#Adama

የአርቲስት ኑሆ ጎበና የቀብር ስነ ስርዓት ዛሬ በአዳማ ከተማ ተፈፅሟል።

በቀብር ስነ ስርዓቱ ላይ ቤተስቦቹ፣ አርቲስቶች፣ ወዳጆቹ ፣ አድናቂዎቹ እንሲሁም የመንግስት የስራ ኃላፊዎች ተገኝተው ነበር።

አርቲስት ኑሆ ጎበና በድሬደዋ ቀፊራ ገንደጋራ በ1940 ዓ.ም ነበር የተወለዱት ፤ ለረጅም አመታት ለኦሮሞ ኪነ ጥበብና ለአፋን ኦሮሞ እድገት ከፍተኛ አስተዋጽኦ ያበረከቱ አንጋፋ አርቲስት ነበሩ።

ፎቶ ፦ ኦቢኤን

@tikvahethiopia

#Update

📍ሱዳን

በአሜሪካ የውጭ ጉዳይ መሥሪያ ቤት የአፍሪካ ጉዳዮች ረዳት ኃላፊ የሆኑት ሞሊ ፊ እና የአፍሪካ ቀንድ ልዩ መልዕክተኛ አምባሳደር ዴቪድ ሳተርፊልድ ዛሬ በሱዳን ከሉዓላዊው ምክር ቤር ወታደራዊ መሪዎች ጋር ተገናኝተው ተነጋግረዋል።

ሁለቱ የአሜሪካ ባለስልጣናት ሀገራቸው አሜሪካ ለሱዳን ህዝብ ነፃነት፣ ሰላም እና ፍትህ ቁርጠኛ መሆኗል ግልፀው ፤ ብጥብጥ እና ሁከት ሳይቆም የፖለቲካ ሂደቱ ሊቀጥል እንደማይችል ግልጽ አድርገዋል።

በተጨማሪም ባለስልጣናቱ ከዶክተር ኤል ሃዲ ኢድሪስ ጋር በቅርቡ በካርቱም እና በዳርፉር ስለተከሰተው ሁከትና ብጥብጥ እንዱሁም ሱዳን አሁን ካለችበት የፖለቲካ ችግር እንዴት ልትወጣ እንደምትችል ተነጋግረዋል።

ሞሊ ፊ እና ዴቪድ ሳተርፊልድ ባወጡት መግለጫ የሱዳን ጦር በተቃዋሚዎች ላይ የሚወስደውን የኃይል እርምጃ ያወገዙ ሲሆን ግጭት ካልቆመና የሱዳንን ህዝብ ፍላጎት የሚያንፀባርቅ በሲቪል የሚመራ መንግስት ወደቦታው ካልተመለሰ የቆመው የአሜሪካ እርዳታ እንደማይቀጥል አሳውቀዋል። (ሙሉ መግለጫው ከላይ ተያይዟል)

በቀጣይ በአዲስ አበባ በተለይ በሰሜን ኢትዮጵያው ግጭት ዙሪያ ከኢትዮጵያ ከፍተኛ ባለስልጣናት ጋር ይነጋገራሉ።

@tikvahethiopia

ፎቶ : የኢትዮጵያ ብሔራዊ ቡድን የልዑካን ቡድን ዛሬ ምሽት አዲስ አበባ ደርሷል።

ብሄራዊ ቡድኑ አዲስ አበባ ሲደርስ ከኢ.ፌ.ዲ.ሪ. ባህል እና ስፖርት ሚኒስቴር ፣ ከኢትዮጵያ እግር ኳስ ፌዴሬሽን ስራ አስፈፃሚ ኮሚቴ ፣ ከፌዴሬሽኑ የሥራ ኃላፊዎች እና ከኢትዮጵያ ፕሪምየር ሊግ አክሲዮን ማህበር የተለያዩ አካላት አቀባበል አድርገዋል።

የብሄራዊ ቡድኑ አባላት ከቦሌ አየር ማረፍያ ወደ ጁፒተር ሆቴል ያመሩ ሲሆን በሆቴሉ የእንኳን ደህና መጣችሁ አቀባበል ተደርጎላቸው የተዘጋጀላቸውን ኬክ ቆርሰዋል ተብሏል።

More : @tikvahethsport

#EthiopianCoffee☕️

11 ሺህ ከረጢት የኢትዮጵያ 🇪🇹 ቡና በአምስት ሰከንድ ውስጥ ተሸጠ።

በቻይና በተካሄደ የቀጥታ ሽያጭ ስነስርዓት 11 ሺህ ከረጢት የኢትዮጵያ ቡና በአምስት ሰከንድ ውስጥ መሸጡን የቻይና ውጭ ጉዳይ ሚኒስቴር ገልጿል።

በሚኒስቴሩ የአፍሪካ ጉዳይ ጀኔራል ዳይሬክተር ዉ ፔንግ በትዊተር ገጻቸው ፤ በቻይና የኢትዮጵያ አምባሳደር ተሾመ ቶጋ በተገኙበት የተካሄደው የቀጥታ ሽያጭ ሂደት ውጤታማ ነበር ብለዋል።

የኢትዮጵያ ቡና በቻይና ገበያ ውስጥ ፍላጎቱ እያደገ መምጣቱን የገለጹት ዉ ፔንግ፤ ባለፈው የፈረንጆቹ ዓመት ከጥር እስከ ህዳር ወር ባለው ጊዜ ውስጥ ወደቻይና የገባው የኢትዮጵያ ቡና መጠን ቀደም ካለው ጊዜ አንጻር በ196 በመቶ እድገት ማሳየቱን ገልጸዋል።

በመጪዎቹ ዓመታት ቻይና ከአፍሪካ የግብርና ምርቶችን በስፋት እንደምታስገባም ጠቁመዋል።

#ENA

@tikvahethiopia

#Gambella

" በጥቃቱ የ8 ሰዎች ህይወት ሲያልፍ 5 ሰዎች ከባድ እና ቀላል ጉዳት ደርሶባቸዋል " - ፖሊስ

በጋምቤላ ክልል ከደቡብ ሱዳን የሚነሱ የሙርሌ ጎሳ ታጣቂዎች ድንበር አቋርጠው በመግባት ጥቃት ማድረሳቸውን የክልሉ ፖሊስ አስታወቀ።

በጥቃቱ የ8 ሠዎች ህይወት ሲያልፍ በ5 ሠዎች ላይ ደግሞ ከባድና ቀላል ጉዳት መድረሱን ተገልጿል።

የክልሉ ፖሊስ ኮሚሽን ኮሚሽነር አቡላ ኡቦንግ ፥ በጋምቤላ በዚህ ሰዓት በጋ ስለሆነ እና ክልሉን ከደቡብ ሱዳን ጋር የሚያጋራው ድንበር ሰፊና ክፍት ስለሆነ የታጣቂዎች የመግባትና የመውጣት አዝማሚያ አለ ብለዋል።

የሙርሌ ታጣቂዎች ትናትና ድንበር አቋርጠው በመግባት በኑዌር ዞን አኮቦ ወረዳ በካንካን ቀበሌ ድንገተኛ ተኩስ በመክፈት የ8 ሠዎች ህይወት ወዲያው ሲያልፍ 5 ሠዎች ላይ ከባድና ቀላል ጉዳት መድረሱን አመልክተዋል።

ኮሚሽነር አቡላ አክለውም ክልሉ በአሁኑ ሰዓት ልዩ ኃይሉንና ሚሊሻ በመጠቀም ሰላምና ፀጥታ የማስከበር ስራውን እየሰራ መሆኑን ተናግረዋል።

ኮሚሽነሩ ፤ የአካባቢው ማህበረሰብ የታጣቂ ቡድኑን እንቅስቃሴ ነቅቶ በመጠበቅ ለመንግሥት ተገቢውን ጥቆማ ማድረግ እንደሚኖርበት አሳስበው በደረሰው ጉዳት ማዘናቸውን ገልጸዋል።

የሙርሌ ጎሳ ታጣቂዎች ከዓመታት በፊት፤ በኑዌር ዞን እና አኙዋ ዞኖች ገብተው በርካታ ሕፃናት አፍነው ሲወስዱ፣ ከአንድ መቶ ሰባ በላይ ሰዎች ደግሞ ሕይወታቸውን ማጣታቸው ይታወሳል።

ከ2 ሺህ በላይ ከብቶች መውሰዳቸውንም ኮሚሽነሩ አስታውሰዋል።

በወቅቱ የኢፌድሪ መከላከያ ሠራዊት ወደ ደቡብ ሱዳን በመግባትና ታጣቂዎቹ የሚኖሩበት አካባቢ ላይ ጥቃት በመፈፀም ታፍነው ከተወሰዱት ሕፃናት መካከል ከ100 ሕፃናት በላይ ወደ ቤተሰቦቻቸው መመለሱን አስረድተዋል።

ምንጭ፦ የጋምቤላ ክልል ፕሬስ ሴክሬተሪያት

@tikvahethiopia