" ... ሁሉም ወገን ቀውስን ከሚያባብስ ድርጊት ታቅቦ ግጭቱን ለመፍታት ሁልንተናዊ የሰላም መንገዶችን ሊጠቀም ይገባል " - ጠ/ሚ ዶ/ር ዐቢይ አህመድ

የኢትዮጵያ 🇪🇹 ጠ/ሚ ዶክተር ዐቢይ አህመድ በዩክሬን ቀውስ ውስጥ ሁሉም ወገኖች ግጭትን ከሚያባብሱ ድርጊቶች እንዲቆጠቡ ጠየቁ።

ጠቅላይ ሚኒስትሩ ዩክሬን ውስጥ የተፈጠረውን ቀውስ በተመለከተ ዛሬ ባስተላለፉት መልዕክት " ኢትዮጵያ በቅርቡ ካለፈችበት ጦርነት ተነስታ ስለ ጦርነት ጉዳት የምታካፍለው ሰፊ ልምድ አላት " ብለዋል።

ዶ/ር ዐቢይ ፥ " የኢትዮጵያ ልምድ ጦርነት ቤተሰብን ፣ ማህበረሰብ ብሎም የሀገርን ኢኮኖሚን ክፉኛ የሚጎዳ፣ አጥፊ ነው " ሲሉ ገልፀዋል።

ጦርነት የሚያደርሰውን ቁሳዊ ጉዳት መጠገን ቢቻልም በማህበረሰብ ላይ ጥሎት የሚያልፈውን ጠባሳ ግን ለማከም ከባድ መሆኑን አመልክተዋል።

ጠ/ሚ ዶ/ር ዐቢይ አህመድ ፥ " ኢትዮጵያ #የዩክሬን ወቅታዊ ቀውስ በቅርበት እየተከታተለች ነው " ያሉ ሲሆን ግጭቱን የሚያባብሱ ሁኔታዎች እንደሚያሳስባት ገልፀዋል።

ሁሉም ወገኖች ቀውስን ከሚያባብስ ድርጊት ታቅበው ግጭቱን ለመፍታት ሁልንተናዊ የሰላም መንገዶችን እንዲጠቀሙ ጠይቀዋል።

በአካባቢው ላይ #ሰላም እንዲሰፍን ያላቸውን ምኞት መግለፃቸውን ኤፍ ቢ ሲ ዘግቧል።

@tikvahethiopia