#ፅጌሬዳ_ግርማይ

ስለፅጌሬዳ ግርማይ ግድያ ጓደኞቿ ምን አሉ ?

አርባ ምንጭ ዩኒቨርሲቲ ተማሪ ፅጌሬዳ ግርማይ ከአባቷ ከአቶ ግርማይ ገ/መድን እና ከእናቷ ከወ/ሮ ያበሻ ያዘዘው በወልቃይት አድ ረመጽ ከተማ በ1993 ዓ/ም ነው የተወለደችው።

የመሰናዶ ትምህርቷን በወልቃይት ጌታቸው አዘናው 2ኛ ደረጃ ት/ቤት እንደተከታተለች ፤ ከመስከረም 2012 ዓ.ም ጀምሮ ደግሞ አርባ ምንጭ ዩኒቨርሲቲ በመመደብ በሆቴልና ቱሪዝም ማኔጅመንት የ2ኛ ዓመት ተማሪ እንደነበረች የአርባ ምንጭ ዩኒቨርሲቲ መረጃ ያሳያል።

ፅጌሬዳ ግርማይ ጥር 23 ቀን አሳዛኝ በሆነ ሁኔታ በምትማርበት ተቋም ተገድላለች።

ስለክስተቱ የቅርብ ጓደኞቿ ፅጌሬዳ ጥር 23 ምሽት ላይ ስልክ ተደውሎላት ከዶርም እንደወጣች ይገልፃሉ።

በስልክ ደውሎ የጠራት የገደላት ልጅ ሳይሆን የእሱም የእሷም ጓደኛ እንደሆነ እና እሱ ከጠራት በኃላ የገደላትን ልጅ እንዳገኘችው ያስረዳሉ።

በኃላም ብቻቸውን እንደነበሩ ፤ ብዙም ሳይቆ በስለት እንደወጋት ነው የታወቀው።

ወደ ነጭ ሳር ሆስፒታል ብትወሰድም ልትተርፍ አልቻለችም።

ፅጌሬዳ ግርማይ በቢለዋ አራት እና አምስት ቦታ መወጋቷን ጓደኞቿ አስረድተዋል። ፅጌሬዳና ገዳዩ የአንድ ክፍል ተማሪዎች እንደነበሩም አክለዋል።

ገዳዩ ፅጌሬዳን " እውድሻለሁ፤ አብረሽኝ ሁኚ " የሚል ፍላጎት እንዳለው ተናግረዋል።

ልጁ በቁጥጥር ስር መዋሉ ፥ የፅጌሬዳም አስክሬን ወደ ቤተሰቦቿ መሸኘቱን ጓደኞቿ አስረድተዋል።

@tikvahethiopia

#ፅጌሬዳ_ግርማይ

የተማሪ ፅጌሬዳ ግርማይን ግድያ በተመለከተ የአርባ ምንጭ ዩኒቨርሲቲ ለቲክቫህ መረጃ ሰጥቷል።

ሰኞ ዕለት ህይወቷ ያለፈው የአርባ ምንጭ ዩኒቨርሲቲ ተማሪ ፅጌሬዳ ግርማይን በመግደል የተጠረጠረ ተማሪ ትላንት ከሰዓት ፍርድ ቤት ቀርቧል።

ትላንት ፍርድ ቤት ቀርበው ምስክርነት የሰጡ የተጠርጣሪው #ሁለት_ጓደኞቹ የሚከተለውን ብለዋል :-

"ተማሪ ፅጌሬዳ ከተጠርጣሪ ወንጀለኛው ጋር ግንኙነት የነበራት ሲሆን በመሀል ውጪ የነበረ ጓደኛዋ ስለመጣ ግንኙነቱን ማቋረጥ እንደምትፈልግ ገልጻለታለች። በዚህም ተጠርጣሪው ደስተኛ እንዳልነበረና ዛቻና ማስፈራሪያ በጓደኞቿ በኩል ይልክላት ነበር።"

ሰኞ ጥር 23 ቀን 2014 ዓ.ም ምሽት ከሁለቱ ጓደኞቹ በአንደኛው ስልክ በመደወል ወደ አስተዳደር ህንጻ አካባቢ እንድትመጣ አድርጓል።

በወቅቱ ስልክ ደዋዩና ሌላኛው ጓደኛው አብረውት ነበሩ። "ጉዳያችንን እኛ እንጨርሳለን እናንተ ሂዱ" ብሏቸው ብዙም ሳይቆይ በስለት እንደወጋት ጓደኞቹ ምስክርነት ሰጥተዋል።

ሟች ልቤን ብላ ስትጮህ በቅርብ ርቀት የነበሩ የግቢው ጥበቃ አባላት ደርሰው ለማምለጥ የሞከረውን ተጠርጣሪውን በቁጥጥር ስር አውለውታል።

ተጠርጣሪው በሕግ ጥላ ስር ውሎ የፍርድ ሂደቱን እየተከታተለ ሲሆን ፍ/ቤት ቀጣይ ቀጠሮ እንደሰጠው የአርባ ምንጭ ዩኒቨርሲቲ የኮሚዩኒኬሽንና ህዝብ ግንኙነት ዳይሬክተር በድሩ ሂሪጎ ለቲክቫህ ዩኒቨርሲቲ ተናግረዋል።

የሟቿ አስክሬን ትላንት ቤተሰቦቿ ወደሚገኙበት ወልቃይት ወረዳ አድ ረመጽ ከተማ መላኩንም ዳይሬክተሩ ገልጸዋል።

በ20 ዓመቷ ከዚህ ዓለም በሞት የተለየችው ተማሪ ፅጌሬዳ በዩኒቨርሲቲው የሆቴልና ቱሪዝም ማኔጅመንት የ2ኛ ዓመት ተማሪ ነበረች፡፡

More : @tikvahuniversity

ለAU ስብሰባ የሚዘጉ እና ተለዋጭ መንገዶች !

ጥር 28 እና 29 ቀን 2014 ዓ/ም 35ኛው የአፍሪካ ህብረት የመሪዎች ጉባኤ ይካሄዳል::

ቀደም ብሎ ጥር 25 እና 26 ቀን 2014 ዓ/ም 40ኛው የህብረቱ አባል ሀገራት የሚኒስትሮች ሥራ አስፈፃሚ ም/ቤት ስብሰባ በአዲስ አበባ ይካሄዳል፡፡

የፀጥታ እና ደህንነት የጋራ ግብረ-ኃይልም አስፈላጊውን ቅድመ ዝግጅት አጠናቆ ወደ ስራ መግባቱን አስታውቋል፡፡

በዚህም፦

• ከአዋሬ በጥይት ቤት ወደ ፓርላማ
• እንዲሁም ከቡልጋሪያ ወደ አፍሪካ ህብረት የሚወስዱ መንገዶች በሁለቱም አቅጣጫ የስብሰባው ተካፋዮች ጠዋት ለስብሰባ ፣ ለምሳና ከሰዓት በኋላ ከስብሰባ ሲወጡ እነዚህ መንገዶች ለተሽከርካሪ ዝግ መሆናቸው ተገልጿል፡፡

እንግዶቹ ለልዩ ልዩ ጉዳይ በአጀብ በሚንቀሳቀሱበት ወቅት ለእንግዶች ቅድሚያ በመስጠት ፤ ለአጀብ ስራ መንገድ ሲዘጋ ለተሽከርካሪ ክፍት እስከሚሆን ድረስ አሽከርካሪዎች ትዕግስት ተላብሰው በመጠበቅ አስፈላጊውን ትብብር እንዲያርጉ ጥሪ ቀርቧል።

ጉባኤ ተጀምሮ እስከሚጠናቀቅ ፡-

• ከፓርላማ መብራት-በውጭ ጉዳይ ሚ/ር - መስቀል አደባባይ ፍላሚንጎ - ኦምሎፒያ - ወሎ ሰፈር - ጃፓን ኤምባሲ -ፍሬንድ ሺፕ -ቦሌ ቀለበት መንገድ -ኤርፖርት

• ከፓርላማ መብራት በውጭ ጉዳይ ሚኒስቴር -በብሄራዊ ቤተ - መንግስት -በፍልውሃ - በብሄራዊ ቲያትር- ሜክሲኮ አደባባይ - አፍሪካ ህብረት አዳራሽ ዙሪያ ፡-

• ከፓርላማ መብራት -ብሔራዊ ቤተ-መንግስት - ወዳጅነት ፓርክ - ንግድ ማተሚያ ቤት - ሞናርክ ሆቴል-ቴዎድሮስ አደባባይ-ጥቁር አንበሳ ሆስፒታል- ኢትዮጵያ ቴሌቪዥን- ብሔራዊ ቴአትር -ሜክሲኮ አደባባይ - አፍሪካ ህብረት

• ከፓርላማ መብራት-በሸራተን ሆቴል ቁልቁለቱን-ፍልውሃና አምባሳደር ቲያአትር ዙሪያውን

• ከንግድ ም/ቤት ጀምሮ በሱዳን ኤምባሲ-አፍሪካ ህብረት ዋናው በር-ሳርቤት ድረስ በሁለቱም አቅጣጫዎች ከዓርብ ጥር 27 ቀን / 2014 ዓ/ም ጀምሮ እንግዶች ተጠቃለው እስከ ሚመለሱ ድረስ ግራና ቀኝ በሁለቱም አቅጣጫ ለአጭርም ሆነ ለረጅም ጊዜ ተሽከርካሪ አቁሞ መሄድ ፍፁም የተከለከለ ነው።

• ከጦር ሃይሎች - ወደ ሜክሲኮ አደባባይ ለሚመጡ ተሽከርካሪዎች ፦
• በኮካ-ኮላ ድልድይ - በአብነት ተ/ኃይማኖት ወይም በሞላ ማሩ ጌጃ ሰፈር- ጎማ ቁጠባ
• ከሳር ቤት ወደ ሜክሲኮ ለሚመጡ፡-ሳር ቤት-ካርል አደባባይ - በልደታ አድርገው ወደ መርካቶ እና ጎማ ቁጠባ
• የቦሌ መንገድ ተጠቃሚዎች፦
• በአትላስ - ዘሪሁን ህንፃ- ሲግናል
• ቀለበት መንገድ - ቦሌ ሚካኤል-ሃኪም ማሞ - ወደ ጎተራ
• ቀለበት መንገድ - መገናኛ ዲያስፖራ አደባባይ - እንግሊዝ ኤምባሲ
• ቀለበት መንገድ -መገናኛ - አድዋ ጎዳና - አዋሬ - ቤልኤር
• በፍላሚንጎ ደንበል ጀርባ መስቀል ፍላወር መጠቀም ይቻላል።

#AddisAbabaPolice

@tikvahethiopia

" መንግስት እስካሁን ከህወሓት ጋር የጀመረው ንግግርም ሆን ድርድር የለም " - ዶ/ር ለገሰ ቱሉ

በቅርቡ ዶክተር ደብረፅዮን ገብረሚካኤል ለቢቢሲ ኒውስ ሀወር ከኢትዮጵያ መንግስት ጋር ቀጥተኛ ባልሆነ መንገድ ንግግር መጀመራቸው መግለፃቸውን በተመለከተ ትላንት የኢትዮጵያ የመንግስት ኮሚኒኬሽን አገልግሎት ሚኒስትር ዶ/ር ለገሰ ቱሉ ሀሰት ነው ሲሉ ማጣጣላቸው ይታወሳል።

ሚኒስትሩ ዛሬ ረቡዕ ለአል ዓን ኒውስ ተጨማሪ ማብራሪያ ሰጥተዋል።

ዶ/ር ለገሰ ቱሉ ፦

" የኢትዮጵያን ዘላቂ ጥቅም እና ህብረ ብሄራዊ አንድነት ለሚያስጠብቅ የትኛውም ለሰላም አማራጭ በራችን ከፍት ነው።

ሆኖም ግን ከህወሃት ጋር ስለመደራደር እስካሁን ድረስ በመንግስት በኩል የተወሰደ አቋም የለም።

ህወሃት ማንኛውንም አይነት የፖለቲካ መሳሪያ ከመጠቀም ወደ ኋላ አይልም፤ ህብረተሰቡ ውስጥ ክፍፍል መኖሩን ካረጋገጠ አለመተማመን እንዲፈጠር እንዲህ አይነት ነገር ይጠቀማል።

ህዝቡ ዘንድም መንግስት እኛን ዋሽቶ ከጀርባችን ከእነሱ ጋር እየተነጋገረ ነው እንዲባል ስለሚፈልጉ ነው እንደዛ የሚያደርጉት።

መንግስት እስካሁን ከህወሓት ጋር የጀመረው ንግግርም ሆን ድርድር የለም " ብለዋል።

@tikvahethiopia

#ችሎት

ወ/ሮ ኬሪያ ኢብራሂም በስልክ በትግረኛ ቋንቋ እንዲያወሩ ፍርድ ቤት ፈቀደ።

የቀድሞ የፌደሬሽን ም/ቤት አፈጉባዬ የነበሩት ወ/ሮ ኬሪያ ኢብራሂም በማረሚያ ቤት ስልክ በትግረኛ ቋንቋ ለማውራት እንዲፈቀድላቸው በታሳስ 21ቀን 2014 ዓ/ም ለችሎቱ አቤቱታ አቅርበው ነበር።

አቤቱታው የቀረበለት የፌደራል ከፍተኛ ፍርድ ቤት ልደታ ምድብ 1ኛ የፀረሽብርና ህገመንግስታዊ ጉዳዮች ወንጀል ችሎት አቤቱታውን መርምሮ በዛሬው ቀጠሮ ትዛዝ ሰቷል።

በዛሬው ቀጠሮ ወ/ሮ ኬሪያ ኢብራሂም ፣ ዶ/ር ሰለሞን ኪዳኔ የትግራይ ገቢዎች ቢሮ ሀላፊ ወ/ሮ አሰፉ ሊላይን ጨምሮ 5 የተለያዩ አቤቱታ ያቀረቡ ተከሳሾች በችሎት ተገኝተዋል።

በዚህም ፍርድ ቤቱ ፤ " ማንም ሰው በቋንቋው የማውራት ህገመንግስታዊ መብት አለው " ሲል ወ/ሮ ኬሪያ በስልክ በትግረኛ ቋንቋ እንዲያወሩ እንዲመቻችላቸው ትዛዝ ሰቷል።

በተጨማሪም ወ/ሮ ኬሪያ ኢብራሂም ማስታወሻ ደብተር እንድንይዝ ትዛዝ ይሰጥልን ሲሉ አቅርበው የነበረውን አቤቱታ በተመለከተ ፍርድ ቤቱ ማስታወሻ ደብተር እንዲይዙ እንዲመቻችላቸው ትዛዝ አዟል።

በሌላ በኩል 43ኛ ተከሳሽ አቶ ተክላይ አብርሐ መንጃ ፍቃድ እና ፖስፖርት ለማሳደስ እንዲፈቀድላቸው ባቀረቡት አቤቱታ መሰረት ፍርድ ቤቱ ፓስፖርትና መንጃ ፍቃዳቸውን በአጃቢ እንዲያሳድሱ እንዲመቻችላቸው ፈቅዷል።

በባለፈው ቀጠሮ ዶ/ር ሰለሞን ኪዳኔ ፍርድ ቤት በህመም ምክንያት ስንቀር በሚዲያ ሲዘገብ ቤተሰቦቻችን ሰምተው እየተጨነቁ ስለሆነ ሚዲያዎች ችሎት እንዳይገቡ ይታዘዝልን ሲሉ አቅርበውት የነበረውን አቤቱታን በተመለከተ ችሎቱ ምንም ሳይል አልፎታል።

ምንጭ፦ ጋዜጠኛ ታሪክ አዱኛ

@tikvahethiopia

#Update

የሁለተኛው ቀን የ12ኛ ክፍል ብሄራዊ ፈተና ሲሰጥ ውሏል።

በፀጥታ ችግር ምክንያት ከዚህ ቀደም በተሰጠው ብሄራዊ ፈተና ላይ መቀመጥ ያልቻሉ ተማሪዎች ባሉባቸው የአማራ፣ ኦሮሚያ፣ አፋርና ቤኒሻንጉል ጉሙዝ ክልሎች ከትላንት ጀምሮ ፈተናው መሰጠት መጀመሩ ይታወቃል።

ብሄራዊ ፈተናው ከነገ በስቲያ ይጠናቀቃል።

ፎቶ ፦ ወልዲያ ኮሚኒኬሽን (ዛሬ ጥር 25)

@tikvahethiopia

#OromiaRegion

Biiroon Fayyaa Oromiyaa Hakimoota (GP) baay'inni isaanii 2000 (Kuma lama) ta'e qacaree hojjachiisuu barbaada.

የኦሮሚያ ጤና ጥበቃ ቢሮ ' 2,000 ' የሚሆኑ አዲስ የተመረቁ ሀኪሞችን(GP) በክልሉ ባሉ ሆስፒታሎች በቋሚነት ለመቅጠር እንደሚፈልግ ባወጣው ማስታወቂያ አስታውቋል። በመሆኑም ከታች የተጠቀሱትን መስፈርቶች የሚያሟሉ ሀኪሞች ተመዝግበው ምደባ መውሰድ ይችላሉ ብሏል።

በዚህም መሰረት፦

👉 የአፋን ኦሮሞ ቋንቋን መናገር፣ ማንበብና መጻፍ የሚችል
👉 ብዛት - 2,000
👉 ደሞዝ - 9,056 ብር
👉 የትምህርት ማስረጃ - ዋናውንና ኮፒ፤
👉 የሞያ ፍቃድ - ዋናውና ኮፒ፤
👉 የምዝገባ ቀን - ማስታወቂያው ከተነገረበት ቀን አንስቶ ላልተወሰነ ጊዜ ባሉ የሥራ ሰዓቶች፤
👉 የምደባ ቀን - በዕጣ የሚወጣ ሲሆን ቀኑ በቀጣይ የሚገለጽ ይሆናል።
👉 የመመዝገቢያ ቦታ - የኦሮሚያ ጤና ቢሮ 3ኛ ፎቅ በሰው ኃብት ልማትና አስተዳደር ዳይሬክቶሬት በአካል በመገኘት መመዝገብ ይችላሉ።

@tikvahethiopia