ሀረር ውሃ ማግኘት ጀመረች‼️

በህገ-ወጦች እገታ ውሃ አጥታ የከረመችው #ሐረር የተወሰነ አካባቢዋ ውሃ #ማግኘት ጀመረ፡፡

በአምስት ቀን ውስጥ 10 ሚሊዮን ብር ይከፈለን ያሉ የሃሮማያ አካባቢ ወጣቶች የውሃ ማጣሪያ ቁልፉን ነጥቀው መውሰዳቸውንና ሞተሮቹንም ማጥፋታቸው ይታወስ ነበር፡፡

የከተማዋ የውሃ ፍሳሽ ቢሮ ሀላፊ አቶ #ተወልደ_ሀብዶሽ እንደተናገሩት በበዛ ጥረት #ቁልፉን አግኝተናል ብለዋል፡፡

ከምስራቅ ኦሮሚያ አስተዳደር፣ ከአወዳይ ከንቲባ ጽ/ቤትና ከሃሮማያ ከንቲባ ጽህፈት ቤት ጋር በመተባበር በእምቢተኝነታቸው ፀንተው ከነበሩ ወጣቶች ቁልፉን ተረክበናል ብለዋል፡፡

የውሃ ማጣሪያ ጣቢያው የተወሰኑ የመቆጣጠሪያ የኤሌክትሪክ መስመሮች ተቃጥለው ተገኝተዋል፡፡

አንድ ቀን በፈጀ የጥገና ስራ አሁን የሃሮማያ የውሃ ማጣሪያ ጣቢያ በሙሉ አቅሙ ስራ #ጀምሯል ብለዋል፡፡

በመሆኑም አንድ ሶስተኛው የሃረር ከተማ አካባቢ ውሃ እያገኘ መሆኑን አቶ ተወልደ ተናግረዋል፡፡

አጥፊዎችም #ለህግ እንዲቀርቡ ስራ ተጀምሯል ብለዋል፡፡ ሌላው የሃረር የውሃ ማጣሪያ ጣቢያ ህገ-ወጥ የካሳ ጥያቄ ባቀረቡ ቡድኖች የውሃ መስመሩ ተሰብሮ የነበረው ኤረር አካባቢ የሚገኘው ነበር፡፡ ይህ ግን ገና እልባት ያላገኘ መሆኑን ከከተማዋ የውሃና ፍሳሽ ቢሮ ሀላፊ ተሰምቷል፡፡

ምንጭ፦ ሸገር 102.1 FM
@tsegabwolde @tikvahethiopia

#update የኢትዮጵያ አየር መንገድ ከዛሬ ጀምሮ ወደ ሩሲያ ርዕሰ ከተማ ሞስኮ #የቀጥታ በረራ አገልግሎት መስጠት እንደሚጀምር አስታወቀ፡፡ የአየር መንገዱ ዋና ስራ አስፈፃሚ አቶ #ተወልደ_ገብረማሪያም በቆዳ ስፋቷ የአለም ግዙፍ ሀገር ወደ ሆነችው ሩሲያ የሚጀመረው የበረራ ዝግጅት መጠናቀቁን ተናግረዋል፡፡ አዲሱ የቀጥታ በረራ አገልግሎትም እጅግ ዘመናዊ በሆነው 787 ድሪምላይነር አውሮፕላን በሳምንት ለሶስት ቀናት እንደሚሰጥ ጠቁመዋል፡፡

ምንጭ፦ etv
@tsegabwolde @tikvahethiopia

#update የኢትዮጵያ አየር መንገድ በአቪዬሽን አካዳሚ ለሦስት ዓመታት ያሰለጠናቸውን 559 ተማሪዎችን #በማስመረቅ ላይ ይገኛል። በምረቃ ስነስርዓቱ ላይ የአየር መንገዱ ዋና ስራ አስፈጻሚ አቶ #ተወልደ_ገብረማርያም ተገኝተዋል። ከተመራቂዎቹ መካከል 40ዎቹ ፓይለቶች፣ 58 ቴክኒሻን እና 123ቱ ደግሞ ሆስተስ ናቸው። እንዲሁም 286 የሚሆኑት ደግሞ የማርኬቲንግ ባለሙያዎች ሲሆኑ 52 የሚሆኑት ደግሞ የምግብ ዝግጅት ባለሙያ ናቸው ተብሏል።

Via fbc
@tsegabwolde @tikvahethiopia

ፓይለቱ ችግር ገጥሞት ነበር‼️

የአውሮፕላኑ አብራሪ #ችግር ስላጋጠመው ወደ አዲስ አበባ #ለመመለስ ጠይቆ እንዲመለስ ተነግሮት እንደነበር የአየር መንገዱ ዋና ስራ አስፈፃሚ አቶ ተወልደ ገብረ ማሪያም ተናግረዋል። አውሮፕላኑ ከጆሃንስበርግ በረራው ሲመለስ ምንም አይነት የበረራ ችግርን የሚመለከት መረጃ እንዳልነበርና ከሶስት ሰዓት በላይም መሬት ላይ ቆይቶ እንደነበር አቶ #ተወልደ ገልፀዋል።

Via BBC
@tsegabwolde @tikvahethiopia

ጥቁር ሳጥኑ ወደ ውጭ ሊላክ ነው‼️

የኢትዮጵያ አየር መንገድ ባለፈው ዕሁድ የተከሰከሰውን ቦይንግ 737 ማክ 8 አውሮፕላን ጥቁር ሳጥን ለምርመራ ወደ ውጭ ሊለክ መሆኑን ዋና ሥራ አስፈፃሚው አቶ #ተወልደ_ገብረማርያም ገልጸዋል።

አቶ ተወልደ ከአሜሪካው የቴሌቪዥን ጣቢያ ሲኤንኤን የቢዝነስ ተንታኝ ሪቻርድ ኩዌስት ጋር ባደረጉት ቆይታ እንዳሉት፤ ኢትዮጵያ የአውሮፕላኑ የመረጃ ሳጥን መመርመሪያ መሳሪያ ስለሌላት ለምርመራ ወደ ውጭ ይላካል።

ጥቁር ሳጥኑ ወደ አሜሪካ ሊላክ ይችላል ወይ የሚል ጥያቄ የቀረበላቸው አቶ ተወልደ “መረጃው የለኝም፤ ሆኖም ከቅርበትና ከፍጥነት አኳያ ምናልባት ወደ አውሮፓ ሀገራት ሊላክም ይችላል።” ነው ያሉት።

ባሳለፍነው ዕሁድ ከአዲስ አበባ ወደ ናይሮቢ በረራ በጀመረ በስድስት ደቂቃ ውስጥ በተከሰከሰው አውሮፕላን ውስጥ የነበሩ 149 ተሳፋሪዎችና 8 የበረራ ሰራተኞች ሁሉም ህይወታቸው ማለፉ ይታወሳል።

አቶ ተወልደ ለሪቻርድ ኩዌስት እንዳሉት በአየር ትራፊክ ቁጥጥር የድምፅ መቅጃ መረጃ መሰረት አብራሪው የበረራ ሚዛን ማስጠበቅ ችግር አጋጥሞት ነበር።

በተቀዱ የድምፅ ልውውጦች መሰረት አብራሪው የአውሮፕላኑን የበረራ ሚዛን ለማስጠበቅ ችግር ስላጋጠመው፤ ተመልሶ ለማረፍ ጠይቆ መስመር ቢሰጠውም 2 ሰዓት ከ44 ላይ አውሮፕላኑ ከራዳር ዕይታ ውጭ ሆኗል ነው ያሉት።

ሌላው ለአቶ ተወልደ የቀረበላቸው ጥያቄ አብራሪው ስለ ተከሰከሰው አውሮፕላን የበረራ ቁጥጥር መመሪያ በደንብ ያውቃል ወይ? ስልጠናው ወስዷልን? የሚል ነበር።

የኢትዮጵያ አየር መንገድ ዋና ሥራ አስፈጻሚ አቶ ተወልደ “አዎ በቦይንግ የተዘጋጀ መመሪያ አለ፤ይህ የበረራ መመሪያ ለአብራሪዎቹ እንዲደርሳቸውና ግልፅ እንዲሆንላቸው ተደርጓል፤ የተከሰከሰው አውሮፕላን አብራሪም በበቂ ሁኔታ ስለአዲሱ ቦይንግ ማክስ አውሮፕላኑ የበረራ ደህንነት መመሪያው ግንዛቤ አለው። ቦይንግ 737 ማክስ አውሮፕላን ከሌሎች የተለየ ስለሆነ ሁሉም አብራሪዎች ስልጠና ወስደዋል” ብለዋል።

ቦይንግ 737 ማክስ 8 አውሮፕላን ኢትዮጵያ ውስጥ መከስከሱን ተከትሎ በርካታ ሀገራትና አየር መንገዶች ተመሳሳይ አውሮፕላኖችን ከበረራ አገልግሎት አግደዋል ሲል የዘገበው ኢዜአ ነው።

ምንጭ፦ ኢዜአ
@tsegabwolde @tikvahethiopia