#Freedom_and_Equality_Party

ነጻነትና እኩልነት ፓርቲ ህዳር 26 እና 27 ቀን 2013 ዓ/ም የሶማሌ ክልል ሸንጎ ምስረታ አካሂዷል።

ከአስራ አንድ ዞኖች ተወክለው ወደ ጅግጅጋ የሄዱ አባላት የመጀመሪያው የክልላዊ ሸንጎ ስብሰባቸውን ማድረጋቸውን ፓርቲው ገልጿል።

የክልሉ ስራ አስፈፃሚ ከሁሉም ዞኖች አንዳንድ ስራ አስፈፃሚ ተካተው እንደገና መዋቀራቸውም ተነገሯል።

ላለፉት 11 ወራት በተለያዩ የሶማሌ ክልል የተከፈቱ ቢሮዎች ስራ እንቅስቃሴ በክልል ደረጃ በጅግጅጋ ዋና መስሪያ ቤት መቀመጫ ላይ ተገምግመዋል።

እስከአሁን በክልሉ በአጠቃላይ 24 የነ.እ.ፓ. ቢሮዎች ተከፍተው ስራ ላይ እንደሚገኙ ፓርቲው ያሳወቀ ሲሆን እነዚህ ቢሮዎች በክልሉ ማዕከልነት በተዋረድ እንዲሰሩ መደረጉን አሳውቋል።

@tikvahethiopiaBot @tikvahethiopia

#Freedom_and_Equality

ነጻነትና እኩልነት ፓርቲ (ነእፓ) በሳዑዲ አረቢያ በእስር ቤት እና ማጎሪያ ካምፖች የሚገኙ ኢትዮጵያውያን እንዲለቀቁ ጠየቀ፡፡

ነእፓ አዲስ አበባ ለሚገኘው የሳዑዲ ዓረቢያ ኤምባሲ በጻፈው ደብዳቤ እጅግ አስቸጋሪ በሆነ ሁኔታ በእስር ቤትና ማቆያ ካምፖች የሚገኙ ኢትዮጵያውያን በአስቸኳይ እና ያለምንም ቅድመ ሁኔታ ከእስር ተለቀው ወደ ሀገራቸው መምጣት የሚችሉበት ሁኔታ እንዲመቻችላቸው ጠይቋል፡፡

በፓርቲው ሊቀመንበር ዶክተር አብዱልቃደር አደም ለአምባሳደሩ የተላከው መልእክት የሁለቱን ሀገሮች ከሺህ ዓመት በላይ የዘለቀ ግንኙነት አስታውሶ፣ ኢትዮጵያውያን ያሉበት እጅግ ዘግናኝ ሁኔታ የፍትህ እና የነጻነት መለያ ለሆነችው ቅድስት ሀገር የማይመጥን በመሆኑ እስረኞቹ በአስቸኳይ እንዲለቀቁ ጠይቋል፡፡

የደብዳቤው ቅጂ ለኢፌድሪ ውጭ ጉዳይ ሚንስቴር እና ሳዑዲ ለሚገኘው የኢትዮጵያ ኤምባሲ ተላልፏል፡፡

(ሙሉ መልእክቱ ከላይ ተያይዟል)

@tikvahethiopia

#Freedom_and_Equality

ነጻነትና እኩልነት ፓርቲ አንደኛ መደበኛ ጉባኤውን በትናንት የብሄራዊ ምርጫ ቦርድ ታዛቢዎች በተገኙበት አካሂዷል።

ጉባኤው የተሻሻለውን የፓርቲው መተዳደሪያ ደንብ ላይ ተወያይቶ በሙሉ ድምጽ አጽድቋል።

የተጓደሉ የብሄራዊ ምክር ቤት አባላትንም ምርጫ አካሂዷል፡፡

ቀደም ሲል በነበረው መተዳደሪያ ደንብ መሰረት 35 የነበረው ማዕከላዊ ኮሚቴ ብሄራዊ ምክር ቤት በሚል የስያሜ ለውጥ አድርጎ አባላቱንም በ10 አሳድጓል፡፡

በዚህም መሰረት 28 አዳዲስ ቋሚ የብሄራዊ ም/ቤት አባላት በክልሎች እጩ አቅራቢነት ቀርበው በሚስጥር ድምጽ ተሰጥቶባቸዋል፡፡

በዚሁ መሰረት ጉባኤው 45 ቋሚና 15 ተለዋጭ አባላት ያሉት ብሄራዊ ምክር ቤት አጽድቋል፡፡

በጉባኤው ከ900 በላይ አባላት ከመላው ኢትዮጵያ የተሳተፉ መሆናቸውን ከፓርቲው ያገኘነው መረጃ ያሳያል።

@tikvahethiopia

#Freedom_and_Equality

ነፃነት እና እኩልነት ፓርቲ መጋቢት 18 ካካሄደው አንደኛ ጠቅላላ መደበኛ ጉባኤ በኃላ ባለ10 ነጥብ የአቋም መግለጫ አውጥቷል።

ነእፓ በዚህ የአቋም መግለጫው ላይ ካነሳቸው ጉዳዮች ቀዳሚዎቹ የሰሜን ኢትዮጵያው ጦርነት እና በሌሎች አካባቢዎች ያሉ የፀጥታ ችግሮች ናቸው።

ፓርቲው በሰሜኑ የሀገራችን ክፍል ላይ የተለኮሰው የጦርነት እሳት ሙሉ ለሙሉ ይቆም ዘንድ ሁሉም አካላት ግጭቱን ለማስቆም ኃላፊነታቸውን እንዲወጡ ጥሪውን አቅርቧል።

መንግስት በቅርቡ ለትግራይ ክልል ተጨማሪ ሰብአዊ ድጋፍ ከወትሮው በተሻለ መጠን እና ስፋት እንዲደርስ ለማድረግ ያሳየውን ተነሳሽነት እንደሚያደንቅ የገለፀው ነእፓ ውሳኔው በተቻለ ፍጥነት ተግባራዊ ይሆን ዘንድ የሚመለከታቸው አካላት የድርሻቸውን እንዲወጡ ጠይቋል።

ነእፓ ፤ ምንም እንኳን በሰሜኑ የሀገራችን ክፍል ያለው ግልጽ እና ሰፊ ጦርነት የተለየ ትኩረት ያገኘ ቢሆንም፣ በሀገራችን የተለያዩ ግጭቶች እንዳሉ ይታወቃል ያለ ሲሆን በእነዚህ ግጭቶች ምክንያት በሰላማዊ ዜጎች ላይ ግድያ፣ መፈናቀል እና የንብረት ውድመት ዛሬም ድረስ ሊቆም አልቻለም ብሏል።

መንግስት በሰሜኑ የሀገራችን ክፍል ላይ የተፈጠረውን ችግር እልባት ለመስጠት ከሚያደርገው እንቅስቃሴ ጎን ለጎን በሌሎች የሀገራችን ክፍሎች የሚገኙ ዜጎችን ሰላም እና ደህንነት ለመጠበቅ በቂ ትኩረት ሊሰጥ ይገባል ሲል አሳስቧል።

(ሙሉ መግለጫው ከላይ ተያይዟል)

@tikvahethiopia