ፎቶ ፦ ዛሬ መዲናችን አዲስ አበባ ከጥዋት ጀምሮ በጭጋግ ተሸፍናለች።

የዛሬው የአየር ሁኔታ ከአዲስ አበባ ለሚነሱ እና አዲስ አበባ ለሚያርፉ አውሮፕላኖችም መዘግየት ምክንያት ሆኗል።

የኢትዮጵያ አየር መንገድ አዲስ አበባ ላይ ባለው ጭጋጋማ የአየር ሁኔታ ምክንያት በቦሌ አውሮፕላን ማረፊያ የበረራዎች መዘግየት እንዳጋጠመው ገልጿል።

አየር መንገዱ ፤ በአየር ሁኔታ ምክንያት ከአዲስ አበባ የሚነሱም ሆነ የሚያርፉ አውሮፕላኖች ለመዘግየት መገደዳቸውን ጠቅሶ መንገደኞችን ይቅርታ ጠይቋል።

ፎቶዎች ፦ ከማህበራዊ ሚዲያ ተጠቃሚዎች የተሰባሰቡ

@tikvahethiopia

#Update

የኢትዮጵያ አየር መንገድ በአዲስ አበባ በተከሰተው ጭጋጋማ የአየር ጸባይ ምክንያት ተቋርጦ የነበረው የአውሮፕላን በረራ በአብዛኛው መጀመሩን አሳውቋል።

ባለፉት ጥቂት ሰአታት በአዲስ አበባ የነበረው ጭጋጋማ የአየር ሁኔታ መሻሻል ማሳየቱንም ገልጿል።

በዚህም ወደ ኢትዮጵያ የሚደረጉና ከኢትዮጵያ የሚነሱ በረራዎች #በአብዛኛው መጀመራቸውን አሳውቋል።

አየር መንገዱ ፤ ለደንበኞቹ ተጨማሪ መረጃዎች ማድረሱን እንደሚቀጥል በማህበራዊ ትስስር ገፁ ላይ አስፍሯል።

@tikvahethiopia

#ትኩረት📣

ነዋሪዎችን ከፍተኛ ስጋት ላይ የጣለው የፀጥታ ችግር !

ከቲክቫህ ቤተሰብ አባል ከአጣዬ አካባቢ ፦

" እንደ ሁል ጊዜው ሁሉ አጣዬ ከተማ ዳግም ከፍተኛ የፀጥታ ስጋት ውስጥ ገብታለች።

ይሄም የሆነው በሰሜን ሸዋ እና በኦሮሞ ብሄረሰብ አስተዳደር አዋሳኝ ቦታዎች ዳግም ግጭት በመቀስቀሱ ነው።

ትላንት ማለትም በ02/11/2014 " የቤት እንሰሶች የተዘራ ሰብልን በሉብን " በማለት ልዩ ቦታው አርሶ አምባ የሚባል ስፍራ ፀብ የተነሳ ሲሆን አሁን ላይ አድማሱ ሰፍቶ በተለያየ አቅጣጫ ከባባድ ውጊያዎች ተከፍተዋል።

የተለያዩ የፀጥታ አካላትም ጉዳት ደርሶባቸው በአጣዬ ሆስፒታል ሲገቡም ተመልክተናል።

ቦታዎቹ ላይ ልዩ ሀይል እና ፌደራል ፖሊስ ያለ ቢሆንም እጅግ ብዙ ቁጥር ያለው ሀይል ነው ጥቃቱን እየሰነዘረ የሚገኘው።

ስለሆነም ለማብረድ እንደተቸገሩ እየተሰማ ነው የሚገኘው።

ከከሰአት ጀምሮ ከአዲስ አበባ ወደ ደሴ የሚወስደው መንገድም እንደተዘጋ እና ከወትሮው በተለየ መልኩ የመኪኖች እንቅስቃሴ ቀንሷል።

የፌደራል መንግሥቱ እና የሚመለከታቸው አካላት ይሄንን ነገር አሁን ካለበት ሳይባባስ ትኩረት ሊሰጡት ይገባል። "

በአካባቢው ግጭት መቀስቀሡን የሰሜን ሸዋ ዞን ዋና አስተዳዳሪ የሆኑት አቶ ታደሰ ገብረፃዲቅ ለአል አይን ኒውስ ያረጋገጡ ሲሆን ግጭቱ ሳይባባስ ለማስቆም ተጨማሪ ሀይል ወደ ስፍራው ተልኳል ሲሉ ምላሽ ሰጥተዋል።

@tikvahethiopia

ቅሬታ !

የጋራ መኖሪያ ቤት ዕጣ ደርሷቸው እንደሆነ ለማወቅ የሚጠባበቁ ነዋሪዎች የስም ዝርዝር ይፋ ባለመደረጉ ቅሬታ እንዳላቸው ገለፁ።

የ20/80 እና 40/60 የጋራ መኖሪያ ቤት ዕጣ ዓርብ ቢወጣም እስካሁን የቤት ዕጣ የደረሳቸው ሰዎች ስም ዝርዝር በይፋ አልተገለፀም።

ይህም የቤት ዕጣ ደርሷቸው እንደሆን ለማወቅ እየተጠባበቁ ባሉ ነዋሪዎች ዘንድ ከፍተኛ ቅሬታን ፈጥሯል።

የአዲስ አበባ ቤቶች ልማት ኮርፖሬሽን አርብ ለቲክቫህ ቤተሰብ አባላት በሰጠው ቃል ፥ የቤት ዕጣ የወጣላቸው ነዋሪዎች ዝርዝር እስከ ዛሬ ሰኞ ድረስ ኦዲት ተደርጎ በኮርፖሬሽኑ ድረገፅ እንዲሁም በአዲስ ልሳን ጋዜጣ ታትሞ እንደሚወጣ ገልጾ ነበር።

እጥፍ ክፍያም ተከፍሎ ቢሆን በጋዜጣው ታትሞ እንዲወጣ እየተሰራ እንደነበር ኮርፖሬሽኑ መገለፁ አይዘነጋም።

የስም ዝርዝሩ ግን ዛሬ በድረገፁም ሆነ በጋዜጣው አልወጣም።

የስም ዝርዝር ይፋ ባለመደረጉ ቤት ደርሷቸው እንደሆነ ለማወቅ የሚጠባበቁ ነዋሪዎች ቅሬታ እንዳደረባቸው ገልፀዋል።

የደረሳቸው ሰዎች ከታወቁ ለምን ይህን ያህል ሊቆይ ቻለ ? በዲጂታል ሚዲያ ለምን ማሰራጨት አልተቻለም ? በኦንላይን ይታያል ተብሎ በአርቡ ስነስርዓት ላይ ተገልፆ ነበር ይህ ለምን አልሆነም ? ከተማ አስተዳደሩ ግልፅ ማባራሪያ ሊሰጥ ይገባል ሲሉ ጠይቀዋል።

ቅሬታዎችን ይዘን ዛሬ ከጥዋት ጀምሮ ለሚመለከታቸው አካላት ስልክ ብንደውልም ስልክ አይነሳም።

አሁንም ዕጣ የወጣላቸው ነዋሪዎች የስም ዝርዝር በተመለከተ ማብራሪያ ለማግኘት እየጣርን እንገኛለን ሲሳካልን እና ትክክለኛ መረጃ ሲደርሰን እንልክላችኃለን።

@tikvahethiopia

#ማብራሪያ የ20/80 እና 40/60 ጉዳይ 👆

የአዲስ አበባ ከተማ አስተዳደር ፦

" ... ከዕጣ አወጣጥ ስነ-ስርዓት በኋላ የተለያዩ ጥቆማዎች በመቅረባቸው የኦዲት ሥራ ስንጀምር በባንክ የተላከውና ለእጣ እንዲውል ወደ ኮምፒዩተር የተጫነው ዳታ ልዩነቶች ተግኝተዋል።

በመሆኑም በእስካሁኑ የማጠራት ስራ ላልቆጠቡ ሰዎች እጣ መውጣትን ጨምሮ የተለያዩ የተዓማኒነት ጉድለቶች ታይተዋል፡፡

ከዚህ በመነሳትም የቤት ማስተላለፉን ሂደት ግልፅነት ለማስፈን ሲባል እና ውጤቱን የሚያዛባ ተግባር ሲያጋጥም መልሰን ኦዲት እንዲደረግ በገባነው ቃል መሰረት የተፈጠረውን ችግር ከጉዳዩ ገለልተኛ በሆኑ በሚመለከታቸው ተቋማት የማጣራት ስራ በመከናወን ላይ የሚገኝ ሲሆን በጉዳዩ የተጠረጠሩ ባለሙያዎች እና አመራር #በቁጥጥር_ሥር ሆነው ምርመራ እየተደረገ ይገኛል።

ስለሆነም ሂደቱን በአጭር ጊዜ አጠናቀን ለቤት ተመዝጋቢዎችና ለመላው የከተማችን ነዋሪ የምናሳውቅ መሆኑን ስንገለጽ ተመዝጋቢዎች እንደተለመደው በከፍተኛ ትዕግስት እንድትጠባበቁ እናሳውቃለን፡፡

ለተፈጠረው ስህተት የከተማ አስተዳደሩ በዚህ አጋጣሚ ይቅርታ ይጠይቃል። "

@tikvahethiopia

#Update

" የፀጥታ አካላት እና ንፁሃን አርሶአደሮች ህይወታቸው አልፏል "

በኦሮሞ ብሔረሰብ አስተዳደር ዞን ጅሌ ጥሙጋ ወረዳ እና በሰሜን ሸዋ ዞን ኤፍራታና ግድም ወረዳ አዋሳኝ አከባቢዎች መካከል በተከሰተው ግጭት በፀጥታ አካላት እንዲሁም በንፁሃን አርሶአደሮች ላይ የሕይወት መጥፋት እና የአካል ጉዳት ደርሷል፡፡

በንፁሃን ዜጎች እና በንብረት ላይም ጉዳት መድረሱ ተገልጿል።

በሰላም እና በተረጋጋ ሁኔታ በሚኖሩ ሰላማዊ ዜጎች ላይ አለመረጋጋት ተከስቷል፡፡

ይህን ተከትሎ በኦሮሞ ብሔረሰብ አስተዳደር ዞን ጅሌ ጥሙጋ ወረዳ በኩል የተለያዩ ክልከላዎች ተጥለዋል ፦

- ማንኛውም በወረዳው እና በከተማው ውስጥ የሚገኙ የሶስት እግር ተሽከርካሪዎችን (ባጃጆችን) ላልተወሰነ ጊዜያት በቀንም ሆነ በማታ ማሽከርከር አይችልም።

- ከመንግሥት የፀጥታ መዋቅር ውጭ ማንኛውንም አካል የጦር መሣሪያ ይዞ መንቀሳቀስ አይችልም።

- ከተፈቀደለት የፀጥታ አስከባሪ መዋቅር ውጭ ማንኛውም ግለሰብ ከቀበሌ ወደ ቀበሌ መንቀሳቀስ አይችልም።

- በህብረተሰቡ ውስጥ እና በማህበራዊ ሚዲያ ተጨባጭ ያልሆኑ መረጃዎችን የሚያናፍሱ አካላት ከድርጊታቸው እንዲቆጠቡ ጥብቅ ማሳሰቢያ ተላልፏል።

(የጅሌ ጥሙጋ ወረዳ ሙሉ መግለጫ ከላይ ተያይዟል)

@tikvahethiopia

" ዕጣው ሙሉ ለሙሉ ተሰርዟል ብሎ መናገር አይቻልም " - የአዲስ አበባ ቤቶች ልማት ኮርፖሬሽን

የ20/80 እና የ40/60 የጋራ መኖሪያ ቤቶች ሙሉ ለሙሉ ተሰርዟል ብሎ መናገር አይቻልም ሲል የአዲስ አበባ ከተማ አስተዳደር የቤቶች ልማት ኮርፖሬሽን ገለፀ።

የኮርፖሬሽኑ የሥራ ሀላፊ አቶ ሽመልስ ታምራት " ዳታው ገብቶ ዕጣው ከወጣ በኋላ ያሉ ስህተቶች መኖራቸው ይታያል በተባለው መሰረት የተወሰኑ ክፍተቶች አሉ " ሲሉ ተናግረዋል፡፡

በዚህም መሰረት የከተማ አስተዳደሩ ምን ሊወስን እንደሚችል አልታወቀም ሲሉ ገልፀዋል።

አቶ ሽመልስ ጉዳዩና ውሳኔው ዛሬ ሊታወቅ ይችላል ሲሉም ጠቁመዋል።

ባለፈው ሳምንት ዓርብ 25,491 ሰው ዕጣ ወጥቶለታል ያሉት አቶ ሽመልስ ፤ ስህተት የፈጠረው ሰው እንደተለየው ሁሉ በስህተቱ እድሉ የተፈጠረለት ማነው የሚለው ተለይቶ ወደ ሚቀጥለው ደረጃ የሚያሻግረው አማራጭ ይታያል ተብሎ እንደሚታመን አስረድተዋል።

ከዚህ ቀደም የነበረው የተዝረከረከ አሰራር እንዳይኖር ቀድሞ ማጣራት ተደርጓል ያለው የቤቶች ኮርፖሬሽን ዳታው ከገባ እና ዕጣው ከወጣ በኋላ ያሉ ስህተቶች መኖራቸውን ገልጿል፤ ጉዳዩ እልባት ለማግኘት ተቃርቧል ሲልም አሳውቋል።

መረጃው የሸገር ኤፍ ኤም 102.1 ነው።

@tikvahethiopia