#UNSC

የተመድ የጸጥታው ምክር ቤት የወርሃ መስከረም ሰብሳቢ አየርላንድ 🇮🇪 ሆና ተመረጠች፡፡

አየር ላንድ ሰብሳቢነቱን ከህንድ 🇮🇳 ነው የተረከበችው፡፡

የወርሃ ነሃሴ የምክር ቤቱ ሰብሳቢ የነበረችው ህንድ ም/ቤቱ በትግራይ ጉዳይ በተወያየበት ጊዜ በኢትዮጵያ የውስጥ ጉዳይ ጣልቃ ለመግባት የሚደረገውን በመቃወም ኢትዮጵያን መደገፏ የሚታወስ ነው፡፡

ወቅታዊ የኢትዮጵያን ሁኔታዎች በአሳሳቢነት ስትገልጽ የሰነበተችው አየርላንድ በበኩሏ ከአሁን ቀደም ምክር ቤቱ በኢትዮጵያ ጉዳይ ላይ አስቸኳይ ስብሰባን እንዲያደርግ ጥሪ ማቅረቧ የሚታወስ ነው፡፡

መረጃው የአል ዓይን ነው።

@tikvahethiopia

#UNSC

ዛሬ ተመድ ፥ "Peace and Security in Africa" በሚል የውይይት አጀንዳ ስር በኢትዮጵያ የትግራይ ክልል ውስጥ ስላለው ሁኔታ ለውይይት እንደሚቀመጥ ቢቢሲ ዘግቧል።

በዚህ ስብሰባ የኢትዮጵያ መንግሥት ተወካዮች ይገኛሉ ተብሎ ይጠበቃል። ክፍት ስብሰባም እንደሚሆን ተነግሯል።

ውይይቱ እንዲካሄድ የጠየቁት አሜሪካ፣ ዩኬ፣ ኖርዌይ፣ ኢስቶኒያ፣ ፈረንሳይ እና አየርላንድ ናቸው።

በዛሬው ስብሰባ የተመድ ዋና ጸሐፊ አንቶኒዮ ጉቴሬዝ ንግግር ያደርጋሉ ተብሎ ይጠበቃል። ንግግራቸው 7ቱ የድርጅታቸው ሠራተኞች ከኢትዮጵያ መውጣታቸውን በተመለከተ እና በሰብአዊ ቀውስ ጉዳይ ነው ተብሎ የሚጠበቀው።

ተመድ የትግራይ ክልል ጦርነት ከጀመረ ጊዜ አንስቶ በኢትዮጵያ ጉዳይ ስብሰባ ሲቀመጥ ይኸኛው ለ10 ጊዜው ነው።

@tikvahethiopia

#UNSC : ደቡብ ሱዳን " ጎክማቻር " የሚባለው አካባቢ ከተመደበው የተባበሩት መንግስታት ድርጅት (UN) የአብዬ ጊዜያዊ የፀጥታ ጥበቃ ኃይል ጋር በተያያዘ በከፍተኛ ደረጃ እያሽቆለቆለ ስላለው ሁኔታ ለተመድ የፀጥታው ምክር ቤት ገልፃ ተደርጓል።

ገለፃውን ያደረጉት በድርጅቱ የፖለቲካና የሰላም ግንባታ ክፍል የአፍሪካ ጉዳይ ምክትል ዋና ፃሃፊው ናቸው።

እኤአ መስከረም 14 ቀን የአንድ ኢትዮጵያዊ 🇪🇹 ሰላም አስከባሪ ህይወት የጠፋበትን ጨምሮ በ " ጎክማቻር " በቅርብ ጊዜያት በሰላም አስከባሪዎች ላይ የተደቀኑት አደጋዎች በጥልቅ የሚያሰጓቸው ሆነው እንዳገኟቸው የፀጥታ ምክር ቤቱ አባላት ተናግረዋል።

የደቡብ ሱዳን መንግስት የሰላም አስከባሪውን ኃይል የተልኮ ስልጣን ያለእንቅፋት እንዲያከናውን የማስቻል ኃላፊነቱን እንዲወጣ የሚሉ እና ሌሎች ተያያዥ ጥያቄዎችን የምክር ቤት አባላት ማቅረባቸውን ቪኦኤ ዘግቧል።

@tikvahethiopia

#UNSC

በትላንትናው የፀጥታው ምክር ቤት ሰብሰባ ላይ የሀገራት ተወካዮች ምን አሉ ?

#ኢትዮጵያ ፦

የኢትዮጵያ መንግስት ባለፈው አንድ (1) ዓመት ከህወሓት የተቃጣበትን ወታደራዊ አደጋ መመከቱን አምባሳደር ታዬ አጽቀስላሴ ተናግረዋል።

መንግሥት ምግብን ጨምሮ ሌሎች አስፈላጊ ቁሳቁሶችን በትግራይ ክልል የሰብአዊ እርዳታ ለሚፈልጉ ሰዎች ከUN ጋር በመተባበር ሲያቀርብ እንደነበር ተናግረዋል።

ለሰብአዊ ድጋፍ እንዲያመች በሚል የተናጠል የተኩስ አቁም ማድረጉን ተናግረዋል። ነገር ግን የተደረገው ጥረት ሁሉ በወንጀለኛው ቡድን ምክንያት ከንቱ ሆኖ ቀርቷል ብለዋል።

"በዚህ የወንጀል ቡድን ምክንያት የትግራይ ክልል ሕዝብ ያስፈልገው የነበረውን አስቸኳይ የሰብአዊ እርዳታ እያገኘ አይደለም" ሲሉ ለምክር ቤቱ አስረድተዋል።

በአማራ ክልል እና በአፋር ክልል በተለያዩ ከተሞች የሚኖሩ ሰዎችም በዚህ ቡድን በየበራቸው ላይ መገደላቸውን ገልጸዋል።

#ቻይና ፦

ቻይናን የወከሉት ዣንግ ጁን ኢትዮጵያ ውስጥ እየተከሰተ ያለው ሁኔታ የፖለቲካ፣ የታሪክ፣ የብሔርና ሌሎች ምክንያቶች ጥምር ውጤት መሆኑን ጠቁመው መፍትሔ የሚገኘው በአገር ውስጥ ብቻ መሆኑን ተናግረዋል።

የአፍሪካን ችግሮች ለመፍታት አፍሪካዊ መፍትሄዎች ለማግኘት ለሚደረገው ጥረት በድጋሚ ድጋፍ እንሰጣለን ብለዋል።

በተለይ አሜሪካና የተለያዩ አገራት የሚያደርጉትን ማዕቀብ በተመለከተም አስተያየታቸውን የሰጡት ተወካዩ፣ በንግድ ላይ ገደብ ማድረግ እና እርዳታን ማቋረጥ በፖለቲካው መፍትሄ ላይ ጣልቃ መግባት እንደሆነ አስረድተዋል።

ለፀጥታው ምክር ቤት አባላት ምክራቸውን ያስተላለፉት የቻይናው ተወካይ አባል አገራቱ የአገሪቱን ሉዓላዊነትና አመራር በማክበር ኢትዮጵያ የሰብአዊ አቅሟን እንድታሻሽል እና የሚሰጠው እርዳታም ሊጨምር ይገባል ብሏል።

#አሜሪካ ፦

አምባሳደር ሊንዳ ቶማስ ግሪንፊልድ 1 አመት ባስቆጠረው ግጭት ውስጥ ለተፈጠሩ የሰብዓዊ መብት ጥሰቶች ፥ "ሁሉም ኃሃይሎች ጥፋተኞች ናቸው፤ ጥፋት የለሌለበት የለም" ሲሉ ተናግረዋል።

አምባሳደር ሊንዳ የህወሓት ታጣቂዎች በአማራ ክልል እና አፋር ክልል እንዲወጡ እና ጥቃታቸውን ወደ አዲስ አበባ እንዳያሰፉ አሳስበዋል። የኢትዮጵያ መንግሥት ዓለም አቀፍ የጦርነት ሕጎችን እንዲሁም የሰብአዊ መብት ሕጎችን እንዲያከብር ጠይቀዋል።

ሰላምን ሊያመጡ የሚችሉት ኢትዮጵያዊያን ብቻ ናቸው ሲሉም አምባሳደሯ ተናግረዋል።

ያንብቡ : telegra.ph/UNSC-11-09

#UNSC

ከዚህ በፊት ስለኢትዮጵያ ጉዳይ ከአስር ጊዜ በላይ ስበስባ የተቀመጠው የተባበሩት መንግስታት ድርጅት የፀጥታው ምክር ቤት ዛሬ ሰኞ በኢትዮጵያ ጉዳይ ለመነጋገር ስብሰባ እንደሚቀመጥ ታውቋል።

ምክር ቤቱ ዛሬ በ “any other business” ስር በኢትዮጵያ ስላለው ሁኔታ የሚወያይ ሲሆን ስብሰባው እንዲካሄድ የጠየቁት ፦
🇪🇪 ኢስቶኒያ
🇫🇷 ፈረንሳይ
🇮🇪 አየርላንድ
🇳🇴 ኖርዌይ
🇬🇧 ዩናይትድ ኪንግደም
🇺🇸 አሜሪካ ናቸው።

የተመድ የሰብአዊ ጉዳዮች የአስቸኳይ ጊዜ ማስተባበሪያ ጽህፈት ቤት ኃላፊ ማርቲን ግሪፊትስ በኢትዮጵያ ያለውን የሰብአዊ እርዳታ ጉዳይን በተመለከተ ለፀጥታው ም/ ቤት አባላት አጭር ማብራሪያ ይሰጣሉ ተብሏል።

በትግራይ ክልል ውስጥ ጦርነት ከተቀሰቀሰ ጊዜ አንስቶ የተመድ ፀጥታው ምክር ቤት ስለኢትዮጵያ ጉዳይ ከአስር ጊዜ በላይ ስብሰባ የተቀመጠ ሲሆን የዛሬው ስብሰባ ባለፈው ሳምንት የተመድ የሰብአዊ መብቶች ም/ቤት ልዩ ስብሰባ አካሂዶ ከጦርነቱ ጋር በተያያዘ የተከሰቱ የመብት ጥሰቶችን የሚመረምር ዓለም አቀፍ የባለሙያዎች አካል እንዲቋቋም በድምጽ ብልጫ ከወሰነ በኋላ ነው።

https://www.securitycouncilreport.org/whatsinblue/2021/12/ethiopia-meeting-under-any-other-business.php

@tikvahethiopia

#UNSC

ዛሬ የተመድ የፀጥታው ምክር ቤት #በአፍጋኒስታን ጉዳይ በአሜሪካ የቀረበ የውሳኔ ሀሳብ በሙሉ ድምፅ አፀደቀ።

የተመድ የፀጥታው ምክር ቤት ዛሬ ረቡዕ ባካሄደው ስብሰባ ለአፍጋኒስታን ሰብአዊ ርዳታ የሚያመቻች በአሜሪካ የቀረበ የውሳኔ ሃሳብ በመሉ ድምፅ አጽድቋል።

የውሳኔ ሀሳቡ፥ "የገንዘብ ክፍያ፣ ሌሎች የፋይናንስ ሀብቶች ወይም የኢኮኖሚ ሀብቶች እና እንዲህ ዓይነቱን እርዳታ በወቅቱ ለማድረስ ወይም መሰል ተግባራትን ለመደገፍ አስፈላጊ የሆኑ እቃዎችና አገልግሎቶች አቅርቦት ይፈቀዳል " ነው የሚለው።

እንዲህ ያለው እርዳታ " አፍጋኒስታን ውስጥ ያሉ መሰረታዊ የሰው ልጆች ፍላጎቶችን " የሚደግፍ እንጂ ከታሊባን ጋር በተገናኙ አካላት ላይ የተጣለውን ማዕቀብ " መጣስ አይደለም " ሲልም ያክላል።

አፍጋኒስታን በከፋ የኢኮኖሚ ውድቀት አፋፍ ላይ ትገኛለች።

@tikvahethiopia

#UNSC #ETHIOPIA

የተባበሩት መንግስታት ድርጅት የፀጥታው ምክር ቤት ዛሬ በኢትዮጵያ ጉዳይ ዛሬ ስብሰባ ይቀመጣል።

ስብሰባው በኢትዮጵያ ስላለው የሰብዓዊ እርዳታ ሁኔታ ላይ ያተኮረ ነው ተብሏል።

ስብሰባው እንደደረግ የጠየቁት ዩናይትድ ኪንግደም (ዩኬ) ፣ አሜሪካ፣ አየርላንድ ፣ ፈረንሳይ እና አልቤኒያ ናቸው።

የፀጥታው ምክር ቤት በትግራይ ክልል ጦርነት ከተነሳ ጊዜ አንስቶ ከ12 ጊዜ በላይ ስብሰባ ተቀምጧል።

@tikvahethiopia

#UNSC

ትላንትና ሌሊት በተባበሩት መንግስታት ድርጅት የፀጥታው ምክር ቤት ሩሲያ በዩክሬን ላይ " ወረራ " ፈፅማለች በሚል ለማውገዝ በምዕራባውያን የሚመራ የውሳኔ ሃሳብ ቢቀርብም ሩስያ ድምፅን በድምፅ የመሻር መብቷን [ veto power ] በመጠቀም #ውድቅ አድርጋዋለች።

ቻይናም በውሳኔ ሀሳቡ ላይ ድምፅ ከመስጠት ታቅባለች።

የቀረበውን የውሳኔ ሀሳብ እነማን ደገፉት ? ማን ተቃወመ ? እነማን ድምፃቸው አቀቡ ?

#የደገፉ_ሀገራት ፦

🇺🇸 አሜሪካ
🇬🇧 ዩናይትድ ኪንግደም
🇫🇷 ፈረንሳይ
🇳🇴 ኖርዌይ
🇮🇪 አይርላድ
🇦🇱 አልባኒያ
🇬🇦 ጋቦን
🇲🇽 ሜክስኮ
🇧🇷 ብራዚል
🇬🇭 ጋና
🇰🇪 ኬንያ

#የተቃወሙ ፦

🇷🇺 ሩስያ

#ድምፀ_ተአቅቦ_ያደረጉ ፦

🇨🇳 ቻይና
🇮🇳 ሕንድ
🇦🇪 ዩናይትድ አረብ ኤምሬትስ (UAE)

@tikvahethiopia