ጠቅላይ ሚኒስትሩ ከእስር ስለተፈቱ ግለሰቦች ምን አሉ ?

ዶክተር ዐቢይ አህመድ ፦

" ... ትላንት ክስ የተቋረጠላቸው የተሸነፉ ኃይሎች ክስ እንዲቋረጥ እና ከእስር ቤት እንዲወጡ ሲደረግ ከፍተኛ ቁጣ ቀስቅሷል። ይህ ቁጣ የተቀሰቀሰው በሁለት ቡድኖች ነው።

አንደኛው ቡድን ኢትዮጵያ ውስጥ ጭር ሲል የማይወድ ፣ ሁል ጊዜ እያጋጨ በሰበር ዜና ብር የሚሰበስብ፣ የት እንዳለ የማይታወቅ ካለበት ሆኖ ስንዋጋ ጦርነር አቁሙ የሚል ስናቆም ተዋጉ የሚል አጓጉል ብልጣብልጥነት የሚያጠቃው እና እንብዛም ጆሯችንን የማንገልጥለት ቡድን ነው።

ሁለተኛው ቡድን በዜናው ድንገተኝነት የደናገጠ፣ በነበረው ተጋድሎ እና ሁኔታ ጊዜውን ፣ ገንዘቡን፣ ህይወቱን ለመስጠት የወሰነ ከያለበት ሀገር እና ክልል ተሞ ከሀገር እና ከህዝብ ጋር የዘመተ ይህን እኩይ ጠላት አምርሮ የሚጠላና ከዚህ ጠላት ጋር የሚደረግ ማንኛውም ንግግር ኢትዮጵያን ይጎዳል ብሎ የሚያምን ቅን ተቆጪ ነው። የዚህን ቅን ተቆጪ ኃይል መንግስት ሙሉ በሙሉ ይረዳል ያደምጣል ለማስገንዘብም ጥረት ያደርጋል።

እነዚህ ቅን ሀገር ወዳድ ኢትዮጵየውያን በውስጥም በውጭም የሚገኙ የአንዳንዶችን ከኛ ይቅር ማለት አምርረው የጠሉና የደናገጡ ወንድም እና እህቶቻችን እንዲገነዘቡልን የምንፈልገው ይህ ጉዳይ እኛም መጀመሪያ ስንሰማው ያስደነገጠ መሆኑን ነው።

ነገር ግን ደጋግመን ስናመነዥገው ግራ ቀኙን ስንፈትሽ ለኢትዮጵያ የሚበጅ ለኢትዮጵያ ዘላቂ ጥቅም የሚያግዝ፣ የኢትዮጵያን ዘርፈ ብዙ ጠላቶች የሚቀንሥ ፣ በአውደ ውጊያ ያገኘነውን ድል በሰላሙ መድረክ እንድንደግም የሚያደርግ የአባቶቻችን ልጆች መሆናችንን የማያረጋግጥ በመሆኑ እየመረረን የዋጥነው እውነት ነውና እናተም ለሀገራችሁ ዘላቂ ድል ስትሉ ፣ ለሀገራችሁ ክብር እና አሸናፊነት ስትሉ ደጋግማችሁ በማሰብ ይህን ውሳኔ እንድትቀበሉ በትህትና ጠይቃችኃለሁ።

ውሳኔውን ለምን ? ለምትሉ ይህ ውሳኔ የተወሰደው ኢትዮጵያን በጠንካራ አለት ላይ ለማኖር ነው። ጠላቶቿን ለመቀነስ ነው። ጉልበት ለመሰብሰብ ነው። ያልገባውና የሚከተል ማህበረስብ ካለ አይኑን ገልጦ ማየት እና ከጥፋት ጎዳና እንዲመለስ ለማድረግ ነው። ሌላም ባርካታ ምክንያቶች አሉት።

ነገር ግን ትላንት ክስ አቋርጠን ከእስር ቤት እንዲፈቱ ያደርገናቸው ግለሰቦች ሁሉም በሚባል ደረጃ የመንግስት ስልጣን ይዘው በዚህ ሁኔታ ውስጥ የተሳተፉ ፣ በቀጥታ የሚወስኑ፤ በቀጥታ የሚያዙ አይደሉም።

አንዳንዶች በታሪካቸው ምክንያት አግዝፈን የምናያቸው ቢሆንም አሁን ባለው ተጨባጭ ሁኔታ ከሁሉም የውሳኔ ሰጭነት መድረክ በቀጥታ የማይሳተፉ ኃይሎች ናቸው። ከዚህም በላይ ኢትዮጵያዊ ማንነታችን እና ጀግንነታችን ሽማግሌዎች በእስር ቤት እንዲሞቱ የሚፈልግ ፣ የሚፈቅድ አይደለምና ጀግኖች ስለሆንን አዛውንቶች ሲቻል ወደገዳም ፣ አልያም ወደቤታቸው እንጂ በእስር ቤት እንዳይቆዩ ወስነናል።

ይህ ውሳኔ ዛሬ የሚመረንም ቢሆን እንኳን ውሎ ሲያደር ልጆቻችንን የሚያኮራ የኢትዮጵያን አንድነት የሚያፀና መሆኑን ቅንጣት አንጠራጠርም። "

@tikvahethiopia

#ማስታወሻ

#AFCON2021

⚽️ ኢትዮጵያ 🇪🇹 ከ 🇨🇻 ኬፕቨርዴ
🗓 ዛሬ ጥር 01 / 2014 ዓ/ም
⌚️ ማታ 4:00 (10:00pm)
🏟️ ኦለምቤ ስታድየም
📍 ካሜሩን - ያዉንዴ
🖥 ሱፐር ስፖርት / ስካይ ስፖርት እና ኢቲቪ መዝናኛ

ድል ለሀገራችን ኢትዮጵያ !

#HanaG.

More : @tikvahethsport

#ተጨማሪ

ከእስር ስለተፈቱት ግለሰቦች ጠቅላይ ሚኒስትሩ ምን ተናገሩ ?

ዶ/ር ዐቢይ አህመድ ፦

" ... ክስ የተቋረጠላችሁ ወገኖች ስላሸነፍን መበቀል እየቻልን ይቅር ማለትን ስለመረጥን ክስ አቋርጠን እናተን ሳይሆን ከእናተ ጀርባ ያለውን ህዝብ አክብረን የወሰን መሆናችንን አውቃችሁ ይህን እድል ሳታበላሹ እንድትጠቀሙበት ላሳስባችሁ እፈልጋለሁ።

ክስ ማቋረጥ ማለት ምህርተ መስጠት ማለት አይደለም። ክስ የተቋረጠለት ሰው በአግባቡ መጠቀም ካልቻለ መልሶ የክስ መዝገቡን መምዘዝ የሚቻል ስለሆነ።

በዚህ ጉዳይ ያዘኑ፣ የተቆጡ፣ የኢትዮጵያ ቁርጥ ቀን ልጆች እንዲገነዘቡ የምፈልገው የወሰድነው መድሃኒት ማስታገሻ አይደለም የወሰድነው መድሃኒት ፈዋሽ በመሆኑ የጎንዮሽ ጉዳት አለው ፤ ይጎረብጣል ያማል ! ለማዳን ብቻ ሳይሆን በጎንም የመጎርበጥ ባህሪ አለው።

ለጊዜው የሚያስታግስ ሳይሆን ለልጆቻችንም የድልና የአሸናፊነት መንፈስ የሚያላብስ ስለሆነ እንደኛ ደጋግማችሁ ስታስቡት ጠቀሜታው ጎልቶ ይታያችኃል እናም ደግማችሁ ለማሰብ ልባችሁና አእምሯችሁ እንዲከፈት ዋናው አላማ የምትወዷትን ሀገር ኢትዮጵያን አንድ አድርገን ለማፅናት ካለን ፍላጎት አንፃር ብቻ የመነጨ መሆኑን እንድትገነዘቡ ቢያንስ ቢያንስ ጉቦ በልተን እንዳለቀቅናቸው እንድታስቡ ላሳስባችሁ እፈልጋለሁ። "

@tikvahethiopia

#TPLF

ጠቅላይ ሚኒስትሩ TPLFን በተመለከተ ምንድነው ያሉት ?

ዶክተር ዐቢይ አህመድ ፦

" ... አሁን ወደ ትግራይ ክልል ዘልቀን የማንገባበት በርካታ ምክንያቶች ያሉን ቢሆንም አንገባም ብለን ከቆምን በኃላ ነገሩን በተለየ መንገድ ለማየት ጥረት እያደረግን ባለንበት በዚህ ወቅት አሁንም TPLF አላረፈም። አሁንም TPLF በግራ በቀኝ ሊነካካን ይፈልጋል። 

ለ7ኛው ስህተት የሚጓዘው TPLF በፍፁም ድል ማግኘት የማይችል እንኳን ቢሆን በወጣቶች የትግራይ ልጆች ላይ በህይወት የመቀጠፍ የመቁሰል አደጋ የሚያስከትል ስለሆነ 7ኛው ስህተቱ መስመር ስቶ ሳይሄድ መማር የሚችልበት እድል መፍጠር የራሱ (TPLF) ቢሆንም እንኳ እንደባላንጣ አትንኩን ፤ እረፉ ለማለት እወዳለሁ።

የነካካችሁን እንደሆነ በተለመደው መንገድ የከፋ ቅጣት ይደርስባችኃልና።

ትላንትና እንኳን ክስ አቋርጠን እስረኞች ይውጡ ስንል የTPLF ጀሌዎች ከፊሉ የአማራ አካውንት ከፊሉ የኦሮሞ አካውንት አስመስሎ በመክፈት እኛን ለማባላት ሳይተኙ አድረዋል። አማራ መስለው ፣ኦሮሞ መስለው ብዙ ጥረት አድርገዋል። "

ያንብቡ : https://telegra.ph/Dr-Abiy-Ahmed-01-09

#Kenya

የኬንያ ፖሊስ አገሪቱ ውስጥ በሕገወጥ መንገድ ተገኝተዋል ያላቸውን ከ90 በላይ ኢትዮጵያውያንን በቁጥጥር ስር ማዋሉን ገለጸ።

ፖሊስ ከጎረቤት አገራት በሕገ-ወጥ መንገድ የገቡ ስደተኞች ለመቆጣጠር እሁድ ምሽት አካሄድኩ ባለው አሰሳ 91 ኢትዮጵያውያን ከናይሮቢ ወጣ ብሎ በሚገኝ አንድ ቤት ውስጥ መያዙን ገልጿል።

የአገሪቱ ፖሊስ የወንጀል ምርመራ ክፍል እንዳለው ሁሉም ስደተኞች ወንዶች ሲሆኑ እድሜያቸው ከ25 ዓመት በታች ነው። ጨምሮም እንዲቆዩ ከተደረጉበት ቤት ሰብረው ለመውጣት ሙከራ አድርገው እንደነበረም አመልክቷል።

በሕገ-ወጥ የሰዎች አዘዋዋሪዎች አማካይነት በጭነት መኪና ወደ ኬንያ መግባታቸውን ያመለከተው ፖሊስ፤ በተያዙበት ቤት ውስጥ በጊዜያዊነት ቆይተው ወደ ሌላ አገር ሊሸጋገሩ እንደነበር ተገልጿል።

ስደተኞቹን የሚያጓጉዙት ሕገ-ወጥ የሰዎች አዘዋዋሪዎች በፖሊስ ቁጥጥር ስር የገቡትን ከ90 በላይ ኢትዮጵያውንን በአንድ ቤት ያቆይዋቸው ቀጣይ ጉዟቸውን አስኪያመቻቹ ድረስ እንደሆነ ፖሊስ ተናግሯል።

አሁን በሕገወጥ መንገድ ወደ ኬንያ ገብተው የተያዙት ስደተኞች በቁጥር ከፍተኛ ተብሎ ከሚጠቀሱት መካከል ሲሆን ኢትዮጵያውያኑን ያመጧቸው የሰዎች አዘዋዋሪዎችን ለመያዝ ክትትል እያደረገ ይገኛል።

ባለፈው ጥቅምት ወር ላይ በሕገ-ወጥ መንግድ ወደ ኬንያ ገብተው ተገኝተዋል ያላቸውን 4 አዋቂዎችና 10 ልጆችን በአጠቃላይ 14 ኢትዮጵያውያንን ፖሊስ በቁጥጥር ማዋሉን አስታውቋል።

ስደተኞቹ ሊያዙ የቻሉት ማዕከላዊ ኬንያ ውስጥ የተከሰተን አደጋ ተከትሎ ሲሆን በተደረገ ፍተሻ ኬንያ ውስጥ ለመገኘት የሚያስችል ሕጋዊ ሰነድ እንደሌላቸው በመታወቁ ነበር።

14ቱን ኢትዮጵያውያን ከቦታ ቦታ ሲያጓጉዙ ነበር የተባሉ 2 ኬንያውያንም በፖሊስ ቁጥጥር ስር መዋላቸው ተነግሯል።

#ቢቢሲ

@tikvahethiopia

#GoodayOn Mobile App

የፈለጉትን ባለሙያ ካሉበት ሆነው አማርጠው የሚያገኙበት መተግበሪያ!

አስጠኚ ፣ ሹፌር ፣ ቧንቧ ሰራተኛ ፣ ኤሌክትሪሺያን ፣ ዲሽ ጥገና ፣ መካኒክ ፣ የግንባታ ፊኒሺንግ ፣ ሽያጭ ፣ የሂሳብ ባለሞያ እና ...ሌሎችም

ከGoodayOn መተግበሪያ በተጨማሪ ፤ ወደ 9675 ጥሪ ማእከል በመደወል አገልግሎታችንን ማግኘት ይችላሉ።

GoodayOn መተግበሪያን ለማውረድ ፤ https://cutt.ly/JWR6vZb
ቴሌግራም ቻናል ፤ @goodayOn #ጉዳይ 9675

በሱዳን 2 ሰዎች ተገደሉ።

ጎረቤት ሀገር #ሱዳን በተቃውሞ መናጧን የቀጠለች ሲሆን ትላንት እሁድ በተደረገ የተቃውሞ ሰልፍ የ2 ሰዎች ህይወት ማለፉን ለማወቅ ተችሏል።

በኦምዱርማን እንዲሁም በካርቱም በሀገሪቱ የተደረገውን መፈንቅለ መንግስት በመቃወም ሰልፍ አካሂደዋል።

የሱዳን የዶክተሮች ማዕከላዊ ኮሚቴ በትላትናው ሰልፍ የሁለት ሰዎች ማለፉን ሪፖርት ያደረገ ሲሆን አንደኛው ሟች ትላንት አንዱ ደግሞ ዛሬ ነው የተገለፀው።

ተቃውሞ ከተነሳ ጀምሮ እስካሁን ድረስ የተገደሉ ሰዎች 63 ደርሷል።

@tikvahethiopia

#Update

በቅርቡ ከእስር የተፈቱት የባልደራስ ለእውነተኛ ዲሞክራሲ ፓርቲ ፕሬዚደንት አቶ እስክንድር ነጋ ዛሬ ጥር 2 ቀን 2014 ዓ/ም መደበኛ ሥራቸውን እንደጀመሩ በተረጋገጠ የትዊተር ገፃቸው ላይ አሳውቀዋል።

ባለፈው ቅዳሜ ታህሳስ 30 ቀን 2014 ዓ.ም በባልደራስ ፓርቲ ዋና ጽ/ቤት ከእስር ለተፈቱት ከፍተኛ አመራሮች፤ በአባላት አቀባበል እንደተደረገላቸው ይታወሳል።

@tikvahethiopia

#ETHIOPIA😷

የ24 ሰዓት የኮቪድ-19 ሪፖርት ፦

• የተደረገ የላብራቶሪ ምርመራ 👉 7,154
• ቫይረሱ የተገኘባቸው 👉 2,144
• ህይወታቸው ያለፈ 👉 12
• ከበሽታው ያገገሙ 👉 1,074

በሀገራችን ኢትዮጵያ ዛሬን ጨምሮ ትላንትና ከትላንት በስቲያ በአጠቃላይ 4,081 ሰዎች በቫይረሱ መያዛቸው ሲረጋገጥ 30 ሰዎች ህይወታቸው አልፏል።

@tikvahethiopia

#WANTED #ተፈላጊ

በምስራቅ ጎጃም ዞን በ ' ሁለት እጁ እነሴ ወረዳ ' በቀራንዮ ንዑስ ከተማ ታህሳስ 18 ቀን 2014 ዓ.ም ከቀኑ 10፡00 አካባቢ የፍቅር ጥያቄ አቅርቦ አለመግባባት በመፈጠሩ ምክንያት ተጠርጣሪው አቶ ይኸነው ፈንታ ይሁኔ የተባለ ግለሰብ የፍቅር ጥያቄ ባቀረበላት ወጣት ፊት እና ሌሎች የሰውነት ክፍሏ ላይ አሲድ በመድፋት ከፍተኛ አካላዊ ጉዳት በማድረስ ከአካባቢው ተሰውሯል፡፡

የወረዳው ፖሊስም ወንጀሉ ከተፈፀመበት ሰዓት ጀምሮ ተጠረጣሪ ወንጀለኛውን ለመያዝ ክትትል እያደረገ የሚገኝ ቢሆንም አሁንም በቁጥጥር ሥር አልዋለም።

ስለሆነም ተጠረጣሪ ግልሰቡ ያለበትን አካባቢ ለፖሊስ ትብብርና ጥቆማ በመስጠት በህግ ቁጥጥር ሥር እንዲውል ህዝቡ እገዛ እንዲያደርግ ጥብቅ ማሳሰቢያ ተላልፏል።

ስልክ ቁጥር ፡ 058 661 02 01

" ወንጀል ሠርቶ ከተጠያቂነት ማምለጥ አይቻልም "

( በምስራቅ ጎጃም ዞን የሁለት እጁ እነሴ ወረዳ ፖሊሲ ጽህፈት ቤት )

#ሼር #Share

@tikvahethiopia