#የቀጠለ

የዚህ ሳምንት (የቅዳሜ እና እሁድ) ስራ በዚህ በስኬት ያበቃ ሲሆን በቀጣይ ሳምንት ቅዳሜ እና እሁድ በየአካባቢያችሁ እንመጣለን።

ምን መስጠት ይቻላል ?

👉 ከ9 - 12 ማንኛውም መፅሀፍ
👉 ከ1 - 8 #አጋዥ ብቻ (መደበኛው ስለተቀየረ)
👉 ያገለገለ ማንኛውም ኮምፒዩተር / ዴስክቶፕ፣ ላፕቶፕ፣ ታብሌት
👉 ፕሪንተር
👉 የፕሪንተር ቀለም
👉 ነጭ ወረቀት

ዘመቻው ሲጠናቀቅ ከሌሎች ቁሳቁሶች ውጭ ከ30,000 እስከ 40,000 መፅሀፍ ለመሰባሰብ ታቅዷል። ሁሉም መፅሀፍት እና ቁሳቁስ በጦርነት የተጎዱ ት/ቤቶችን ታሳቢ ባደረገ ሁኔታ ይከፋፈላሉ።

ውድ ቤተሰቦችቻን መፅሀፍ እና ሌሎች የትምህርት ቁሳቁስ ለማስረከብ በ 0919743630 ላይ ደውሉልን / @tikvahethiopiaBOT ላይ ፃፉልን።

የትም መሄድ ሳይጠበቀባችሁ በየደጃፋችሁ መጥተን እንቀበላችኃለን።

ማሳሰቢያ ፦ በገንዘብ የሚደረግ ማንኛውም ድጋፍ ተቀባይነት የለውም።

#5ኛው_ዓመት_የመማሪያ_ቁሳቁስ_ማሰባሰብ_ስራ #2ኛውዙር

#AddisAbaba
#TikvahFamily

@tikvahethiopia

" አባት፣ እናት እና ልጆች ያሉበትን የቤተሰብ ተቋም ማጠናከር እንፈልጋለን " - ቀዳማዊት እመቤት ሬቸል ሩቶ

ጎረቤት ሀገር ኬንያ በትምህር ቤቶች ውስጥ ተንሰራፍቷል ያለችውን " የተመሳሳይ ጾታ " አጀንዳ ላይ ዘመቻ መጀመሯ ታውቋል።

የኬንያ የትምህርት ሚንስትር ኢዚኬል ማቾጉ ፥ " በኬንያ ትምህር ቤቶች ውስጥ የተመሳሳይ ጾታ አፍቃሪዎች አጀንዳ ሰርጎ ገብቷል " ሲሉ ለአገሪቱ የሕዝብ ተወካዮች ም/ቤት ተናግረዋል።

ሚንስትሩ በት/ ቤቶች ውስጥ " የተመሳሳይ ጾታ አጀንዳን " ለማስቀረት በኬንያ አንጀሊካን ቤተ-ክርስቲያን የሚመሩ ጉዳዩን የሚከታተሉ ሰዎች ይሾማሉ ብለዋል።

በኬንያ ትምህር ቤቶች ውስጥ የተመሳሳይ ጾታ ግንኙነትን የተመለከቱ ጉዳዮችን የሚከታተል ኮሚቴ የተቋቋመ ሲሆን ኮሚቴው #መማሪያ እና #አጋዥ_መጽሐፍትን መከለሰን ሊያካትት እንደሚችል ትምህር ሚንስትሩ ገልጸዋል።

ይህ የኬንያ ትምህርት ሚንስቴር እቅድ የተሰማው ቀዳማዊት እመቤት ሬቸል ሩቶ " የተመሳሳይ ጾታ ግንኙነት አደጋ ፈጥሯል " በማለት በመላው ኬንያ #ጸሎት_እንዲደረግ ካወጁ በኋላ ነው።

የፕሬዝዳንት ዊሊያም ሩቶ ባለቤት የተመሳሳይ ጾታ ግንኙነት " ቤተሰብ በሚባለው ተቋም ላይ አደጋ ደቅኗል " ብለዋል።

ቀዳማዊት እመቤቷ ፤ " አባት፣ እናት እና ልጆች ያሉበትን የቤተሰብ ተቋም ማጠናከር እንፈልጋለን። የተመሳሳይ ጾታ ግንኙነት በመጽሐፍ ቅዱስም ሆነ በአፍሪካውያን ዘንድ ተቀባይነት የለውም። የቤተሰብ እሴቶችን እንጠብቅ " ብለዋል።

የተመሳሳይ ጾታ ግንኙነት ኬንያ ውስጥ #ሕጋዊ_አይደለም።

የተመሳሳይ ጾታ ግንኙነትን የሚቃወሙ አመለካከቶች ባለፉት ቀናት ጠንከር ብለው መታየታቸውን ቢቢሲ በድረገፁ አስነብቧል።

ፎቶ ፦ ፋይል (ቀዳማዊት እመቤት ሬቸል ሩቶ)

@tikvahethiopia