የፀጥታ ኃይሎች ዝግጅት ...

የዓመታዊዉ የቅዱስ ገብርኤል ክብረ በዓል በምሥራቅ ሐረርጌ ሀገረ ስብከት በቁልቢ ደብረ ኃይል ቅ/ገብርኤል ገዳም በሰላም እንዲከበር የጸጥታ ኃይሉ ቅድመ ዝግጅቱን ማጠናቀቁን አሳውቋል።

የቁልቢ ቅዱስ ገብርኤል ክብረ በዓል ያለምንም የፀጥታ ችግር በሰላም ተከብሮ እንዲጠናቀቅ ፦
- ከሀገር መከላከያ ሰራዊት፤
- ከኢትዮጵያ ፌዴራል ፖሊስ፣
- ከኦሮሚያ ፖሊስ፣
- ከድሬዳዋ ፖሊስ
- ከሀረሪ ፖሊስ የተውጣጣ በዕዝ የሚመራ የፀጥታ የጋራ ግብረ ኃይል ከአካባቢው አስተዳደር አካለት ጋር ጥምረት በመፍጠር በቂ ዝግጅት ማድረጉ ተገልጿል።

የአካባቢው ህብረተሰብ ለእንግዶች ቅድሚያ በመስጠት የተለመደውን ትብብር እንዲያደርግላቸውና የተለየ ሁኔታም ሲያጋጥም በአካባቢው ለሚገኙ የጸጥታ ኃይሎች በፍጥነት ጥቆማ እንዲሰጥ እንዲሁም አስፈላጊውን ትብብር እንዲያደርግ ጥሪ ቀርቧል።

መረጃውን ከEOTC TV ነው ያገኘነው።

@tikvahethiopia

#UNSC

ከዚህ በፊት ስለኢትዮጵያ ጉዳይ ከአስር ጊዜ በላይ ስበስባ የተቀመጠው የተባበሩት መንግስታት ድርጅት የፀጥታው ምክር ቤት ዛሬ ሰኞ በኢትዮጵያ ጉዳይ ለመነጋገር ስብሰባ እንደሚቀመጥ ታውቋል።

ምክር ቤቱ ዛሬ በ “any other business” ስር በኢትዮጵያ ስላለው ሁኔታ የሚወያይ ሲሆን ስብሰባው እንዲካሄድ የጠየቁት ፦
🇪🇪 ኢስቶኒያ
🇫🇷 ፈረንሳይ
🇮🇪 አየርላንድ
🇳🇴 ኖርዌይ
🇬🇧 ዩናይትድ ኪንግደም
🇺🇸 አሜሪካ ናቸው።

የተመድ የሰብአዊ ጉዳዮች የአስቸኳይ ጊዜ ማስተባበሪያ ጽህፈት ቤት ኃላፊ ማርቲን ግሪፊትስ በኢትዮጵያ ያለውን የሰብአዊ እርዳታ ጉዳይን በተመለከተ ለፀጥታው ም/ ቤት አባላት አጭር ማብራሪያ ይሰጣሉ ተብሏል።

በትግራይ ክልል ውስጥ ጦርነት ከተቀሰቀሰ ጊዜ አንስቶ የተመድ ፀጥታው ምክር ቤት ስለኢትዮጵያ ጉዳይ ከአስር ጊዜ በላይ ስብሰባ የተቀመጠ ሲሆን የዛሬው ስብሰባ ባለፈው ሳምንት የተመድ የሰብአዊ መብቶች ም/ቤት ልዩ ስብሰባ አካሂዶ ከጦርነቱ ጋር በተያያዘ የተከሰቱ የመብት ጥሰቶችን የሚመረምር ዓለም አቀፍ የባለሙያዎች አካል እንዲቋቋም በድምጽ ብልጫ ከወሰነ በኋላ ነው።

https://www.securitycouncilreport.org/whatsinblue/2021/12/ethiopia-meeting-under-any-other-business.php

@tikvahethiopia

#Update

የጤና ባለሞያዎች የብቃት ምዘና ፈተና ፦

ከታህሳስ 21 እስከ ታህሳስ 27/2014 ዓ.ም የሚሰጠውን የጤና ባለሞያዎች የብቃት ምዘና ፈተና ለመውሰድ ፦
- ጅግጅጋ፣
- ነቀምት፣
- ዲላ፣
- ሰመራ እና ደሴ የመፈተኛ ከተሞች የመረጡ ተመዛኞች የመፈተኛ ከተማ ማስተካከያ መድረጉን ጤና ሚኒስቴር ዛሬ አሳውቋል።

ተመዛኞች ከዚህ በታች በተያያዘው ሊንክ ላይ የተመደቡበት የመፈተኛ ከተማ እና የፈተና ማዕከል መመልከት እንደሚችሉ ሚኒስቴሩ ገልጿል : https://www.moh.gov.et/site/HPCAL_Announcement

@tikvahethiopia

#Sudan

የሱዳን ዶክተሮች ኮሚቴ ትላንት እሁድ እለት በነበረው ተቃውሞ አንድ ሰው በጥይት ተመቶ መገደሉን አሳውቋል።

ትላንት በሱዳን መዲና ካርቱም በመቶ ሺዎች የሚቆጠሩ ሰዎችን ጨምሮ በተለያዩ ከተሞች ከፍተኛ የሆነ የተቃውሞ ሰልፍ ተደርጓል።

ሌ/ጄነራል አብዱል ፈታህ አል ቡርሐን የመሩት ጦር በጥቅምት ወር መፈንቅለ መንግስት ማድረጉን ተከትሎ የተነሳው ህዝባዊ ተቃውሞ ጠ/ሚኒስትሩ ወደ ስልጣናቸው ቢመለሱም ሊበርድ አልቻለም።

ለተቃውሞ አደባባይ የሚወጡ ሱዳናውያን ሙሉ በሙሉ የሲቪል አስተዳደር እንዲኖር እና አል ቡርሃንም ከሥልጣን እንዲወርዱ የሚጠይቁ መልዕክቶችን በተለያየ ጊዜ አሰምተዋል።

@tikvahethiopia

#France #Ethiopia

ፈረንሳይ ለኢትዮጵያ 2 ሚሊዮን ዶላር ተጨማሪ የገንዘብ ድጋፍ አድርጋለች።

ድጋፉ በሰሜናዊው የአገሪቱ ክፍል፣ በሦስቱ ክልሎች ሰብዓዊ እርዳታ ለሚያስፈልጋቸዉ ሰዎች ተጠቃሚ እንደሚያደርጋቸው በኢትዮጵያ የፈረንሳይ ኤምባሲ አሳውቋን።

@tikvahethiopia

የኢትዮጵያ የውጭ እዳ በ2 በመቶ ቀነሰ።

በመጀመሪያው ሩብ ከውጭ የተለቀቀ አዲስ ብድር ከ5 አመት ወዲህ ዝቅተኛው ነው ተብሏል።

መንግስት በ2014 በጀት አመት መጀመሪያ ሩብ ለተወሰደ ብድር ከፍተኛ ክፍያ መፈፀም ችሏል።

የገንዘብ ሚኒስቴር የእዳ አስተዳደር ዳይሬክቶሬት ይፋ ያደረገው የ2014 የመጀመሪያ ሩብ አመት የአገሪቱ የእዳ ሁኔታ መግለጫ እንዳነሳው በተጠቀሰው ጊዜ የአገሪቱ የውጭ እዳ በሁለት በመቶ ቅናሽ አሳይቶ 29.05 ቢሊየን ዶላር ላይ ተቀምጧል፡፡

የውጭ እዳ መጠን ባለፈው በጀት አመት መጠናቀቂያ ላይ ከነበረው 29.52 ቢሊየን ዶላር በመስከረም ማብቂያ የ466.9 ሚሊየን ዶላር ቅናሽ ያሳየ ነው፡፡

ለዚህም አገሪቱ ለተወሰደ ብድር የከፈለች የገንዘብ መጠን ከተለቀቀ አዲስ ብድር በከፍተኛ ሁኔታ መብለጡ እንደ ምክንያት ተጠቅሷል፡፡

በ2014 የመጀመሪያዎቹ 3 ወራት ኢትዮጵያ 607.51 ሚሊየን ዶላር ለተወሰደ ብድር በክፍያ መልክ ያወጣች ሲሆን ከዚህም ውስጥ 155.38 ሚሊየን ዶላሩ ለወለድ የቀረው 452.12 ሚሊየን ዶላር ደግሞ ለዋና እዳ የተከፈለ ነው፡፡

በአንፃሩ ወደ አገሪቱ የገባ አዲስ ብድር በአብዛኛው ከአለም ባንክ የመጣ ሲሆን መጠኑም 137.74 ሚሊየን ዶላር ብቻ ነው፡፡ ይህ መጠን ካለፈው አምስት አመት ወዲህ ከተለቀቁ የብድር መጠኖች እጅግ አነስተኛ መሆኑን የዳይሬክቶሬቱ ሰነድ ያብራራል፡፡

አዲስ የተለቀቀው የብድር መጠን አገሪቱ በተጠቀሰው ጊዜ ከከፈለችው አንፃር የ470 ሚሊየን ዶላር ልዩነት አለው ወይም ኔጌቲቭ ነው፡፡

የውጭ እዳ መጠን በመስከረም መጨረሻ ከጠቅላላ የስራ ውጤት (GDP) አንጻር 26.6 በመቶ ሲሆን ከጠቅላላው የመንግስት እዳ የ 51.3 በመቶን ድርሻ ይይዛል፡፡

በተጠቀሰው ጊዜ አጠቃላይ የመንግስት እዳ 56.65 ቢሊየን ዶላር ሲሆን ከጠቅላላ የስራ ውጤት (GDP) ድርሻው 52 በመቶ ነው፡፡ ከዚህ ውስጥ የአገር ውስጥ የእዳ መጠን 27.6 ቢሊየን ዶላር አካባቢ ነው፡፡

ምንጭ፦ ካፒታል ጋዜጣ

@tikvahethiopia

#ETHIOPIA

👩‍⚕️👨‍⚕️የጤና አገልግሎት ሰራተኞች
🏥 የጤና አገልግሎት ተቋማት እና
🚑 የህክምና መጓጓዣዎች በሁሉም ሁኔታ ውስጥ መከበር አለባቸው።

አምቡላንሶችን 🚑 አያዘግዩ። የጦር መሳሪያዎችን በጤና አገልግሎት ተቋማት ውስጥ ይዘው አይግቡ። የጤና አገልግሎት ተቋማት መጠቃት / መዘረፍ የለባቸውም። የጤና አገልግሎት ሰራተኞች በፍፁም ጥቃት ሊደርስባቸው አይገባም።

#ያስተውሉ 👉 የጤና አገልግሎት ሰራተኞች ለየትኛውም አካል አይወግኑም። ስራቸው ህይወት ይታደጋል ፤ ስራቸውን ያከናውኑ !

#ICRC

@tikvahethiopia

ዕለታዊ የኮቪድ-19 ሪፖርት #Ethiopia ፦

ባለፉት 24 ሰዓት ውስጥ 6 ሰዎች ሲሞቱ ከተደረገው 6,145 የላብራቶሪ ምርመራ 681 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 138 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#EthiopiaNationalDialogue

በቱርክ-አፍሪካ አጋርነት የመሪዎች ጉባኤ ላይ የተሳተፉት የኢትዮጵያ ውጭ ጉዳይ ሚኒስትር ዴኤታ አምባሳደር ሬድዋን ሁሴን ከቱርክ መንግስት የዜና ወኪል አናዶሉ ጋር ቃለ ምልልስ አድርገዋል።

አምባሳደር ሬድዋን በቃለምልልሳቸው ወቅት ኢትዮጵያ ልታካሂደው ባቀደችው ውይይት ሰፊ የፖለቲካ ምህዳር እንዲኖር እየተንቀሳቀሰች ነው ብለዋል።

የሀገሪቱን ውስጣዊ የፖለቲካ ችግሮች በዘላቂነት እንዲፈታ ለማስቻል አወዛጋቢ ህገ መንግሥታዊ ጉዳዮችን ጭምሮ ሁሉም አጀንዳዎች ለብሄራዊ ውይይት እንደሚያቀርብ ተናግረዋል።

አምባሳደር ሬድዋን ፥ ብሄራዊ ውይይቱ ህገ መንግሥቱን እስከማሻሻል እና ህዝበ ውሳኔን (ሪፈረንደም) እስከመፍቀድ ድረስ ሊዘልቅ እንደሚችል ተናግረዋል ሲል አናዱል አስነብቧል።

በብሄራዊ ውይይቱ ውስጥ የTPLFን ተሳትፎ በተመለከተ ፣ አሁን ላይ ቁርጥ ያለ ነገር ለመናገር ከባድ መሆኑን እና TPLF ብቸኛው የትግራይ ሕዝብ ተወካይ አለመሆኑን ተናግረዋል።

አምባሳደር ሬድዋን ህወሓት የመንግስትን የሰላም እና እርቅ ጥረቶች ውድቅ እንዳደረጋቸው አስታውሰዋል።

ቡድኑ ትጥቁን ከፈታ እና ተፈላጊ ወንጀለኞችን ለመንግሥት አሳልፎ ከሰጠ በብሄራዊ ውይይቱ ላይ የመሳተፍ ዕድሉ ሊኖረው ይችላል ሲሉ ተናግረዋል።

https://www.aa.com.tr/en/africa/-ethiopia-vows-to-table-all-agendas-including-referendum-in-national-dialogue/2452338

@tikvahethiopia

#MarakiEngraving

🎄ዘመን ተሻጋሪ ጊዜ ማይሽረው ልዩ ስጦታ🎄
🎁ከእንጨት የተሠራ Postcard
☎️0953144144 / 0915089555
📌አድራሻ- መገናኛ ገነት ኮሜርሻል 4ኛ ፎቅ 412
👇join our channel
https://t.iss.one/maraki_engraving