#OLF #BALDERAS

ዛሬ "በብሄራዊ መግባባት" ላይ የኢትዮጵያ ፖለቲካ ፓርቲዎች ባካሄዱት ውይይት የኦሮሞ ነፃነት ግንባር (ኦነግ) ጥሪ እንዳልተደረገለት አሳውቋል።

ፓርቲው ዛሬ በብሔራዊ መግባባት ላይ ውይይት ሊያደርጉ ነው መባሉ የሰማው ከሚዲያ እንደሆነና ከዚህ ባለፈ ለድርጅቱ የቀረበ ጥሪ የለም ብሏል።

በሌላ በኩል ባልደራስ ለእውነተኛ ዲሞክራሲ ፓርቲ በፌስቡክ ገጹ እንደገለጸው የኢትዮጵያ የፖለቲካ ፓርቲዎች የጋራ ምክር ቤት በብሄራዊ መግባባት ዙሪያ "በአፍሪካ የኢኮኖሚክ ኮሚሽን አዳራሽ" እያካሄደ ያለው ውይይት ሁሉን አሳታፊ አይደለም ሲል ቅሬታውን አቅርቧል፡፡

Via @tikvahethmagazine

@tikvahethiopiaBot @tikvahethiopia

#Balderas

ባልደራስ ፓርቲ በአቶ እስክንድር ነጋ ላይ ስለተፈጸመው ድብደባ ጠቅላይ አቃቤ ህግ አስቸኳይ ማብራሪያ እንዲሰጥ ጠየቀ።

ፓርቲው ይህን የጠየቀው በይፋዊ ማህበራዊ ትስስር ገፁ ላይ ባሰራጨው መልዕክት ነው።

ባልደራስ ፥ አቶ እስክንድር ነጋ በሚኖሩበት ቂሊንጦ ወህኒ ቤት ውስጥ ጥቅምት 11/2014 ዓ.ም. ንጋት 12፡20 ደቂቃ ላይ ከፍተኛ ድብደባ እንደተፈፀመባቸው ገልጿል።

አቶ እስክንድር ነገ ወህኒ ቤት ውስጥ በተደራጀ የውንብድና ቡድን መደብደባቸውን ከአቶ እስክንድር ጋር በእስር ላይ የሚገኙት አቶ ስንታየሁ ለፍርድ ቤት መናገራቸው ተመላክቷል።

አቶ እስክንድር በተፈጸመባቸው ድብደባ ግንባራቸው፣ ዓይናቸው አካባቢ እና ጉልበታቸው ጉዳት የደረሰባቸው መሆኑን ፓርቲው ማረጋገጡን ገልጿል።

ለደረሰባቸው ጉዳት የተደረገላቸው ህክምና አለመኖሩም ተመላክቷል።

ባልደራስ ፓርቲ አቶ እስክንድር በአስቸኳይ ቤተሰቦቻቸው ወደ መረጡት ሆስፒታል ተወስደው እንዲታከሙ የጠየቀ ሲሆን ስለተፈጸመው ከባድ ድብደባ ጠቅላይ አቃቤ ህግ በቀጥታ ለሕዝብ መግለጫ እንዲሰጥ ጠይቋል።

የአቶ እስክንድር ጠበቃ ሄኖክ አክሊሉ ለቪኦኤ በሰጡት ቃል ፥ አቶ እስክንድር ድብደባ የተፈጸመባቸው ከዚህ ቀደምም ያሰጓቸው ስለነበር ወደ ሌላ ማረሚያ ቤት ከተወሰዱ በኋላ በድጋሚ ወደ ቂሊንጦ በተመለሱ 2 ግለሰቦች ነው ብለዋል።

በጉዳዩ ላይ አስተያየት የሰጡት የመንግሥት የኮሙኒኬሽን አገልግሎት ሚኒስትር ዶ/ር ለገሰ ቱሉ ፥ ክስተቱ በግለሰቦች መካከል የተፈጠረ አለመግባባት እንጂ ሆነ ተብሎ አቶ እስክንድርን ለማጥቃት ታስቦ የተደረገ አይደለም ብለዋል፡፡

@tikvahethiopia

#Balderas : ከታሰሩት የባልደራስ አባላት እና ደጋፊዎች መካከል 2ቱ በዋስ ሲለቀቁ 40ዎቹ ለሰኞ ተቀጥረዋል።

የእነ አቶ እስክንድር ነጋን የችሎት ውሎ ለመታደም የፌዴራሉ ከፍተኛ ፍ/ቤት ልደታ ምድብ 1ኛ የጸረ ሽብርና ሕገ መንግሥታዊ ጉዳዮች ወንጀል ችሎት በጥቅምት 11/2014 የሄዱ 42 የባልደራስ ለእውነተኛ ዴሞክራሲ ፓርቲ አባላትና ደጋፊዎች በትላንትናው ዕለት በፓሊስ መታሰራቸው መግለፁ ይታወሳል።

ባልደራስ ፓርቲ አባላቱ እና ደጋፊዎቹ የታሰሩት ፥ አቶ እስክንድር በእስር ቤት የደረሰባቸውን ድብደባ በችሎት ከሰሙ በኃላ እያለቀሱ ችሎቱን አቋርጠው ከችሎት ወጥተው በመንገድ ላይ እያኑ ነው ፖሊስ የታሰሩት ብሏል።

ታሳሪዎቹ ዛሬ ጠዋት 4 ሰዓት በአዲስ አበባ ከተማ የመጀመሪያ ደረጃ ፍ/ቤት ልደታ ምድብ ወንጀል ችሎት የቀረቡ ሲሆን ፖሊስ ተጠርጣሪዎቹ " ችሎት ውስጥ ረብሸዋል፣ ሲወጡ ደግሞ ፍትህ የለም ፣ መንግስት የለም በማለት ሁከት እና ብጥብጥ በመቀስቀስ " ሲንቀሳቀሱ መያዙን ገልጿል።

ከድርጊቱ ጋር በተያያዘ የምስክሮችን ቃለ ለመቀበል እና ማስረጃቸውን ለማሰባሰብ የ14 ቀን ተጨማሪ ጊዜ ቆጠሮ ጠይቋል።

የ42ቱ ተጠርጣሪዎች ጠበቆች ፖሊስ ያቀረበው የጊዜ ቀጠሮ አቤቱታ ውድቅ እንዲሆን ጠይቀዋል።

"በችሎት ውስጥ ተፈጸመ ለተባለው ድርጊት ፖሊስ የሚመለከተው ሳይሆን በወቅቱ ችሎቱ በራሱ ትዕዛዝ የሚሰጥበት ነው። ሆኖም ግን ችሎቱ ምንም አይነት ትዕዛዝ ባልሰጠበት ፖሊስ ያቀረበው አቤቱታ ተገቢ አይደለም" ብለዋል።

ከዚህም በተጨማሪ " ፖሊስ የጊዜ ቀጠሮ የጠየቀበት ምክንያት በሕግ ምንም አይነት ድጋፍ " የለውም በማለት የጊዜ ቀጠሮው ውድቅ እንዲሆን በመጠየቅ ከእስር እንዲለቀቁ ለፍ/ቤት ጥያቄ አቅርበዋል ።

ያንብቡ : telegra.ph/BALDERAS-10-22

@tikvahethiopia

#Balderas

የባልደራስ ለእውነተኛ ዴሞክራሲ ፓርቲ ዛሬ በወቅታዊ ሀገራዊ ጉዳዮች ጋዜጣዊ መግለጫ ሰጥቶ ነበር።

ፓርቲው በመግለጫው የተለያዩ ጉዳዮችን ያነሳ ሲሆን ከነዚህ መካከል የሰሜኑ ጦርነት እና የእነ አቶ ስብሃት ነጋ ክስ ማቋረጥ ጉዳይ አንዱ ነበር።

ፓርቲው የሰሜኑ ጦርነት መነሻ ህወሓት የጀመረው ቅድመ ጥቃት እንደሆነ እረዳለሁ ብሏል።

የፌዴራል መንግስቱ በርካታ የአፈፃፀም ችግሮች ቢኖሩበትም ያደረገው የመከላከል ጦርነት ፍትሃዊ እንደሆነ ባልደራስ እንደሚያምን አሳውቋል።

በዚህም ፓርቲው ፖለቲካዊ ድጋፍ ከማድረግም ባለፈ በአካል ቦታው ድረስ በመሄድ ቁሳዊ እገዛ ማድረጉን አስታውሷል።

ነገር ግን መንግስት " ምዕራፍ አንድ " ያለውን ዘመቻ የኢትዮጵያን ሉኣላዊነት ሳያረጋግጥ ማቆሙ ትልቅ አደጋ ያዘለ መሆኑን ፓርቲው መገምገሙን ገልጿል።

ዘመቻውን ያቆመበት አመከንዮ ከማስረዳት አኳያ ሆነ እሱን ተከትሎ ከህዝብ ከሚነሳው ተጨባጭ ስጋት ዙሪያ በቂ ምላሽ አልሰጠም።

ባልደራስ ፓርቲ ፥ " መንግስት ' ተከድተናል ' ለሚለው የኢትዮጵያ ህዝብ እያሳየ ያለውን ንቀት ማስተካከል ይገባዋል። ህወሓት አሁንም የሀገሪቱን አንድነት ሊፈታተን በሚችል ወታደራዊ ቁመና ላይ ይገኛል። የዘመቻው ፍፃሜ የኢትዮጵያ አንድነት አደጋ ላይ የሚጥለውን የህወሓት ወታደራዊ አቅምን በመስበር መቋጨት ይገባል። " ብሏል።

በተጨማሪም የህወሓት የፖለቲካ እና የጦርነቱ ዋነኛ ቀስቃሽ የሆኑ ጉዳያቸውን በህግ ጥላ ስር ሆነው እየተከታተሉ የነበሩ እስረኞችን ሰሞኑን መፍታት መጀመሩ የህግ የበላይነትን የጣሰ ውሳኔ ሆኖ ማግኘቱን ባልደራስ በመግለጫው ላይ ገልጿል።

ያንብቡ : telegra.ph/Tikvah-01-13

@tikvahethiopia

#Balderas

የባልደራስ ለእውነተኛ ዴሞክራሲ ፓርቲ (ባልደራስ) ስራ አስፈፃሚ ኮሚቴ ባሳለፈው ውሳኔ መሰረት በቅርቡ ከእስር የተፈቱት የባልደራስ ለእውነተኛ ዴሞክራሲ ፓርቲ ከፍተኛ አመራሮች በአፋር እና አማራ ክልል የሚያደርጉትን ጉዞ ዛሬ ጥር 6 ቀን 2014 ዓ/ም ጀመሩ።

በፓርቲው ፕሬዜዳንት አቶ እስክንድር ነጋ የሚመራው የአመራሮች ቡድን ዛሬ ወደ አፋር ክልል ገብተዋል።

ቡድኑ በአፋር የዛሬ ውሎው ከሰመራ 10 ኪ.ሜ ርቀት ላይ በሚገኘው ዱቢቲ ሪፈራል ሆስፒታል በማቅናት በግንባር የተጎዱ የጦር አባላትን ጠይቋል።

ባልደራስ ፓርቲ ፕሬዝዳንት አቶ እስክንድር ነጋ የጦር አባላቱ በግንባር ለከፈሉት የህይዎት እና የአካል መስዕዋትነት የተሰማቸውን ታላቅ ክብር በራሳቸውና በድርጅቱ ስም ገልፀው ዕውቅናም እንደሚሰጡት ተናግረዋል።

በአፋር ዱቢቲ ሪፈራል ሆስፒታል በጦርነቱ ሳቢያ የተጎዱ የመከላከያ ሰራዊት አባላት፣የአፋር ልዩ ኃይል፣ የአፋር ህዝባዊ ሰራዊት እና ሚሊሻ እንዲሁም ቁስለኛ የህወሓት ሰራዊት አባላት እንደሚገኙ ተገልጿል።

አመራሮቹ ከሆስፓታል መልስ በክልሉ መስተዳድር ጥያቄ መሠረት በአፋር ዱፍቲ በአዋሽ ወንዝ እየለማ ያለውን የስንዴ ምርት መጎብኘታቸውን ፓርቲው አሳውቋል።

የባልደራስ ለእውነተኛ ዴሞክራሲ ፓርቲ አመራሮች በአፋር ጉብኝታቸውን ሲያጠናቅቁ ወደ አማራ ክልል እንደሚያመሩ ይጠበቃል።

ፎቶ ፦ ባልደራስ ፓርቲ

@tikvahethiopia

#Balderas

ከዓድዋ እና ካራማራ ድል መታሰቢያ በዓላት ጋር በተያያዘ ታስረው የቆዩ የባልደራስ ለእውነተኛ ዴሞክራሲ ፓርቲ አባላት ሁሉም ከእርስ ተለቀዋል።

ከእስር የተለቀቁት በዋስትና ነው።

ፖሊስ ወጣቶቹ በእስር ላይ በነበሩ ሰዓት ለፍርድ ቤት ባቀረበው ክስ ከዓድዋ እና ካራማር በዓላት ጋር በተያያዘ ሁከት እና ብጥብጥ በማስነሳት ፣ ህዝብን በመንግስት ላይ እንዲያምፅ የመንግስት ባለስልጥናትን በአደባባይ በመስደብ ተግባር ላይ አግኝቻቸዋለሁኝ ብሏል።

የፓርቲው ፕሬዜዳንት የሆኑት አቶ እስክንድር ነጋ ክሱን በተመለከተ " ወጣቶቹ ትግላችን ለአንድነት እና ለዴሞክራሲ ነው፤ ሁለቱም አደጋ ላይ ናቸው ዴሞክራሲያዊት ኢትዮጵያን እውን እናደርጋለን " ሲሉ መመለሳቸውን ገልፀዋል።

ባልደራስ ለእውነተኛ ዴሞክራሲ ፓርቲ አባላቱ እና ደጋፊዎቹ ለ41 ቀናት መታሰራቸውን ገልፆ ትላንት እና ዛሬ በዋስ ከእስር መፈታታቸውን አሳውቋል።

@tikvahethiopia

#Balderas

የባልደራስ ለእውነተኛ ዴሞክራሲ ፓርቲ ፕ/ት አቶ እስክንድር ነጋ ፤ በመንግስት ጫና በአባልነትም ሆነ በአመራርነት መስራት የማልችሉበት ደረጃ ላይ መድረሳቸው አሳወቁ።
አቶ እስክንድር ሀምሌ 16/2014 ዓ/ም ካሉበት ቦታ ሆነው ፃፉት በተባለውና በፓርቲው የፌስቡክ ገፅ ላይ በተሰራጨ ደብዳቤ በመንግስት ጫና ሳቢያ በፓርቲያቸው በአመራርነትም ሆነ በአባልነት መስራት የማይችሉበት ድረጃ መድረሳቸውን ገልፀዋል።

" ኢትዮጵያ ወደ ዴሞክራሲያዊ ስርዓት እንድትሻገር ለዓመታት የበኩሌን አስተዋጽዖ ሳደርግ መቆየቴ ይታወሳል። " ያሉት አቶ እስክንድር " በአሁኑ ጊዜ ግን፣ ተረኛው ጨቋኝ መንግስት በባልደራስም ሆነ በሃገር አቀፍ ደረጃ በፈጠረው የለየለት አምባገነናዊ ጫና ሳቢያ፣ በአባልነት ሆነ በአመራርነት መስራት የማልችልበት ደረጃ ላይ ደርሻለሁ። " ብለዋል።

በዚህም " የፓርቲው ስራ አስፈጻሚ ኮሚቴ፣ አባላት፣ በየደረጃው ያሉ የፓርቲው አመራር አባላት፣ መላ አባላትና ደጋፊዎች፣ እንዲሁም መንግስታዊና መንግስታዊ ያልሆኑ ድርጅቶች፣ ከፓርቲው ምክትል ፕሬዝደንት አቶ አምሃ ዳኘው ጋር ሙሉ ለሙሉ በመተባበር ስራቸው የተቃና እንዲሆን እንድትተባበሯቸው በትህትና እጠይቃለሁ። " ብለዋል።

በእቅድ ላይ ያለው የባልደራስ ጠቅላላ ጉባኤ በተሳካ ዝግጅት እንዲከናወን ያላቸው ተስፋ የገለፁት አቶ እስክንድር " ባልደራስ በሃገር አቀፍ ፓርቲነት አድጎ የማየት ተስፋችን ወደ ተግባር ተተርጉሞ ለማየት የፈጣሪ መልካም ፈቃድ ይሁን " ሲሉ መልዕክታቸውን አጠቃለው።

@tikvahethiopia

#BALDERAS

ባልደራስ ለእውነተኛ ዴሞክራሲ ፓርቲ ባለፈው ሣምንት ከፕሬዝደንትነታቸው የለቀቁት አቶ እስክንድር ነጋ አሁንም የት እንዳሉ እንደማያውቅ ገልጿል።

የፓርቲው ኃላፊዎች ዛሬ ሰኞ በአዲስ አበባ መግለጫ ሰጥተው ነበር።

በዚህም ከሐምሌ 16 ቀን 2014 ጀምሮ አቶ እስክንድር ከባልደራስ ለእውነተኛ ዴሞክራሲ ፓርቲ ጽህፈት ቤት እና ከሥራ አስፈጻሚው ጋር ያላቸው ግንኙነት ሙሉ በሙሉ መቋረጡን ገልጸዋል።

የፓርቲው ምክትል ፕሬዝደንት አቶ አምኃ ዳኘው ከተናገሩት ፦

" አቶ እስክንድር ምንም የነገረን ነገር ባለመኖሩ፤ የት እንደሔደ እና በምን ሁኔታ ላይ እንዳለ ባልታወቀበት ሁኔታ አድማጭን የሚያረካ መልስ መስጠት የሚቻልበት ሁኔታ አልነበረም።

በአሜሪካ ሀገር የሚገኙት የአቶ እስክንድር ባለቤት አልደነገጡም ፤ ከፓርቲው ሆነ በውጭ አገር ከሚገኘው የድጋፍ ኮሚቴ ማብራሪያ አልጠየቁም። በዚህ ምክንያት የመታፈን አደጋ እንዳልደረሰበት ገምተናል።

አቶ እስክንድር ያሉበትን ሁኔታ ያሳውቁናል ብለን በመጠባበቅ ላይ ሳለን ነው በአሜሪካ ከሚገኘው የድጋፍ ኮሚቴ በኩል የመልቀቂያ ደብዳቤው ይፋ የሆነው። "

የፓርቲው ሥራ አስፈጻሚ አባል እና የጽ/ቤቱ ኃላፊ የሆኑት ወ/ሮ ቀለብ ሥዩም ፦

" ከሐምሌ 16 ቀን 2014 ወዲህ አቶ እስክንድርን በስልክም ይሁን በአካል አግኝተናቸው አናውቅም።

መንግሥት አቶ እስክንድርን እንዳላፈናቸው እና እንዳላሰራቸው ፓርቲው ያምናል።

ከቤተሰቦቻቸው ደህና መሆናቸው ተገልጾልናል።

ይሁንና አቶ እስክንድር ከአሜሪካ ከተመለሱ በኋላ የተለያዩ የደህንነት መኪናዎች እና የተለያዩ ሰዎች ይከታተሏቸው ነበር። በዚህም ውጥረት እና ከፍተኛ ጭንቀት ውስጥ ለመሆናቸው ምልክቶች እንደነበሩ እናውቃለን። "

(ከጀርመኝ ድምፅ ሬድዮ ጣቢያ)

@tikvahethiopia