#Iftar

ዛሬና ትላንት ቅዳሜ በተለያዩ የሀገራችን ከተሞች የጎዳና ላይ የኢፍጣር ስነስርዓት ተካሂዷል።

ዛሬ በአፋር ክልል መዲና ሰመራ ከተማ ታላቅ የጎዳና ላይ የኢፍጣር ስነስርዓት የተካሄደ ሲሆን በጅማ ከተማም እጅግ ከፍተኛ የሰው ቁጥር የተገኘበት የኢፍጣር ስነሥርዓት ታካሂዷል።

በተመሳሳይ ዛሬ በአጋሮ የኢፍጣር ስነስርዓት ተካሂዳል።

ትላንት በአፋር ኤሊደአር ፣ ስልጤ ዞን ቃዋቅቶ እና በቂልጦ ከተማ፣ ሰሜን ምዕራብ ሸዋ ጎሮ ወረዳ፣ በአርሲ ነጌሌ፣ ባሌጎባ የጎዳና ላይ ኢፍጣር ተካሂዷል።

በሌላ መረጃ ፥ የፊታችን ማክሰኞ ሚያዚያ 18 በአዳማ ከተማ፣ ረቡዕ ሚያዚያ 19 ደግሞ በአማራ ክልል መዲና ባህር ዳር የጎዳና ላይ ኢፍጣር ስነስርዓት እንደሚካሄድ ታውቋል።

በተጨማሪ ከጥቂት ቀናት በኋላ በአዲስ አበባ ከተማ ለሚካሄደው ታላቁ የጎዳና ላይ ኢፍጣር ቅድመ ዝግጅት ስራዎች እየተሰሩ እንደሆኑ ለማወቅ ተችሏል።

ፎቶዎች ፦ telegra.ph/Iftar-04-24

@tikvahethiopia

#ትንሳዔ

ከሀገራችን ኢትዮጵያ በተጨማሪ በተለያዩ ሀገራት የትንሳዔ በዓል ተከብሯል።

የትንሳዔ በዓል ልዩ በሆነ ሁኔታ ከሚከበርባቸው ሀገራት አንዷ ሩስያ ናት።

በሩስያ የሀገሪቱ ፕሬዜዳንት የሆኑት ቭላድሚ ፑቲን ሞስኮ በሚገኝ የሩስያ ኦርቶዶክስ ቤተክርስቲያን ተገኝተው ሻማ በማብራት በዓሉን ሲያከብሩ ታይተዋል።

በተመሳሳይ የትንሳዔ በዓል በዩክሬን ተከብሯል። በዓሉ በጦርነት ድባብ ውስጥ ነው የተከበረው።

ዛሬ በሁለቱም ሀገራት የተከበረው የትንሳዔ በዓል ያለተኩስ አቁም ነው ፤ በዛሬው ዕለትም በሩስያ በኩል ወታደራዊ ጥቃቶች ሲፈፀሙ እንደነበር ተገልጿል።

ከሩስያ እና ዩክሬን በተጨማሪ በተለያዩ የአውሮፓ ሀገራት፣ በመካከለኛው ምስራቅ ፣ በአፍሪካ ሀገራት የትንሳዔ በዓል ተከብሯል።

ፎቶ ፦ ሮይተርስ

@tikvahethiopia

#FRANCE

🗳 ማክሮን ፕሬዜዳንት ሆነው ተመርጠዋል።

ዛሬ በተካሄደ ምርጫ ኢማኑኤል ማክሮን የፈረንሳይ ፕሬዝዳንት በመሆን ተመረጡ። ማክሮን ፕሬዚዳንት ሆነው የተመረጡት ለሁለተኛ ጊዜ ነው።

በፈረንሳይ የፕሬዝዳንታዊ ምርጫ ፕሬዚዳንት ኢማኑኤል ማክሮን እና ቀኝ ዘመሙዋ ማሪን ለ ፐን ተፎካክረዋል።

በዛሬው ምርጫ ፕሬዝዳንት ኢማኑኤል ማክሮን ተቀናቃኛቸው ማሪን ሊ ፐንን በ58.2 % ለ 41.8 % በሆነ ውጤት ማሸነፋቸውን የFrance 24 ዘገባ ያስረዳል።

የማክሮንን ማሸነፍ ተከትሎ የሀገራት መሪዎች የ " እንኳን ደስ አልዎት " መልዕክት እያስተላለፉ ሲሆን የኢትዮጵያ ጠ/ሚ ዶ/ር ዐቢይ አህመድም የደስታ መልዕክታቸውን ካስተላለፉ ሀገራት መካከል ይገኙበታል።

በሌላ በኩል ፤ የምርጫውን ውጤት ተከትሎ ፕሬዜዳንት ማክሮን በሚቃወሙ አካላት ተቃውሞ ተቀስቅሷል ፤ ለአብነት በፓሪስ በነበረ ተቃውሞ ማክሮንን ሊቃወሙ የወጡ ሰዎች ከፖሊስ ጋር ተጋጭተዋል።

@tikvahethiopia

#Update

የዩኒቨርስቲ ምደባ ይፋ ሆኗል።

ትምህርት ሚኒስቴር የ2013ዓ.ም የ12ኛ ክፍል የዩኒቨርስቲ ምደባ ይፋ አድርጓል።

የ2013 ትምህርት ዘመን የ12ኛ ክፍል ማጠቃለያ አገር አቀፍ ፈተና ወስደው ለትምህርት ሚኒስቴር ተጠሪ በሆኑ መንግስት ዩኒቨርስቲዎች በወጪ መጋራት (ስኮላርሽፕ) የመግቢያ መቁረጫ ነጥብ ላመጡ ተማሪዎች ምደባ ተደርጓል።

ከዚህ በፊት በተገለጸዉ የመቁረጫ ነጥብ እና ከኦሮሚያ፣ አማራ፣ አፋርና ቤንሻንጉል ጉሙዝ ክልሎች ተጨማሪ ተማሪዎች ምደባ የሚያስገኝላቸው ውሳኔ መተላለፉ ይታወሳል፡፡

በዚህም መሰረት ተማሪዎች ከዛሬ ጀምሮ የተመደቡበትን ዩኒቨርስቲ ለማየት በድህረገፅ፡-https://result.ethernet.edu.et ፣ በSMS፡- 9444 እንዲሁም በቴሌግራም፡- @moestudentbot መጠቀም ይችላሉ።

ተማሪዎች ከምደባ ጋር ተያይዞ ላላችው ማንኛውም ጥያቄ በድህረገፅ https://complaint.ethernet.edu.et በማመልከት ጥያቄዎቻቸውን ማቅረብ ይችላሉ፡፡

ዩኒቨርሲቲዎች እስከ ሚያዝያ 24/2014 ዓ.ም ድረስ ተገቢዉን ዝግጅት አድርገው የመጀመሪያ ዓመት አዲስ ገቢ ተማሪዎችን የቅበላ መርሃ ግብር የሚያሳዉቁ በመሆኑ ተማሪዎች አስፈላጊዉን ዝግጅት እንዲያደርጉም ሚኒስቴሩ ጥሪ አቅርቧል።

ምንጭ፦ ትምህርት ሚኒስቴር

@tikvahethiopia

ለምንድነው በዩክሬን እየተካሄደ የሚገኘው ጦርነት የዓለምን የምግብ ዋጋ እንዲህ እንዲጨምር ያደረገው ?

🌾 ዩክሬን እና ሩስያ በአለም የስንዴ ኤክስፖርት 1/3 የሚሸፍኑ ሀገራት ናቸው።

🪖 በሁለቱ ሀገራት መካከል ጦርነቱ ሲቀሰቀስ የስንዴ ኤክስፖርት ሊቋረጥ ችሏል።

📈 በ2 ሳምንታት ውስጥ ብቻ የስንዴ ዋጋ በ28 በመቶ ከፍ ብሏል ፤ ይህም ሪከርድ የሆነ የዋጋ ጭማሪ የተመዘገበበት ነው።

🌍 በጦርነቱ ምክንያት የታየው የዋጋ ጭማሪ በተለይ ከውጭ ሀገር በሚገባ ምርት ላይ ጥገኛ የሆኑ ሀገራትን ክፉኛ ጎድቷቸዋል።

#WFP

@tikvahethiopia

የመን ውስጥ በ " ሁቲ ኃይሎች " ታስረው የቆዩ አንድ ኢትዮጵያዊ ዜጋ ጨምሮ 12 ሰዎች ከእስር መለቀቃቸውን ኦማን አስታውቃለች።

ታሳሪዎቹ የተለቀቁት የብሪታንያ፣ ኢንዶዥያ፣ ህንድ እና ፊሊፒንስ መንግስታት ባቀረቡት ጥያቄ መሰረት የኦማን ባለሥልጣናት ባደረጉት ጥረት እንደሆነ ነው የተነገረው።

ኢናቾ መኮንን የተባሉ ኢትዮጵያዊን ጨምሮ በእስር ላይ የነበሩት የብሪታንያ ፣ ፍሊፒንስ ፣ ማይናማር ፣ ኢንዶኔዥያ እና የህንድ ዜጎች ከየመን ሰነዓ ወደ ሙስካት መዘዋወራቸውን የኦማን ውጭ ገዳይ ሚኒስቴር አስታውቋል።

የፈረንሳይ ዜና አገልግሎት እንደዘገበው ከታሳሪዎቹ አንዱ የሆነው የብሪታንያ ዜጋ በሁቲዎች በሀገር ክህደት ተጠርጥሮ ለ5 ዓመታት በእስር የቆያ ሲሆን ፤ የታሳሪው ቤተሰቦች በምርመራ ወቅት እጁ መሰረበሩን፣ አካላዊ እና ስነልቦናዊ ጤናው እንዲቃወስ መሆኑን ገልፀዋል።

ሁቲዎች ኢትዮጵያዊውን ግለሰብ ለምን እና መቼ በቁጥጥር ስር እንዳዋሉት በፈረንሳይ ዜና አገልግሎት ዘገባ ላይ የተገለፀ ነገር የለም።

ምንጭ፦ የፈረንሳይ ዜና አገልግሎት

@tikvahethiopia

" ባይደን ታሪክን በደንብ መማር አለበት፤ ይህ ሳያውቅ ቱርክን ለመከራከር መሞከሩን ይቅር አንለውም " - ረሲፕ ታይፕ ኤርዶጋን

የአሜሪካው ፕሬዝደንት ጆ ባይደን በፈረንጆቹ በ1915 በአርመን የተካደውን ክስተት ለሁለተኛ ጊዜ " የዘር ማጥፋት " ድርጊት ነው ብለው ገልፀው ነበር።

ይህንን አገላለፅ የቱርኩ ፕሬዝዳንት ረሲፕ ታይፕ ኤርዶጋን ኮንነውታል።

ፕሬዝደንት ኤርዶጋን በቱርክ በፕሬዝዳንት ቤተመንግስት የነበረውን ስብሰባ በመሩበት ወቅት ነው የባይደንን ንግግር የኮነኑት።

ኤርዶጋን ፤ በአርመኒያ ተደርጓል ስለተባለው ወንጀላ፤ በጥቂት ሀገራት እና ፓርላመንቶች የሚሰጠው አስተያያት በቱርክ መንግስት ተቀባይነት የለውም ብለዋል።

ፕሬዝደንት ባይደን ለ1915 የአርመን ክስተት በውሸት እና በሃሰተኛ መረጃ ላይ የተመሰረተ ነው ሲሉ ገልፀዋል።

ኤርዶጋን " ባይደን ታሪክን በደንብ መማር አለበት፤ ይህ ሳያውቅ ቱርክን ለመከራከር መሞከሩን ይቅር አንለውም " ሲሉ ተናግረዋል።

የአርመን ሰዎች በዚህ የአርመንን እና የቱርክ ህዝብን ለማጋጨት አላማው ባደረገው ግብዝ አመለካከት ሲጎዱ ነበር፤ ይጎዳሉም ብለዋል።

በቱርክ እና በአርመን መካከል ያለፈ ቁርሾ ከማጋነን ይልቅ ሰለማዊ ግንኙት መገንባት አስፈላጊ መሆኑን የገለጹት ኤርዶጋን የቱርክ ላሉት የአርመን ፓትሪያሪክ መልእክት መላካቸውን ተነግሯራ።

በቱርክ የሚገኙ አርመኖች በመጀመሪያው የአለም ጦርነት የደረሰባቸውን መጥፎ ሁኔታ በቱርክ ተሰባስበው አስበዋል፡፡

ምንጭ ፦ አል ዓይን ኒውስ

@tikvahethiopia

#US_VISA

የአሜሪካ ኤምባሲ ፤ የ Diversity Visa (ዲቪ) ን ጨምሮ ሁሉንም የስደተኛ እና ስደተኛ ያልሆኑ የቪዛ ሂደቶች እያስቀጠለ መሆኑን ገልጿል።

ኤምባሲው አገልግሎቱን እየተጠባበቁ ያሉ ሁሉ ፤ በዓለም አቀፉ ወረርሽኝ ኮቪድ-19 እና በኢትዮጵያ ታውጆ በነበረው የአስቸኳይ ጊዜ አዋጅ ወደኃላ የቀሩ ስራዎችን ለመስራት በሚደረገው ሂደት በትዕግስት እንዲጠብቁ መልዕክቱ አስተላልፏል።

የቪዛ ቃለመጠይቆች ሂደት ሚከናወነው በስቴት ዲፓርትመንት ቅድሚያ በሚሰጣቸው ጉዳዮች ላይ በመመስረት መሆኑን የገለፀው ኤምባሲው ፤ አሜሪካውያንና ኢትዮጵያውያን ሰራተኞች በሁሉም የቪዛ መደቦች ላይ በተቻለ መጠን ብዙ ቃለ መጠይቆችን ለማድረግ በማቀድ በትጋት ስራቸውን እያከናወኑ ነው ብሏል።

በዚህም ሂደት ላይ ፤ የአገልግሎቱ ተጠቃሚዎች ሁሉንም አስፈላጊ ሰነዶች ይዘው ለቃለ መጠይቅ ዝግጁ ሆኖ በመምጣት የሁሉንም ሰው የጥበቃ ጊዜ እንዲቀንስ ለማድረግ ማገዝ ይችላሉ ሲል መልዕክቱን አስተላልፏል።

@tikvahethiopia