ፎቶ : ዛሬ ሴንተር ፎር አድቫንስመንት ኦፍ ራይትስ ኤንድ ዴሞክራሲ (ካርድ) “የሰብአዊ መብት ተሟጋቾች አዲስ ትውልድ’’ በሚል ያሰለጠናቸውን ተማሪዎች አስመርቋል።

በምርቃት ስነስርዓቱ ላይ የኢትዮጵያ ሰብዓዊ መብቶች ኮሚሽን ኮሚሽነር ዶ/ር ዳንኤል በቀለ ፣ የኢትዮጵያ ብሔራዊ ምርጫ ሰብሳቢ ወ/ሪት ብርቱኳን ሚዴቅሳ እንዲሁም የህግ አማካሪ እና ጠበቃ አመሃ መኮንን ተገኝተው ለተመራቂዎቹ መልዕክት አስተላልፈዋል።

@tikvahethiopia

የ2014 ዓ/ም የትምህርት ዘመን የብሄራዊ ህክምና ስፔሻሊቲ መግቢያ ፈተና ነገ ይሰጣል።

ነገ ሰኞ ታህሳስ 4/2014 ዓ/ም የህክምና ስፔሻሊቲ መግቢያ ፈተና የሚሰጥ ሲሆን ፈተናው በአማራ ክልልም የሚሰጥ ይሆናል።

የአማራ ክልል ጤና ቢሮ ለኢፌዴሪ ጤና ሚኒስቴር ፅፎ በነበረው ደብዳቤ አሸባሪው ህወሓት ወረራ በፈፀመት ወቅት በሰው ህይወት እና በንብረት ላይ ከፍተኛ ጉዳት በመድረሱ ፈተናውን ለመፈተን ተመዝግበው በመጠባበቅ ላይ የሚገኙ ጠቅላላ ሀኪሞች ላይ ጫና በመፈጠሩ መግቢያ ፈተናው ለመፈተን ስለሚቸገሩ እንዲራዘም ወይም ሌላ የተለየ አማራጭ እንዲፈለግላቸው ጠይቆ ነበር።

ጤና ሚኒስቴር በደብዳቤ በሰጠው ምላሽ የመግቢያ ፈተናው ቅድመ ዝግጅት ስራዎች ተጠናቀው የፈተና አስተባባሪዎች በአስራ ስምንቱ የመፈተኛ ጣቢያዎች ተሰማርተው ፈተናውን ለመስጠት በመጠባበቅ ላይ መሆናቸውን በመገለፅ ፈተናውን ለማራዘም እንደሚቸገር አሳውቋል።

በዚህም የነገው ፈተና በተያዘለት የጊዜ ሰሌዳ በአማራ ክልል ጨምሮ የሚሰጥ ይሆናል።

ጉዳት ለደረሰባቸው ወገኖች እና ለፀጥታ ኃይል አባላት በክልሉ ውስጥ የህክምና አገልግሎት በመስጠት ምክንያት በወጣው መርሃግብር የመግቢያ ፈተናውን መፈተን የማይችሉ ሀኪሞች ካሉ ጤና ሚኒስቴር በሚደርሰው ማረጋገጫ አማካኝነት ሌላ ፈተና አዘጋጅቶ እንደሚያስፈትን አሳውቋል።

@tikvahethiopia

የአሜሪካ መግለጫ ...

ትላንት ለሊት ላይ የአሜሪካ የውጭ ጉዳይ መሥሪያ ቤት ስለ ኢትዮጵያ ጉዳይ በቃል አቀባይ ኔድ ፕራይስ አማካኝነት አንድ መግለጫ አውጥቶ ነበር።

ይኸው መግለጫ በአማራ እና አፋር ክልሎች በትግራይ ኃይሎች ተፈጽመዋል የተባሉ " ያልተረጋገጡ " የሰብዓዊ መብት ጥሰቶች እና የንብረት ውድመቶች እጅግ አሳሳቢ መሆናቸውን የሚገልፅ ነው።

አሜሪካ በአማራ እና አፋር ክልሎች በትግራይ ኃይሎች ተፈጽመዋል የተባሉ የሰብዓዊ መብት ጥሰቶችን፣ አስደንጋጭ የጭካኔ ድርጊቶችንና በሕዝብ መሠረተ ልማቶች ላይ የተፈጸሙ ውድመቶችን በተመለከተ እየወጡ ያሉ " ያልተረጋገጡ " ሪፖርቶች ያሳስበኛል ብላለች።

በግጭቱ ተሳታፊ የሆኑ አካላት በሙሉ በንጹሃን ዜጎች ላይ የኃይል እርምጃዎችን ከመወሰድ መቆጠብ አለባቸውም ይላል መግለጫው።

ቃል አቀባዩ ፕራይስ ፥ " የሚመለከታቸው ባለሥልጣናት እነዚህን ሪፖርቶችን በመመርመር ትክክለኛነታቸውን እንዲያጣሩ እና ጥፋተኛ የሆኑትን ተጠያቂ ለማድረግ ሁሉን አካታች እና ግልጽ ሥርዓት እንዲከተሉ እንጠይቃለን" ብለዋል።

አሜሪካ ፥ ይህ ጦርነት እንዲቋጭ የመጀመሪያው፣ የመጨረሻው እና ብቸኛው አማራጭ የዲሎማሲያዊ መንገድ ብቻ ነው ለዚህ ደግሞ በድጋሚ ድጋፋችንን እንገልፃለን ብላለች።

ከዚህ በተጨማሪ የሰብዓዊ መብቶች ረገጣ እንዲያበቃ ፣ ያለምንም ቅድመ ሁኔታ ድርድር እንዲጀመር፣ ያልተገደበ የሰብዓዊ ድጋፍ አቅርቦት እንዲኖር እና ሁሉን አቀፍ ብሔራዊ ውይይት እንዲጀመር ጥሪ አቅርባለች።

* መግለጫው ከላይ ተያይዟል።

@tikvahethiopia

#AmharaRegion

እስካሁን ከህወሓት ነፃ ስለሆኑ አካባቢዎች በኢትዮጵያ ፌዴራሉ መንግስት ፣ በአማራ ክልል መንግስት እና በየአካባቢው አስተዳደሮች እንዲሁም በተቋማት ደረጃ ሪፖርት የተደረጉ፦

- በተለያዩ አካባቢዎች የጅምላ ግድያዎች ተፈፅመዋል ለአብነት ሰሜን ሸዋ አንፆቂያ ፣ ጋሸና፣ ኮምቦልቻ፣ ውጫሌ አካባቢዎች በዋናነት ይጠቀሳሉ።

- ከፍተኛ የሆነ ሲቪሎች ላይ ያነጣጠረ የንብረት ዘረፋ ተፈፅሟል። ለአብነት ሆቴሎች ፣ የንግድ ቦታዎች በዋነኝነት ይጠቀሳሉ።

- የላሊበላ ኤርፖርት ከፍተኛ ጉዳት ደርሶበታል።

- የደሴ ሆስፒታልን ጨምሮ ሌሎች በርካታ የጤና ተቋማት ተዘርፈዋል፤ ወድመትም ደርሶባቸዋል። ለአብነት ዋድላ የመጀመሪያ ደረጃ ሆስፒታል ከ42 ሚሊዮን ብር በላይ ውድመት ደርሶበታል። ሌላ በደ/ወሎ ብቻ 103 ጤና ጣቢያዎች እና 9 ሆስፒታሎች ዝርፊያ እና ውድመት ደርሶባቸዋል።

- ከ4 ሺህ በላይ ትምህርት ቤቶች ሙሉ በሙሉ እና በከፊል ወድመዋል፤ የወደሙ ትምህርት ተቋማትን መልሶ ለማቋቋም 11 ቢሊዮን ብር እንደሚጠይቅ ተገልጿል።

- የኮምቦልቻ ደረቅ ወደብ ዘረፋ እንዲሁም ውድመት ደርሶበታል። ለአብነት ከ251 በላይ የደንበኛ ንብረት የያዙ ኮንቴነሮች ተዘርፈዋል።

- የሚዲያ ተቋማት የጥቃት ሰለባ ከሆኑት መካከል ናቸው ለአብነት የአማራ ኤፍ ኤም ደሴ 87.9 ውድመት ደርሶበታል።

- በርካታ የመንግስት የሆኑ ተቋማት ፣ ተሽከርካሪዎች ፣ የተከማቹ የህብረተሰቡ መረጃዎች ላይ ውድመት ደርሷል። በተጨማሪ ባንኮች ጉዳት ደርሶባቸዋል፤ ለአብነት ዳሸን፣ አቢሲኒያ፣ የኢትዮጵያ ንግድ ባንክ ፣ አማራ ብድርና ቁጠባ ውድመት ከደረሰባቸው መካከል ይጠቀሳሉ።

NB : ከላይ የቀረቡት ሪፖርት ከተደረጉት ጥቂቶቹ ብቻ ናቸው።

@tikvahethiopia

#ATTENTION

" ዝናብ ሊዘንብ ባለመቻሉ ድርቁ ለ4 ወራት ሊራዘም ይችላል " - አቶ ቦሩ ጃርሶ

ቦረና ዞን ውስጥ የተከሰተው ድርቅ ለ4 ወራት ሊራዘም ስለሚችል ለእንስሳት ሀብቱ የማይቋረጥ ድጋፍና ክትትል እንደሚያስፈልግ ተገልጿል።

በዞኑ እስካሁን ድረስ ዝናብ እንዳልዘነበ ተነግሯል።

የቦረና ዞን አስተዳዳሪ አቶ ቦሩ ጃርሶ የድርቁን ወቅታዊ ሁኔታ አስመልክተው ለኢፕድ በሰጡት ቃል ፥ በዞኑ የተከሰተው ድርቅ እስካሁን ድረስ በአካባቢው ዝናብ ሊዘንብ ባለመቻሉ ድርቁ ለአራት ወራት ሊራዘም ይችላል ብለዋል።

መንግሥትና ዕርዳታ ሰጪ ድርጅቶች እያደረጉት ባለው ድጋፍ የሰው ሕይወት ማዳን ቢቻልም ድርቁ በተለይ የእንስሳት መኖና ውሃ እጥረት በማስከተሉ በእንስሳት ላይ አደጋ ጋርጧል ሲሉ ተናግረዋል።

ድርቁ በዞኑ ከተከሰተበት ቀን ጀምሮ እስካሁን ድረስ 84 ሺ እንስሳት መሞታቸውን፣ 100 ሺ የሚሆኑ እንስሳት በአሳሳቢ ደረጃ እንደሚገኙ አሳውቀዋል።

በቦረና ዞን ውስጥ የሚገኙት የእንስሳት ዝርያዎች የአገር ሀብት እንደመሆናቸው መጠን የክልሉ እና የፌዴራል መንግሥታት አሁንም ትልቅ ትኩረት ሊሰጡት እንደሚገባ አስገንዝበዋል።

አቶ ቦሩ ጃርሶ ማኅበረሰቡ በአካባቢው ያለውን የዝናብ ሁኔታ ግምት ውስጥ በማስገባት ዝናብ ሳይዘንብ ለ4 ወራት ሊቆይ እንደሚችል እየተናገሩ መሆናቸውን ጠቁመው፤ የቦረና እንስሳት ዝርያ በድርቁ ምክንያት የከፋ ጉዳት እንዳይደርስባቸው በአንድ ማዕከል ተለይተው ድርቁን የሚሻገሩበት ሁኔታ የሚፈጠርበት ሁኔታ እንዲመቻች መጠየቃቸውን ኢፕድ ዘግቧል።

@tikvahethiopia

4 የፌዴራል ፖሊስ አባላት ላይ ክስ ተመሰረተ።

የአስቸኳይ ጊዜ አዋጁን ተገን በማድረግ ህገወጥ እስር በመፈፀምና በማስገደድ 260 ሺ ብር የተቀበሉ የፌዴራል ፖሊስ አባላት ላይ የሙስና ወንጀል ክስ ተመስርቷል፡፡

የዐቃቤ ሕግ ክስ እንደሚያስረደዳው ከሆነ በፌደራል ፖሊስ ኮሚሽን የአስተዳደር ልማት ዘርፍ በሹፌርነትና በጉዳይ አስፈጻሚነት የሥራ መደብ ላይ የሚሰሩት፦
1ኛ.ረ/ኢ/ር ፍቃዱ ዘዉዴ
2ኛ.ረ/ኢ/ር ይስሀቅ ዳካ
3ኛ.ረ/ኢ/ር ደሴ ደጆ ዳዊት ዳዲና በልዩ ወንጀል ተካፋይነት ግብረ አበር የሆነው ዳዊት ዳዲ ጥቅምት 23/2014 ዓ.ም በልደታ ክ/ከተማ ወረዳ 09 ዲያፍሪክ ሆቴል አካባቢ የግል ተበዳይ በባለቤትነት በሚያስተዳድረው የንግድ መደብር በመግባት 4ኛ ተከሳሽ የመረጃ መረብ ደህንነት አገልግሎት ባልደረባ በመምሰል ከ1ኛ እስከ 3ኛ ተከሳሾች የፌ/ፖሊስ አባልነታቸውን ሽፋን በማድረግ ምርመራ የማከናወንና ተጠርጣሪ የመያዝ የሥራ ድርሻ ሳይኖራቸውና ምንም አይነት ትዕዛዝ ሳይሰጣቸው የግል ተበዳይን በወቅታዊ ጉዳይ ትፈለጋለህ በማለት ለሥራ በተሰጣቸው መኪና ጭነውት ከወሰዱት በኋላ 1 ሚሊዮን ብር እንዲሰጣቸው ጠይቀው በኢዮጵያ ንግድ ባንክ ባልቻ አባ ነፍሶ ቅርንጫፍ 260 ሺ ብር ወደ 1ኛ ተከሳሽ የቁጠባ ሂሳብ እንዲያስገባ በማድረግ የተከፋፈሉ በመሆኑ በ1996 ዓ/ም የወጣዉን የወንጀል ህግ አንቀጽ 32/1/ሀ፣ 33ና የሙስና ወንጀሎችን ለመደንገግ የወጣዉን አዋጅ ቁጥር 881/07 አንቀፅ 9(2) ስር የተመለከተዉን በመተላለፍ በፈፀሙት ስልጣንን ያለአግባብ መገልገል የሙስና ክስ ቀርቦባቸዋል፡፡

ተከሳሾች ዛሬ በችሎት ቀርበው ክሱ የተነበበላቸው ሲሆን በክሱ ላይ መቃወሚያ ካላቸው እንዲያቀርቡ ለመጠባበቅ ለታህሳስ 7/2014 ዓ.ም ተለዋጭ ቀጠሮ ተይዟል፡፡

ምንጭ፦ፍትህ ሚኒስቴር

@tikvahethiopia

#Djibouti

በሶማሊ ክልል ፕሬዝዳንት አቶ ሙስጠፋ ሙሁመድ የተመራው የክልሉ ከፍተኛ የስራ ሀላፊዎች ልዑክ ጂቡቲ ይገኛል።

ልዑኩ ሄሪቴጅ ኢንስቲትዩት በተባለው አለም አቀፍ የጥናትና ምርምር ተቋም አማካኝነት በየአመቱ የሚያዘጋጀው መድረክ ላይ እየተሳተፈ ነው።

መድረኩ በዋናነት በምስራቅ አፍሪካ ወቅታዊ የሆኑ የፖለቲካ፣ የኢኮኖሚና በቀጠናው ውህደት ላይ ትኩረቱ ያደረገ ሲሆን የጅቡቲ ሪፐብሊክ ፕሬዝዳንት እስማኤል ኦማር ጌሌ ናቸው በንግግር የከፈቱት።

የጅቡቲ እና የሶማሊያ ሪፐብሊክ ባለስልጣናት እንዲሁም የኬንያ የቀድሞ ጁብሊ ፓርቲ መሪ ሌሎች ሙሁራን ተገኝተዋል።

የዘንድሮው መድረክ "በአፍሪካ ቀንድ ውስጥ ያሉ ችግሮች የመረጋጋት ተስፋን ይጎትታሉ?" በሚል ርዕስ ነው የተካሄደ ሲሆን ከተለያዩ የአፍሪካ ቀንድ ሀገራት የተውጣጡ እውቅ ምሁራን ፅሁፎች አቅርበው ውይይት ተደርጓል።

በመድረኩ በኢትዮጵያ ያለው ነባራዊ ሁኔታ በቀጠናው ያለው አንደምታ ተዳሷል።

የሶማሊ ክልል ፕሬዚዳንት አቶ ሙስጠፋ ሙሁመድ ፥ " ወራሪውና አሸባሪው ህወሓት በኢትዮጵያ የከፈተው ወረራ ቀጠናውን ለማተራመስ የተነሳ ስለሆነ የቀንዱ ሀገራት በጋራ ሊመክቱ ይገባል " ብለዋል።

አክለው ፥ " ጠ/ ሚ ዐቢይ አህመድ በማንኛውም ሀገር ላይ ጣልቃ ገብነት እንዳይኖርና አሸባሪው ህወሓት በምስራቅ አፍሪካ ያደርግ የነበረውን ጣልቃ ገብነትና የማተራመስ ስትራቴጂን ተከላክለው መልካም የሆነ ጉርብትና በሀገራት መካከል እንዲኖር አድርገዋል " ብለዋል

በተጨማሪ በመድረኩ ላይ አቶ ሙስጠፋ ሙሁመድና ልዑካቸው የኢትዮጵያ የውስጥ ጉዳይ የኢትዮጵያውያን ብቻ ነው በማለት የኢትዮጵያን ድምፅ አሰምተዋል።

@tikvahethiopia