" ፈተና አቋርጠው ለወጡ ተማሪዎች ምንም አይነት እድል አይሰጥም " - ትምህርት ሚኒስቴር

የትምህርት ሚኒስቴር ፈተና አቋርጠው ለወጡ ምንም አይነት እድል አይሰጥም ብሏል።

ሚኒስቴሩ ማምሻውን በሰጠው መግለጫው ፤ በአማራ ክልል በመቅደላ አምባ፣ ደብረ ማርቆስ፣ ባህርዳር እና ደብረ ታቦር ዩኒቨርሲቲዎች 12 ሺህ 787 ተማሪዎች ጊቢውን ለቀው መውጣታቸውን ገልጿል።

ፈተና አቋርጠው ለወጡ ተማሪዎች ሚኒስቴሩ ምንም አይነት እድል እንደማይሰጥ አሳውቋል።

Credit : AMN

@tikvahethiopia

#Update

ለመጀመሪያ ጊዜ በፌዴራል ተቋማት / ዩኒቨርሲቲዎች ውስጥ እየተሰጠ የሚገኘው የ2014 ዓ/ም 12ኛ ክፍል ብሄራዊ ፈተና የመጀመሪያው ዙር / የማህበራዊ ሳይንስ ፈተና ተጠናቋል።

ከጥቅምት 5/2015 ዓ/ም ጀምሮ የተፈጥሮ ሳይንስ ተማሪዎች መግባት ይጀምራሉ።

ውድ የቲክቫህ ኢትዮጵያ ቤተሰብ አባላት ፤ የተማሪዎች ጉዳይ የሀገር ጉዳይ ስለሆነ ባለፉት ዓመታት የ12ኛ ክፍል ፈተናዎችን ጉዳይ በንቃት እንደመከታተላችን ምን ልዩ ነገሮች ፤ ምን ምን ክፍተቶች ነበሩ ፤ እንዴትስ አለፈ የሚለውን ለመመልከት እንወዳለን።

(ከፈታኝ መምህራን ፣ ከተማሪ ወላጆች ፣ ከቲክቫህ ቤተሰብ አባላት የተሰባሰበ)

- ተማሪዎችን ወደ ተቋም በማስገባት ሂደት አንዳንድ ቦታዎች ላይ የትራፊክ አደጋዎች ተከስተው ነበር ፤ በአንዳንድ አካባቢዎች ላይ የተሽከርካሪ እጥረትም ተስተውሏል።

- በሀዋሳ ዩኒቨርሲቲ የአንድ ተማሪ ህይወት የቀጠፈ ድንገተኛ የድልድይ መደርመስ አደጋ ደርሶ በርካቶችን ያስደነገጠ ቢሆንም የአደጋው ሰለባ ያልሆኑት ተማሪዎች የመጀመሪያው ቀን ፈተናዎች አምልጧቸው ቀጣዮቹን ወስደዋል።

- በምግብ አቅርቦት በኩልም በመጀመሪያው ቀናቶች ክፍተቶች የታዩባቸው ተቋማት ነበሩ ለአብነት ሀዋሳ ዩኒቨርሲቲ ይጠቀሳል ፤ የተማሪ ወላጆች ይህ ክፍተት እንዲስተካከል ጠይቀው እንደነበር ይታወሳል።

- ፈተና ለመፈተን ረጅም ርቀትን ተጉዘው ወደ ተለያዩ ተቋማት የሄዱ አንዳንድ መምህራን በገቡበት ዕለት ከማደሪያ ቦታ ጋር በተያያዘ ተቸግረው / ተጉላልተው የነበሩባቸው ሁኔታዎችም ነበሩ።

- ከፈተና ቀን በፊት የሞባይል " ስልክ " ግቢ ውስጥ ይዘው የተገኙ ተፈታኞች በቁጥጥር ስር ውለዋል።

- በርከታ " ነፍሰጡር " ተፈታኞች ወደመፈተኛ ተቋማት ከገቡ በኃላ በሰላም ተገላግለዋል።

- በደብረ ታቦር ዩኒቨርሲቲ " ፈተና ሳይፈተኑ " ግቢውን ለቀው የወጡ ተማሪዎች ነበሩ ፤ በግቢው በነበረው ግጭት የአንድ (1) ተማሪ ህይወት አልፏል የፀጥታ ኃይሎች ላይ ጉዳት ደርሷል ፤ በተመሳሳይ በደብረ ማርቆስ " የጤና ካንፓስ " ከነበሩ ተፈታኞች መካከል " ፈተና አንፈተንም " ብለው የወጡ ነበሩ ፤ ከባህር ዳር ዩኒቨርሲቲ ጣቢያዎችም እንዲሁ የወጡ ነበሩ።

- ምንም እንኳን ከየትኛው ተቋም እንደሆነ #በትክክል ለመለየት ባይቻልም በጥብቅ የተከለከለውን ሞባይል ስልክ / ሌላ መገናኛ ዘዴ ይዘው ገብተው ፈተናው ከጀመረ በኃላ / እንዲሁም ተጠናቆ ከወጡ በኃላ ከማደሪያ ክፍል ውስጥ በፎቶ በየቴሌግራም ግሩፖች ሲለቁ የነበሩ ተፈታኞች ነበሩ። ለዚህም ይመስለል በፈተና ሰዓት " ቴሌግራም መተግበሪያ " በሀገሪቱ ተገድቦ የነበረው።

እነዚህን የፈተና ወረቀት ሚለቀቅባቸውን የቴሌግራም ግሩፖች ደግሞ " ፈተናው ተሰርቋል " በሚል ለብዙሃን ሲያሰራጩ የነበሩ ብዙ ተከታይ ያላቸው ገፆች ነበሩ (ለአብነት አንድ የፈተና ወረቀት ፎቶ ስሊቀቅበት የነበረ ግሩፕ በአንድ ጊዜ የአባላቱ ቁጥር ከአስር ሺህ እንዲያልፍ አድርገዋል) ።

በማህበራዊ ሚዲያዎችና ከኛ የቲክቫህ ቤተሰቦቻችን በስፋት " የፈተና ወረቀቶች ቀድሞ ወጥቶባቸዋል " እየተባለ ሲነገርባቸው የነበሩትን ግሩፖች በአግባቡ ረጅም ሰዓት ወስደን የተመለከትን ሲሆን ወረቀቶቹ ከፈተና ክፍል እና ፈተናው ከተጀመረ በኃላ የተሰራጩ መሆኑን ታዝበናል።

ትምህርት ሚኒስቴር ከዚህ በፊት ተማሪዎች ምንም የመገናኛ ዘዴ (ስልክ የመሳሰሉ) ሳይዙ በዩኒቨርሲቲ ውስጥ እንዲፈተኑ ከሚደረግባቸው ምክንያቶች አንዱ ድንገት እንኳን ፈተናውን በማህበራዊ ሚዲያ የሚለቁ ካሉ ተማሪዎች እንዳያገኙት በሩን ለመዝጋት እንደነበር መግለፁ ይታወሳል።

ፈተናው ተሰርቆ ማህበራዊ ሚዲያ ላይ ወጥቷል ?

በማህበራዊ ሚዲያ ከትላንት ጀምሮ አንዳንድ አካላት ፈተናውን ከመሰጠቱ በፊት " ቀድሞ ተሰርቆ ወጥቶ " በማህበራዊ ሚዲያዎች ላይ ተሰራጭቶ እየተሰራ ነው የሚል በማስረጃ ያልተደገፉ ፅሁፎችን ሲያጋሩ ተመልክተናል።

ቲክቫህ ኢትዮጵያ የ2014 ዓ/ም የማህበራዊ ሳይንስ ፈተና ከፈተናው ቀድሞ / ተሰርቆ ወጥቶ ማህበራዊ ሚዲያ ላይ ሲሰራ የሚያሳይ ማስረጃ እስካሁን ድረስ ማግኘት አልቻለም።

ከላይ እንደተገለፀው ከፈተና መስጫ ክፍልና ከፈተና በኃላ ከማደሪያ ክፍል ውስጥ የፈተና ወረቀት በፎቶ አንስተው ሲያሰራጩ የነበሩ ተፈታኞች መኖራቸውን ታዝቧል (ከየቱ ተቋም እንደሆኑ ለማወቅ ባይቻልም)።

ውድ ቤተሰቦቻችን የ2013 የ12ኛ ክፍል ፈተና ወቅት ፦
- የታሪክ ፣
- የኬሚስትሪ ፣
- የባዮሎጂ
- የስነ ዜጋና ስነምግባር ትምህርት ፈተናዎች ፈተናው ከሚሰጥበት ሰዓታት በፊት (ምሽት ላይ) በማህበራዊ ሚዲያዎች ላይ መሰራጨታቸውን በዚህም ፈተናዎቹ " ቀድመው ተሰርቀው " መውጣታቸውን በበቂ ማስረጃ አረጋግጦ ማሳወቁ ይታወሳል።

በወቅቱ የትምህርት ሚኒስቴር እና የትምህርት ምዘናና ፈተናዎች አገልግሎት " ምንም የተሰረቀ ፈተና የለም " የሚል ምላሽ መስጠታቸው አይዘነጋም።

በአሁኑ ዩኒቨርሲቲዎች ውስጥ በተሰጠው የ2014 ፈተና ከፈተናው ከሰዓታት #በፊት የጥያቄ ወረቀቶች እስካሁን በማህበራዊ ሚዲያዎች ላይ ሲሰራጩ ለማየት አልቻልንም፤ ከቤተሰቦቻችንም መሰል ጥቆማ አለመጣም።

ዘንድሮ ጥብቅ የሆነ ቁጥጥር የተደረገበት ስለመሆኑ ከፈታኝ መምህራን ተገልጾልናል።

- ከ2014 የተጠናቀቀው " የማህበራዊ ሳይንስ " ፈተና ጋር በተያያዘ በአንዳንድ ተቋማት ተፈታኝ ተማሪዎች ክፍል ውስጥ በመጮኽ ፈታኞችን ለማዋከብ የሞከሩ እንደነበር ነገር ግን በፀጥታ ኃይሎች እንዲወጡ መደረጉን ከመምህራን ሰምተናል። በሌላ በኩልም ፤ " ካልሰራቹልን ፤ እንድንኮራረጅ ካላደረጋችሁን " በሚል በድፍረት የጠየቁም እንዳልጠፉ ከመምህራን ሰምተናል።

በቀጣይ ለሚሰጠው የተፈጥሮ ሳይንስ ፈተና ፦

• ተማሪ በማጓጓዝ ሂደት አሽከርካሪዎች እንዲጠነቀቁ ማደርግ ይገባል።

• ተማሪዎች "ስልክ" እንዳያስገቡ ፍተሻው ተማሪ ወደ ግቢ ሲገባ ብቻ ሳይሆን ድንገተኛ ፍተሻ በየማደሪያ ክፍሎች ማደረግ፣ ለፈተና ወደ ክፍል ሲገቡም ፍተሻ ማድረግ ይገባል።

• በምግብ አቅርቦት ላይም የሚታዩ ክፍተቶች ካሉም በፍጥነት ማረም ይገባል።

• ስለሀገርና ትውልድ እንናስባለን የሚሉ የማህበራዊ ሚዲያ ተጠቃሚዎች ተማሪዎችን የሚረብሹ ማስረጃ እና ያልተረጋገጡ ወሬዎችን ከማውራት መቆጠብ አለባቸው።

• ተፈታኝ ተማሪዎች #ተረጋግተው ፈተናቸውን መፈተን አለባቸው ፤ የሚወስዱት ፈተና ከአሁኑ ከተሰጠው ፈተና (ከማህበራዊ ሳይንስ) ጋር ተመሳሳይ አይነት ፈተና ባለመሆኑ የሚሰራጩትን ሀሰተኛ መረጃዎች በጥንቃቄ መመልከት እና ከዚህ መራቅ አለባቸው ፤ በማህበራዊ ሚዲያው ጫጫት ሳይረበሹ ፈተናውን እንዲወስዱ ወላጆች፣ ኃላፊነታ ያለባቸው ተሰሚ ሰዎች፣ ዋና ዋና መገናኛ ብዙሃን የበኩላቸውን ማድረግ ይጠበቅባቸዋል።

መልዕክቶችን ለመላክ / ለማስተላለፍ ለምትፈልጉ ለተማሪ ወላጆች፣ ፈታኝ መምህራን የቲክቫህ ኢትዮጵያ ቤተሰብ አባላት ክፍት ነው 👇
@officialTikvahethiopiaBOT

@tikvahethiopia

" 2 ተማሪዎች ሞተዋል እየተባለ የሚሰራጨው መረጃ የተሳሳተ ነው " - ሚዛን ቴፒ ዩኒቨርሲቲ

የሚዛን-ቴፒ ዩኒቨርሲቲ ፤ ፈተና ያጠናቀቁ የማህበራዊ ሳይንስ ተፈታኝ ተማሪዎችን ወደ መጡበት አካባቢና ቤተሰቦቻቸው ለመሸኘት ዝግጅት ላይ መሆኑን ገልጿል።

ነገር ግን " የማህበረሰቡን ሰላምና መረጋጋት የማይሹ " ያላቸው አካላት የተሳሳተ ወሬ እያሰራጩ ነው ብሏል።

እነዚሁ አከላት ፤ " ቴፒ ግቢ 2 ተማሪዎች በወባ በሽታ ታመው ሞተዋል " በማለት ማህበረሰቡን በተለይም የተፈታኝ ተማሪዎች ቤተሰቦችን ለማሸበር የተሳሳተ መረጃ እያሰራጩ መሆኑን ገልጾ መላው ማህበረሰብ በተለይ የተማሪ ወላጅና ቤተሰቦች የተሰራጨው ወሬ ከእውነት የራቀ መሆኑን እንዲገነዘቡ እና እንዲረጋጉ መልዕክት አስተለልፏል።

ዩኒቨርስቲው በአሁኑ ሰዓት ተማሪዎቹን ወደ መጡበት አካባቢ ለመሸኘት እየሰራ መሆኑን አሳውቋል።

@tikvahethiopia