አቶ በረከት ስምዖን ከBBC ጋር⬇️

#ጥያቄ፦ የታገዱባቸውን ምክንያቶች ያምኑባቸዋል?

▪️አቶ በረከት፦ አላምንባቸውም። ምክንያቱም ሁለቱም [ክሶች] መሠረተ ቢስ ናቸው። የአማራ ሕዝብን አይጠቅሙም። የለውጥ ኃይሎች
አይደሉም። ጥረትንም ችግር ፈጥረውበታል ነው የሚሉት። ሁሉም መሠረተ ቢስ ናቸው። ለአማራ ሕዝብ አይጠቅሙም የሚለው እኛ ዕድሜ ልካችንን ለራሳችን ሳናስብ በአማራ ክልል ነው ስንታገል የኖርነው። 'ክልሉ ተለውጧል፤ አድጓል፤ ተሻሽሏል፤ ባለፉት 25 ዓመታት ወደፊት ተራምዷል'፥ ሲሉ የነበሩ ሰዎች ይህን [ለውጥ] ወይ ብቻችን አምጥተነዋል ማለት አለባቸው፥ ወይ ደግሞ አብረን ነው ያመጣነው ማለት አለባቸው።

የለውጥ ኃይሎች አይደሉም የተባለውም መሠረተ ቢስ ነው። ሰው አሁን ነው ድምጹ መሰማት የጀመረው። አሁን ሦስት አራት አምስት ወራት። እኛ ከ2002 ጀምሮ "በከባድ ሁኔታ ችግር ላይ ነን፤ ድክመታችን በዝቷል፤ አገሪቱንም ወደ ቀውስ የሚያመሩ ነገሮች ተበራክተዋል፤
መሻሻል አለብን' ብለን የለውጥ ሐሳቡን ያመጣነው እኛ ነን። ለዚህም ከባድ ዋጋ ክፈለናል። ያልከፈልነው ነገር የለም።

የለውጥ ኃይሎች አይደሉም የሚባለው፥ የለውጥ ጀማሪዎች ቀስቃሾች እኛ ነን። ግን ወጥተን እንዲህ አድርገናል ማለት አልወደድንም።

ጥረትን በተመለከተ ለመነሻ የተሰጠን ገንዘብ 20 ሚሊዮን እና 31 ያረጁ ኤንትሬዎች ማርቼዲሶች ከጦርነቱ የተራረፉ ናቸው። አሁን 11 ቢሊዮን ብር የሚያወጡ 20 ኩባንያዎች ለአማራ ክልል አስረክበናል። ከምስጋና ጋር ሊሸኙን ይገባ ነበር። ጽድቆ ቀርቶ በወጉ በኮነንኝ አንዲሉ በወጉ እንኳ አላሳናበቱንም።

ኦዲትን ሪፖርት አለን። ሁሉም ነገር አለን። በኢትዮጵያ ውስጥ ኢንዶውመንት ተብሎ የግብር ከፋይ ምሳሌ ይጠቀስ ቢባል ጥረትን ያክል ግብር ከፋይ ተምሳሌት የሆነ ድርጅት የለም። ስለዚህ በዚህ ደረጃ ያነሱትም ነገር መሠረተ ቢስ ነው።

#ጥያቄ፦ ከማዕከላዊ ኮሚቴ ስብሰባ የቀራችሁበት ምክንያት ምንድነው?

▪️አቶ በረከት ፦ ሁለታችንም ጥሪው ደርሶናል። እኔ ደርሶኛል፤ ታደሰ ኢሜሉ ስለተዘጋ አልደረሰውም። የጥረት ኢሜሉ ነው የነበረው፤ [እሱም] ተዘግተቷል። እኔ እንደደረሰኝ ዐይቼ ምን እናድርግ ተባባልን። ብንሳተፍ ጥሩ ነበር፤ ግን ክልሉ ውስጥ የሚካሄደው ስብሰባ የጸጥታ አስተማማኝነት በሌለበት ሁኔታ ነው የሚካሄደው፤ ስለዚህ እንንገራቸው ተባባልን። ጠየቅን እነሱም ችግር አለ፤ የጸጥታ ዋስትና ግን አንሰጣችሁም አሉ። ስለዚህ ልንሳተፍ አንችልም። የኛ ችግር አይደለም።

#ጥያቄ፦ እርስዎ አሉበት በተባለ ሆቴል ጥቃት ተሰንዝሮ ነበር፤ ከዚያም በኋላ በደቦ የሚፈጸም ሕገወጥነት የሚመስል ነገር በክልሉ ይስተዋላል። ይህን የመሰሉ ጥቃቶች ብአዴን ማስቆም ለምን አቃተው?

▪️አቶ በረከት፦ ብአዴን በሕዝብ ተመርጦ ክልሉን እያስተዳደረ ያለ ድርጅት ነው። መንግሥት የመሠረተው እሱ ነው። መንግሥት ባለበት አገር የሕግ የበላይነት ሊከበር አልቻለም። ሥርዓት አልበኝነት በየቦታው አለ። ይሄ እኔን ብቻ የሚመለከት አይደለም። ብዙ ሰው ለአደጋ የተጋለጠበት ሁኔታ ነው ያለው።
ረዘም ላለ ዓመታት ማንነቱ ያልታወቀ ኃይል ሱቅ ዝጉ ይላል፣ ያዘጋል፤ ክፈቱ ይላል፣ ያስከፍታል። መንገድ ዝጉ ይላል፣ ያዘጋል። መንገድ ክፈቱ ይላል፣ ያስከፍታል። [ብአዴን] በክልሉ ውስጥ ሕግና ሥርዓት የሚያስከብር በዚያ ደረጃ አቅሙ ተጠናክሮ የሚገኝ መንግሥት ሆኖ አይታየኝም።

#ጥያቄ፦ ማንን ተጠያቂ ያደርጋሉ ታዲያ?

▪️አቶ በረከት፦ ዞሮ ዞሮ አመራሩ ነዋ። የአገራዊ ሕገ መንግስቱም የክልላዊ መንግሥቱም የማስተዳደር ኃይል ይሸከማል። እርቀ ሰላም ሊኖር ይችላል። መታረቅ መጥፎ ነው የሚል አቋም የለኝም። ግን ሥርዓት አልበኝነት መስፈን አለበት ማለት አይደለም። ክቡር ጠቅላይ ሚኒስትሩ ደጋግመው 'ዲሞክራሲን ነጻነትን ስንፈልግ ሕግና ሥርዓት እየጣስን አይደለም' ብለው አስቀምጠዋል። ይሄ ነው ትክክለኛው መልስ። በክልሉ ይሄን መርህ የሚያረጋግጥ ነገር አይደለም የማየው።

#ጥያቄ፦ ቀደም ሲል ራስዎን አግልለው ነው በድጋሚ የተመለሱት። አሁን ይቆጮታል። ያኔ እንደወጣሁ በቀረሁ ኖሮ በሚል?

▪️አቶ በረከት፦ በአቶ ኃይለማርያም ጊዜ ነው ጥያቄ ያቀረብኩት። በአካሄዱ ብዙ አልተስማማሁም። ብዙ ጥፋት ይፈጸም ነበር። በዛው ውስጥ አብሮ መቀጠል የማልችለበት ሁኔታ እየተበራከተ ሲመጣ ጥያቄ አቅርቢያለሁ። በመጨረሻ ደግሞ ነባሮች ተሳተፉ ተብለን ስንሳተፍና በኛም
አስተዋጽኦ ጭምር የለውጥ እንቅስቃሴ ሲጀመር አብረን እንቀጥል ተባለ፤ አብረን እንቀጥላለን አልን። የራሱ ጉዳይ ብለህ ጥለከው የምትሄደው ነገር አይደለም።፥ በዙ መስዋእትነት ስለተከፈለበት።

የብአዴን ማእከላዊ ኮሚቴም የካቲት ላይ 'እባክህ ተመለስ' ብሎ 'በቃ እኛን ጥለህ የት ትሄዳለህ' ብለውኝ ነው የተመለስኩት። አሁን 6 ወር ባልሞላ ጊዜ በሌለንበት የለውጥ ኃይል አይደለህም ብለው ተባረሀል ብለውኛል ወይ አግደውኛል። የካቲት ላይ በተካሄደ ስብሰባ 'እባክህን በቃ ደስ እንዲለን ተመለስ' ብለውኝ እንጂ እኔ ይበቃኛል ብዬ ነበር።

#ጥያቄ፦ ለምን ይመስልዎታል እንደዚህ ዓይነት ውሳኔ የተላለፈብዎ?

▪️አቶ በረከት፦ የኛ ክልል አይደሉም ብለው የሚያስቧቸውን ሰዎች ማጥቃት፤ በዚያ መልክ የተያዘ አለ። ተሳስታችኋል አትሠሩም ስንፍና አለባችሁ ብለን ወቀሳ ያቀረብንባቸው ሰዎች ይቀየማሉ።

ሦስተኛ ብልሽት አለ የሚልዋቸውን ሰዎች፣ በራሳቸው እምነት በነጻነት ቆመው የሚናገሩ ሰዎችን አለመውደድ አለ። እነዚህን ሰዎች ነው እየተበቀሉ ያሉት። ይሄ በጣም አደገኛ ነው።

#ጥያቄ፦ ወይዘሮ አና ጎሜዝ በትዊተር ገጻቸው ላይ ስለሰጡት አስተያየት ምን ምላሸ ይሰጣሉ?

▪️አቶ በረከት፦ ወይዘሮ አና ጎሜዝ ፖርቹጋላዊት ናቸው። ፖርቹጋል የአውሮፓ አፍሪካ ነው የምትባለው። በደንብ ካልለሙት አገሮች አንዷ ናት። ሴትየው በቁም ነገር የሚያስቡ ከሆነ ስለ ፖርቹጋል ቢያስቡ፤ ጊዜያቸውን የአገራቸውን ችግር በመፍታት ቢያውሉት። ኢትዮጵያ ሉአላዊት አገር ናት። ሿሚ ሻሪ የአገሬው ሕዝብ ነው። 'እርስዎን አያገባዎትም። አርፈው ይቀመጡ። #ፖርቹጋልን ቢያግዙ ይሻሎታል' በልልኝ። ይሄ በሉአላዊት አገር ጣልቃ መግባት የድሮ የፖርቹጋል የቅኝ አገዛዝ አስተሳሰብ አለቀቃቸውም።

#ጥያቄ፦ ከፖለቲካ ራስዎን አገለሉ ማለት ነው?

▪️አቶ በረከት፦ በፖለቲካ መተካካት ሂደት አያት ሆነናል። የኛን ትውልድ አመራር እንደ አያት ብትወስድ፥ የአቶ ኃይለማርያምን እንደ አባት፤ የዐብይን እንደ ልጅ ብትወስድ አያት ሆነናል። እንደ አያት ራቅ ብለህ ተረት የምታወራብት ጊዜ ላይ ነው ያለነው። ተረት ለማውራት ፖለቲከኛ መሆን አይጠይቅም።

#ጥያቄ፦ በዋናነት ምን ላይ ይሳተፋሉ ከዚህ በኋላ?

▪️አቶ በረከት፦ አሁን እንኳ ባለው ሁኔታ ከልጆቼ ጋር ቤቴ ውስጥ ቁጭ ብዬ መጽሐፎቼ ጋር እየተጫወትኩ ማለፍ ነው የምፈልገው። ጥቃቱ ስለተደጋገመብኝ ብቻ ነው እንጂ… ከሚዲያም ከሁሉም ነገር ርቄ ታጥቤ ተለቃልቄ መኖር ነው የምፈልገው።

©BBC
@tsegabwolde @tikvahethiopia

#update የደቡብ ብ/ብ/ሕ/ክልል ምክር ቤት 5ኛ ዙር 4ኛ ዓመት የሥራ ዘመን 8ኛ መደበኛ ጉባኤ‼️

የክልል ጥያቄን በተመለከተ፡-

"የሲዳማ ዞን ክልል የመሆን ህገ-መንግስታዊ #ጥያቄ ህገ-መንግስታዊ ሂዴቱን ተከትሎ እንዲፈፀምና #የሌሎች የክልላችን ህዝቦች ጥያቄዎችና ቀጣይ ሁኔታ የህዝቦችን ትስስር በሚያጠናክር መልኩ በባለሙያዎች ቡድን ጥልቅ ጥናት ተደርጎ እንዲታይ ምክር ቤቱ
መክሮበታል።"

ምንጭ፦ የክልሉ መንግስት ኮሚኒኬሽን
@tsegabwolde @tikvahethiopia

አዲስ አበባ ዩኒቨርሲቲ‼️

ከበርካታ የሀገራችን #ከፍተኛ_ትምህርት_ተቋማት ተማሪዎች በተደጋጋሚ ከሚመጡልኝ ጥቆማዎች መካከል አንዱ የተማሪዎች ንብረት መዘረፍ ነው። እነዚህ ተደጋጋሚ የዘረፋ ጥቆማዎች ተቋማት ለተማሪዎቻቸው የሚያደርጉት ደህንነት እና ጥበቃን #ጥያቄ ውስጥ የሚያስገባ ነው።

ለማንኛውም ትላንት የ5 ኪሎ ተማሪዎች የሚኖሩበት 6 ኪሎ ግቢ ውስጥ እንዲህ ሆኗል፦

አጠቃላይ ግምታቸው 85,000 ብር የሚያወጡ ላፕቶፖች እና samsung ታብሌት ከህንፃ ቁጥር 52 ከማደሪያ ክፍል 322 መዘረፉን ተማሪዎች ጠቁመዋል። የጠፉት ንብረቶች በውስጣቸው ተማሪዎቹ በቅርቡ የሚያስረክቧቸው ፕሮጀክቶችን የያዙ ናቸው።

ተማሪዎቹ ስለሁኔታው ሲያስረዱ፦

"ትላንት ምሽት እራት ለመመገብ በራችንን ቆልፈን ወጣን በሩን ስለመቆለፋችን እርግጠኞች ነን፤ ስንመለስ በሩ ዝግ ነው፤ አጠቃላይ ንብረታችን ግን የለም፤ #ተዘርፈናል!! የተዘረፍነው 7 ላፕቶፕ እና 1 ሳምሰንግ ታብሌት ነው። በጠፉት ላፕቶፖች ውስጥ በቅርቡ የምናስረክባቸው ፕሮጀክቶች አሉ። የተፈጠረውን ነገር ለተቋሙ አሳውቀናል።"

@tsegabwolde @tikvahethiopia

ሰላማዊ ሰልፍ አልተጠራም‼️

በአዲስ አበባ ከተማ እሁድ የካቲት 17/2011 ዓ/ም #በመስቀል_አደባባይ ሠላማዊ ሰልፍ ተጠርቷል በሚል በተለያዩ ሶሻል ሚዲያዎች የተላለፈው ዘገባ ሀሰተኛ መሆኑን የአዲስ አበባ ፖሊስ ኮሚሽን ገልጿል፡፡

የአዲስ አበባ ከተማ አስተዳደር በነገው ዕለት ምንም ዓይነት የሠላማዊ ሰልፍ ሆነ ስብሰባ እናድርግ የሚል #ጥያቄ ያልቀረበለት መሆኑን ለኮሚሽኑ የገለፀ ሲሆን ሰልፉ በከተማ አስተዳደሩ ይሁን በፖሊስ ኮሚሽኑ እውቅና የሌለው ነው።
በመሆኑም #ሰልፍ_እንወጣለን በሚል በህብረተሰቡ ላይ የፀጥታ ችግር ለመፍጠር የሚፈልጉ አካላት ከተግባራቸው እንዲታቀቡ ኮሚሽኑ #በጥብቅ አሳስቧል።

ይህን ተላልፎ በሚገኙ አካላት ላይም የህብረተሰቡን ሰላምና ደህንነት ለመጠበቅ ሲባል አስፈላጊውን ህጋዊ #እርምጃ የሚወስድ መሆኑን የአዲስ አበባ ፖሊስ ኮሚሽን አስታውቋል ፡፡

ምንጭ፦ ኢ.ፕ.ድ
@tsegabwolde @tikvahethiopia

ጥብቅ ማሳሰቢያ‼️

የአዲስ አበባ ከተማ አስተዳደር #በነገው ዕለት ምንም ዓይነት የሠላማዊ ሰልፍ ሆነ ስብሰባ እናድርግ የሚል #ጥያቄ አልቀረበለትም።

በመሆኑን በማህበራዊ ሚዲያ ተጠራ የተባለው ሰልፍ በከተማ አስተዳደሩ ይሁን በፖሊስ ኮሚሽኑ እውቅና የሌለው ነው።

ስለሆነም #ሰልፍ_እንወጣለን በሚል በህብረተሰቡ ላይ የፀጥታ ችግር ለመፍጠር የሚፈልጉ አካላት ከተግባራቸው እንዲታቀቡ ኮሚሽኑ #ጥብቅ_ማሳሰቢያ ሰጥቷል።

ይህን ተላልፎ በሚገኙ አካላት ላይም የህብረተሰቡን ሰላምና ደህንነት ለመጠበቅ ሲባል አስፈላጊውን ህጋዊ #እርምጃ_የሚወስድ መሆኑን የአዲስ አበባ ፖሊስ ኮሚሽን አስታውቋል፡፡

@tsegabwolde @tikvahethiopia

TIKVAH-ETH----ለጌዴኦ ተፈናቃዮች የሚውል እገዛ ለማድረግ የተለያዩ ጥረቶችን እንደTIKVAH-ETH #ብቻ እያደረግን እንገኛለን። በቤተሰባችን አባላት #ጥያቄ መሰረት በተከፈተው አካውንት በደቂቃ ውስጥ 2,080 ብር ገብቷል።

አካውንቱ --- በዶክተር #መላኩ እና በወጣት #ሜላት ስም የተከፈተና የTIKVAH-ETH ቤተሰብ አባላት ብቻ የሚገለግሉበት ነው።

•ዶክተር መላኩ እንዲሁም ወጣት ሜላት የዲላ ከተማ ነዋሪዎች ሲሆኑ ትላንት ተፈናቃዮችን በአካል የጎበኙ እንዲሁም በከተማው እየዞሩ ድጋፍ ሲያሰባስቡ የነበሩ ኢትዮጵያዊያን ናቸው።

#ማሳሰቢያ-ይህ የገቢ ማሰባሰቢያ የTIKVAH-ETH ቤተሰብ አባላትን #ብቻ የሚመለከት ነው። አካውንቱ የተከፈተውም በአባላት #ጥያቄ ነው።

•አጠቃላይ የገንዘቡ እንቅስቃሴ በማስረጃ በየዕለቱ ለቤተሰቡ አባላት ይገለፃል።

በ3 ምዕራፍ ግባቻን---500,000 ብር ለመድረስ ነው!

Account number(CBE): 1000277462439

@tsegabwolde @tikvahethiopia

ኢንተርኖች👆

ተመራቂ #የህክምና_ተማሪዎች እየጠየቅን ላለነው #ጥያቄ አሁንም ትክክለኛ #ምላሽ_እያገኘን አይደለም ብለዋል። #አዲስ_አበባ_ዩኒቨርሲቲ

@tsegabwolde @tikvahethiopia

ወጣቶቹ መግለጫው ከሚሰጥበት አዳራሽ ከውጡ በኃላ ለጋዜጠኞች የተናገሩት፦

"ባለስልጣናትን እየሰደበ፤ ክብራቸውን እያንቋሸሸ፤ ማንነታቸውን እየተቸ፤ እንዴት ነው መግለጫ የሚሰጠው? ካለፈው ወራት የተለየ መግለጫ እየሰጠ አይደለም፤ ሁሌም ስድብ ነው፣ ሁሌም ትችት ነው፣ ሁሌም የአንድን ብሄረሰብ ማንነት ማንቋሸሽ ነው። ኦሮሞን ያገለለ ኢትዮጵያ እንዴት ሙሉ ሊሆን ይችላል?"
.
.
"ፊንፊኔ/አዲስ አበባ የኢትዮጵያ ከተማ ናት ከተባለ እንዴት ኦሮሚያን ሊያገል ይችላል?እንዴት የኦሮሞ ተማሪ ተምሮ ፊንፊኔ ውስጥ ስራ ሊያጣ መግለጫ ይወጣበታል? ኢንጂነር ታከለ አ/አ ቢያስተዳድሩ ምን ችግር አለው? ካፒታላችን እሷ ሆና ቆሻሻው የሚጣልብን በኛ ላይ ነው..."

ከጋዜጠኞች የቀረበላቸው ጥያቄ፦

ለምን በስርዓት ኢትዮጵያዊ ባህልን ጠብቃችሁ ጥያቄ አልጠየቃችሁም?

ከወጣቶቹ አንዱ፦

"ከዚህ በፊት መጥቼ ነበር፤ #ለጋዜጠኛ ብቻ ነው የሚሰጠው ለሲቪሉ አይሰጥም። ጋዜጠኛ ብቻ ነው የሚጠይቀው አሉ። አሁንም ልጠይቅ ብሞክር ለጋዜጠኞች ብቻ ነው #የምንሰጠው ሲቪል የመጣችሁ በግላችሁ አንሰጥም ነው ያሉን፤ ስለዚህ መጠየቅ አንችልም ያለን እድል...። እኛ ጥያቄ ይዘን መጥተናል፤ ወሳኝ ወሳኝ #ጥያቄ በግላችን ይዘናል ጥያቄዎችን ለመጠየቅ መብት ስለማይሰጥ ይሄ ሰውዬ ምንም ማድረግ አንችልም።...አዲስ አበባ የሁሉም ኢትዮጵያዊ ናት #የሁላችንም ናት። እሱ ግን ኦሮሞን ባገለለ ...ታከለ መጤ! ማነው የዚህች ሀገር ተወላጅ? ማነው የአ/አ ተወላጅ?

"መጠየቅ ትችላላችሁ እየተባልን እየተገፈተርን ነበር። ከቦታው ተገፍትረን ወጥተን ነው እናተም ቪድዮ አላችሁ ስንገፈተር..."

#TIKVAH_ETH
ቪድዮ: ኢትዮ ታይምስ
@tsegabwolde @tikvahethiopia

#ጥያቄ

ውድ ቤተሰቦቻችን እስኪ መለስ ብለን ራሳችን እንፈትሽ ዘንድ ተከታዮቹን ጥያቄዎች ለዕለቱ አቅርበናል። እናንተም የምታውቁት አካፍሉን።

•ዴሞክራሲ ምን ማለት ነው?
•የዴሞክራሲ አስፈላጊነቶች ምን ምንድናቸው?
•የዴሞክራሲ ስርዓት መገለጫ ባህሪያቶች ምንድናቸው?

እስኪ ምላሻችሁን በ @tikvahethiopiaBot ላኩልን!

(ለ @tikvahethiopiaBot አጠቃቀም አዲስ ከሆናችሁ 👆ተጫኑትና "START" የሚለውን ተጭናችሁ መልዕክቶቻችሁን አስቀምጡ)

#ጥያቄ #የጋራመኖሪያ_ቤቶች

ብዙ ሲባልለት የነበረው የ20/80 እና የ40/60 የጋራ መኖሪያ ቤት ዕጣ ከብዙ መናጋገሪያ ጉዳዮች በኃላ ሙሉ በሙሉ መሰረዙ ይታወሳል።

በቀጣይ ዕጣው መቼ ይወጣል ? የሚለው ለጊዜው ባይታወቅም የአዲስ አበባ ከተማ ከንቲባ አዳነች አቤቤ " ከገጠመን ችግር ተነስተን ተገቢውን ሁሉ ጥንቃቄ በማድረግ በፍጥነት ዳግም እጣ በማውጣት በፍትሀዊነት ተደራሽ ለማድረግ እንሰራለን " ሲሉ አሳውቀዋል።

የቀጣዩ ዕጣ ከመውጣቱ በፊት ግን የተለያዩ አካላት ከወዲሁ እጅግ ልዩ ጥንቃቄ እንዲደረግ እና ታማኝነት ፍትሃዊነት እንዲረጋገጥ እየጠየቁ ይገኛሉ።

ቤት ይደርሰናል በማለት ረጅም ዓመታት እየተቸገሩ ቆጥበው በተስፋ የሚጠባበቁ ነዋሪዎች መካከል በርካታ የቲክቫህ ኢትዮጵያ ቤተሰብ አባላት በቀጣዩ ዕጣ አወጣጥ ዙሪያ መልዕክታቸውን እየላኩ ጥያቄ እያቀረቡ ይገኛሉ።

ከነዚህ መካከል በቀጣይ ዕጣው የመውጣት ሂደት ላይ ሁሉም ለዕጣው ብቁ ሆነው የተገኙት ቆጣቢዎች ዕጣ ከመውጣቱ በፊት የስም ዝርዝራቸው በይፋ እንዲገለፅ ፣ ከዕጣው መውጣት በፊት ቤቶቹ ያሉበት ሳይት ቤቶቹ ካሉበት ወለል ጋር እንዲገለፅ፣ በሂደቱ ዕጣ የማይወጣላቸው ቤቶች አጠቃላይ ምን ያህል እንደሆኑ በግልፅ እንዲብራራ ጠይቀዋል።

ሌላው የ20/80 የባለ 3 መኝታ ቤት ተመዝጋቢዎች አሁን በሚወጣው ዕጣ ላይ እንዲካተቱ ጠይቀዋል።

ባለፈው ውድቅ በተደረገው የዕጣ አወጣጥ ከ1997 ተመዝጋቢዎች በአግባቡ እየቆጠቡ ያሉ ጥቂቶች መኖራቸው መግለፁ ይታወሳል (በቤት አስተዳዳሪው ቦርድ ውሳኔ ፕሮግራሙ ከሲስተም ውጭ ቢሆንም)።

እኚህ ቆጣቢዎች በባለፈው ዕጣ ውስጥ ያልተካተቱ ከመረጃ ውስንነትና በባለፈው ሲስተም ላይ የመረጃ መመሰቃቀልን ለመከላከል ሲሆን በልዩ ሁኔታ ለብቻቸው እንዲስተናገዱ መወሰኑ ይታወቃል።

የባለፈው ዕጣ አወጣጥ የ20/80 የባለሶስት መኝታ ቆጣቢዎች በቀጣዩ ላይ በዕጣው ላይ እንዲካተቱ ከወዲሁ እንዲሰራ ጠይቀዋል።

ሌላው የ2005 የ20/80 ባለሶስት መኝታ ቆጣቢዎች በርካታ ጥያቄ ያላቸው ሲሆን በ13ኛው ዙር ተጀምሮ በ14ኛው ዙር አለመካተቱ ጥያቄ እንደፈጠረባቸው ፤ ግልፅ የሆነ ማብራሪያም እንደሚፈልጉ በመግለፅ አስተዳደሩ በድጋሚ አጢኖት በቀጣይ ላይ እንዲካተቱ ጠይቀዋል።

በተለይ ማብራሪያውን እየጠየቁ የሚገኙት ላለፉት 9 ዓመታ እየቆጠቡ የሚገኙት ወገኖች በ13ኛው ዙር የጋራ መኖሪያ ቤቶች ዕጣ አወጣጥ ወቅት በብሄራዊ ቴሌቪዥን ጣቢያ ሳይቀር በ1997 ለባለ3 መኝታ የተመዘገበ የለም ሁሉም በ2005 የተመዘገቡ ስለሆነ ወደእነሱ ይተላለፋል ተብሎ ነበር ነገር ግን በ14ኛው ዙር አለመካከተቱ ግልፅ ማብራሪያ የሚያስፈልገው መሆኑን ገልፀዋል።

@tikvahethiopia