ጥቅምት 4/2013 ዓ/ም

የኢትዮጵያ ኮቪድ-19 መረጃዎች ፦

#Somali

በሶማሌ ክልል ባለፉት 24 ሰዓት 146 የላብራቶሪ ምርመራ ተደርጎ በቫይረሱ መያዙ የተረጋገጠ ሰው አልተገኘም።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 85 የላብራቶሪ ምርመራ ተራደርጎ 27 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 765 የላብራቶሪ ምርመራ ተደርጎ 76 ሰዎች በኮሮና ቫይረስ መያዛቸው ተረጋግጧል። የ2 ሰው ህይወት አልፏል (1 ከእንጅባራ ህክምና ማዕከል፣ 1 ከሃይቅ)

#Oromia

በኦሮሚያ ክልል ባለፉት 24 ሰዓት ውስጥ 579 የላብራቶሪ ምርመራ የተደረገ ሲሆን 102 ሰዎች በኮቪድ-19 መያዛቸው ተረጋግጧል። የ2 ሰዎች ህይወት አልፏል።

#DireDawa

በድሬዳዋ ከተማ አስተዳደር ባለፉት 24 ሰዓት በተደረገው 142 የላብራቶሪ ምርመራ 54 ሰዎች በቫይረሱ መያዛቸው ተረጋግጧል።

#Harari

በሐረሪ ክልል ባለፉት 24 ሰዓት በተደረገው 94 የላብራቶሪ ምርመራ 13 ሰዎች በቫረረሱ መያዛቸው ተረጋግጧል።

#SNNPRS

በደቡብ ክልል ባለፉት 24 ሰዓት 1304 የላብራቶሪ ምርመራ ተደርጎ 55 ሰዎች በቫይረሱ መያዛቸው ተረጋግጧል።

#AddisAbaba

በአ/አ ባለፉት 24 ሰዓት 3,246 የላብራቶሪ ምርመራ ተደርጎ 308 ሰዎች በኮቪድ-19 መያዛቸው ተረጋግጧል፤ የ2 ሰዎች ህይወት አልፏል።

* ያልተካከቱ የክልል ሪፖርቶችን ቆይት ብላችሁ ይህንኑ ፖስት ተመልከቱ !

@tikvahethiopiaBOT

ጥቅምት 6/2013 ዓ/ም

የኢትዮጵያ ኮቪድ-19 መረጃዎች ፦

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 137 የላብራቶሪ ምርመራ ተራደርጎ 35 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 606 የላብራቶሪ ምርመራ ተደርጎ 115 ሰዎች በኮሮና ቫይረስ መያዛቸው ተረጋግጧል። የ1 ሰው ህይወት አልፏል (ከጎንደር)

#Oromia

በኦሮሚያ ክልል ባለፉት 24 ሰዓት ውስጥ 560 የላብራቶሪ ምርመራ የተደረገ ሲሆን 101 ሰዎች በኮቪድ-19 መያዛቸው ተረጋግጧል። የ1 ሰው ህይወት አልፏል።

#DireDawa

በድሬዳዋ ከተማ አስተዳደር ባለፉት 24 ሰዓት በተደረገው 185 የላብራቶሪ ምርመራ 12 ሰዎች በቫይረሱ መያዛቸው ተረጋግጧል።

#Harari

በሐረሪ ክልል ባለፉት 24 ሰዓት በተደረገው 94 የላብራቶሪ ምርመራ 05 ሰዎች በቫረረሱ መያዛቸው ተረጋግጧል።

* ላልተካከቱ የክልል ሪፖርቶችን ቆየት ብላችሁ ይህንኑ ፖስት ተመልከቱ !

@tikvahethiopiaBOT

#Metekel

በቤኒሻንጉል ጉሙዝ ክልል መተከል ዞን "የጸጥታ ችግር" ጋር በተያያዘ እጃቸው እንዳለበት የተረጋገጠ ከፍተኛና በየደረጃው ያሉ አመራሮች በቁጥጥር ስር መዋል እንደጀመሩ የክልሉ መንግስት ዛሬ ምሽት ገልጿል።

እስካሁን ድረስ በቁጥጥር ስር የዋሉ ፦

• አቶ ቶማስ ኩዊ ፡- የኢፌዴሪ ሠራተኛ እና ማኅበራዊ ጉዳይ ሚኒስቴር የማኅበራዊ ዘርፍ ሚኒስትር ዴዔታ

• አቶ አድጎ አምሳያ፡- የቀድሞው የክልሉ ምክትል ርዕሰ-መስተዳድር

• አቶ ሽፈራው ጨሊቦ፡-የቀድሞ የክልሉ ሳይንስና ቴክኖሎጂ ኤጀንሲ ዳይሬክተር

• አቶ ባንዲንግ ማራ፡- የመተከል ዞን ብልጽግና ፓርቲ ጽ/ቤት ኃላፊ

• አረጋ ባልቢድ፡- የመተከል ዞን የቀድሞ አመራር የነበሩ

#BenishangulGumuz #MetekelZone

@tikvahethiopia @tikvahethiopiaBOT

#BenishangulGumuz

የኢትዮጵያ መንግሥት በቤኒሻንጉል ጉሙዝ ክልል መተከል ዞን ያለውን ችግር ከመሠረቱ ለመፍታት አስፈላጊውን የተቀናጀ ኃይል እንዲሠማራ ማድረጉን ጠ/ሚ ዶ/ር አብይ ዛሬ ጥዋት አሳወቁ።

በክልሉ መተከል ዞን ውስጥ በዜጎች ላይ እየተፈጸመ ያለው ጭፍጨፋ እጅግ አሳዛኝ ሆኗል ብለዋል ጠቅላይ ሚኒስትሩ።

በተፈጸመው ኢሰብአዊ የሆነ ተግባርም በእጅጉ ማዘናቸውን ገልፀዋል።

ጠ/ሚሩ ችግሩን በተለያዩ መንገዶች ለመፍታት የተደረገው ጥረት የሚፈለገውን ውጤት አላመጣም ብለዋል። መንግስት አሁን ላይ የተቀናጀ ኃይል እንዲሰማራ ማድረጉን በፌስቡክ ገፃቸው አሳውቀዋል።

@tikvahethiopiaBOT @tikvahethiopia

#BenishangulGumuz

የቤኒሻንጉል ጉሙዝ ክልላዊ መንግስት ርዕሰ መስተዳደር የሆኑት አቶ አሻድሊ ሀሰን የሚመሩት ክልል ከአየር ሰዓት ኪራይ ወጥቶ የራሱ ሳታላይት የቴሌቪዥን ጣቢያ እንዲኖረው የሚያስችል ሥራ እየተሠራ መሆኑን አስታወቁ።

ርዕሰ መስተዳደሩ ይህን ያሉት ዛሬ ለክልሉ ምክር ቤት ባቀረቡት የ2013 በጀት ዓመት አፈጻጸም ሪፖርት ላይ ነው።

አቶ አሻድሊን ሀሰን ፥ "ክልሉ በራሱ ሳታላይት የቴሌቪዝን ጣቢያ በሙሉ አቅሙ ስርጭት እንዲጀምር ለማስቻል ከ120 ሚሊዮን ብር በላይ ወጪ ተደርጎ እየተሠራ ነው" ብለዋል፡፡

እስካሁን ድረስ በተደረገው ጥረት አብዛኛው ሥራ የተጠናቀቀ ሲሆን ፣ በቅርብ ውስጥ ጊዜ ውስጥ የሙከራ ስርጭት እንደሚጀምር አስታውቀዋል።

@tikvahethiopia

#BenishangulGumuz : ወደ 9ኛ ክፍል የማለፊያ ዉጤት ይፋ ሆነ።

በቤኒሻንጉል ጉሙዝ ክልል የ8ኛ ክፍል ፈተና የወሰዱ ተማሪዎች ወደ 9ኛ ክፍል የማለፊያ አማካይ ውጤት ዛሬ ይፋ ሆኗል።

በዚህም ለወንዶች 30 ለሴቶች ደግሞ 29 መሆኑን የክልሉ ትምህርት ቢሮ አስታውቋል።

በ2013 የትምህርት ዘመን በክልሉ በ211 ትምህርት ቤቶች 13 ሺህ 631 ተማሪዎች የ8ኛ ክፍል ፈተና የወሰዱ ሲሆን 13 ሺህ 049 (95 ነጥብ 73 በመቶ) ተማሪዎች የማለፊያ ነጥብ አስመዝግበዋል።

በክልሉ ለፈተናው ከተቀመጡት አጠቃላይ ተማሪዎች ውስጥ 4 ሺህ 106 ተማሪዎች 50 እና በላይ አማካይ ውጤት አምጥተዋል።

ዘንድሮ በክልሉ የተመዘገበው ከፍተኛው አማካይ ውጤት 95 ነጥብ 21 ሆኗል።

በጸጥታ ችግር ምክንያት የ8ኛ ክፍል ፈተናውን መውስድ ያልቻሉ ተማሪዎች በቀጣይ ትምህርት ቢሮ በሚያስቀምጠው የጊዜ ሠሌዳ ፈተናውን እንደሚወስዱ ተገልጿል።

የ2014 ዓ.ም ትምህርት ጥቅምት 01/2014 ዓ.ም እንደሚጀምር የቤንሻንጉል ጉሙዝ ክልል ትምህርት ቢሮ አስታውቋል።

@tikvahethiopia

#BenishangulGumuz , #Kamashi📍

የካማሺ ዞን ታጣቂዎች ያናሷቸው ጥያቄዎች ምንድናቸው ?

የካማሺ ዞን ኮማንድ ፖስት ዋና አስተባባሪ ኮሎኔል ዓለሙ በሽር  ለሪፖርተር ጋዜጣ እንደተናገሩት ታጣቂዎቹ በእስር ላይ ያሉ አባሎቻቸው እንዲፈቱ ጠይቀዋል።

የዞኑ አስተዳደሮች ይሄ ጥያቄ በዞኑ የሚመለስ እንዳልሆነ አስረድተው፣ በጉዳዩ ላይ ከበላይ አካላት ጋር ንግግር በማድረግ መልስ እንደሚሰጡ አሳውቀዋል።

ሌላው በመተከል ዞን የሚገኙና ከክልሉ ውጪ ያሉ የፀጥታ ኃይሎች እንዲወጡ ታጣቂዎቹ ጠይቀዋል።

ኮሎኔል ዓለሙ በሽር ፥ " የሌሎቹን አላውቅም፤ የፌዴራል ፖሊስ እና መከላከያ ሠራዊትን ግን ማስወጣት አይችሉም፣ ይኼ አይመለስላቸውም እርግጠኛ ነኝ " ብለዋል።

በተጨማሪም ታጣቂዎቹ " በክልሉ ውስጥ ድርሻ ይኑረን " የሚል ጥያቄም አንስተዋል።

የካማሺ ዞን ዋና አስተዳዳሪ አቶ ብጅጋ ጻፊዮ ፤ ታጣቂዎቹ ያቀረቧቸውን ጥያቄዎች በተመለከተ በካማሺ ዞን ደረጃ ሚስተናገዱትን እንደሚመለሱ በክልል ወይም በፌዴራል ደረጃ የሚመለሰውን ደግሞ የዞኑ አስተዳደር ለበላይ አካላት እንደሚያስታውቅ ስምምነት ላይ መደረሱን ለጋዜጣው አሳውቀዋል።

@tikvahethiopia

#BenishangulGumuz

• “ የውሃ አቅርቦት ተቋርጦ ችግር ላይ ወድቀናል ” - ነዋሪዎች

• “ የመብራት ችግር ነው ” - የቤንሻንጉል ጉሙዝ ክልል ውሃና ኢነርጂ ቢሮ

• “ የተቋረጠው የኤሌክትሪክ ኃይል እንዲቀጠል እየተከታተልን ነው ” - የክልሉ ኤሌክትሪክ አገልግሎት 

በቤንሻንጉል ጉሙዝ ክልል አሶሳ ከተማን ጨምሮ ሌሎች አካባቢዎች የመጠጥ ውሃ አቅርቦት ባለመኖሩ መቸገራቸውን ነዋሪዎች ለቲክቫህ ገለጹ።

“ የውሃ አቅርቦት ተቋርጦ ችግር ላይ ወድቀናል። ውሃ ካለበት ቦታ በጀሪካ እስከ 30 ብር ለመግዛት ተገደናል ” ሲሉ አማረዋል።

በወንበራ፣ በአሶሳ ከተማና ሌሎችም ቦታዎች የውሃ መብራት ችግር እንዳለ ገልጸው፣ የሚመለከተው አካል መፍትሄ እንዲሰጣቸው በአንክሮ ጠይቀዋል።

ቲክባህ ኢትዮጵያም ምን ተፈጥሮ ነው አገልግሎቱ የተቋረጠው ? ሲል የቤንሻንጉል ጉሙዝ ክልል ውሃና ኢነርጂ ቢሮን ጠይቋል።

የቢሮው ኃላፊ አቶ አድማሱ ሞርካ “ የመብራት ችግር ነው። ያለ መብራት አይደለም የሚሰራው ውሃው። ቅሬታቸው ትክክል ነው ” ብለዋል።

“ መንዲ የሚባል አካባቢ ላይ ኤሌክትሪክ ተበላሽቶ ተስካክሎ ነበር። በድጋሚ ተበላሽቶ ነው። በዚህ ምክንያት የከተማው ውሃ የተቋረጠበት ሁኔታ አለ ” ሲሉ አክለዋል።

ቲክቫህ ኢትዮጵያም፣ አሶሳ ከተማ ላይ የኤሌክትሪክ ችግር ከመከሰቱ ቀድሞም የውሃ አቅርቦት ችግር እንደነበር ተመላክቷል፤ ችግሩን ለመቅረፍ ቢሮው ምን እየሰራ ነው ? ሲል ተጨማሪ ጥያቄ አቅርቧል።

ኃላፊው በምላሻቸው፣ “ ችግሩን ለመቅረፍ ያቀድነው ጉድጓዶችን መጨመር ነው። 4 ነበር ያቀድነው 3ቱ ተቆፍረው ለአገልግሎት ዝግጁ ሆነዋል ” ብለዋል።

“ ሁለተኛ አማራጭ ደግሞ ታንከሮች ናቸው። ከዚህ በፊት ለ500 ሺህ ህዝብ ነው ታንከር የተሰራው። ይሄም በቂ ባለመሆኑ 3 ታንከር ለመጨመር አቅደን አሁን ዝግጁ ሆነዋል ” ሲሉ ተናግረዋል።

የመብራት ችግሩን በተመለከተ ጥያቄ ያቀረብንላቸው የቤንሻንጉል ጉሙዝ ክልል ኤሌክትሪክ አገልግሎት ዋና ስራ አስፈፃሚ አቶ ካሳሁን ከበደ፣ “ አሶሳ አካባቢ ተቋርጦ ነው ያለው። ከኢትዮጵያ ኤሌክትሪክ ኃይል የተቋረጠ መስመር አለ ” የሚል ምላሽ ሰጥተዋል።

“ ባለቤትነቱ የኢትዮጵያ ኤሌክትሪክ ቡድን የነቀምት ቢሮ ነው። ከእነርሱ እየገዛን ነው ኤሌክትሪክ ለማህበረሰቡ የምንሸጠው። የተቋረጠው ኤሌክትሪክ እንዲቀጠል እየተከታተልን ነው። ድጋፍ እያደረግንም ነው ” ብለዋል።

#TikvahEthiopiaFamilyAA

@tikvahethiopia

#BenishangulGumuz

° “ ኤሌክትሪክ ከተቋረጠ 3 ወር ሆነው። ጨለማ ውስጥ እየኖርን ነው” - የወምበራ ወረዳ ነዋሪዎች

° “ ከወረዳው መንግስት ጋር እየተየጋገርን ነው፤ በቅርቡ እንሰራዋለን ” - የደብረ ዘይት ማዕከል

በቤንሻንጉል ጉሙዝ ክልል፤ ወምበራ ወረዳ ደብረ ዘይት ከተማ ኤሌክትሪክ በመቋረጡ ጨለማ ውስጥ ለመኖር መገደዳቸውን ነዋሪዎቹ ለቲክቫህ ኢትዮጵያ ገለጹ።

“ ኤሌክትሪክ ከተቋረጠ 3 ወር ሆነው። ጨለማ ውስጥ እየኖርን ነው። የፋሲካ በዓል አካባቢ ሁለት ቀን በርቷል ከዚያ በኋላ ምንም የለም ” ብለዋል።

ችግሩ ፦
-  በኑሯቸው ላይ ፈተና እንደሆነባቸው፣
- ተማሪዎች ለመማር፣ ፕሮጀክቶችን ለመስራት እንደተቸገሩ፣ 
- ለስልክ ቻርጅ በጀኔሬተር 20 ብር እንደሚከፍሉ፣ 
- በመስሪያ ቤታቸው ጀነሬተር፣ በቤታቸው Solar Energy ስላላቸው ባለስልጣናቱ ለጉዳዩ ቸልተኛ መሆናቸውን ተናግረዋል።

“ ግብር እየከፈልን መሰረታዊ የሆኑ አገልግሎት ፍትሃዊ በሆነ መንገድ አለመጠቀም ግን አግባብነት የሌለው ቅሬታን የሚያስነሳ ጉዳይ ነው ” ብለዋል።

በወረዳው የታላቁ ህዳሴ ግድቡ በቅርበት ቢገኝም ተጠቃሚ ባለመሆናቸው የሚመለከተው አካል ለችግሩ ዘላቂ መፍትሄ እንዲሰጥ ጠይቀዋል።

አቶ የኔሰው የኤሌክትሪክ አገልግሎት የደብረ ዘይት ማዕከል ኃላፊ አገልግሎቱ ለምን እንደተቋረጠ ጠይቀናቸው በሰጡት ምላሽ፣ ቡለን ላይ ኤሌክትሪክ ስለተቋረጠ መሆኑን አስረድተዋል።

"እንደ ወንበራ ደብረ ዘይት ቅድሚያ የቡለን ማዕከል ራሱን የቻለ አለ። እሱ ከበራ በኋላ ነው እኛ ማብራት የምንችለው። ቡለን ከበራ ይበራል" ብለዋል።

ችግሩን ለመቅረፍ ምን እየተሰራ ነው? ተብሎ ለቀረበላቸው ጥያቄ፣ "ከወረዳው መንግስት ጋር እየተየጋገርን ነው፤ በቅርቡ እንሰራዋለን" የሚል ምላሽ ተሰጥተዋል።

የክልሉ ኤሌክትሪክ አገልግሎት ዋና ሥራ አስፈፃሚ አቶ ካሳሁን ከበደ ሰሞኑን ለቲክቫህ ኢትዮጵያ በሰጡት ቃል፣ "የተቋረጠው ኤሌክትሪክ ኃይል እንዲቀጠል እየተከታተልን ነው" ብለው ነበር።

#TikvahEthiopiaFamilyAA

@tikvahethiopia