#Jigjiga : የሶማሊላንድ ም/ ፕሬዝዳንት እና ልዑካቸው ጅግጅጋ ገብቷል።

በሶማሊላንድ ም/ፕሬዝዳንት አብዱረህማን አብዱላሂ ሰይሊኢ የተመራው ልዑክ ዛሬ ከሰዓት ጅግጅጋ መግባቱን የሱማሊ ክልል ማስ ሚዲያ ዘግቧል።

ለም/ፕሬዝዳንቱና ልዑካቸው በቶግወጃሌ ከተማ የሶማሊ ክልል ከፍተኛ የመንግሥት የስራ ሀላፊዎች አቀባበል እንዳደሩጉለቸው ተገልጿል።

የሶማሊላንድ ምክትል ፕሬዝዳንት አብዱረህማን አብዱላሂ ሰይሊኢ እና ልዑካቸው በነገው ዕለት በጅግጅጋ ከተማ የሚመሠረተው አዲሱ የሶማሊ ክልል የመንግሥት ምስረታ ላይ ይሳተፋሉ ተብሏል።

@tikvahethiopia

#Jigjiga

ዛሬ ከሰዓት በጅግጅጋ ፤ " ጋራድ ዊልዋል  ኤርፖርት " በተከፈተ ተኩስ የአንድ ሰው ህይወት ሲያልፍ 3 ሰዎች መቁሰላቸውን ለመስማት ችለናል።

የኤርፖርቱ የፀጥታ ኃይል አባል የሆነው ግለሰብ በከፈተው ተኩስ የክልሉ ፓርላማ አባል ጁዋሪያ ሱብዕስ ህይወታቸው ያለፈ ሲሆን ሌሎች ሶስት ሰዎች ቆስለዋል።

በኤርፖርቱ በተከፈተ ተኩስ ሰለባ የሆኑት ተጓዦች እንደሆኑ ተመላክቷል።

የነበረው ሁኔታ ላይ ፖሊስ ምርመራ እያደረገ ሲሆን ምርመራው እንደተጠናቀቀም ውጤቱን ለህዝብ እንደሚያሳውቅ ገልጿል።

በጁዌሪያ ህልፈት ሀዘን እንደተሰማው የሶማሊ ክልል ፖሊስ አመልክቷል።

የድርጊቱ ተሳታፊ የሆነው የፀጥታ ኃይል አባል በፖሊስ ቁጥጥር ስር እንዲውል ከተደረገ በኃላ በኤርፖርቱ የነበረው እንቅስቃሴ ወደ መደበኛነት የተመለሰ መሆኑን የክልሉ ፖሊስ መረጃ ያሳያል።

@tikvahethiopia

#Jigjiga

የሶማሌ ክልል ምክር ቤት አባል እና የብልፅግና ፓርቲ ማዕከላዊ ኮሚቴ አባል የሆኑትን ጁዌሪያ መሀመድን የገደለው ግለሰብ በህግ ይጠየቃል ሲሉ የኢትዮጵያ ፌዴራል ፖሊስ እና ብልፅግና ፓርቲ ገለፁ።

ጄዌሪያ መሀመድን ተኮሶ በጥይት የገደለው የኤርፖርት የጥበቃ አባል የሆነው ግለሰብ (የፌዴራል ፖሊስ) ለፈፀመው ድርጊት " በህግ እንደሚጠየቅ እናረጋግጣለን " ብለዋል ሁለቱ አካላት።

ይህንን ያሉት የጁዌሪያ መሀመድን ቤተሰብ ሐዘንን ለመከፈል በምክር ቤት አባሏ ቤተሰቦች ቤት በተገኙበት ወቅት ነው።

በወቅቱ የብልፅግና ፓርቲ ምክትል ፕሬዝዳንትና የፓርቲው ማዕከላዊ ጽ/ቤት ኃላፊ አቶ አደም ፋራህ ፣ የሶማሌ ክልል ፕሬዝዳንት አቶ ሙስጠፋ ሙሁመድ፣ የፌደራል ፖሊስ ም/ኮሚሽነር ጄነራል መላኩ ፈንተና እንዲሁም የክልሉ ም/ፕሬዝዳንት አቶ ኢብራሂም ኡስማንና ከሌሎችም ተገኝተው ነበር።

የስራ ኃላፊቹ ለሟች ቤተሰቦች በልጃቸው ላይ የተፈጸመውን " አስነዋሪ ግድያ " መሆኑን በመግለፅ ድርጊቱን በፅኑ እንደሚያወግዙ ገልፀዋል፤ ድርጊቱን የፈጸመውን ግለሰብ በህግ እንደሚጠየቅ ነግረዋቸዋል።

በሌላ በኩል ፤ ጉዳት የደረሰባቸው እና የቆሰሉ ሌሎች ዜጎች የተሻለ ህክምና እንዲያገኙ  የሶማሌ ክልል ፕሬዝዳንት አቶ ሙስጠፋ ሙሁመድ ወደ አዲስ አበባ ሸኝተዋል።

@tikvahethiopia