ሩስያ ከዩክሬን ጋር ልትነጋገር ነው።

የሩሲያው ፕሬዝዳንት ፑቲን ከዩክሬን ልዑክ ጋር ለመነጋገር ከፍተኛ የልዑካን ቡድናቸውን ወደ ቤላሩስ ሚኒስክ ሊልኩ መሆኑ ተሰምቷል።

ይህ የተሰማው የዩክሬን ፕሬዜዳንት ዜሌንስኪ ሃገራቸው ከሩሲያ ጋር ለመደራደር ዝግጁ መሆኗን ከተናገሩ ከሰዓታት በኃላ ነው።

ሞስኮ ዩክሬን የኔቶ አባል ለመሆን ያላትን ጥያቄ እንድታቆም እና ገለልተኛ አቋም እንድትይዝ ትፈልጋለች።

ሚኒስክ የቀድሞው የሰላም ስምምነት የተደረገባት ከተማ መሆኗ ይታወቃል።

@tikvahethiopia

#UPDATE

NATO ምላሽ ሰጪ ኃይል አባላቱን ሊያሰማራ ነው።

የNATO መሪዎች በኦንላይን ስበሳባቸው አድርገው ነበር።

ከስብሰባው በኃላ በተሰጠ መግለጫ በታሪኩ ለመጀመሪያ ጊዜ NATO " የፈጣን ምላሽ ሰጪ ኃይል (NRF) አባላቱ በምስራቅ አውሮፓ ሊያሰማራ መሆኑን ገልጿል።

ኃይሉን ሚያሰማራው በየብስ፣ በባህር እና በአየር ላይ መሆኑ ተነግሯል።

ይሄ ማለት ግን ዩክሬን ይገባሉ / ወደ ዩክሬን ገብተው ከሩስያ ጋር ውጊያ ይገጥማሉ ማለት አይደለም ምክንያቱም ዩክሬን የNATO አባል አይደለችም።

የNATO ዋና ጸሃፊው ጄንስ ስቶልተንበርግ ፤ " እያንዳንዱን አጋር እና እያንዳንዱን ኢንች የNATO ግዛት ለመጠበቅ እና ለመከላከል አስፈላጊውን እናደርጋለን " ሲሉ ተናግረዋል።

አጠቃላይ የNATO ምላሽ ሰጪ ኃይል 40 ሺህ የሚደርስ ሲሆን አሁን ላይ እንዲንቀሳቀስ የሚደረገው ምን ያህሉ እንደሆነ የታወቀ ነገር የለም። ሁሉም እንደማይሰማራ ግን ታውቋል።

የNATO ምላሽ ሰጪ ኃይል ለደህንነት እና የፀጥታ ችግር ፈጣን የሆነ ምላሽ ለመስጠት በቀን 24 ሰዓት በሳምንት 7 ቀን በዓመት 365 ቀናት ዝግጁ የሆነ ኃይል ሲሆን የNATO አጋሮች በየአመቱ የሚቀያየር ሃይል ያበረክታሉ።

የመሬት ፣ የአየር ፣ የባህር እንዲሁም የልዩ ኦፕሬሽን ሃይሎችን ያቀፈም ነው። NRF በአደጋ ጊዜ የማዳን ተልዕኮ ለመወጣት እና በቀውስ ጊዜ ምላሽ ለመስጠት በከፍተኛ ተጠንቀቅ ላይ ያለ እጅግ የዘመኑ መሳሪያዎችን የታጠቀ ኃይል ነው።

@tikvahethiopia

#Oromia, #GujiZone📍

በኦሮሚያ ክልል ጉጂ ዞን 5 ወረዳዎች በከፊል እና ሙሉ በሙሉ በህ/ተ/ም/ቤት ሽብርተኛ ተብሎ በተፈረጀው ኦነግ ሸኔ/እራሱን የኦሮሞ ነፃነት ሰራዊት እያለ በሚጠራው ታጣቂ ኃይል ቁጥጥር ስር መሆኑን ነዋሪዎች እና ባለስልጣናት አሳውቀዋል።

ታጣቂዎቹ የተቆጣጠሯቸው አከባቢዎች ፦

- አርሶ አደር ማምረት አቁሟል።
- ሰዎች ለተለያዩ እንግልትና ሰቆቃ ይዳረጋሉ።
- የማህበራዊ አገልግሎትና የመንግስት ስራም በሙሉ ተቋርጧል።
- ተማሪዎች ከትምህርት ገበታቸው ተፈናቅለዋል።
- ጤና ጣቢያዎችም አገልግሎት አይሰጡም።

በጉጂ ዞን የጉሚ ኤልዳሎ ወረዳ ነዋሪ ሳራ ጅብቻ ፦

" ... ጉሚ ኤልዳሎ በሸማቂዎቹ ስር ከገባች አራተኛ ወር እያስቆጠረ ነው፡፡

እኛ ለዓመታት በጦርነት ውስጥ ነው ያሳለፍነው፡፡ አሁንም ሰላም እንደራቀን ነው፡፡ ባንድ በኩል ድርቅ በሌላው ደግሞ ግጭት ጦርነቱ እያሳደደን ግራ በተጋባ ህይወት ውስጥ ነን፡፡

ድርቁ ከብቶቻችንን እየገደ ለርሃብ ሲዳርገን፣ የፀጥታ ችግሩ ደግሞ ትራንስፖርት እንኳ እንዳይኖር በማድረግ የተራቡት ለሞት እየዳረገ ነው፡፡

ሰው በርሃብም በጥይትም በየቀኑ ነው የሚሞተው፡፡ ስቃይ ውስጥ ነን፡፡ "

የዋደራ ከተማ ነዋሪ (ስማቸውን መግለፅ ያልፈለጉ)፦

" ... ካለሁበት ከተማ ውጪ ያሉ በርካታ የገጠር ቀበሌዎች በታጣቂዎች ቁጥጥር ስር ናቸው።

ይህቺ ከተማ ዙሪያዋ በድን የተከበበ ነው፡፡ 3 እና 5 ኪሎ ሜትር ወጣ ብትል እንኳ ታጣቂዎች ተሰግስገውበታል፡፡ ከዚህ ከተማ ሰው በየትኛውም አቅጣጫ ስወጣ እያገቱ ብር ይለቅማሉ፡፡

ሰው ያለውን ሁሉ ይዘረፋል፡፡ ከገጠር ቀበሌዎችም እየተነሱ ይሄው ወደ ከተማዋ እየተሰደዱ ነው፡፡ የመንግስት የፀጥታ ኃይሎች ሲወጡ በቦታው አያገኙዋቸውም፡፡ ከመንግስት አቅም በላይ ሆኗል ለማለትም ሆነ መንግስት አከባቢውን እያስተዳደረ ነው ለማለት ተቸግረናል። ”

የጉጂ ዞን መንግስት ኮሚዩኒኬሽን መምሪያ ኃላፊ ዮሓንስ ኦልኮ ፦

" በዞኑ 5 ወረዳዎች በከፊል እና ሙሉ በሙሉ በታጣቂዎች እጅ ስር በመውደቃቸው ከፍተኛ የሆነ ቀውስ ተከስቷል፡፡ ሰው በቁም ከመቀበር ጀምሮ በነዚህ አምስት ወረዳዎች አስከፊ የሆኑ ሰቆቃዎች በህብረተሰቡ ላይ ይፈጸማል፡፡ በመንግስት መዋቅር ውስጥ የሚሰሩ ይገደላሉ፤ ተቋማቱም ይዘረፋሉ ሰዎች እየታገቱ ብር የሚጠየቅባቸው ብዙ ናቸው "

ያንብቡ : https://telegra.ph/DW-02-25

@tikvahethiopia

#Afar

የዓለም ምግብ ፕሮግራም [ WFP ] በአፋር ክልል በጦርነት ለተጎዱ ወገኖች ድጋፍ እያደረገ መሆኑን አሳውቋል።

ድርጅቱ በአፍዴራ፣ ያሎ፣ሲልሳ ለሚገኙ የውስጥ ተፈናቃዮች እና በሰመራ ከተማ ላሉ ስደተኞች እህል እያደረሰ እንደሚገኝ ገልጿል።

ባለፉት ቅርብ ሳምንታት በመላው WFP በአፋር ፦

➡️ በ14 ወረዳዎች ላሉ 520,000 ሰዎች የነፍስ አድን ምግብ አቅርቧል።

➡️ ለ80,000 እናቶች እና ህፃናት የወሳኝ ምግብ ድጋፍ አድርጓል።

በሌላ ከአፋር ጋር በተያያዘ መረጃ የተመድ የሰብዓዊ ድጋፍ ማስተባበሪያ ፥ በአፋር የተለያዩ ቦታዎች በዋነኝነት በበርሃሌ ፣ ኤሬብቲ፣ ኮነባ፣ አብዓላ ወረዳዎች እና በከልበቲ ዞኑ ሙሉ አሁንም ግጭቶች ስለመኖራቸው የከባድ መሳሪያ እና የአየር ጥቃቶች ፣ ስለመኖራቸው አመልክቷል።

በክልሉ ባለው ጦርነት እስካሁን በመቶ ሺዎች የሚቆጠሩ ሰዎች መፈናቀላቸውን አሁንም ተፈናቃዮች እየተመዘገቡ መሆኑና በዚህም ምክንያት የሰብዓዊ ድጋፍ ፍላጎቱ በእጅጉ መጨመሩን ገልጿል።

@tikvahethiopia

#UNSC

ትላንትና ሌሊት በተባበሩት መንግስታት ድርጅት የፀጥታው ምክር ቤት ሩሲያ በዩክሬን ላይ " ወረራ " ፈፅማለች በሚል ለማውገዝ በምዕራባውያን የሚመራ የውሳኔ ሃሳብ ቢቀርብም ሩስያ ድምፅን በድምፅ የመሻር መብቷን [ veto power ] በመጠቀም #ውድቅ አድርጋዋለች።

ቻይናም በውሳኔ ሀሳቡ ላይ ድምፅ ከመስጠት ታቅባለች።

የቀረበውን የውሳኔ ሀሳብ እነማን ደገፉት ? ማን ተቃወመ ? እነማን ድምፃቸው አቀቡ ?

#የደገፉ_ሀገራት ፦

🇺🇸 አሜሪካ
🇬🇧 ዩናይትድ ኪንግደም
🇫🇷 ፈረንሳይ
🇳🇴 ኖርዌይ
🇮🇪 አይርላድ
🇦🇱 አልባኒያ
🇬🇦 ጋቦን
🇲🇽 ሜክስኮ
🇧🇷 ብራዚል
🇬🇭 ጋና
🇰🇪 ኬንያ

#የተቃወሙ ፦

🇷🇺 ሩስያ

#ድምፀ_ተአቅቦ_ያደረጉ ፦

🇨🇳 ቻይና
🇮🇳 ሕንድ
🇦🇪 ዩናይትድ አረብ ኤምሬትስ (UAE)

@tikvahethiopia