#WaraJarso

የወረ ጃርሶ ወረዳ ነዋሪዎች በታጣቂዎች እንቅስቃሴ ሰላማቸውን እንዳጡ መግለፅ ከጀመሩ ሰነባብተዋል።

በአካባቢው እንደሚንቀሳቀሱ የተነገረላቸው በህ/ተ/ም/ቤት አሸባሪ ተብሎ የተፈረጀው የሸኔ ታጣቂዎች እንደሆኑ ነዋሪዎቹ ይገልፃሉ።

ከወረዳ እስከ ዞን ከፍ ሲል እስከ ክልሉ መንግስት ድረስ ለአካባቢው መፍትሄ ይፈለግ ዘንድ አቤቱታ ቢቀርብም ተጨባጭ ለውጥ ሊመጣ አልቻለም።

ከሳምንታት በፊትም አዲስ አበባ ድረስ በመምጣት የፌዴራል መንግስት መፍትሄ እንዲፈልግላቸው አቤቱታቸውን አሰምተዋል።

አርሶ አደሮች በነፃነት ለመግባትና ለመውጣት ስጋት አለን ፤ ሰዎች ይታፈናሉ፣ ደክመን የዘራነው እህል በግፍ ይቃጠላል ፣ ሌሎችም ህገወጥ እንቅስቃሴ ይደረጋል ከዚህ አለፍ ሲል የወረዳው ከተማ ጎሃፅዮን/ቀሬጎዋ/ውስጥ ቀን ቀን የመንግስት አካላት እንደሚያስተዳር ማታ ደግሞ ታጣቂ ቡድኑ እንደሚንቀሳቀስ ቀን ላይ ግን እንደማይታይ ይገልፃሉ፤ ሁኔታው ግራ የሚያጋባ እና እጅግ ትልቅ ችግር መሆኑንም አመልክተዋል።

በዚህ ወርም የወረጃርሶ ወረዳ የአርሶ አደሮች እህል ሲቃጠሉ የሚያስዩ ፎቶዎች በማጋራት፣ በአካባቢው ዝርፊያ፣የንብረት ማውደም እየደረሰና ለዚህ ህገወጥ ድርጊት ተጠያቂው ሸኔ መሆኑን ገልጾ ነበር።

ከሳምንታት በፊት በብሄራዊ ቴሌቪዥ ጣቢያ የቀረበው የኦሮሚያ ክልል የፀጥታ ቢሮ የሸኔ እንቅስቃሴ ከክልሉ በላይ እንዳልሆነ በቡድኑ ላይ እርምጃ እየተወሰደ መሆኑን በወረ ጃርሶ አካባቢ የቀሩ ካሉ አይቀጡ ቅጣት እንደሚቀጣ ተናግሮ ነበር።

በኦሮሚያ ክልል አንዳንድ አካባቢዎች ላይ የሚታየው ከፍተኛ የሆነ የፀጥታ ስጋት፣ የዜጎች መፈናቀል፣ ሞት፣ ለዓመታት ያህል አንዳች ዘላቂና አስተማማኝ መፍትሄ ሳይገኝ ዛሬም ድረስ ቀጥሏል።

@tikvahethiopia

#PLAZAPREMIUM #NHY

ብፕላዛ ፕሪሚየም ግሩፕ እና ኤን.ኤች.ዋይ የሽርክና አጋርነት ስምምነት አደረጉ፡፡

ስምምነቱ በአፍሪካ የአየር ትራንስፖርት ዋና መዳረሻ በሆነው በአዲስ አበባ ቦሌ ዓለም አቀፍ አውሮፕላን ማረፊያ ያለውን የተጓዦች አቀባበል እና የላውንጅ አገልግሎት ደረጃን እንደሚያሳድግ እምነት የተጣለበት ነው።

ፕላዛ ፕሪሚየም ላውንጅ ኢትዮጵያ ፤ በያዝነው አመት መጋቢት ወር በአዲስ አበባ ቦሌ አለም አቀፍ አውሮፕላን ማረፊያ በተርሚናል 2 የሚከፈት ይሆናል፡፡

በአፍሪካ የአየር ትራንስፖርት ዘርፍ ቀዳሚ መዳረሻ የሆነው አዲስ አበባ ቦሌ አለም አቀፍ አየር ማረፊያ በየአመቱ ከ12 ሚሊዮን በላይ ተሳፋሪዎችን ያስተናገዳል፡፡

ይህ አዲስ የተመሰረተ የሽርክና አጋርነት የፕላዛ ፕሪሚየም ግሩፕን የ24 ዓመታት የላቀ ልምድ እና የኤን.ኤች.ዋይን የሀገር ውስጥ የእንግዳ መስተንግዶ ልምድ በማዋሃድ በአየር ማረፊያ ውስጥ ያለውን የመንገደኞች አቀባበል እና የላውንጅ አገልግሎት ደረጃን የበለጠ ለማዘመን ያለመ ነው፡፡

በ1000 ካሬ ሜትር ላይ ያረፈው ፕላዛ ፕሪሚየም ላውንጅ ኢትዮጵያ፤ በአንድ ጊዜ ለ325 እንግዶች አለም አቀፍ ደረጃን የጠበቀ መስተንግዶ ለመስጠት እንዲያስችል ታልሞ የተደራጀ ነው።

* ተጨማሪ መረጃ ከላይ ተያይዟል።

@tikvahethiopia

#AU2022Summit

" ... ህብረቱ የኢትዮጵያ ቀውስ በሰላማዊ መንገድ እንዲቋጭ የሚያደርገውን ጥረት አጠናክሮ ቀጥሏል " - አምባሳደር ባንኮሌ አዴኦዬ

የአፍሪካ ህብረት ለኢትዮጵያ ግጭት ሰላማዊ መፍትሔ ለማፈላለግ ከአህጉሪቱ የተለያዩ አካባቢዎች ተጨማሪ ባለሙያዎችን ወደ ስራ እንደሚያስገባ አስታውቋል።

የሰላም እና ጸጥታ ምክር ቤት ኮሚሽነር አምባሳደር ባንኮሌ አዴኦዬ ፤ በአሁኑ ወቅት የአፍሪካ ህብረት የኢትዮጵያ ቀውስ በሰላማዊ መንገድ እንዲቋጭ የሚያደርገውን ጥረት አጠናክሮ መቀጠሉን ገልፀዋል።

በዚህ ሳምንት የህብረቱ የአፍሪካ ቀንድ ልዩ ኦሉሴጉን ኦባሳንጆ በአማራ እና አፋር ክልሎች በሚገኙ የተለያዩ አካባቢዎች ጉብኝት እንደሚያደርጉ አሳውቀዋል።

@tikvahethiopia

#Update

የአዲስ አበባ ከንቲባ ወ/ሮ አዳነች አቤቤ ከብፁዕ ወቅዱስ አቡነ ማቲያስ ፓትርያሪክ ርዕሰ ሊቃነ ጳጳሳት ዘ ኢትዮጵያ ሊቀ ጳጳስ ዘ አክሱም ወዕጨጌ ዘመንበረ ተክለ ሃይማኖት ጋር ተወያዩ።

ወ/ሮ አዳነች አቤቤ በተረጋገጠ የማህበራዊ ትስስር ገፃቸው ላይ ፥ " ዛሬ ከብፁዕ ወቅዱስ አቡነ ማቲያስ ፓትርያሪክ ርዕሰ ሊቃነ ጳጳሳት ዘ ኢትዮጵያ ሊቀ ጳጳስ ዘ አክሱም ወዕጨጌ ዘመንበረ ተክለ ሃይማኖት ጋር የተሳካ ውይይት አድርገናል " ብለዋል።

ከንቲባዋ ከቅድስት ቤተክርስቲያን በኩል የሚነሱትን ጉዳዮችን ህጋዊ ሰላማዊ መንገድ በውይይት መፍታት እንደሚቻል ተግባብተናል ሲሉም አሳውቀዋል።

ወ/ሮ አዳነች ፥ " ስለነበረን መልካምና ገንቢ ቆይታም ብፁዕነታቸውን ከልብ ላመሰግናቸው እወዳለሁ " ሲሉም ፅፈዋል።

@tikvahethiopia