመተባበር ኢትዮጵያውያንን ይረዳሉ ሲል አሳውቋል።

@tikvahethiopia

#Update

" ማንኛውም የሰብዓዊ ድጋፍ አቅራቢ ተቋም በአየር እና በየብስ የሰብዓዊ እርዳታ ማቅረብ ይችላል " - የአደጋ ስጋት አመራር ኮሚሽን

ዛሬ የአደጋ ስጋት አመራር ኮሚሽን ፤ ወደ ትግራይ ክልል የሚወስዱ #ሁሉም ኮሪደሮች ለሰብአዊ ደጋፍ አቅርቦት ክፍት መደረጋቸውን አስታውቋል።

የሰብአዊ ድጋፍ ተቋማት በአየርና በየብስ የሰብዓዊ እርዳታ ማቅረብ እንደሚችሉ ገልጿል።

ይህ የተገለፀው የኮሚሽኑ ኮሚሽነር አምሳደር ሽፈራው ተክለማርያም ለተለያዩ #ዓለም_አቀፍ የሰብዓዊ ድጋፍ አቅራቢ ድርጅቶች የሰሜን ኢትዮጵያን ነባራዊ ሁኔታን በተመለከተ ማብራሪያ በሰጡበት ወቅት ነው።

አምባሳደር ሽፈራው ፤ በደቡብ አፍሪካ ፕሪቶሪያ የተደረገውን የሰላም ስምምነት ተከትሎ ወደ ሰሜን ኢትዮጵያ ሰብአዊ ድጋፍ ለሚያቀርቡ ተቋማት የየብስም ሆነ የአየር ትራንስፖርት ክፍት ተደርጓል ሲሉ ገልጸዋል።

በአፋር ክልል ከአብዓላ መቐለ ፣ በሁመራ በኩል ሽራሮ ፣ ሽሬ አክሱም አድዋ፤ በጎንደር አዲ አርቃይ ማይጸምሪ ሽሬ እንዲሁም የወልዲያ አላማጣ መስመሮች ሁሉም ለሰብዓዊ እርዳታ ክፍት እንደሆኑ ተናግረዋል።

በአፋር ክልል ከአብዓላ መቐለ መስመር የሙከራ አገልግሎት የሰጠ ሲሆን፤ በሁመራ በኩል ሽራሮ፣ ሽሬ አክሱም አድዋ በኩል ከገቡ 16 ከባድ መኪናዎች መካከል 3ቱ የሕክምና ቁሳቁስ ይዘው መግባታቸውን አመልክተዋል።

" ማንኛውም የሰብዓዊ ድጋፍ አቅራቢ ተቋም በአየር እና በየብስ የሰብዓዊ እርዳታ ማቅረብ ይችላል " ብለዋል ኮሚሽነሩ።

#ENA

@tikvahethiopia

#እንድታውቁት

" ነገ እና እሁድ ከጥዋት እስከ ምሽት መታወቂያ ማሳደስ ትችላላችሁ "

#መታወቂያ_ለማሳደስ እየተጠባበቁ ያሉ የአዲስ አበባ ነዋሪዎች ነገ #ቅዳሜ እና #እሁድ ከጥዋት እስከ ምሽት አገልግሎት ማግኘት እንደሚችሉ ተገልጿል።

የመታወቂያ እድሳት አገልግሎት ነገ ቅዳሜ እና እሁድ ማለትም ህዳር 3 እና 4 ቀን 2015 ዓ/ም ከጠዋት እስከ ምሽት ድረስ በየአካባቢው ባሉ የወረዳ ወሳኝ ኩነት ምዝገባና መረጃ  ፅ/ቤቶች ይሰጣል።

ነዋሪዎች በተጠቀሱት ቀናት በየአቅራቢያቸው ባሉ ፅ/ቤቶች ተገኝተው መስተናገድ እንደሚችሉ የአዲስ አበባ ከተማ የወሳኝ ኩነት ምዝገባ እና መረጃ ኤጀንሲ አሳውቋል።

@tikvahethiopia

#WOLDIA #WOLLO

ላለፉት ሁለት ሶስት ዓመታት በኮቪድና በጦርነቱ ምክንያት ትምህርታቸው ተስተጓጉሎ የቆዩት የወልድያ ዩኒቨርሲቲ መደበኛ ተማሪዎች ከትናንት ጀምሮ ወደ ግቢያቸው እየገቡ መሆኑን ዩኒቨርሲቲው አሳውቋል።

በሌላ በኩል ፤ የወሎ ዩኒቨርሲቲ የኮምቦልቻ ቴክኖሎጂ ኢንስቲቲዩት ዛሬ ህዳር 3/ 2015 ዓ.ም በምህንድስና የትምህርት ዘርፎች ያሰለጠናቸውን 1062 ወንዶች እና 332 ሴቶች በድምሩ 1394 ተማሪዎችን በመጀመሪያና በ2ኛ ዲግሪ አስመርቋል።

መረጃው የወልድያ ዩኒቨርሲቲ እና የውሎ ዩኒቨርሲቲ ነው።

@tikvahethiopia

#ይጠብቁ

ላለፉት ቀናት በኬንያ ፤ ናይሮቢ ሲካሄድ የነበረው ከፕሪቶሪያ የቀጠለው የኢትዮጵያ መንግስት እና ህወሓት (የወታደራዊ እና የፖለቲካ አመራሮች የተሳተፉበት) የሰላም ንግግር የደረሰበት ደረጃ እና ስምምነት ይፋ ይደረጋል።

@tikvahethiopia

#ENDF

የመከላከያ ሰራዊት ረቂቅ አዋጅ ለህ/ተ/ም/ቤት እንዲላክ ተወሰነ።

የሚኒስትሮች ምክር ቤት አሁን በሥራ ላይ ያለውን የመከላከያ ሰራዊት አዋጅ የሚተካ ረቂቅ አዋጅ ላይ ተወያይቶ ይፀድቅ ዘንድ ለህዝብ ተወካዮች ምክር ቤት እንዲላክ ወስኗል።

የሚኒስትሮች ም/ቤት በዛሬው ዕለት ባካሄደው 15ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ ያሳለፈ ሲሆን ውሳኔ ካሰለፈባቸው ጉዳዮች አንዱ የመከላከያ ሰራዊት ረቂቅ አዋጅ ነው።

ምክር ቤቱ ፤ መከላከያ ሠራዊቱ የሪፎርም ስራ ውስጥ እንደሚገኝ አስታውሶ ይህን ሪፎርም የበለጠ ለማጎልበት እና ዘላቂነቱን ለማረጋገጥ ይቻል ዘንድ ከመከላከያ ሠራዊቱ ወቅታዊ እና የወደፊት ግዳጆች ጋር የሚጣጣም የህግ ማዕቀፍ በማስፈለጉ በሥራ ላይ ያለውን አዋጅ የሚተካ ረቂቅ አዋጅ ተዘጋጅቶ ለም/ቤቱ መቅረቡን አመልክቷል።

ምክር ቤቱም በረቂቅ አዋጁ ላይ ከተወያየ በኋላ ግብዓቶችን በማከል #ይጸድቅ ዘንድ ወደ ህዝብ ተወካዮች ም/ቤት በሙሉ ድምጽ እንዲተላለፍ ወስኗል፡፡

(የዛሬ የሚኒስትሮች ም/ቤት ስብሰባ ውሳኔዎች ከላይ ተያይዘዋል)

@tikvahethiopia

" ብሔራዊ የተሃድሶ ኮሚሽን "

የሚኒስትሮች ምክር ቤት ፦

" በሁሉም የአገሪቱ አካባቢዎች ሲካሄዱ የቆዩት ግጭቶች #በሰላማዊ_መንገድ የመጨረሻ እልባት እንዲያገኙ ማድረግ አስፈላጊ በመሆኑ፣ በተደራጀ ኃይል ውስጥ ታጥቀው ሲንቀሳቀሱ የነበሩ ኃይሎች ትጥቃቸውን ፈትተው ወደማህበረሰቡ በዘላቂነት እንዲቀላቀሉና ሰላማዊ ኑሮ መምራት እንዲችሉ ለማድረግ፣ በአገሪቱ የልማት፣ የሰላም እና የዲሞክራሲ ግንባታ ሂደት እንዲሳተፉ ለማስቻል ብሔራዊ የተሃድሶ ኮሚሽን ማቋቋም አስፈላጊ በመሆኑ ረቂቅ ደንብ ተዘጋጅቶ ለም/ቤቱ ቀርቧል፡፡ ምክር ቤቱም በደንቡ ላይ በሰፊው ከተወያየ በኋላ ግብዓቶችን በማከል ከጸደቀበት ቀን ጀምሮ በስራ ላይ እንዲውል ወስኗል፡፡ "

@tikvahethiopia

#እንድታውቁት

ከንጋቱ 11:30 አንስቶ የሚዘጉ መንገዶች !

ነገ በአዲስ አበባ ፤ በኢትዮጵያ ቡና ስፖርት ክለብ አማካኝነት የተዘጋጀ የጎዳና ላይ ሩጫ ውድድር ይካሄዳል።

ሩጫው መነሻ እና መድረሻውን መስቀል አደባባይ ያደረገ ሲሆን ውድድሩ ተጀምሮ እስኪጠናቀቅ ድረስ፦

- ከቅዱስ ዑራኤል ቤተ-ክርስቲያን  ወደ መስቀል አደባባይ
- ከኦሎምፒያ ወደ መስቀል አደባባይ
- ከአጎና ሲኒማ  ወደ መስቀል አደባባይ
- በወንጌላዊት ህንፃ ወደ ጎተራ
- ከዮሴፍ ቤተ ክርስቲያን ወደ ጎተራ
- ከጎፋ ገብርኤል ወደ ጎፋ ማዞሪያ
- ከሳር ቤት ወደ ጎፋ ማዞሪያ
- ከአፍሪካ ህብረት ወደ ብልጋሪያ
- ከትንባሆ ሞኖፖል ወደ ገነት ሆቴል
- ከጥይት ቤት ወደ ጠማማው ፎቅ
- ከሜክሲኮ አደባባይ ወደ ለገሃር
- ከልደታ ቤተ ክርስቲያን ወደ ለገሃር
- ከሰንጋ ተራ ወደ ለገሃር
- ከብሔራዊ ቴአትር ወደ ለገሃር
- ከሐራምቤ ሆቴል  ወደ መስቀል
- ከቤተመንግስት ወደ መስቀል
- ከካዛኝቺስ ሼል ወደ ባምቢስ የሚወስዱ መንገዶች ከንጋቱ 11፡30 ጀምሮ ውድድሩ እስከሚጠናቀቅ ድረስ ለተሽከርካሪ ዝግ ይሆናሉ፡፡

በውድድር መስመር  ግራ እና ቀኝ ለረጅምም ሆነ ለአጭር ጊዜ ተሽከርካሪ አቁሞ መሄድ ፍፁም የተከለከለ ነው።

የሩጫው ተሳታፊዎች ፀጥታው የጋራ ጉዳይ መሆኑን በመገንዘብ ወደ መሮጫ ስፍራ ሲገቡ #ለፍተሻ እንዲተባበሩ የአዲስ አበባ ፖሊስ  ጥሪውን አስተላልፏል፡፡

@tikvahethiopia

Photo : ፊልድ ማርሻል ብርሃኑ ጁላ ፣ ሌ/ጄነራል ታደሰ ወረደ፣ አቶ ጌታቸው ረዳ ፣ አምባሳደር ሬድዋን ሁሴን፣ ጄነራል ፃድቃን ገ/ትንሳይ በኬንያ ፤ ናይሮቢ ቆመው ሲነጋገሩ።

Photo Credit : ጋዜጠኛ ዳይላን ጋምባ (ኤኤፍፒ) ፣ ጋዜጠኛ አየናት መርሴ (ሮይተርስ) ፣ ጋዜጠኛ ኤልያስ መሰረት

@tikvahethiopia