የኬንያንው ፕሬዜዳንት ተማፅኖ ....

በሰሜን ኢትዮጵያ ያለው ግጭት መቋጫ ያገኝ ዘንድ ጥረት እያደረጉ እንደሆነ ከሚነገርላቸው ሀገራት ጎረቤታችን ኬንያ አንዷ ናት።

የኬንያ ፕሬዝዳንት ኡሁሩ ኬንያታ ከዚህ በፊት ለግጭቱ መቆሚያ መፍትሄ እንደመጣ ጥሪ ሲያቀርቡ እንደበር አይዘነጋም።

ትላንት ለሊት የተ.መ.ድ ዋና ፀሀፊት አንቶኒዮ ጉተሬዝን መልዕክት ተንተርሰው በኢትዮጵያ ግጭት እንዲቆም ተማፅነዋል።

ኬንያታ ምን አሉ ?

- የተመድ ዋና ፀሃፊ አንቶኒዮ ጉቴሬዝ ያቀረቡትን ጥሪ እንደሚጋሩ አስታውቀዋል።

- በኢትዮጵያ እየተካሄደ ባለው ግጭት ውስጥ የሚሳተፉ አካላት ሁሉ ጦርነቱን እንዲያቆሙም ተማፅነዋል።

- የቀጠለው ግጭት የኢትዮጵያን ህዝብ እየዘረፈ እና የዚህ ታላቅ ህዝብ ባህልና ስልጣኔ ውስጥ ያለውን ክብር እያሳጣ ነው” ሲሉም ተናግረዋል።

- አስተማማኝ ሰላም የሚሰፍነው እንዲሁም የተረጋጋች ኢትዮጵያን እውን የምትሆነው ሁሉም የኢትዮጵያ አካላት ዘላቂ በሆነና በሁሉም የኢትዮጵያ ህዝቦች ዘንድ ተቀባይነት ባለው መንገድ ፈተናዎችን ማለፍ ሲችሉ ብቻ ነው ብለዋል።

- ሁሉንም ያሳተፈና በመስማማት መንፈስ የሚካሄደው ሀገራዊ ውይይት፤ በግጭቱ ምክንያት ለተጎዱ በመላ ኢትዮጵያ የሚገኙ ማህበረሰቦች ያለውን ሸክም ከማቅልለ አንጻር ከፍተኛ እገዛ ያደርጋል።

- የኢትዮጵያ፣ የቀጠናውና የአህጉሪቱ ብልፅግና፤ ዘላቂ በሆነ ሰላም እና ደህንነት ላይ የተመሰረተ መሆን አለበት። አንድ ላይ ሆነን የተሻለ ዓለም መፍጠር እንችላለን ብለዋል።

ምንጭ፦ State House Kenya

@tikvahethiopia

#Borana

የኢትዮጵያጠቅላይ ሚኒስትር ዶ/ር ዐቢይ አሕመድን ጨምሮ ከፍተኛ ባለስጣናት በቦረና ዞን ያቤሎ ወረዳ ጉብኝት እያደረጉ ነው።

የጠ/ሚ ፅ/ቤት ጉብኝቱ ፥ " በድርቅ የተጎዱ ማህበረሰቦችን ተግዳሮቶች በጥልቀት ለመገምገም " እንደሆነው ገልጿል።

ፅ/ቤቱ የዝናብ ውሀ እጥረት መከሰቱ የእንስሳት መኖ እጥረት እና የውሃ አቅርቦት ውስንነትን ጨምሮ በርካታ ፈታኝ ሁኔታዎችን ማስከተሉን አሳውቋል።

በሌላ መረጃ ጠ/ሚ ዶ/ር ዐቢይ አሕመድ ያቤሎ ኢፋ ቦሩ ልዩ አዳሪ ትምህርት ቤትን መጎብኘታቸው ተገልጿል።

@tikvahethiopia

#Update

የተማሪ ፅጌሬዳ ግርማይ ስርዓተ ቀብር ተፈፀመ።

በምትማርበት ተቋም አርባ ምንጭ ዩንቨርስቲ ውስጥ በሰው እጅ በአሳዛኝ ሁኔታ የተገደለችው የ20 ዓመቷ ወጣት ፅጌሬዳ ግርማይ ስርዓተ ቀብሯ ተፈፅሟል።

የፅጌሬዳ ስርዓተ ቀብር የተፈፀመው በዳንሻ ከተማ ቅዱስ ሚካኤል ቤተክርስቲያን ነው።

ሰኞ ጥር 23 /2014 ምሽት ላይ በአርባምንጭ ዩኒቨርሲቲ የተገደለችው ፅጌሬዳ ግርማይ የሁለተኛ ዓመት የሆቴል እና ቱሪዝም ማኔጅመት ተማሪ ነበረች።

የወጣቷን ህይወት እንደቀጠፈ የተጠረጠረው ተማሪ ከትላንት በስቲያ ፍርድ ቤት የቀረበ ሲሆን ፍርድ ቤቱ ቀጣይ ቀጠሮ መስጠቱን መግለፃችን ይታወሳል።

ውድ ቤተሰቦቻችን @tikvahuniversity (ቲክቫህ ኢትዮጵያ) የተማሪ ፅጌሬዳ ግርማይን የፍርድ ሂደት እስከመጨረሻው ድረስ ተከታትሎ ለማሳወቅ ጥረት ያደርጋል።

የፎቶ ባለቤት ፦ የሄኖክ ታደለ

@tikvahethiopia

ሳምሶን ተክለሚካኤል እስካሁን ያለበት አልታወቀም፤ የት ነው ያለው ?

ኢትዮጵያ የኬንያ ባለስልጣናትን ናይሮቢ ውስጥ መሀል መንገድ ላይ ስለታገተው ሳምሶን ተክለሚካኤል ማብራሪያ እንዲሰጡ ጠይቃለች።

በኬንያ የኢትዮጵያ አምባሳደር መለስ አለም ኬንያ ለሚገኝ የሃገር ውስጥ ሚዲያ በሰጡት ቃለ ምልልስ የኬንያ የህግ አስከባሪ አካላት በንግድ ስራ ላይ የተሰማራው ሳምሶን ተክለሚካኤል የት እንዳለ እንዲሁም በምን ሁኔታ ላይ እንዳለ እንዲያብራሩ መጠየቃቸውን ገልፀዋል።

አምባሳደር መለስ ኢትዮጵያ የኬንያ ባለስልጣናት እና የህግ አስከባሪ አካላትን በማነጋገር ስለ ዜጋዋ ዝርዝር መረጃ እንዲሰጣት መጠየቋን አስረድተዋል።

ሳምሶን በመጥፋቱ ቤተሰቦቹ አሁንም ድረስ ከፍተኛ ስቃይ ላይ እንደሆኑ የገለፁት አምባሳደሩ ክስተቱ የትውልድ ሀገሩን ኢትዮጵያንም እንደጎዳው ገልፀዋል።

አምባሳደሩ፥ " በህዳር ወር የተከሰተው ክስተት ኢትዮጵያን አስደንግጧል። በኪሊሌሽዋ በጠራራ ፀሀይ፣ በህዝብ በፊትና ፖሊስ ባለበት ነው የተከሰተው፤ ከዚያ ጊዜ ጀምሮ ሳምሶን ተክለሚካኤልን አላየንም" ብለዋል።

" የኬንያ ባለስልጣናትን ቀርበን ስለ ዜጋችን ደህንነት መረጃ እንዲሰጡን ጠይቀን ምርመራዎች እስኪጠናቀቁ ድረስ እየጠበቅን ነው " ሲሉም ተናግረዋል።

አምባሳደር መለስ አለም " ባለፉት 3 ወራት ቤተሰቦቹ እና ልጆቹ በጭንቀት ውስጥ ናቸው ሰፊው የኢትዮጵያ ማህበረሰብም እንዲሁ፤ ህዝባችን ከዚህ ሁኔታ እንዲወጣ እንፈልጋለን። በእኛ በኩል ዜጋችን ሳምሶን ያለበትን እስክናውቅ ድረስ አንመለስም " ሲሉ አስገንዝበዋል።

ምርመራው ረዘም ያለ ጊዜ መውሰዱን የሚገልፁት አምባሳደሩ፤ " 3 ወር አጭር አይደለም፤ እኛ ጉዳዩ በእጅጉ ያሳስበናል፤ ይህንም የኤምባሲው ተልዕኮ ይጋራል" ሲሉ ገልፀዋል።

ሳምሶን የት ነው ያለው ?

@tikvahethiopia

#NewsAlert

አሜሪካ አቡ ኢብራሂም አል-ሃሺሚ አል-ቁራይሺ መሞቱን አስታወቀች።

የአሜሪካው ፕሬዝዳንት ጆ ባይደን ባይደን የISIS መሪ አቡ ኢብራሂም አል-ሃሺሚ አል-ቁራይሺ በሰሜን ምዕራብ ሶሪያ አሜሪካ ያካሄደችውን ወታደራዊ ኦፕሬሽንን ተከትሎ መሞቱን ተናግረዋል።

ባይደን፤ “ ሁሉም አሜሪካውያን ከኦፕሬሽኑ በደህና ተመልሰዋል ” ሲሉም ገልፀዋል። የፀረ ሽብር ኦፕሬሽኑ የአሜሪካን ህዝብና አጋሮቻችንን ለመጠበቅ እንዲሁም ዓለምን የበለጠ ደህንነቱ የተጠበቀ ቦታ ለማድረግ ነውም ብለዋል።

ፕሬዝዳንት ባይደን ዛሬ እንደተናገሩት የአሜሪካ ልዩ ኦፕሬሽን ኮማንዶዎች ባኬሄዱት ኦፕሬሽን የISIS መሪ ተገድሏል።

የነፍስ አድን ሰራተኞች እንዳሉት ደግሞ በጥቃቱ ከተገደሉት ቢያንስ 13 ሰዎች መካከል ሴቶች እና ህጻናት (6 ህፃናት እና 4 ሴቶች) ይገኙበታል።

አንድ ከፍተኛ የአስተዳደር ባለስልጣን ደግሞ አል-ቁራይሺ በኦፕሬሽኑ መጀመሪያ ላይ ቦንብ አፈንድቶ ህይወቱ እንዳለፈ እና ከሱ በተጨማሪ ሴቶችና ህጻናትን ጨምሮ የገዛ ቤተሰቦቹ አባላት ህይወት እንዳለፈ ለኒውዮርክ ታይምስ ተናግረዋል።

ፔንታጎን በበኩሉ በሰሜን ምዕራብ ሶሪያ በአሜሪካ ማዕከላዊ ኮማንድ የተሳካ ኦፕሬሽን መካሄዱን በመግለፅ በአሜሪካ በኩል ምንም ጉዳት እንዳልደረሰ ገልጿል። ስለሲቪል ሰዎች መሞት ያለው ነገር የለም።

@tikvahethiopia